鮮芋仙 (創紀之城五期(apm))

Open Now

Now Closed

每次經過鮮芋仙都好多人呀，今日早咗放工終於過咗繁忙時間嚟買外賣啦～鮮芋仙主打台式甜品，好似有手工芋圓、滑嫩仙草系列等等，仲有經典豆花同唔同嘅茶飲架！店舖一直堅持採用新鮮嘅食材，原來佢哋嘅手工芋圓係由台灣鮮芋仙總部經人手蒸製、砌割、裹粉之後先再直送香港，難怪味道夠曬正宗。而且店內嘅餐牌簡潔清晰，仔細寫咗每款食物嘅配料，仲可以根據自己嘅喜好再加配料呢，淨係睇餐牌嘅時候都心大心細😆😆今次買咗最人氣嘅芋圓4號，除咗好鍾意佢哋嘅芋頭之外，仲好欣賞芋圓4號以黑糖刨冰為基底。再加上珍珠、紅豆同芋圓，口感非常豐富，珍珠咬起嚟煙韌又彈牙，仲有紅豆煮過後嘅香甜味，配合埋食落同樣煙煙韌韌嘅芋圓，份量好多之餘 ，味道同配料都好夾呀！放工再食一碗鮮芋仙的冰手工芋圓，真係超滿足呢

暫時未有機會去台灣，唯有食下台式甜品緬懷一下。款式有兩大頁，好似好吸引咁。呢度以自助形式落單，鐘仔響既時候就可以去拎，唔洗企係度等。最後揀左芋薯圓Q麻糬牛奶冰+奶茶布丁 ($62+$8)望落去幾足料，每樣配料都有最少有2人份量。芋圓有台灣九份既味道，Q彈而有陣陣芋頭或地瓜香。呢幾粒橙色芋圓有餡，幾特別。紫色同白色長條形既芋圓就較有咬口。不同芋圓既形狀、口感同味道都有分別，食落無一般芋圓甜品咁單調。冬瓜凍口感好正常，唔會過硬，有淡淡冬瓜味。將牛奶冰同埋奶茶布丁混合一齊食，奶香味更出，更滿足。

見呢間台式甜品店係apm咁方便，所以就搵左日放工黎食過飯後甜品。甜品店安排係門口先付費後係入座既方式，可以確保有位先比錢，安排幾貼心。比完錢就有個電子鐘仔提示我去取甜品。取餐時真係比個份量嚇親，特別係個牛奶冰，怪唔知隔離枱一個牛奶冰可以兩個人分享。左：芋薯圓Q麻糬牛奶冰($62)中：奶茶布丁 ($8)右：芋圓4號 ($48)我主要食芋圓4號，係推薦款。除左芋圓同刨冰，仲有有芋頭、紅豆和珍珠。芋圓係有咬口得黎唔會太實，有彈牙感，係我鐘意既口感。芋頭口感綿密，有少少芋泥既感覺，微甜帶出左芋頭既香味。紅豆夠淋，同彈牙既珍珠有對比，提升左層次感。店內面積不大，但勝在枱夠大，人不多時可自己揀位，坐得幾舒服。

我第一次食鮮芋仙係係溫哥華當時覺得又貴又細份但返到香港就完全唔同feel 而我每次去都有啲必點嘅野例如布丁🍮奶茶我通常會走甜走冰咁樣就會飲到佢個茶味多啲芋圓食起上黎香甜可口，微微軟綿成熟度剛好❤️有濃郁的芋頭香味，口感雪綿滑溜，適合家庭和孩子一起享受 😎刨冰🍧唔會會太甜，而且不易做膩味，感覺很舒適。◇◇◇◇◇◇◇◇◇💌 有咩好野快啲分享比我地知啦 😎 期待你嘅推介 ❤️

今日提早放工，5:00就收工! 當然要慶祝一下!見到有鮮芋仙，當然買返個外賣返屋企歎下！鮮芋仙實在太多選擇，好多配搭，又好多組合！心多多俾我，分析個餐牌都要10分鐘！又想食芋頭，又想食紅豆！所以順理成章揀咗熱既芋圓4號！熱食係紅豆湯，凍食係刨冰，因為我係外賣，唔係堂食，所以揀咗熱食！另外加左$4要冬瓜凍！等咗5分鐘，門口顯示牌就提示我有得拎！有一個唔方便嘅位，就係外賣要自己行入去拎！如果佢可以放埋喺門口，咁就更方便客人！值得一提嘅係，外賣唔使加錢，而且冬瓜凍幫我分開另一個兜裝！加分位！返到屋企都隔咗半個鐘，糖水仲係熱辣辣！紅酒湯唔算太甜，有好多粒芋圓，珍珠，紅豆，同埋有一大舊蜜芋頭！最愛芋頭，芋頭甜甜地，黏黏地，自己做真係做唔到！芋圓實在太多，食到一半都仲有10幾粒！正！食完成碗，飽到連晚餐都唔使食！真係抵食，夾大件！😂

今天跟朋友吃中午飯後仍有點時間，於是朋友提出想飲珍珠奶茶。我們在OPEN RICE找尋一下，原來APM 開了一間鮮芋仙，一定要試下。LUNCH TIME不算多人，我們點了兩杯外賣，分別是豆漿紅茶 ($30)及鮮芋鮮奶茶 ($36)，等了幾分鐘就有了。鮮芋鮮奶茶有大量芋溶在杯底， 一定要攪拌一下，而且味道偏甜，所以茶底叫半甜比較合適。奶茶非常香滑，因為用鮮奶所以奶味濃郁，顏色鮮艷。朋友話太飽，飲唔落珍奶又怕芋圓太飽肚，決定留返下次再試，今次簡單飲杯豆漿紅茶，佢話未試過豆漿配紅茶，覺得味道比想像中夾，既喝到濃郁豆香，紅茶味道又不太苦澀！每次經過都以為只是外賣店，原來店內有堂食，座位亦闊落，下次lunch決定唔食太飽，預多少少時間坐低慢慢試其他招牌甜品先得！

每次經過APM都是匆匆忙忙，成日以為這是間外賣芋圓點，原來menu好豐富，入面亦有堂食座位！今次因為剛食完午餐，不想點太飽肚有珍珠及芋圓的飲品，就叫了杯豆漿紅茶，豆漿、紅茶本身都是我喜歡的飲料，但就未試過混合一起飲，原來別有一番風味，豆香濃郁，在走冰、微糖下更能飲出茶的澀味，雙重享受越喝越順口！

芋圓4號 $48叫咗一碗凍嘅芋圓4號。入邊會有刨冰底、仙草、芋頭、紅豆、珍珠。因為好鍾意食白丸所以加多左一個白丸湯圓。今次第一次食，見到真係嘩咗出聲。好大碗！芋頭咁樣甜食都好好味，因為同埋珍珠嘅黑糖漿一齊食，所以食落去唔會好濟同太乾。食得出啲珍珠應該係自己煮，咬落去好煙韌。加埋奶一齊食食落去就會有黑糖漿嘅甜味同埋奶香味。仙草2號$48 又叫多咗一個仙草2號。入面有地瓜、薏仁、珍珠，難得黎鮮芋仙食就梗係加埋芋圓啦。地瓜浸咗糖水所以食落去好好味。好少其他地方嘅甜品會加薏仁，但係咁樣同仙草一齊食都好夾

仙草2號 加芋圓 $48+8凍嘅仙草系列基低包括仙草凍，仙草冰沙，一小杯奶油。🥛配菜有地瓜，薏仁，珍珠🧋一黎到就見到好大碗，🍨而另加嘅芋圓就用一個小碟另上。配菜嘅份量亦都好足。珍珠同薏仁都好有咬口。🍮地瓜食落好棉密，好甜。🍠仙草軟滑Q彈，芋圓大大粒，唔會硬。🍡好啱行完街，食個糖水。🤩

每次食完晚餐都會心思思想食個甜品先叫做係完美的一餐❤️而今餐嘅甜品就係鮮芋仙嘅冰！雖然唔係第一次食但真心覺得佢好大個！同男朋友一致認為佢唔係話十分好食但係價錢黎講真係不錯的。

前兩日同大學同學行行下街唸住揾個位坐下食個甜品就去咗鮮芋仙。我叫咗招牌豆漿豆花🥛，冇唸過咁大碗同埋咁多料。包括有芋頭芋圓珍珠同豆腐花，樣樣嘢都係好飽肚，搞到食完後就食唔到晚餐。

嚟介紹特色糖水喇✨！見最近介紹咗咁多主食🤣，今次喺時候介紹下糖水啦😍。今次想介紹嘅係人氣糖水店🤪，相信大家未食過都聽過。呢一間糖水店真係次次都一定要等位🫡，可以話係超人氣糖水店✨。想知我嗰日食咗咩糖水，就要繼續睇落去啦～食物方面☝🏻#芋圓6號（$48）我今次就試咗呢一碗芋圓6號嘅糖水❤️，呢碗糖水都係其中一款餐廳主力推介㗎🫶🏻。因為我今次就叫咗凍嘅糖水，所以糖水嘅基底就用咗刨冰🧊。食落除咗可以急速降溫🥶，仲帶有黑糖味😋。呢碗糖水除咗有最經典嘅芋圓之外，另外都仲有其他唔同嘅配料㗎✨，分別有粉條、粉粿同埋珍珠🤭。每種配料都帶到唔同嘅口感😬，令到成碗糖水食落都好有層次！#仙草凍 （+$4）另外我都仲加咗一份仙草凍🤩，仙草凍口感滑捋捋，加埋落糖水食一樣咁match❤️。有助昇華成碗糖水㗎🤤。評分以🌕表示（滿分為5）賣相：🌕🌕🌕🌕🌑味道：🌕🌕🌕🌕🌑

平時收工搭巴士上APM，每次行天橋都會見到呢間鮮芋仙。近日大爺成個星期幫手睇仔又陪玩又陪讀，為左慰勞下佢，就決定買個外賣比個surprise佢先。🥰🥰天橋一入APM第一間就係，超方便。咁啱搭返屋企架巴士就係天橋下邊，買外賣返去都算順路。由於係surprise嘅關係，我要揀比我家大爺，係時候睇吓我地究竟幾了解對方喇🤣🤣🤣🤣個menu仲要勁多野，望完一輪，決定咗就那那臨落order。等咗一陣就聽到叫外賣號數，原來外賣要入去店入邊攞。經過見到入邊原來坐滿晒人，另外見到有人叫咗個超大芒果刨冰好吸引，下次可以再試。外賣盒同匙都有自家logo😍😍😍🥰🥰啱晒鍾意包裝同著重details嘅我😂😂開估喇開估喇，我叫咗芋圓4號$48😍😍😍🥰有芋頭，紅豆同珍珠，當然唔少得重點芋圓喇。因為買外賣，怕啲冰會溶，所以決定走冰只要糖水。好大舊芋頭，又諗又入味，好棉好好味😋😋芋圓加珍珠～煙煙韌韌，夾雜住啲紅豆，口感豐富。因為走冰嘅關係，所以黑糖糖水會比較濃郁，對於平常喜愛走甜嘅搵食黎講會略甜，但大爺佢反而就覺得剛剛好😝😝為咗慰勞返我咁好慰勞佢，我都加$8要咗個抺茶布甸。😂😂😂個配料加購價真係好抵☺️☺️☺️問返大爺究竟佢會

平時行過，這間糠水舖的外面都總會有一大群（或小群）人站在門外等，今天也不例外。今次，我跟朋友進到店內坐下來慢慢食。座位不寬，有點窄，不喜歡窄的就要坐高一點（吧枱）食物和環境上都很衛生。只是，豆漿超甜，沒有無糖豆腐，也不能另上，我的紅豆宇頭豆腐花超超超.....超級甜！不喜歡。太甜對身體不好。價錢方面也很奇怪，紅豆湯可以配芝麻湯圓（非白玉湯圓）不用加錢，但紫米粥則不能配芝麻湯圓，只能配白玉湯圓，或者加錢。不太理解。

見堂食好多人，就嗌外賣返去啦，滿心歡喜諗住食豆腐花，點知入面得豆漿同埋配料，竟然可以連主要嘅食品都冇落！唔係下下都要打開嚟檢查架嘛，人與人之間嘅信任呢？四十幾蚊得碗豆漿