鮮芋仙 (創紀之城五期(apm))

Open Now

Now Closed

鮮芋仙 -究竟係味大份夾好食?相信呢間野大家都唔陌生，我第一次見到佢係銅鑼灣，不果當時太多人排隊所以放棄左，但試過佢地既芋泥鮮奶都唔錯，芋泥好足。近排觀塘apm開左間，冇咩人一於買反屋企試下，朋友推介我一定要食呢個牛奶冰加焦糖布丁!!!!!! 好大份!!!!感覺要2個人share~~~~ 大家不要介意，我拎到反屋企冇賣相可言!! 但真係好滿足，好正!!!! 有好多不同料，包括 芋薯圓Q麻糬、茶香的冬瓜凍、仙草、雪糕…….對住呢碗野完全投降!!!!!

食完下午茶，仍有少許意猶未盡，很想吃點甜食。上網 Search 到原來 apm 開咗間「鮮芋仙」分店，提議過去買碗糖水返屋企做甜品。餐牌選擇好豐富，除了各款芋圓外，還有豆花、仙草、熱紅豆湯、茶飲及點心等。點咗芋圓 4 號 ($45) 同 奶茶布丁 ($8)。芋圓系列有得揀凍熱，凍食嘅基底預設為刨冰，而熱食湯底則為紅豆湯。至於今次點嘅 4 號，配料就有芋頭、紅豆、珍珠同雙色芋圓。芋頭綿密軟糯，入口芋香突出。紅豆有驚喜，沒有煮得過腍；珍珠圓潤 Q 彈、有咬口。芋圓質素亦甚佳，手指公大小，食落爽滑煙韌，配上紅豆湯，甜而不膩。另外個布丁亦非常美味，真係超級滑溜！入口帶陣陣奶茶香，但又完全沒半點茶嘅苦澀味，簡單又天然，絕對值得一試！

街知巷聞嘅鮮芋仙水準依舊😋材料份量依然豐富，以前見佢成日大排長龍，今次選擇了外賣，放工時間只有少量客人，平均等待約15分鐘就拎得芋圓3號（熱）｜$45｜8/10糖水嘅材料份量非常足，仲裝得好滿🤣一打開已經見到滿滿嘅花生浮起，入面仲有大量紅豆、珍珠，口感煙韌，當然唔少得芋圓，熬得軟身，食落十分彈牙，整個糖水甜度適中，保持到水準😋芝麻湯圓｜$8｜7/10加購配料每款有$4或$8選項。佢嘅芝麻湯圓口感幼滑，味道略甜，而且芝麻餡略為凝固，多加流沙感會更滋味

開心食甜品嘅時間😂😂係我最鍾意嘅台灣甜品招牌芋圓3號💕有滿滿嘅芋圓！同埋唔同嘅配料仲有我最鍾意嘅仙草，仲可以加小丸子芋圓煙煙韌韌，非常有口感有手作嘅感覺，芋頭粒同地瓜粒依家天氣熱咗都想舒服一下😋黑糖仙草沙冰都真係唔錯加兩蚊就會有一個鮮奶油一定要加鮮奶油 👍🏻味道超夾，而且好友濃郁嘅奶味外賣返去都真係好方便慢慢享受而且真係食得好飽一份都好抵啦，仲可以比朋友食😂甜度啱啱好唔會話超級甜下次好想試埋其他唔同嘅甜品👍🏻

好掛住鮮芋仙嘅芋圓，因為中咗武肺要隔離，終於等到放監啦！所以去附近APM嘅分店買咗一碗佢哋嘅招牌仙草冰沙～～～招牌仙草冰沙入面有芋圓、仙草凍、仙草冰沙，但係大病初癒所以我呢次就好慘咁要走冰(!!) 雖然我無得食沙冰但我都加咗我另一至愛白玉湯圓。佢嘅口感更加煙韌，比手工芋圓更加Q彈，亦同仙草凍嘅味道好夾。加埋佢地既奶油，就係最畫龍點睛之作！好味好多 完全係level up左呀～～～佢哋嘅芋圓仲可以加購不同嘅配料添，以下呢啲配料都每款都只係加＄4好似有綠豆、薏仁、紅豆、花生、花豆、仙草凍、珍珠、冬瓜凍。如果想加以下呢啲配料就要每款加$8芋圓、小芋圓、芝麻湯圓、芋薯圓、芋頭、白玉湯圓、蓮子、地瓜、雪糕、粉粿、粉條、焦糖布丁、杏仁布丁、奶茶布丁、抹茶布丁。

💛 #鮮芋仙 今日經過觀塘APM鮮芋仙，見佢咁啱開返堂食，就入咗去食lunch😋 呢度環適乾淨舒適，lunchtime人流好少，食得好安心💛🍡🫘 四號芋圓 （$45）四號芋圓有芋頭、紅豆、珍珠，當然唔少得芋圓喇😙😙 芋頭超級大舊，浸得好軟、少少粉、甜甜哋，好味☺️ 珍珠都甜甜哋、煙煙韌韌， 紅豆反而冇咁甜可以balance返😋 好味💓🧋🍮 奶茶布丁 （$8）唔通呢個就係被芋圓店擔誤嘅奶茶布丁？奶香茶濃好好味！$8咁抵一定會再食🤤🤤

鮮芋仙不嬲大家都知好食😻，近日佢終於係觀塘區開左間分店啦，仲要係位置方便既APM, 近裕民坊既果邊出口位～疫情期間，店舖都冇做堂食，但照有外賣（不過等候人數真係明顯減少😿）～🍡🍡🍡🍡 買完快啲食既話就算外賣都不減質素☺️招牌豆花🍥🥜有豆腐花配豆漿底，再加幾樣配料：芋頭、芋圓、珍珠☺️～非常足料，口感十足，而且個豆漿底幾好飲，豆味重唔會太甜👍🏻👍🏻 想讚讚佢既芋圓，夠彈牙又夠味😽👍🏻👍🏻

疫情下冇得去旅行唯有嚟鮮芋仙食下台灣甜品當去咗一轉台灣旅行苦中一甜點呢！但由於疫情嚴重餐廳只有外賣供應估唔到牛奶冰都可以外賣呀！番到屋企就即刻放咗入冰櫃可惜說得太耐，啲冰變得超硬啊！建議大家買咗返屋企就要即刻食喇！芋薯圓Q麻糬牛奶冰$58大大碗兩個人食都好足夠😋配料好豐富，包括有冬瓜茶凍、芋薯圓、三色小芋圓同黑糖及牛奶Q麻糬每款配料都十分有嚼勁呀！芋薯圓以地瓜圓包著芋泥好味又有特色！雲呢嗱雪糕加咗焦糖醬非常香甜配合埋牛奶冰一齊食，冰爽又滋味！

《外賣系列》🍽鮮芋仙 以前次次經過都大排長龍嘅鮮芋仙，就算疫情緣故六點後禁堂食依然人氣不減❤️‍🔥放工去到嘅時候啱啱過咗六點冇得堂食，不過想買外賣返去都有少少人排～🤍招牌豆漿豆花（$48）細細一碗，就有齊晒豆花、豆漿、珍珠、芋圓同芋頭👅啱晒有選擇困難症嘅朋友仔(⁎⁍̴̛ᴗ⁍̴̛⁎)如果唔夠仲可以加多啲配料添～鍾意佢嘅珍珠同芋圓有咬口，連埋豆花一齊食口感有層次！佢哋豆漿嘅甜度又適中，符合大眾口味😜@meetfreshhongkong

以前成日去銅鑼灣都會經過呢間舖頭，次次都排晒長龍，所以無一次成功試到😅難得今日喺觀塘食lunch，竟然比我發現係apm開咗分店，咁就一於買返屋企試吓啦！而家疫情關係淨係有外賣，冇堂食。嚟得呢度梗係要試吓個芋圓啦。我揀左芋圓6號 $45熱既紅豆湯，粉條，粉粿，珍珠，芋圓，另外加左芋薯圓+$8😋個紅豆湯飲落係少甜既，啱晒我口味。啲材料全部都煙煙韌韌，好QQ！我最鍾意嘅係芋薯圓，入面係芋頭蓉，好味！下次等我試吓個豆花先！

鮮芋仙真係無論多次都唔會厭㗎😆今日喺APM行開街，經過即刻要買一碗返屋企慢慢嘆🤤選擇都非常多🐽🔖芋圓4號💰45幾乎每次嚟到鮮芋仙都係嗌呢一款甜品，因為入面有齊我最鍾意嘅配搭，包括芋頭、芋圓同珍珠😋由於我今次揀咗嘅係熱糖水，所以湯底嘅係紅豆湯~如果係揀凍嘅話，配搭嘅就係泡冰底！芋圓同珍珠都好Q彈😍芋頭一共有兩大舊，質感非常綿密🤓至於個糖水底嘅甜度都啱啱好，yummy😆💫推薦指數: 9/10​

每次想食甜品一定會諗起「鮮芋仙」，係一間我很喜歡的甜品鋪😋其實小編係一位芋頭按，每次食都只會簡有芋頭嘅糖水或者刨冰。但最近疫情嚴重，都係乖乖地叫外賣回家慢慢食，慢慢嘆，一邊睇oppa一邊食😋😋芋圓4號 $45，有芋頭，紅豆和珍珠，配熱紅豆湯，+$8 焦糖布丁。份量好多，夠2人食。有2舊大大的芋頭，口感細軟，綿甜香糯。芋圓有2款，分別有芋頭圓和地瓜圓，粒粒都好煙靭，有淡淡的芋頭和地瓜味。還有珍珠，粒粒分明，夠煙銀。紅豆湯唔會好甜，有紅豆綿密口感。+$8就有焦糖布甸，真係好抵食。甜度適中，未至於好甜，布甸很滑有蛋味，夠Q彈。每次食鮮芋鮮都會簡食糖水或者刨冰，下次一定要試吓飲品，好想試晒有芋泥嘅飲品😋😋

屋企人好鍾意食芋圓，今日經過鮮芋仙分店，我決定買外賣孝敬父母。鮮芋仙甜品主要分為六大種類，包括手工芋圓、經過豆花、滑嫩仙草、熱紅豆湯、清涼冰品同紫米紅豆。- 芋圓三號鮮芋仙嘅芋圓真係非常Q彈，加上紅豆、花生同珍珠，口感非常豐富，份量十足。- 豆花二號湯底揀左豆漿，口感順滑，甜度適中。另外豆腐花非常綿密，豆味幾香，另外仲有健康既薏米同好大件既地瓜。外賣同堂食味道差唔多，以後唔洗排隊等堂食，外賣一樣得！

鮮芋仙個名我聽左好多次，但一路都未試過，今日食完飯就過嚟食個甜品，位置就係天橋一出嘅位置。呢度有豆腐花加芋圓，好少見，於是就揀咗個芋圓豆腐花。入面有大大粒芋頭，唔少得唔同顏色嘅芋圓，芋圓口感軟糯帶咬口，幾啱我。另外加錢要多個仙草凍。呢度價錢唔算平，要接近$50，勝在份量取勝。除咗豆腐花，仲可以揀落咩汁，我就揀咗豆漿。整體唔算好甜，食落亦冇話太飽，滿足之餘又冇話太Heavy。呢度外賣都幾快，5分鐘左右就有。

同家姐去apm行街，見到鮮芋仙，咁就梗係一定要衝入去食啦。因為佢嘅芋圓係我最愛。招牌仙草冰沙 因為嗰日天氣比較凍，所以我就同店員講咗走冰，原來走冰係會將全部冰沙變成仙草，感覺賺咗！呢款入面係會有芋圓 同埋仙草，今次仙草份量真係畀得好多，唔會太甜而且超滑，口感一流。芋圓一如既往嘅發揮得好，煙韌度適中但係會食到淡淡嘅芋圓香，而且會附送一個奶油球，畀我哋加入去食，加咗奶油球之後口感更加順滑同埋多咗少少奶嘅甜味， 增加正! 另外我家姐想試新野，就叫咗個豆花4號，湯底就叫咗豆漿 ，所以食落好濃好香嘅豆味 。豆花食落都幾滑，而且份量多，食極都仲有。整體嚟講唔會太甜，加埋我最愛嘅芋圓好滿足。為食嘅我哋仲加多咗一個抹茶布甸，布甸甜味適中，幾香抹茶味。Apm呢間分店坐得都好舒服，地方闊落，下次一於再過嚟食。