鮮芋仙 (創紀之城五期(apm))

Open Now

Now Closed

APM越黎越多野行，加上天氣熱就自然好想飲杯野見到呢間都多人排隊，就會一會佢呢到除左做外賣手搖，仲有做埋堂食價錢都唔算貴熱珍珠鮮奶茶、冰古味紅茶可以見到兩款飲品都係唔同包裝，都幾特別熱珍珠鮮奶茶有別於一般珍珠奶茶，佢用上鮮奶黎整，令佢奶香味更突出珍珠比其他店軟身Ｄ，鍾意食軟身Ｄ既朋友就岩晒冰古味紅茶叫左少冰少甜，冰係真係有少到，唔似有Ｄ鋪叫左少冰都係好多冰呢到紅茶既甜度比一般台式飲品店冇咁甜所以叫左少甜之後，對於鍾意食甜既我黎講有少少唔夠甜，下次黎都係要叫返全糖不過冇咁甜除左健康Ｄ冇咁肥之外都有個好處就係可以嗒真Ｄ佢既茶香

閒時嚟吓觀塘逛街，臨走前，發現原來apm開咗鮮芋仙(假期前夕好多人)，咁就梗係要買返屋企做甜品！芋圓4號 $45芋圓系列有6款配搭，芋圓丶地瓜圓係膽，而我揀嘅4號即芋頭丶紅豆丶珍珠，想食凍嘅，就係刨冰底，想食熱嘅，係紅豆湯做底，紅豆湯甜度適中，招牌芋圓就唔使多講啦，但唔知點解佢哋嘅芋頭都特別好味！之前試過招牌仙草，佢哋個奶油係精粹，所以今次特登加一個(+$1)，試吓加入紅豆湯會有咩效果😆 奶茶布丁 +$10配料有得加購實在太好，揀咗奶茶布丁，奶味較重，少少茶味，質感QQ

好耐冇行APM，今日先發現原來開左鮮芋仙~即刻買番碗甜品番去同老公甜一甜~叫左個熱招牌豆漿豆花，豆花勁滑溜，豆漿底甜甜地，平時冇咩機會食到豆漿底既豆花，通常都係糖水底再加黃糖，而豆漿豆花呢個組合簡直令成個豆花味道提升，豆味非常香濃! 招牌豆漿豆花配料仲有我最愛既芋頭，好鍾意鮮芋仙既芋頭外面夠林入面又粉粉地，口感非常好，又唔會令人覺得好滯。芋圓就更加唔駛講，鮮芋仙出品既一向高質，芋圓彈牙煙韌，食到芋頭同蕃薯既味，連埋豆花一齊食層次勁豐富!我太鍾意芋圓，所以另外仲加左$8配小芋圓，估唔到份量咁多!細細粒好得意，好抵食~同普通芋圓一樣勁好味!另外仲有粒粒珍珠~為白雪雪既豆花加上對比色，又係夠哂煙韌~又有黑糖味~食完呢個甜品真係令人開心哂!

做完gym出開觀塘，買下甜品獎勵下自己🤣見到好多人排隊買鮮芋仙，之前都堂食食過佢嘅仙草芋圓，今次決定試吓佢嘅熱食。叫咗個芋圓6號配紅豆湯 另外加配冬瓜凍同埋芋薯圓。芋丸6號係有珍珠芋丸粉果同粉條紅豆湯好甜，估唔到同珍珠又幾夾芋丸保持一貫水準第一次食粉果同粉條粉粿本身冇咩味，一舊大糕點咁， 偏淋身，小小痴牙粉條就冇咁有咬口，再軟身d芋薯圓就係芋丸裡面包住芋泥我反而最鍾意佢嘅冬瓜凍，微甜同爽口成餐非常之重澱粉質之後又要慢慢減肥🤣

終於都等到鮮芋仙開係apm，之前我要山長水遠由銅鑼灣外賣返去食，而家呢度直接買到，實在太幸福了。 冰芋圓3號呢個基本上係每次必嗌，有哂紅豆，花生同珍珠。甜度適中而且係新鮮即制，紅豆同花生都好有咬口唔會梅，珍珠煙韌，整體真係好夾。最重點就係芋圓，好有咬口而且真係有唔同既味，食落完全唔粉而且口感一流。另外舊冰其實都有調過味，大大碗呢個價錢真心冇得輸。我仲另外再加錢要左仙草凍同湯圓，仙草大件又夠凍，芝麻味都幾突出仲有流沙既效果，加埋一齊食都好夾！  

而家天氣炎熱，行街行到熱，最好去食個冰凍甜品🍮響apm 既鮮芋仙，本身諗住堂食，點知好多人，所以都係買返屋企慢慢食。🍨有手工芋圓、仙草、豆花、紅豆湯，仲有清涼冰品，多款選擇🧋招牌豆花$48之前食過手工芋圓，今日就食招牌豆花，招牌豆花包含芋圓、芋頭、珍珠🍡大大碗豆腐花，包含份量多既芋頭，芋頭夠粉，軟綿有口感🍠珍珠同芋圓煙韌有層次，而湯底仲有糖水同豆漿選擇，豆漿新鮮清甜好味，整體非常好。👏🏻✨另外加$8有焦糖布甸🍮✨😋仲有其他不同配料可以選擇配搭。👍🏻

今日嚟到超有人氣嘅連鎖甜水舖真心唔應該星期日嚟食 淨係等枱都要等20幾張所以我都係果斷買外賣返屋企食🤣🤣一開始以為等好耐，但等咗10分鐘就有！叫得鮮芋仙 當然唔少得芋圓主打糾結咗好耐都係叫豆腐花好耐冇食過呢種中式甜品🥹叫咗呢碗招牌豆花 48蚊望落去好似好大碗，好彩揀咗熱食！有糖水或者豆漿揀，果斷揀豆漿豆漿加豆腐花就唔係太突出但熱豆漿加芋頭真的不得了！🫣🤩🤩首先芋頭大大嚿，真係要搵隻匙羹斬開😂然後芋圓有紫色同黃色嗰種，食落去少少淋少少煙韌（可能因為我買返屋企浸林左再加上珍珠食落去成碗豆花嘅口感好不同真係大推大家叫豆漿加芋頭芋頭一口咬落去唔會太溶爛，勁香芋頭味好似好大碗，但食食吓就會食晒🤣🤣另外加多左杯茉香綠茶事關食完嘢好口渴，但又唔想飲咁飽呢杯綠茶唔會好似出面咁飲糖水，有陣陣嘅茉莉花香食完咁飽嘅嘢飲返幾啖即刻勁清新.奉勸大家最好唔好繁忙時間黎啦~

行街行到口渴 見APM 新開左人氣台式飲品甜品店舖- 鮮芋仙 都黎朝下聖聽講港九新界都有不少分店 但仍然都幾多人排隊 等外賣都有10個人 入座要再耐少少有好多選擇 包括不同配料的飲料 唔同組合的芋圓甜品 有熱有凍我和朋友選擇了- 冬瓜仙草凍 $26大大杯 入面有半杯份量的仙草 好抵飲 而且仙草已經有少少甜 所以半糖就岩岩好冬瓜茶味道不算濃 但非常解渴 天氣熱人又累來一杯 係好爽-小芋圓奶茶(熱)$32 黎鮮仙當然要食下芋圓 芋圓細粒又有口感 好好食 有台灣的感覺奶茶味道一般正常 兩者的配搭係好好等了差不多15分鐘 就可以拎到 等候的時間都可以接受

呢間咁出名食芋圓嘅甜品舖我深信大家都認識啦 APM開咗咁耐以來我都仲未去試過今日見我早咗收工一於就去試吓啦！佢就係接駁天橋嘅第一間舖頭所以超級容易搵而且個招牌好顯眼好搶眼估唔到6:30都未有就已經大排長龍同埋超級多人買外賣呀我嗰日等外賣都等咗起碼15分鐘果然係超人氣呀一間我都已經唔係第一次幫襯㗎啦不過今次就試吓啲我從未試過嘅嘢就係揀咗呢個豆花系列除咗豆花系列之外佢都仲有好多其他林林總總唔同嘅系列同埋唔同嘅招牌款式下次我又可以再嚟試吓其他嘅款式佢哋舖頭嘅裝修好光猛座位係比較少嘅但係坐得相當舒適而且係採用做開放式廚房客人可以睇到店舖裏面嘅製作方法而且衛生問題絕對合格非常之乾淨我今次叫咗嗰個係豆花2號即係豆腐花配豆漿二裏面係會有地瓜同埋薏仁除此之外我仲加左芋圓同埋紅豆🫘芋圓咬落去超級有口感啊食到真係番薯同埋芋頭嘅味道煙煙韌韌咁超正紅豆亦都做得相當出色煮得好夠林但係又唔會過甜再配上淡淡的豆花豆漿非常之惹味地瓜我估唔到佢係原來咁大舊嘅超級有驚喜最重要係唔止一舊係起碼有三舊㗎所以成餐食完之後感覺好飽$50有咁多嘢食仲要係好食簡直係抵啦

呢幾日都落雨濕濕,好悶熱。咩胃口都無🥹🥹行過apm見到鮮芋仙，就諗住嗌個芋圓外賣公司食。首先個環境都幾好，近住商場入口，而且個招牌都幾顯眼，應該都幾易搵。(近周大福個邊)因為我個人比較鍾意食煙靭既野，所以我叫左個芋圓4號，另外加左一份白玉湯圓🤫🤫🤫🤫可能落雨關係，今次我買既時候都唔算好多人，等左幾個人就到我。而佢既廚房係開放式，客人可以望到哂入面，所以衛生問題絕對可以放心👌👍👍👍👍不過要留意一點既係原來堂食係有時間限制，用餐時間45分鐘，不過對於食碗糖水黎講，時間絕對足夠至於野食方面真係要讚一讚😋😋😋😋😋首先講左份量先，呢個份量比呢個價錢，絕對係超值👍👍勁足料，我都自問大食，但都係勉強食得唒，食完真係好飽好飽。之後就到個芋圓拉，珍珠同芋圓既口感都好正，芋圓絕對係真材實料，食落去仲食到啲番薯同芋頭粒，而且個糖水甜度岩岩好，唔會一味得糖水既死甜，個糖水真係似我係九份老街食個隻味，清甜解膩，而且入面仲有兩大個芋頭，真係超滿足。🥰🥰🥰最後到白玉湯圓拉，白玉湯圓好似我哋平時食既小丸子，不過真係好煙靭，仲帶小小甜，口感超正，如果鐘意食煙靭野既朋友真係唔好錯過。👍👍👍👍🙌🙌🙌🙌🙌如果掛住台灣風味既朋

之前食過觀塘呢間，係食熱嘅紅豆湯，俾咗個好大嘅差評佢😂朋友經過又話想食，就俾多次機會再入去食一次。食之前，要喺門口叫定晒俾晒錢先可以入去食。食物質素冇問題嘅，都足料抵食，但服務態度真係好差，店員可以用西口西面來形容，態度冇禮貌仲粗聲粗氣，問佢問題都好似唔想答咁，懶懶閒(咁都唔緊要，都理解服務業係好辛苦好攰。但見到小朋友整跌咗個雪糕，個態度好差話麻麻煩煩整跌晒，正常咪抹左佢，抹完之後滴到成地都係，店員就冇再理地下污糟情況😅❓其實客人唔小心整跌咗都唔需要用咁嘅態度去講？同埋可唔可以做嘢認真少少處理返掂入邊嘅衛生問題。🍴 仙草6號 $45 (7/10)份量好多，有粉條，粉粿，珍珠，仙草，仙草冰沙，粉條係一條條好似麵條咁好煙靭，粉粿個外型好似黃金糕一樣都係甜甜地，好煙靭，珍珠細細粒都幾好咬，仙草好嫩滑，有少少藥材嘅味道，感覺好清熱，仙草冰沙係碎冰口感比較粗糙一啲，甜甜地，加咗淡奶啱啱好，但整體來講都幾唔錯配料都幾多！PS個淡奶額外攞嘅話要另外收一蚊一個。🍴招牌仙草冰沙 $45 (7/10)有芋圓，仙草，仙草冰沙，芋圓都幾大粒，煙煙韌韌，好好咬。🍴芋圓4號 $45 (7/10)有芋圓，芋頭，紅豆

開了這麼久，現在都很多分店了，才終於食到呢﹗想不到疫情下光顧的人還這麼多，看來有一定水準呢﹗由於中午吃得太飽，所以跟老公二人只點了一個甜品吃，還要是外賣，因為需時消化午餐。幸好只點了一個，份量超多的。我們點了招牌豆花另加紅豆，那想吃的配料便全都試到了。芋圓很煙UN，口感一流。芋頭最出色，不會很粉，芋頭味香濃。珍珠有咬口，紅頭不會死甜。豆花香滑，一整碗配合起來吃得很滿足，也明白為何人龍不斷，分店開個不停。我見餐廳還提供很多台式飲料，或許下次有機會可以堂食時一拼試。那些不知是否新品，麻糬和布丁類的甜品，好似也很特別呢﹗

以前喺大陸旅行嘅時候成日都見到鮮芋仙，後尾佢喺銅鑼灣有開店，但因為距離太遠所以冇去，呢間觀塘分店就好近我公司，成日見到好長龍，今日見人少啲就外賣番屋企食～ 環境都唔錯，最貼心係餐牌會講清楚入邊用嘅配料，咁樣選擇起上嚟就非常之方便啦餐牌係非常之多選擇，我個人係非常鍾意食芋圓，同埋要凍，會更加有彈性同爽口呢！呢個天氣食真係好消暑！芋圓一號 $ 45冰芋圓個底係刨冰，熱芋圓湯底係紅豆湯，如果想清爽啲就食凍嘅，不過外賣嘅話都要快啲拎返屋企食啦，如果唔係會溶喔～ 1號有綠豆、蓮子同埋珍珠，呢一個配搭可以清心火，消暑一流，芋圓份量都幾多，有地瓜嘅香味，口感好彈牙有嚼勁，唔會軟晒，質地做得好好👍🏻 珍珠唔會太大粒，所以食落夠味，綠豆同蓮子保持軟綿不夾生，食落好舒服，成碗甜度剛好仙草鮮奶茶 🧋 $ 29嘢飲就叫仙草，感覺比珍珠輕盈少少，畢竟我都食咗一個芋圓珍珠🤣 仙草好香，有種返到台灣嘅古早味，用鮮奶嘅話更加健康，鮮奶質地好滑，奶味香濃，同仙草非常之融合，由於仙草冇得較甜度，所以比較甜，我建議飲凍嘅就啱啱好喇！下次來想食招牌仙草個個！

鮮芋仙之前食過幾次，但今次係第一次嗌仙草冰，朋友仲教我可以走冰，外賣變相唔洗溶晒冰之外，仲多左一半份量仙草，外賣嘅話，呢個做法極推介！因為外賣返屋企同屋企人兩個share,所以就再額外加多左兩款配料：珍珠同冬瓜凍。每款加$4都幾抵啊，同埋原來仲好細心係分開左兩個細兜裝嘅👍👍鮮芋仙嘅芋圓口感真係寧願煙韌同大粒，每次食晒十幾粒都仲係覺得唔夠喉。仙草底唔會好甜，冬瓜凍咬起黎比仙草稍延身，幾款配料撈埋食口感好豐富呀！兩個人一碗，都好夠飽

鮮芋仙最出名嘅食芋圓啦，my all time favorite!每次嚟都一定必定叫芋圓！次次嚟都要大排長龍，由於今次堂食嘅隊真係太多人，所以今次叫外賣返屋企慢慢嘆！雖然外賣隊都要排，但已經少過堂食條隊都好多好多！叫完等左一陣就拎到！通常大部份人都鍾意食沙冰，但我偏偏鍾意食熱食，每次嚟我都係會叫熱嘅芋圓2號！地瓜真係好正正，次次食都又淋又甜！拎到返屋企，都仲係好好味，味道都冇因為外賣而有影響，冇等堂食，叫外賣都係一個明智嘅選擇！下次會再試吓食其他熱食嘅芋圓，因為真係太好味啦，煙煙韌韌，口感真係好正！次次食完其他甜品舖嘅芋圓，但最後都會返返去食鮮芋仙！芋圓世一！my all time favorite!！！