鮮芋仙 (Closed)

食完晚飯後去左大埔鮮芋仙買糖水🤩🤩一去到見到勁多人排隊買外賣等左大約10分鐘排到我🥳等外賣大約15分鐘今日豆花豆漿都賣哂 下次有機會試下我地買左招牌仙草沙冰 一個係走冰底$45 大大碗 都幾抵食因為走左冰底 成碗都係仙草 份量無少到芋圓好好咬口 唔會好多粉👍🏻👍🏻仙草好滑 唔會好甜 好食👍🏻食到尾已經好飽試左朋友個冰底都唔錯 d沙冰有黑糖汁 但又唔會好甜 冰冰涼涼好食下次有機會再試下豆花😽朋友都豆花都唔錯

大埔新店開張第一日，我下午三時左右去，已經出現人龍，以為新店開張應該不用排隊，誰知一班甜粉已經排隊攞飛，我和朋友一行四人去探店，誰知仍然排咗二十幾分鐘隊，但都是值得。甜品始終保持一貫水準，我叫咗熱「芋薯圓紅豆湯」，紅豆味濃，甜湯不是太甜，啱我口味，芋圓好有口感，彈性剛好。店內環境舒適，因為人流多，店員都很忙，應該有些是新手店員，動作比較慢。我的朋友第一次食，不知應該選那個甜品，雖然很多人排隊，但我很欣賞收銀店員的耐心，很細心推介甜品給我的朋友，好專業

鮮芋仙越開越多分店連大埔超級城都新開左間雖然開左咁多間分店 但條龍一樣咁長🤯外賣要等至少半個鐘堂食我地等左差唔多一個鐘！舖頭唔大 唔係幾多位😢而且可能新開唔係好夠人手 有d負荷唔夠既feel芋頭牛奶冰 加芋圓 加紅豆排隊時見倒d牛奶冰好大份兩個人食應該剛剛好 唔洗叫其他果然好大份 d牛奶冰好似座山咁高有六大舊芋頭 超甜超稔超creamy😍牛奶冰好重牛奶味仲有舊雲尼拿雪糕係面 好壯觀🤣係鮮芋仙一定要食芋圓🤣加左份芋圓 超煙韌 好好味😋紅豆只係加$3 同埋牛奶冰一齊食超夾！