初遇

Open Now

Now Closed

平日返沙田揾阿媽食lunch，係附近見到呢間台灣餐廳好多人幫襯，keep住有人排隊。下午茶餐都幾抵食，免費配一杯台式飲品，例如：台灣奶茶、古早冬瓜茶、黑糖薑母茶等等，或者可以加錢轉做起司奶蓋/清新果茶/手作奶茶。🍜台南擔仔米粉 $45湯底係滷肉醬味道，米粉吸收哂湯底味道，加埋滷肉一齊食，食得舒服又唔油膩。🍚黑麻油雞翅滷肉飯便當 $56滷肉飯份量都唔少，上面淋上大量滷肉，仲有肉鬆同溏心蛋，口感好豐富。黑麻油雞翅好入味，肉質嫩滑帶有黑麻油香氣！🍞慢烤雞腿蛋吐司 $42吐司烘到薄身香脆，夾住雞腿肉同雞蛋，雞腿肉嫩滑多汁，雞蛋係半流心狀態，配上蛋黃醬同沙律醬食好好味！🥣古早芋泥三色芋圓 $45三色芋圓有番薯味、香芋味同紫薯味，芋圓大大粒，口感Q彈煙靭。中間有球芋泥，外型好似雪糕球🤣，口感軟綿滑順，甜度適中。仙草切成麵條嘅形狀，入口滑溜溜，口感比塊狀仙草更加好！🍯熱黑糖薑母茶 結合濃厚嘅黑糖香同微辛嘅薑茶味，依架天氣轉涼好啱用，飲完成個人暖笠笠。🍯熱古早冬瓜茶帶有淡淡清甜冬瓜甜味，唔會好甜。🧋凍黑糖珍珠奶茶 +$12呢杯真係值得加錢！平時出面都要賣30幾蚊一杯，依度加$12就有出面嘅質素😍！茶底

今日又去到沙田做野放工時都係下午茶時間路過見到有間叫初遇，食台灣菜嘅餐廳餐廳外有menu, 見到有下午茶供應而且價錢都好親民合理🤟🏻就入去試吓啦✨花雕雞卷麻辣伴麵🐔🍗上菜時已經聞到花雕雞卷嘅花雕酒香🍶即刻試一舊有層薄薄雞皮，包住好嫩嘅雞肉🍗而且係冇肥膏，食落啖啖肉🐔🍗最啱我啲做gym 嘅人🖖🏻麻辣麵聞落有點辣味而且麵條有用辣椒油醃過🌶️每條麵條都有辣椒味🌶️🔥唔係就咁一堆辣椒醬撻落碗麵完全感受到餐廳嘅誠意但食落唔太辣，但依然有麻辣味道食完後咀唇都少少麻麻感覺如果唔食得辣但又想小試牛刀呢個絕對係不二之選👍🏻隻碗好深，而麵亦好大碗麵條一咬就斷唔係霉的🍜貢丸湯飲落唔鹹👍🏻仲有好香好清新嘅葱加紫菜味🌿☘️可以沖淡食完麻辣麵後口裡嘅辣味✨紅燒牛肉麵拼古早滷肉飯🐮🥩🔥滷肉飯啲肉係半肥瘦🤏🏻啲汁好香，係正宗嘅台灣滷肉味道滷肉入口即溶，滿滿油香喺個口度而且流心蛋蛋黃仲識郁🍳撈埋飯食就好夾而牛肉麵嘅牛肉好大舊🤟🏻半肉半筋嘅形狀佢煮到好淋，一咬就斷而且入口即溶口裡滿滿嘅牛肉加牛油香麵亦大碗，湯底好甜🍲而且麵條同飯都塞到隻碗滿滿的🍚🍚唔會食兩啖就食完份量直頭拍得上午餐🤟🏻✨台灣奶茶🧋🧊飲落有淡淡茶嘅甘苦加埋奶香，

之前不嬲都幫襯開 唔錯但係自從轉咗Menu 今日食咗鹽酥雞便當個鹽酥雞，又硬又黑 又多粉拎走咗個飯碗 整過啲雞 又唔補返啲飯幾時呀？唔知係咪心虛 叫極都唔理人總之難食 唔抵 冇下次……

今日中午去咗沙田嘅「初遇」食午餐，點咗個「照燒雞扒滷肉飯」，都幾有驚喜！雞扒煎得啱啱好，外皮微脆，肉質嫩滑，照燒汁甜得嚟唔會太鹹，滷肉亦都入味，撈飯一流。飯粒軟硬適中，整體份量夠飽肚，性價比高。另外，仲試咗佢哋嘅冷泡阿里山綠茶，樽裝茶清新解膩，茶味甘香，最正係唔使加錢！環境乾淨舒服，下次會再嚟試其他菜式！整體嚟講，食物質素幾，價錢合理，仲要冇加一，尤其係杯冷泡茶，飲唔晒可以拎走。佢仲有其他冷泡茶，下次再試下先！

同朋友去沙田行街，行到肚餓想食下午茶，見到呢間台灣菜有下午茶餐見幾抵就入去試吓😎🍗鹽酥雞滷肉飯紫菜貢丸 $52 （😸😸😸😸）鹽酥雞炸得金黃酥脆，滷肉飯嘅滷汁香濃，飯粒分明😆紫菜貢丸湯清甜得嚟唔會太淡，貢丸彈牙有咬口，仲有蜜糖味嘅台灣腸，甜甜哋好開胃😋整體份量適中，係下午茶嘅好選擇👍🍜 滷肉蜂巢牛肚新竹米粉 $42 （😸😸😸😸）牛肚煮得軟腍入味，滷肉香濃，酸菜同菜嘅搭配令味道更加層次分明，新竹米粉質地爽滑，湯底清甜😍 下午茶黎講份量算大☺️🍞慢烤雞腿蛋吐司 $42 （😸😸😸😸😺）雞腿肉烤得香嫩多汁，蛋黃醬同沙律醬嘅搭配令味道更加豐富😮吐司外脆內軟，咬落去好有口感😋跟set仲有多杯嘢飲，價錢更加抵👍🦆麻辣鴨血 $28 （😸😸😸😺）鴨血切得薄身，口感滑嫩，麻辣味夠香夠辣，食落暖笠笠，夠開胃😋🍗花雕藥膳雞翅（6件）$36 （😸😸😸😸）第一啖已經感受到濃郁嘅藥膳味，雞翅煮得入味，帶有淡淡嘅桂花香，冷盤黎講味道唔錯😋雞翅肉質嫩滑，藥膳味同桂花味嘅結合令味道更加獨特😎

今日同母親大人去嘆下午茶整體食物價錢相宜性價比高-Popcorn Chicken & Braised Pork Rice w/ Pork Meat Ball & Seaweed Soup & Taiwanese Sausage ($52)鹽酥雞滷肉飯 配：紫菜貢丸湯及台灣香腸 ($52)單睇賣相已經無得彈 鹽酥雞炸得好香脆可口啊滷肉又唔會太鹹 而且飯嘅軟硬度真係啱啱好呢仲配埋有我最愛嘅溏心蛋 食落口感特別豐富啊套餐包埋餐湯小食同埋飲品 整體嘅性價比好高-Slow Grilled Chicken Steak & Egg Toast ($42)慢烤雞腿蛋吐司 ($42)賣相好吸引 吐司分開咗一半方便食用 值得讚呀有雞肉同流心蛋 食落口感一流 如果熱啲就更好-Egg Pancake Roll w/ Pork Floss & Pickled Mustard Tuber ($45)古早肉鬆榨菜捲餅 ($45)呢款有四件捲餅 餅皮薄脆仲有好香嘅蛋味配埋滿滿嘅榨菜同肉鬆 估唔到食落係咁夾

今日又去到沙田做野路過見到有間叫初遇，食台灣菜嘅餐廳餐廳外有menu, 又有下午茶供應價錢又好親民🤟🏻就入去試吓啦✨花雕雞卷麻辣伴麵🐔🍗花雕雞卷伴隨住濃濃嘅花雕酒香🍶食落有層薄薄雞皮，包住好嫩嘅雞肉🍗冇咩肥膏，啖啖肉🐔🍗麻辣麵有點淡淡嘅辣味飄出麵條有用辣椒油醃過🌶️唔係就咁一堆辣椒醬撻落碗麵食落唔太辣，食完後咀唇都少少麻麻感覺隻碗好深，而麵亦好大碗麵上仲有辣椒同埋白菜伴碟🥬🌶️貢丸湯飲落唔鹹👍🏻仲有好香好清新嘅葱加紫菜味🌿☘️可以沖淡食完麻辣麵後口裡嘅辣味✨古早肉鬆榨菜蛋餅🥞有兩大件✌🏻蛋餅煎到好脆好香口🔥🍳蛋餅包住肉鬆同埋榨菜嘅🤟🏻食落嘗到肉鬆嘅甜同埋榨菜嘅鹹仲有軟軟蛋餅包住脆口榨菜嘅感覺足料又口感滿足🥳✨台灣奶茶🧋🧊飲落有住淡淡茶嘅苦加埋奶香，中和咗奶茶嘅苦味係正宗台灣奶茶嘅味道而且仲好大杯飲完一肚水✨黑糠薑母茶🍵茶內真係有薑條在內成杯茶飲到薑嘅辣同埋黑糖嘅甜好足料又好夾餐廳環境整潔企理通風亦好充足💨💨侍應態度亦親切有禮下午茶價錢而言真係幾親民👍🏻而且份量又幾大份🤟🏻唔似係下午茶份量性價比甚高🤟🏻會繼續幫襯🥳

住沙田嘅都知道沙田市中心想搵個平靚正嘅餐廳食下野都唔係咁容易，呢間係沙田好運中心嘅台式餐廳「初遇」係數一數二我覺得平靚正，早午晚茶餐都係平民茶餐廳嘅價錢，仲要唔使加一。最鐘意就係佢啲麵，食得出係手工麵，絕對唔會輸俾曰本啲拉麵。今次食下午茶套餐，$52已經有一碗紅燒牛肉麵+一碗古早滷肉飯，仲包埋杯嘢飲，即叫唔使諗。下午茶嘅紅燒牛肉麵一啲都唔細，一樣有大大塊又厚嘅牛腩，超值！另外我要讚一讚佢嘅辣椒醬，加少少落去又完全變左另一款湯麵咁，好食！另一碗「古早滷肉飯」都好正宗，完全係台灣食果種味道，配半只靚靚溫泉蛋，啲肉燥唔肥又多，食到好滿足。另外仲試左另一款茶餐「古早肉鬆炸菜蛋餅」。樣子雖然普通，但食落好味，熱蛋餅包住啲肉鬆同少少嘅炸菜，當Tea time小食好唔錯！試左兩個Tea Set都係$97蚊，真心抵食！仲要餐廳環境好，坐得都舒服，難怪幾時都好多客入座。🥢初遇 🌏沙田橫壆街1-15號好運中心3樓3091-3092號舖

星期六既晚市唔算多人，價錢中規中矩，兩個人叫咗個台中手工雞滷肉飯便當，同埋藥膳花雕排骨手工麵，叫咗小食屏東麻醬雞絲同麻辣臭豆腐，飲品嗌咗黑糖薑母茶同芋香珍珠奶茶。上菜速度非常快，員工親切藥膳手工湯低偏淡，但係排骨煮到夠腍，手工麵麵質非常好。便當有齊湯小食主食，貢丸紫菜湯幾好飲，鴨血幾滑，藥膳雞卷藥膳味都夠，滷肉飯中規中矩黑糖薑母茶夠濃，芋香珍珠奶茶係細個飲開嗰隻芋香味，整體7/10，想食台灣嘢可以去食

初遇🍱📍香港沙田橫壆街1-15號好運中心3樓3091-3092號舖（港鐵沙田站A3 出口，步行約14分鐘）♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎約左朋友放工去食飯🧑‍🤝‍🧑，係唔知食咩好之下，揀左呢間台灣野😂。一入到去，鋪頭都好有台灣風味，而食物都唔算貴，感覺都良好既。🌟 大腸貢丸麵線（輕量） $39由於唔係太肚餓，所以選擇左個麵線。食落口味道都幾好，唔錯👍🏻。🌟 初遇小食拼盤 $88個小食拼盤包括有鹽酥雞，牛肚，豬大腸，雞卷，滷蛋，香腸，地瓜酥，蛋餃，麻辣鴨血。一個拼盤就食到咁多種唔同既款式，都幾推介。🌟 肉鬆榨菜蛋餅 $42呢個真係要非常推介～ 個蛋餅口感滿滿，有肉鬆同埋榨菜去點綴吓，好味🤤。整體推介指數：❤️❤️❤️❤️🤍♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎♦︎

夜晚接到單去等外賣，一碗麵一個蛋餅一個丼飯竟然要等超過40分鐘。我8點40分到場，問一個女店員佢同我講未得。而當時男經理則表示唔好意思，因為廚房有問題所以出餐會比較耐。眼見至少有3個喺餐廳叫外賣嘅人催單以及堂食嘅人都有抱怨點解咁耐無嘢食。然後有外送平台嘅外賣員嚟到都表示等咗超過30分鐘。到8點55分嘅時候我走入去問女店員點解仲未得嘅時候，佢態度十分惡劣地表示你等唔到可以轉單，依家佢唔想同我地爭論。而睇到單上面顯示嘅時間係8點25分入機，最後9點10分先攞到外賣。建議慎選。

今日心思思，又走去IKEA度下未來間屋可以點樣放嘢😂行下坐下畫下都點幾，就走去好運中心到睇，而家佢成個商場都有好多嘢食！超開心🥳但係我真係好掛住佢個慢烤雞腿多士🥹食物慢烤雞腿多士超正呀！佢個蛋流心～雞肉又滑！仲好夠味😀窩蜂牛肚米粉呢個係我第2愛💕佢個湯好好飲！配上酸菜超開胃🤤米粉好滑好彈牙鹹蛋黃芋泥酥呢個又係我的最愛嘅其中一項😂佢好脆嘅外皮，一咬就係creamy嘅芋泥，再咬就鹹蛋黃嘅香🥲點可以唔食酸菜如果唔夠酸菜，可以自己加！我超鍾意佢嘅酸菜慢煮豬軟骨肉燥飯超級香嘅醋味🤡啲骨真係軟到入口即溶咁！佢個貢丸紫菜湯又係超級香～好好飲奶蓋芝士烏龍、芝士奶蓋藍莓我原本諗住嗌芒果，但我醒起上次未飲藍莓😂所以我就嗌咗藍莓，出邊一杯奶蓋都要$30蚊，呢度跟餐都係加$12咋🤩唔鍾意水果嘅，可以嗌烏龍奶蓋，佢搞完之後變成奶茶都好好飲！好清茶味，又唔會冚咗個奶蓋味笑下啦

餐牌有更新，越來越吸引🤣 服務也像是越來越好，送餐/收拾桌面時職員也會道謝😳 以下午餐價錢，都包一杯免費飲品 (都選了最愛的紅棗桂圓菊花茶) ✿ 蒲燒鯛魚腹滷肉飯便當 $75✿ 雞卷滷肉飯便當 $72 兩款便當大同小異，關鍵在主菜雞卷是醉雞卷，入味嫩滑鯛魚蒲燒調味，就是日式鰻魚的感覺，配飯一流不過其實飯面上的肉鬆、滷肉、溏心蛋就足夠伴完一整碗飯😂 配菜的鴨血、紫菜湯(好多料)都不錯 ✿ 藥膳花雕排骨手工麵 $70手工麵比上次來吃的更煙韌😋花雕味湯底好好吃賣相和餐牌幾乎一樣，3大條排骨，肉量挺多，2條挺嫩，1條稍遜，看運氣🤣 ✿ 滷肉A菜 $28：新鮮烚好，翠綠爽脆👍 ✿ 嘉義手工蛋餃(6件) $32：一口一個，香脆小吃✿ 淡水滷肉刈包 $26：刈包煙韌好吃，但肉感略不足，反而有不少榨菜

好友約我去位於沙田橫壆街1-15號好運中心3樓3091-3092號舖的《初遇》食下午茶餐，環境舒適，佈置簡約，甚有台式風格。我點左個 花雕雞卷滷肉飯、配紫菜貢丸湯及地瓜酥 $48，好友點左個 鹽酥雞滷肉飯、配紫菜貢丸湯及台灣香腸 $52，另外點左個慢煮豬軟骨滷肉飯 $56，及慢烤雞腿蛋吐司 $42，餐飲係熱黑糖薑母茶（跟餐），及熱桂圓紅棗茶（跟餐）。《花雕雞卷滷肉飯，配紫菜貢丸湯及地瓜酥》真係好抵食，雞卷好味，地瓜酥好酥脆；《鹽酥雞滷肉飯，配紫菜貢丸湯及台灣香腸》真係好好味；慢煮豬軟骨好軟腍入味👍；慢烤雞腿蛋吐司熱辣辣又好食；黑糖薑母茶及桂圓紅棗茶都潤喉好飲。

星期日係沙田行完街街，當然就同朋友食埋晚餐先走啦！朋友話想食台式野，所以我地今餐就試呢間喇！果個一品臭臭鍋好有驚喜喎，我地2個人，叫埋個台式拼盤，鴨血，其實已經好夠飽！