鮮芋仙 (創紀之城五期(apm))

Open Now

Now Closed

一向知道鮮芋仙既甜品好正！ 今日喺觀塘大熱天時行到身水身汗之際，竟然眼前出現咗鮮芋仙分店😎😎 梗係要即刻入去坐下嘆番碗芋圓🤭🤭🤭食物一如既往好多選擇，但我最愛既都係餐廳最傳統既芋圓甜品😍 呢度既芋圓甜品份量好足，一個女仔食既話係可以當飯食嫁😆😆落咗單後，收銀員會俾一個感應器我地，可以揀個位，慢慢等甜品😊我叫咗手工芋圓4號，叫咗熱因為鍾意個紅豆湯湯底凍嘅話係刨冰嚟，入面有芋頭、紅豆和珍珠，好想食仙草凍，所以又加配咗😁😁手工芋圓4號 配仙草凍- 芋頭、紅豆和珍珠芋頭有兩粒，大大粒，又甜又粉，超級好味又唔小珍珠紅豆同埋芋圓芋圓有三隻色嘅我加配嘅仙草凍，滑滑地甜甜地鮮芋仙 (觀塘)觀塘觀塘道418號創紀之城五期(apm)大堂C-41號舖

食過好多次鮮芋仙，第一次叫人失望😞餐廳衛生要注意，俾食客個Tray 係濕嘅。餐具都有水，好令人嘔心。點了豆漿豆腐花四號，有紅豆芋頭同豆腐花，但我係點冰的，結果豆腐花是暖的，芋頭都是暖的，豆腐算是室溫低少少，也不算冰或凍。

夏日炎炎，放工經過觀塘，就出閘行過去買一買鮮竽仙先再返屋企。我就揀咗芋圓二號: 地瓜、薏仁（夏天熱濕）、珍珠。原來凍嘅芋圓係刨冰底🍧 就好適合咁熱食。不過相對上，僱員嘅口味就會比較硬少少🤏🏻 比起熱嘅時候，冇咁煙韌。口味不同、任君選擇。另外，好欣賞真係有一舊舊地瓜另外，我就加咗綠茶布甸🍮🍵 真心值得推介👍🏼 我覺得足夠，食到有一絲絲嘅苦澀味。而且口感非常之滑，質感亦都算係彈彈地～ 可以encore 包裝都係另外有盒裝住，所以吾怕浸住啲糖水。

每每經過都係企滿人😯，舖面面積骨緻卻擁有排隊人潮，造成了一個好大對比，不過外賣自取特別多。是日晚上6點，正在趕返屋企晚餐之制，經過發現唔多人，於是靈光一閃😇，決定買返去作飯後甜品😋😋。🌟招牌仙草冰沙🌟份量都幾多，冰沙系列基底係仙草凍及仙草冰沙，還有一小杯奶油。仙草凍幼滑清新，冰沙涼快清甜，芋圓煙靭Q彈。🗯️🗯️🗯️除左仙草系列外，還有好多類型，有不同的茶飲及飲料、手工芋圓、經典豆花等等。

今日行開APM, 意猶未盡去左鮮芋鮮，次次行過鮮芋鮮都好想食！今日忍唔住買左外賣，因為得自己一個，而且見到要等位，所以叫左外賣返屋企食🥰外賣都係第一次叫，落完單之後就喺門口等叫籌號之後入店舖自取就可以啦，門外有部機可以睇到籌號，咁就唔怕Miss啦😝😝🎈招牌豆漿豆花（$50）豆腐味濃，豆味濃烈，香滑可口，而且配料仲有芋圓，芋頭，珍珠，之前有食過佢哋既招牌芋圓產品，香糯可口，軟硬適中，珍珠煙靭好食，又唔會死甜，芋頭更不在話下，大大舊好綿好粉！芋頭味極濃！重點講下豆腐花，香滑好食！豆味濃郁，因為個底係豆漿嘅關係，成碗都好香豆味！真係豆腐控必食！另外我加購左焦糖布丁🍮🍮（+$8），呢個布甸平日已經係我嘅最愛，分開食同一齊食到咁好味，而且滑不留手，Q彈可口，完全係難以抗拒😉😉其實夏天，見到店舖推介仙草系列，都好心思思，下次行過要再試！

今日同朋友睇戲前嚟買飲品解解渴，鮮芋仙就係附近夠晒方便。我就揀咗仙草凍奶綠，朋友就揀咗個檸檬冬瓜茶，價錢合理又好飲，而且我覺得比其他飲品店嘅飲品大杯。我個杯飲品，仙草量好多，同奶茶一齊飲，更加滑溜溜，而且有淡淡仙草味，好香，既有茶同奶香又有仙草味，唔太甜反而飲得更舒服。朋友個冬瓜檸檬茶酸酸甜甜，佢最鐘意冬瓜茶個種獨有嘅台灣味道，加上檸檬就更加清新。呢到有得堂食，下次夠時間可以嚟試下佢嘅甜品，夏天食冰底甜品岩晒！

小編最近在珠海見到【鮮芋仙】有不少客人，回港後才知道【鮮芋仙】是台灣人氣連鎖芋圓店，於全球約有多間分店，單單在香港已經有十多間。今日終於決定一試！雖然不是大排長龍，但是Keep 住有客又有外賣。環境都坐得舒服，與隔離枱有些距離。小編只是想坐一下等女兒放學，Starbucks 太多人，這裡都可作為個休息點。【鮮芋仙】以自助形式運作。客人在門口下單俾錢後才入座。食物預備好就去領取，食完客人就把器皿拿去回收處。用餐時間45分鐘，食甜品都應該夠。另外，甜品店有$25 最低消費，即是情侶們不能你一啖我一啖分享。甜品店運作簡單，好似車仔麵店店員把不同材料放入碗內就完成。【鮮芋仙】主打台式甜品、飲品。當然有近年大熱的芋圓。另外有少見的仙草，即是充滿童年回憶的涼粉。最近去左同在觀塘的人氣手工芋圓專門店名叫【芋圓控】，小編覺得份量多，可以代替正餐。今日到來【鮮芋仙】，驚訝這裡的甜品份量還要多、還要大份！！【招牌仙草沙冰 $48】這個碗份量是中碗，食材又差不多放滿整個碗，真係可以代替正餐。招牌仙草沙冰有大量仙草沙冰、芋圓及仙草凍。香港叫涼粉，台灣叫仙草，仙草名字高雅得多。涼粉及仙草其實的製作材料有少許不同

呢間嘅芋圓係小編一直最愛嘅😆😆第一次去到觀塘分店 感覺好日式嘅設計～咁岩個日晏就經過 見到冇人就入左去食返碗先😆😆嗌完會有部機仔俾你拎住 記得當聽到響就要出去拎餐 食飽要執返餐具～今次叫左芋圓6號 配料有粉條粉粿珍珠每次點都係會叫有芋圓嘅甜品😆😆超中意食 因為佢個芋圓咬落唔會好粉狀 而且軟糯適中嘅～另外佢啲珍珠食落入面硬硬地 而且唔係死甜😍😍第一次試粉條粉粿粉條好似啲米線咁粗 食落淡淡的～要配埋黑糖加冰有甜甜的🤭🤭另外粉粿原來都好特別嘅🫢🫢因為平時小編食開一款好少會轉款😝😝粉粿個質感Q彈 而且好似有果汁嘅味道 就咁食已經好正🤤🤤最低層嘅碎冰勁多 小編最後並不是唔好食而食淨啲冰 而係多冰到好岩夏天再黎食過😚😚

最近天氣熱，真係好想食下D清爽冰涼既野。最近就去左【鮮芋仙】食芋圓冰。今次就叫左芋圓5號加鷄蛋布丁。 芋圓5號有芋圓、珍珠、花豆、白玉丸子。全部分量都好多，白玉丸子豆腐味重，推薦。凍既糖水底都唔會太甜，係黑糖刨冰，（另外熱係紅豆湯，可以依口味選擇），所以最近天氣熱食都好清爽。鷄蛋布丁好經典布丁奶茶果D布丁，加落芋圓到都非常不錯。 不過等候時間會比較長，外賣堂食都係排同一條隊，所以要耐心等候，lunch hour大概等10-15分鐘。

今日中午同朋友喺APM食完lunch, 意猶未盡，就去咗鮮芋仙買外賣甜品，返屋企慢慢食😋🌟🌟堂食位置地方非常之闊落，坐位舒適，下次都可以試堂食，同朋友傾下計都幾好。🌟🌟除咗出名嘅鮮芋圓外，仲有好多選擇，大滿貫奶茶、Q麻薯點心同埋布丁圓類拼盤等賣相都好吸引🤩。🌟🌟等外賣都好方便，睇住電腦螢幕就可以了，不用在店內等。🌟🌟芋圓4號主要材料十分豐富，除咗主角芋圓、番薯圓外，仲有芋頭、紅豆和珍珠，我另外加了仙草凍和芋薯圓。🌟🌟芋圓同番薯圓煙韌有咬口、大大舊芋頭粉糯綿甜，仙草凍十分嫩滑，易入口。🌟🌟珍珠大大粒，Q彈有嚼勁。芋薯圓外皮係地瓜皮，入面有芋泥，細細粒，比平時食既湯丸口味更清新，食多幾粒都唔覺得滯。

🌼 布丁鮮奶茶，這是一杯非常濃郁的奶茶，口感非常滑順。奶茶的味道非常濃，而且甜度剛剛好，不會太甜，也不會太淡。布丁的質感非常棒，非常柔軟，也非常香甜，讓人一口接一口，無法停止。🌼 鮮芋鮮奶茶，這是一款非常特別的飲料。首先是鮮芋的味道非常濃郁，十分香甜。奶茶的味道也非常濃，非常滑順，和鮮芋的味道非常搭配。整杯飲料非常濃郁，非常有層次感，喝起來非常有滿足感。總體來說，對鮮芋仙的飲品非常滿意。他們的奶茶非常濃郁，口感非常滑順，而且甜度剛剛好。鮮芋的味道非常濃郁，非常香甜，十分美味。

同朋友食完晚餐 想搵個地方落腳食下甜品傾下計。觀塘呢間地方唔大，都多人等，如果唔想等咁耐既話，可以提早啲攞飛。今次同朋友點左仙草4號同埋芋薯圓Q麻薯牛奶冰，朋友話芋頭好食，單獨嗌左芋頭兩件。仙草好滑，糖水底不太甜，加埋奶落去，味道岩岩好，對於不太鐘意食甜既顧客，仙草係好既選擇且芋圓好有彈性，份量都幾多，兩個人食岩岩好。其次，想分享下牛奶冰，第一次食，嚇親我，勁大份量，雪糕堆到最高，由櫃台拎到自己張枱個陣真係要特別小心，如果唔係雪糕就無左。牛奶冰當然唔少到芋圓，麻薯，珍珠，椰果，同埋雪糕（雲呢拿味）。味道方面，當然好味啦，牛奶冰係碎冰，入口即溶既，加埋雪糕，簡直正到爆炸。麻薯都相當彈性，麻薯都有 4-5條左右，份量的確好多，岩2-4人食用。芋頭大大舊，綿綿地，放入牛奶冰又或者仙草又或者一舊過，都好好味，因為本身都有芋頭味。價錢方面，比起其他甜品店，係價既，選擇不太多，主要都係分幾類，包括牛奶冰，仙草，豆花，飲品。但份量的而且確係多且足夠多人享用既。如果夏天季節又或者鐘意食冰既朋友們，都可以選擇呢間甜品店。再次提提大家，如果想食又唔想等既話，記得早啲去排隊。^^

一講起芋圓，點能夠唔提起鮮芋仙呢！😋😋其實都食過好幾次㗎喇🤪不過都冇為佢寫過一篇食評🙈🙈趁今日有啲心情就寫下啦😬😬佢係值得擁有一篇食評既😊今次喺觀塘行過見到好想食😬咁就買咗一碗返屋企慢慢嘆啦😋😋平時都係堂食，第一次叫外賣😏都係爽既😬今次叫左芋圓4號加仙草叫得芋圓系列，當然就有芋圓啦😂仲有芋頭，紅豆，珍珠，平時食開係超級多碎冰嘅😌不過因為我今次嗌外賣拎到返去都已經溶咗好多啦🙈🙈雖然係咁但係又有另一番滋味😋😋糖水底唔會太甜，估唔到加仙草係會另外有個兜入起😬😬都只係加$4大大兜🙈🙈芋頭依舊大大嚿好綿，好粉，好有芋頭味🤪🤪珍珠就中間偏實心有咬口👍🏽最好食都梗係芋圓啦😊軟糯適中，又有淡淡番薯味😋😋雖然一碗糖水要50幾蚊有點貴，但係呢個價錢絕對值得👍🏽👍🏽因為佢嘅份量好大🤪而且好味🙂總括嚟講都係值得推介嘅😋

MEET FRESH //手工芋圓 - 芋圓6號 （粉條 粉粿 珍珠）+ 冬瓜凍食飽晚餐諗住同朋友行陣APM 點知朋友話想食下甜品 即刻諗起平時成日排長龍既Meet Fresh！可能個陣仲好早 完全唔駛排隊可以直入 但因為啱啱食飽 所以凈係叫咗一碗share (˶‾᷄ ⁻̫ ‾᷅˵)我地揀咗黑糖刨冰底 配料都係正正常常 比較特別既係芋園同冬瓜凍 芋圓真係食到地瓜同芋頭味 唔係凈係得粉既味 冬瓜凍好似真係飲緊冬瓜茶咁 ( ´▽` )ﾉ同埋份量好足夠 一碗share都飽住走 期待下次去試其他唔同既野～٩(˃̶͈̀௰˂̶͈́)و//大家記得食完要自己收拾餐盤呀

每次經過鮮芋仙必定會有好多人排隊，今日三點三黎開觀塘，決定黎排下隊食個下午茶啦～鮮芋仙遍佈香港，周圍都有好多分店，位置方便，總有一間喺左近，鮮芋仙主打台式飲品🧋同甜品🥣，而且餐牌好清晰，會列出曬每一碗入面有咩配料🤩今次我就選擇左人氣芋圓六號$48加$4仙草凍，因為店內已經有好多人、好爆場，所以今次就外賣返屋企食🤣5星為滿分👇芋圓六號 （ 粉條、粉粿、珍珠) ⭐️⭐️⭐️⭐️有黑糖刨冰係底，好冰凍好好食🤩🤩加埋粉條、粉粿同珍珠令到成碗甜品好有口感，好豐富，重有埋煙煙韌韌嘅芋圓簡直冇得輸👍份量都算多，食一碗已經夠曬飽肚！下午茶食曬一碗好滿足呀～另外，都加左一份$4仙草凍，外賣會用另一個碗裝，仙草滑捋捋，加埋落糖水度一樣咁match😆P.s 除左原本碗內有嘅配料外，重可以自己再用$4或$8加配料，好多選擇🤩