鮮芋仙 (創紀之城五期(apm))

Open Now

Now Closed

突然想飲杯珍珠奶茶但Lunch人頭湧湧有10幾人排隊😳等咗20分鐘先有，但係值得嘅👍茶底靚👍好好飲同鮮奶配合得好好而且啲珍珠煙煙韌韌甜甜Der~😚😚抵我一直咁支持佢🥰🥰

鮮芋仙是一家知名的甜品店，他們的芒果特級沙冰是他們的招牌之一。這道沙冰以新鮮的芒果為主要材料，搭配著綿密的冰沙和其他配料，給人一種清爽又美味的感覺。首先，這款芒果特級沙冰的芒果非常新鮮和甜美。每一口沙冰都有滿滿的芒果塊，吃起來非常享受。芒果的酸甜口感和冰沙的清涼口感完美結合，讓人在炎熱的夏天感到涼爽和愉悅。其次，這道沙冰的冰沙質地綿密細膩，入口即化。它不僅口感好，還能帶來一種清涼的感覺，讓人舒爽不已。在夏天享用這款沙冰，無論是在炎熱的陽光下還是在空調房裡，都能帶來一種消暑的享受。最後，這款芒果特級沙冰的配料也非常豐富多樣。除了芒果塊之外，還有其他水果、小吃和甜品配料，如椰果、珍珠、紅豆等，這些配料增加了沙冰的口感層次和豐富度，讓人愛不釋手。總的來說，鮮芋仙的芒果特級沙冰是一道絕對值得品嚐的甜品。它結合了新鮮的芒果、綿密的冰沙和豐富的配料，味道鮮美，口感清爽，給人一種享受夏天的感覺。無論是甜品愛好者還是想要解渴消暑的人，都能在這款沙冰中找到滿足。如果你正在尋找一家好吃的甜品店，我強烈推薦你去品嚐鮮芋仙的芒果特級沙冰。

招牌豆花豆漿，次次外賣都唔同，有時返到去，豆腐花係碎晒，以為自己係熱關係，第次凍又係咁，但之前買過唔係咁，有時直情唔甜，靠運氣先買到個正常。今次仲慘，比錯外賣，我冇可能次次對咗先走架，只買一樣，人流唔多都咁，有冇心做，冇下次😔

呢幾日天氣翻風，同大大細細行完APM，突然好想食糖水，就嚟咗鮮芋仙，食左兩碗招牌豆漿豆花。店舖細細，木系裝修，清新簡潔，乾淨企理。我哋派咗一陣隊，先入到去。要先點食物，之後才安排座位。豆漿濃郁而香醇，口感順滑，帶有濃厚的豆香味。豆腐花質地細嫩，口感滑順，入口即化。配上豆漿一起食用，味道更加濃郁。芋圓和芋頭是我的亮點。芋圓外Q彈有嚼勁，芋頭則是軟綿綿的，芋香四溢。這兩種最後是珍珠，這是一種經典的配料。珍珠彈牙有嚼勁。呢碗糖水。食落好有層次感，食完好飽足、好有滿足感！不愧為招牌糖水😊

暖橘色的落日夕陽，逐格放映到室內步行天橋，慵懶心情一湧而上。若能吃到Q彈的芋圓，以及綿綿的紅豆湯，才能真正感受到秋天的降臨。🍂 (1) 仙草4號冰仙草基底有仙草凍、仙草沙冰、以及一小瓶奶油。行動代號4號，則代表著配料（芋頭、紅豆、珍珠）。個人情深推介熱呼呼的芋頭以及軟糯香甜的紅豆，配上濃郁的奶香，令整個甜品香氣溢出，順潤不滯。（仙草系列實在難以抗拒，最後沒有點燈紅豆湯～～） 每一口的嫩滑都是如此熟悉，貫徹始終的品質與口感，長期在咀嚼控的排名榜之中。

話說同我媽咪行街行過Apm，路過見到呢間甜品店嘅門口貼着嘅海報廣告，就被吸引想食佢哋嘅限時甜品，不過我同我媽咪想叫嘅兩樣都咁啱賣晒，坐低左揀右揀，揀咗一個拼盤同糖水試，口感同味道都好唔錯。

第一次食，等咗幾張枱10令分鐘左右都算快。入座前落單付款職員講定用餐時間45分鐘。自己叫咗招牌豆漿豆花嗰款(熱)，豆漿無咩味都算，可以催眠自己當低糖健康啲😏 但豆花芋圓少到呢，仲要碗嘢係微暖🥴有啲嘔心。。好似一碗熱嘢攤凍晒咁！係咪我對“熱”嘅認知錯咗🤢 成碗嘢好難食。不過2個朋友叫凍鮮草就話正常。。食到差唔多，負責叫飛/落單/收錢/趕客企門口counter 嗰位女職員就行過拋低一句“用餐時間到啦要交枱”。。咁好啦，大家唸住payme埋整理下啲隨身物品就起身，唔夠5分鐘同一個職員再行嚟催我哋走！邊gut起身打算走嘅同時，同朋友對望一下大家都覺得應該無坐到45分鐘咁耐架，望一望張單8:51pm入座！即係食咗30分鐘已經同我哋講夠鐘要交枱，5分鐘唔夠再催！行出門口見到嗰位女職員同佢講：都未夠鐘，你催咩啫？佢答我哋：因為我有客等緊！所以我哋唔係客？夠鐘嘅，你要我起身好合理，但因為你有客等緊枱，我就要未夠鐘未食晒都要起身係咩道理！？我好嬲答佢咁用餐時間係45分鐘嘛！佢再口嗡嗡駁嘴話“都差唔多啦”。。。。呢位小姐向30分鐘時已經叫我哋走！好想請問佢出糧出2/3係咪都會當差唔多！又唔好食，好趕客！奉

鮮芋仙每次必叫‼️招牌仙草冰沙招牌仙草冰沙，最好係走冰沙特別係外賣嘅關係冰沙返到屋企其實已經溶咗搞到成碗仙草都好水所以我每次叫外賣都一定走冰沙另外依碗冰沙已經有芋圓但係我每次都會加芋薯圓芋圓本身做得真係好出色食開芋圓嘅朋友仔都知道好多都係機器做所以食嘅口感會比較硬，亦都唔夠煙韌彈牙雖然我唔知鮮芋仙係人手做定機器做但係佢嘅芋圓的確係好煙韌而且芋薯圓入邊仲有芋泥餡我覺得更加好食但係老實講，價錢真係唔平💰$48一碗加芋薯圓再要加多💰$10咁樣嘅價錢已經可以食到一盒飯

如圖，剛剛在觀塘分店買了賬單上的甜品，滿心歡喜諗住我買自取攞返去同同事享受的時候，打開見到個密度已經個心涼一涼，再食落口嗰個甜度，簡直係糖撈水，我平時有食開你哋的芋圓4號及其他都未試過係咁離譜，我諗呢一次真係想話俾我聽以後都叫我唔好再幫襯啦，實在呢間觀塘Apm分店係比太多次機會啦，88熱嘅甜品竟然可以吾夠熱，個芋頭散到呢個邊係花開咗，芋頭太甜啦，你哋起餐嘅時候應該搞一搞個紅豆湯底，仲要不時檢查吓個密度，如果個密度唔夠你哋真係要再補充番啲紅豆嘅料，連呢啲嘢都要食客去提！！你地要檢討下啦！其他好評都唔知係咪捏造出嚟！咁稀嘅嘢都話好食係咪個口有問題？

鮮芋仙招牌第一層有超級多仙草凍仙草味十分濃郁，口感超級順滑整個由微苦而甘甜仙草冰打底加入鮮奶球令到整個甜品充滿奶香芋圓有兩種，分別是地瓜味和芋頭味兩種味道差不多，口感都是軟軟糯糯的配上刨冰一齊食口感變得豐富

夏天咁熱梗係要食凍嘢!叫咗個仙草沙冰2號同埋布甸麻糬牛奶冰~仙草沙冰好好食,糖漿好夠仙草好滑!珍珠超級煙韌!另外牛奶冰都好綿滑好香牛奶味!焦糖布甸唔會好甜,麻糬質地唔錯👍🏻愛了愛了

在香港鮮芋仙的芋圓同仙草暫時是小編心見中最出色的台灣甜品 可以品嚐到台灣的滋味 經常會回訪再回訪 在apm行完街 同朋友打算去試下新出的夏日消暑良伴芒果系列迷你芒果白玉冰 $58超級芒果冰太大 決定試下迷你版本 牛奶冰配搭濃郁芒果醬 上層還有鮮甜的芒果同煙韌有咬口的白玉湯圓 味道沒有挑剔的地方 十分清爽消暑  唯一扣了少少分數的是冰粒較粗大 加上甜品最終出品與廣告有一定差異 芒果同白玉湯圓份量偏少 沒有廣告的澎湃熱芋圓紫米粥 $45注重養生的朋友選擇了熱紫米粥 可以食到粒粒的紫米 相對前者甜度較低 芋圓一如以往出色 可以食到食材味道下次再回訪 還是選擇每次必點的芋圓同仙草 質素同味道更有保證

招牌豆漿豆花 $50唔夠奶味/ 豆味，亦都唔夠凍，芋泥一pat野咁樣好樣衰完全唔值$50😅😵‍💫 我去其他糖水鋪食仲好過而且店面非常細，等位等左30分鐘都有唔會再食😅

依家香港啲天氣落雨但又焗又熱…行過鮮芋仙真係要嗌返杯廢水消消暑。嗌咗杯紫薯小芋圓鮮奶，比較少鋪頭有小芋圓嗌，而且鮮芋仙嘅芋圓係好食嘅！啲紫薯蓉掛哂杯邊，要撈勻底嘅芋圓同側邊嘅紫薯蓉，甜度冇得選擇但我個人覺得啱啱好👍🏼配埋煙煙韌韌嘅小芋圓，真係好正好好飲，飲完一杯都差唔多飽咗～不過飲飲下飲到幾次有啲透明嘅膠，鋪頭門口有好多人等緊外賣/排隊堂食，同店員反應都好快換返杯比我👍🏼第二杯都依然係咁好飲而且冇咗啲膠。

鮮芋仙 (觀塘)觀塘觀塘道418號創紀之城五期(apm)大堂C-41號舖花生🥜醬三重QQ牛奶🥛冰 $58終於有機會來試一試呢個新品，佢個配料真係好豐富㗎，有唔同種類麻糬啦，又有牛奶雪糕球，仲有經典㗎芋圓濃郁花生醬帶出冰品嘅香甜，配料豐富多彩，其中黑色嘅麻糬特別顯眼，一啖咬落去煙靭Q彈，上邊嘅牛奶雪糕都好香濃，佢仲有好多芋圓，撈埋啲冰一齊食係好解渴，同埋非常清涼，食完之後成個人瞬間清涼晒，估唔到呢個新品咁好食，差唔多係我食過鮮芋仙先入邊最好食嘅產品之一，下次我都會再帶朋友過嚟試吓，你都要趁佢未落架之前快啲嚟試吓啦，因為佢個花生醬係真係好夠濃郁，同埋唔會話甜到漏嘅！