鮮芋仙 (創紀之城五期(apm))

Open Now

Now Closed

大約4點去到，以為會冇乜人，點知門口已經企滿晒中學生！以為淨係我呢啲成年人鍾意食，點知原來都係中學生嘅食堂😂今次order左🌟招牌仙草冰沙真係滿滿一大碗！啲芋圓好大粒，咬落好有滿足感😍仙草冰沙我第一次食，一開始仲諗會唔會好衝突🫣後尾先知道原來係正㗎😋感覺就係沙狀嘅仙草😚做招牌都係實至名歸！大家記得落花奶，增添好多味道！🌟熱招牌豆漿豆花諗住食健康少少食啲熱嘢，同埋好耐冇食過豆腐花好想食😂相比起其他甜品，呢個唔算太甜，所以非常欣賞！份量好大碗，真係完全食唔晒！超多珍珠，反而芋圓好似少咗啲啲，不過仲有兩舊大芋頭！🌟環境方面，會比較細，但係裝修都算乾淨整潔舒服。

天氣反常，九月都仲係咁熱，食甜品都好自然想揀啲凍嘢。招牌仙草沙冰 $45芋圓丶地瓜圓丶仙草丶沙冰，仙草質感嫩滑，透心涼之餘，原來仲可以養顏美容，預防中暑&感冒；外賣拎到返屋企，啲沙冰仲keep到。芋頭 +$8本身一碗份量已經好夠，但太多嘢想食，唯有只加最鍾意嘅芋頭。佢哋嘅芋頭係用慢火蒸煮，質感綿密，芋味濃郁，必試！小奶油 每杯+$1仙草加佢哋個奶油係畫龍點睛！每款仙草甜品配一盒小奶油，如果想額外加，每杯$1

最近，apm開左一間主打台灣芋圓專門店，叫做“鮮芋仙”。聽講，平時好多人幫襯，這裡可以堂食，趕時間，你又可以叫外賣。☺☺☺今日，我就經過觀塘，我梗係一定要去呢間店幫襯吓啦。由於交通位置非常方便，又從觀塘地鐵直入APM商場,唔駛上同落，就係同一層，好易搵。 依間鋪頭雖然主打芋圓，仲有好多唔同系列嘅甜品，你可以選擇💗💗💗，首先，就有仙草系列，即係我地平食嘅涼粉囉。仲有豆花系列，沙冰系列，同埋紫米粥系列。選擇好多，你可以慢慢挑選自己喜歡嘅甜品就可以啦。我今日就選咗最出名嘅”經典豆花“，裡面有豆漿湯底，芋圓，豆腐花，仲有芋頭添。我仲加8元，要咗2粒芝麻湯丸😍。叫外賣返屋企，同屋企人慢慢嘆。晚飯後，品嚐甜品，簡直係大滿足。食完之後，乜嘢工作煩惱，都唔記得喇。聽日又可以再搏殺過啦！😊😊😊😊

芋圓控無理由唔識鮮芋仙，我係忠粉，每次見到都一定會幫襯，遠至去到日本都一樣唔會放過😋😋，因為佢d芋圓真係大粒又有咬口，最鍾意就係地瓜味芋圓。今日去開APM，成日嚟都唔知呢度原來開左鮮芋仙，不過朋友要食牛角包下午茶，咁我唯有買外賣同佢去左Foodcourt食。今日揀左芋圓4號($45)+白肉湯丸($8)，其實我每次都係食4號😄，因為4號係有芋頭嘅組合，如果天氣再熱d，我就會食仙草4號消消暑，今日涼返d就揀左芋圓4號。原先芋圓4號都已經好滿足，但見到其他客人果碗嘅白玉湯丸😍。。。。忍唔住，加左🤣🤣一貫鮮芋仙嘅水準，芋圓非常煙韌，大大粒，最鍾意擘大口咬到㗱㗱聲咁食，彷彿咁食會特別煙韌😅。芋頭好綿密，外層如雪糕一般，但芋頭芯仲有小小咬口，呢種口感只有芋頭獨有；紅豆係中型size，煮得夠腍；珍珠就……無咩特別🤣忍唔住加左嘅白玉湯丸，同樣係煙煙韌韌，仲滑捋捋。我諗芋圓4號+白玉湯丸會成為我之後嘅首選👍

飯前甜品晚飯餐廳要等幾十張枱先到，老公醒目👍先喺鮮竽仙攞飛食甜品每次行過都勁多人，我都係第一次嚟紅豆牛奶冰 - 😱😱 好大碗! 如果得我一個，一定KO唔倒。 牛奶味冰冰，配上大量好淋嘅紅豆，頂層牛奶雪糕 ，好好味😋😋芝麻湯圓紅豆湯+薏仁 - 同樣大大碗😱😱 尼款係熱嘅。台式紅豆沙其實冇廣東紅豆沙咁沙。唔太甜👍👍食完甜品之後我已經爆咗九成🤣🤣

服務絕對好有問題！！已連續2次比錢落單後都比唔到貨上2星期第一次喺呢間店落單買鮮竽鮮奶茶，比完錢，等咗10分鐘話無竽泥，要我改叫其他，ok，比次機會今日再order 鮮竽鮮奶茶，比完錢，等咗10分鐘，又係話無，要我改叫其他。真心過份，如果無呢個產品，不如係menu delete，連續2次不同時間日子都無，浪費顧客時間之餘，比人感覺好差，仲要喺店員無諗過refund，係想我改叫其他食品代替，最後係我要求退款先得，一啲都唔專業，絕不會再光顧

呢排真係好熱，食凍野消暑必選芋圓， 仲可以飽肚😍 呢間野都多人食， 要排隊令票 等10分鐘左右先入得。 出名好食， 所以試下。我選左綠茶布甸！ 😍😍 綠茶味好濃郁 入口涼涼地軟軟地， 配搭煉奶同紅豆， 十分夾～細細粒嘅圓圓好彈牙， 我最愛🥰 必選～ 又抵食成座冰山， 食完好似過左冷河咁， 涼曬～😅 十分足料， 配料有五個配搭，各種口感都有齊曬😇 我個人最鍾意芋頭， 係特別調製過 甜甜的又不會太甜， 食完飽飽！ 冰不算十分有味， 我加入左上面個餐的雪糕一齊食～ 連朋友都話好味！

第一次黎鮮芋仙竟然唔係食仙草凍同芋圓，係試八寶總匯冰。拎到埋黎真係比佢既巨型嚇到，$68蚊既個價錢的確好抵食，兩個人食都食唔晒。大大碗有雪糕有紅綠豆、蓮子、薏米、花生、紅腰豆、蕃薯、冬瓜凍，主要面係牛奶冰，內裡就係冬瓜糖水冰。個人覺得面層既冰就好香牛奶，但食到底就比較甜，而且冰感比較粗身，做唔到入口即化。而配料方面就以豆類為主，如果轉換多一款煙靭既丸子類就更好。而且蕃薯太大粒，切開細粒啲更好。唔記得影相，唯有係IG story cap圖🫠同埋星期日人流較多，等位堂食等左足足30-45分鐘，堂食重有最低消費，就係一人最少叫一個，所以我地再叫左多飲冬瓜仙草，最多都係半糖，所以會甜啲，而且一個總匯冰足以K.O.我地，最後飲品要拎走慢慢飲埋去。

本身唔係芋頭嘅fans，對於呢兩年越開越多嘅芋圓、芋頭甜品，試過都感覺一般。直至朋友帶我食鮮芋仙！逛街了半天，入黎坐下過冷河，叫左碗餐牌推升嘅芋圓4號，裏面有大粒原隻芋頭，紅豆、珍珠、兩色芋圓✨ 紅豆超甜又起沙，珍珠同芋圓都係軟糯口感，唔會好膠。戲肉係芋頭超香甜新鮮💜💜食過先知芋頭原來可以咁好食🤤嗌左涷食，所以配左刨冰🍧清甜透心涼，解暑必食。呢款試過即愛上，下次黎食芋頭再試埋其他配搭先🙌🏻

店員服務極差 抹枱條布臭到幾日冇洗咁 抺完張枱一陣陣臭味咁第一次食吾知自助型式要收啲碗店員完全冇禮貌叫 執埋碗先好走🤬🤬🤬🤬🤬換過班店員先好做生意 咁服務態度幾好食都冇用 吾會再有下次

鮮芋仙呢間台式甜品專家越黎越受香港人歡迎👏，你見分店越開越多就知啦今日去觀塘APM Apple store 睇iPhone， 順便睇下附近有乜食！ 少去觀塘，驚見APM 都有鮮芋仙分店！忍唔住要去買我最愛的芋圓呢間分店門面企理，裝修乾淨，好岩鐘意食小食但又講求衛生既我不過就有少少多人，所以決定唔等位，買外賣番屋企食！今次買咗芋圓4號（$45）追加一個綠茶布丁🍮（$8），叫外賣自取，一打開個蓋，已經好滿足有滿滿既芋圓、芋頭、紅豆和珍珠當然唔少得我追加既綠茶布丁啦！芋頭又大又粉，芋圓煙煙軔軔，超級好味！ 無後悔追加咗綠茶布丁🍮，因為布丁好滑好濃，回味無窮下次我想試沙冰系列，見今期有芒果冰，仲有巨大版，可以叫埋朋友二個人一齊share! 夏天最好食芒果

夏天熱辣辣，想食d涼浸浸既野食解解暑。上網見到原來APM都開咗呢間舖頭，於是就約埋媽媽一起同行試試佢，黎到呢間個個幕名而來的人氣小店，果然係熱鬧非凡！唯有打包返屋企慢慢食😊，見到餐單上的款式！真係樣樣都好吸引！即刻選擇困難症發作！最後決定外賣人氣王 招牌仙草冰沙😍 ，仙草系列基底係仙草凍、芋圓、仙草冰沙，仲附上一杯小奶油，我哋仲加配地瓜。我哋見到店內人食緊嘅甜品都好似好大碗，於是就決定買一碗試試佢！試完都覺得好驚喜，冰沙甜度適當，內有芋圓煙韌彈牙，地瓜亦帶香甜！仙草口感香滑！份量好豐富！下次仲想繼續試第二個款式呢

今日來到人氣甜品店「鮮芋仙」食甜品，「鮮芋仙」越開越多分店，平日時間都經常有人等位，證明香港人真的很喜歡食。餐牌上的食物主要是芋圓、粥、豆腐花和各款飲品，真是樣樣都想試。「布丁Q麻糬牛奶冰」$58這款是必食之選，有很多款Q麻糬，煙煙靭靭的，咬落有不同的味道，頂面上的雪糕很好味，底下是牛奶冰，冰加麻糬一齊食，又涼快，又消暑。值得一讚是外賣的匙羹是偏頭的，方便客人刮起沙冰，真細心。牛奶冰頗大碗，兩個人share 食就剛剛好。

香港人一向都好喜歡台灣食物😊😊😊疫情難去旅行嘅呢幾年, 我在香港也買多左珍珠奶茶或者仙草芋圓呢類台灣食物😊😊😊今日去到觀塘APM，買鮮芋鮮返屋企食😊 幫襯嘅人都有唔少，堂食及外賣都要有心理準備要等一陣 冰凍的糖水甜品係暑假嘅恩物😊 餐牌裏面嘅選擇都好多，有甜品及飲品我點咗一碗仙草6號，😊主要配料有：粉粿，珍珠另外都加咗配料：冬瓜凍冬瓜凍及仙草也好滑😊口感不錯😊芋圓好有咬口，粉粿平時比較少食，煙煙韌韌唔錯😊仙草及芋圓嘅甜品除咗本身餡料嘅口感同埋味道，配搭嘅糖水底都好重要😊如果熱食嘅時候，配搭紅豆湯就好正。凍食的話，配搭冬瓜糖水我有清甜、透心涼嘅感覺。如果下次再幫襯，還是坐低慢慢堂食比較好😊

20/8 周末我同個朋友去揾甜品食，發現觀塘apm新開既哩間鮮芋仙，岩晒鐘意食芋丸既我，但拎飛之後排咗差唔多成45分鐘先入到去，入面點餐既模式好似快餐店咁，先係出面落order俾錢，然後自己去拎野食。我地叫既甜品八寶有蕃薯、啫喱、薏米同埋唔同既豆類，中間有凍冰冰既奶味刨冰同埋電糕球，我地再另加咗芋丸同埋綠茶布丁，原來芋丸有分大粒或細粒，我地今次就揀咗細粒，味道都幾好味，食完個人都凍冰冰🥶 價錢就中高了，不過係apm大商場算係咁，下次想揀返大粒既芋丸🍡