鮮芋仙 (創紀之城五期(apm))

Open Now

Now Closed

作為芋圓控嘅我，行街見到鮮芋仙，當然要買番杯！ 估唔到未到4點，餐廳已經坐滿好多客人，外面亦都不乏客人等緊外賣。  有選擇困難症嘅我，真係唔知揀邊樣好，樣樣都好吸引，所以最後朋友推介我飲大滿貫鮮奶茶，哇估唔到咁大杯，而且半杯都係料，果然「有料到」。 首先係珍珠奶茶底，然後配料有仙草、芋圓、芋薯圓、白玉湯圓，粉粿、粉條。每一啖都飲到啲料，煙煙韌韌，餐廳仲好貼心地提供咗長叉，俾你可以食到大舊啲嘅材料。個人最中意芋薯圓同白玉湯圓，芋薯圓入面仲包住蕃薯，好有口感。飲完已經好飽，真係唔洗食晚飯。 朋友話佢最近熱氣，所以佢叫咗仙草甘茶，係冇仙草嘅，睇落好似涼茶咁，不過雖然淨係叫咗半糖，但係一啲都唔苦，真係有種清涼驅燥嘅感覺。 

近排都有見到同事吃這一間的仙草冰沙，所以就打算去試吃下。午休的時候就買左招牌仙草冰沙再加多一份的芋圓，聽朋友介紹芋圓真是不錯吃。估唔到4:30開始裏面已經滿晒人而且有好多人喺外邊排隊買外賣。芋圓食落QQ而且又大大粒，仙草好a 彈加上沙冰又好清新，沙冰夠凍又不會太甜，對我呢d女人黎講就剛剛好，有食甜品既籍口啦。而且舖頭仲有好多甜品可以選擇，食多幾次先可以試到唔同味道。重點拿外賣時見到別人吃的麻薯牛奶冰也不錯，下次也要試一試。

今日係公司食完午飯口癢癢，落左apm商場搵甜品，買左個熱芋圓4號，內有芋圓,紅豆同埋珍珠。真係越熱辣辣煮好，材料又好多，佢嘅芋圓同埋珍珠係我食過咁多間糖水店裏面最QQ,最軟淋,係淋得嚟帶煙韌，唔會係好硬或者好似未煮熟咁樣或者煮到過晒龍得個淋無晒咬口，真係時間控制得好好。個糖水就係好似紅豆沙底，甜甜地，係咁凍嘅天氣食，暖笠笠又補血，加上每啖食到唔同材料，多種口感，好食。等外買嘅時候見到堂食嘅份量其實都好大喎，下次可以再試下。

【冰招牌豆漿豆花】【追加：冬瓜凍】【追加：奶茶布丁】【追加：粉條】經典豆花湯底可以揀糖水或者係豆漿，咁我就揀咗豆漿～！可以飲住豆漿食豆腐花都係第一次(⁎⁍̴̛ᴗ⁍̴̛⁎)我就揀咗招牌豆花，入邊係包括芋圓、芋頭同埋珍珠！啱晒我呢啲心思思唔知揀邊樣好嘅人，咁其實佢仲有另外嘅其他組合就係豆花1號至6號，下次再去試其他～芋圓同珍珠都好煙韌～合格，keep到水準！特別值得一讚，鍾意食芋頭嘅朋友一定要叫呀真！係淡淡肉超大舊嘅芋頭俾你，而且唔會好硬或者太淋，超正！另外，見佢Menu仲有勁多配料可以加購，咁我梗係加多啲啦，一次過滿足我嘅願望(◐‿◑)冬瓜凍非常有咬口～我特別鍾意粉條煙煙韌韌嘅感覺～奶茶布丁重奶茶～特別值得一題，可能係因為外賣嘅關係，佢係分咗四個外賣盒俾我㗎，好有誠意，味道都怕會溝埋一齊，你鍾意分開食又得一齊食都得，咁樣追加真係超抵！

平時經過銅鑼灣Vpoint嘅鮮芋仙, 店內店外長期人山人海, 今日經過APM, 原來呢度都有分店, 即刻買返碗返屋企慢慢嘆!多款台式甜品選擇, 更可追加配料。揀咗---芋圓4號 (凍)份量滿瀉, 入面有兩舊林嘅芋頭、熟透煙韌嘅珍珠、甜甜綿密紅豆, 仲有好幾粒煙韌得黎唔會太韌嘅芋圓, 口感滿足, 底部有由碎冰組合成一餅嘅冰塊, 非常夠凍。另外追加了---奶茶布丁超有驚喜, 質感超彈滑, 入口散發陣陣奶茶味, 奶味偏重, 正!

基本上每一次嚟都係食呢一個超級大嘅布甸牛奶冰。呢一個牛奶冰真係超級多了，除咗有超大個牛奶嘅沙冰之外，上面有一球好甜嘅雲呢拿雪糕，而下面嘅配料亦都有啫喱，戶縣仔，同埋一條一條嘅粉遠。自己本身最鍾意就係食下面嗰啲一條條嘅粉圓，非常煙靭，而且甜到啱啱好，食一啖粉完再食一啖冰簡直係完美嘅配搭，而布甸方面有一個嘅雞蛋布甸同埋另外一個杏仁布甸，個人對杏仁嘅感覺一般般，但係個雞蛋布甸就好香。講起個冰嘅話，其實兩個人真係根本食唔晒，真係超級大個，而且質料亦都非常之足，好滿足呀。

鮮芋仙係性價比很高的台式甜品店平時經常外賣甜品返屋企食，今次有時間堂食就一試佢地既牛奶冰～♡ଘ 芋薯圓Q麻糬牛奶冰(配料包括雪糕球，小芋圓，芋薯圓，麻糬，冬瓜凍)我們看到牛奶冰的尺碼時真的不禁感嘆，應該是幸運的較平常大一點點，打卡必點牛奶冰過左一陣隔離枱都係叫牛奶冰，美女們都係咁不斷話好大，同我地一樣咁驚喜～哈哈2-3個人一同分享是沒問題的最想稱讚的是「芋薯圓」，番薯＋芋蓉內餡，很 好 吃～！下次一定會加芋薯圓。整體真的不會死甜，味道和配料口感很豐富！ଘ 杏仁布丁很杏仁！不是那種假杏仁味，很適當的杏仁味道，而且甜度剛剛好！

話說番工LUNCH食完飯口痕想食個糖水，冇諗食咩咁岩行過APM見到鮮芋仙，反正未試過就點左個芋圓紫米粥外賣拎番公司食～因為個陣12點間店岩岩開門冇耐所以好快就拎到外賣~番到去一打開見到比平時既糖水大碗好多！真係第1次食糖水咁大碗！所以有小小意外😂食落都發現都落得多芋圓，口感都唔錯比較咽刃，唔會好似出面某啲糖水店芋圓個心係硬既，而紫米粥唔會死甜，成碗芋圓紫米粥都比較滿意~足料芋圓‼️其實本身自己都係芋圓愛好者，都食過唔少間店既芋圓，當中鮮芋仙真係我食過最大碗既芋圓甜品！同埋出面糖水店都比較少見到有芋圓＆紫米粥呢個配搭，食完真係可以飽到好似食左個正餐咁名飽。同埋呢間鮮芋仙既地點都好方便，係成業街，行過去都唔洗10分鐘整體黎講，下次都會再幫襯~雖然好大兜清底無難度

鮮芋仙分店越開越多！今次經過竟然冇人等位👀食完正餐飽飽地淨係叫左一款甜品試，好彩冇嗌多！唔係都唔知點食曬🤣🤣揀咗布丁Q麻糬牛奶冰$58真係估唔到個份量大到咁絕對要share食，都幾豐富好多配料！-🍨最頂有一球好重奶味既雪糕，好滑無碎冰-🍮杏仁布丁&焦糖布丁，杏仁布丁好濃杏仁味好特別！焦糖布丁就近乎統一布丁味道～-🍡小芋圓，超細粒應該有100粒，好好咬!但就唔好期望有咩芋頭味蕃薯味～-💜日式Q麻糬(原味&黑糖味) 好煙靭，仲要每隻味有四條咁多-🧡冬瓜凍-無咩味亦都唔特別，勝在口感唔同總之食到最後都一定有配料唔會得番冰！只係食到一半會淡口味啲，如果有多一小兜黑糖漿for自己落就完美❣️❣️

好味又大碗又抵食！🥳🥳日日經過APM呢間鮮芋仙都超多人，今日放工經過都係咁多人😂😂 但今日超級肚餓又好想食甜野，於是就決定去買個外賣！堂食就要去電子取票機攞張飛先！但外賣就去收銀度排隊就得！我只係等咗大概五分鐘☺️就有外賣🥡啦！店員好有效率，值得加許！😆我叫咗熱既芋圓6號加奶茶布丁🍮，今次係我第一次叫熱的芋圓系列，因為想試下佢既紅豆湯底，之前食過凍既係刨冰黎。芋圓6號除咗有芋圓，仲有粉粿、粉條和珍珠！😊好大碗好足料！出奇地紅豆湯甜度適中，每一啖既紅豆湯仲伴隨一粒粒的紅豆，好好味😋好飽肚好滿足🥳！記得等緊外賣時見到店舖仲有賣家庭裝仙草凍套裝，$70一套，內有五份份量，下次有朋友/家庭聚會時一定要買一套，喺屋企DIY落唔同配料發揮下創意🥳🥳

鮮芋仙 (觀塘)鮮芋仙好好味❤️經開觀塘必買返屋企慢慢嘆👍👍台灣甜品和飲品都好高質⭐️⭐️小芋圓奶茶$32奶茶香濃，有滿滿奶香🥛🥛，茶底好飲😋再加埋小芋圓，有咬口，彈牙美味🥰🥰份量好多，大大杯，飲完好飽肚👍👍QQ冬瓜茶+冬瓜凍$36冬瓜茶係我台灣最愛飲品，清甜解渴，入面仲有啲喜愛的粉條及小芋圓，口感一流，我仲加左冬瓜凍，好滑溜⭐️⭐️推介，加完將杯飲品再昇華🥤🥤飲完滿滿幸福感😍😍餐廳環境：座位舒服，好岩同朋友食宵夜或下午茶tea🥰🥰職員態度有禮友善，推介❤️❤️外賣都pack得好好🧋🧋地址：觀塘觀塘道418號創紀之城五期(apm)C層C-41號舖整體評分：5/5味道：5/5抵食：5/5

鮮芋仙的甜品很受歡迎，有十多間分店分佈在香港島，九龍及新界。今日去APM買手機，趁機去APM的鮮芋仙吃甜品。下午四時左右店坐滿人，店外有多人等位。不想延誤歸程，决定買外賣回家吃。平時堂食多數吃基底為刨冰的冰芋圓系列。今日外賣，買了湯底為紅豆湯的熱芋圓系列。芋圓一至六號的配料不同，今天我選了芋圓四號，除了芋圓和紅豆湯，有我喜愛的芋頭，紅豆和珍珠。紅豆湯不太甜，美味又健康。芋圓煙韌有咬口，好好食。芋頭兩大塊，又粉又糯，超正。紅豆大大粒好粉，珍珠發揮正常。如你喜歡，可以加購配料，選擇很多，有地瓜，芋薯圓，蓮子，白玉湯圓等等。今日加購了芝麻湯圓，一份兩粒。芝麻湯圓香甜糯。吃完一碗芋圓和加的湯圓，又飽又滿足。

1. 冰芋圓4號芋圓4號有芋圓+珍珠+蜜芋頭+紅豆+黑糖水，呢碗野包含了我最愛的煙韌野❤️又真係唔錯!👍🏻芋圓大顆彈牙，蜜芋頭煮到好綿密，但又不會太甜，加上分量真係好大，好正🤤2. Q麻薯奶茶布丁拼盤呢款就比較普通，奶茶凍係香濃的，但對我黎講偏甜，可食可唔食，無咩特別😌如果單獨比冰芋圓分，我會比到8.5/10，整體的話，8分啦！係會再encore既，連鎖餐廳既出品應該都比較穩定。食物:8/10性價比:8/10

平時好中意食鮮芋仙，行過apm商場見到有就諗住買返屋企食，但食完真係有啲失望，之後應該都唔會再買依間分店。叫左個芋圓五號，但返到屋企打開發現最主要嘅芋圓竟然無左....一打開見到嘅係一層冰，然後撈到最底又有一層冰，總共兩層，應該係店員最後要淋芋圓喺面嘅時候唔記得左，鬼掩眼又淋多左層冰，結果變左真係齋食冰而且其他配料都少得可憐，珍珠同花豆都係得嗰幾粒，覺得比$45食係完全唔值!因為太遠水路，已經無得再返去間鋪叫佢補返，但心裡面真係有啲不忿，唯有喺openrice度比個負評佢。

鮮芋仙d分店擴充得好快，喺第5波之前，晚市可以堂食既話，起碼要等一個鐘🙊🙊但都值既，因為一碗超大碗，又飽肚，可以甜品當晚餐😬😬而家晚市無得堂食，今晚我就買左鮮芋仙外賣返屋企食😋😋我食熱芋圓4號加地瓜：湯底係紅豆湯，有大大粒好粉好香既紅豆，又有煲到冧哂但好香既芋頭，芋圓同珍珠都幾彈牙。地瓜都好甜😋😋不過份量好似無堂食咁多，食完都唔係好飽。但疫情期間，有甜品調劑下生活已經不錯。😊😊