Video
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
呢間鮮芋仙又係成日經過都見好多人，今日又買黎試吓，食完真係無下次，完全唔明白點解成日都咁多人。我買左豆漿豆花4號，配料有芋頭、紅豆。首先豆花係一 d 都唔香唔滑，食百福仲好味過佢，豆漿唔講仲以為係飲緊水，完全無味。跟住芋頭係成舊勁大舊，唔明點解唔可以切細粒 d，仲要質地唔綿，食落實實地，好耐未食過咁難食既芋頭，紅豆就正常無咩別。跟住食埋招牌芋圓，諗住招牌應該會好食 d，湯底係紅豆湯，配料有芋薯圓、白玉湯圓、珍珠。芋薯圓、白玉湯圓同珍珠都好淋，唔夠 Q彈，食到一 pat pat 咁，個紅豆湯底都唔夠紅豆味，成碗野好似俾病人食咁，又淋又淡味。$52一碗真係唔會有下次，去波仔記買糖水仲好食過佢。
continue reading
#mochicouple_hk坑口搵食團見到有泰奶系列甜品🤩即刻狗衝去試😁 🆕🧡最想試🔸Q脆泰奶珍珠冰🔸😝點知去到話sold out🥲🥲好失望🙃唯有試另外兩款🤓———————————————1️⃣泰奶豆花🔸($40)一上枱😨咁細碗😰比起平時用正方大碗裝，佢係用圓形裝,份量有啲少😤食第一啖，有啲奇怪🫠平時飲泰奶,唔係咁嘅味,呢款偏甜冇茶味,仲有浸怪味🤥香港呢款有豆花,仲有甜香紅豆🫘同煙韌珍珠🤤豆花似係用粉開，好鞋恰恰😵而mochicouple做咗資料搜集,發現澳門只係賣25mop😑仲要有埋一大球紫米，泰奶係自己倒落去😲🆙🆙好味指數：🍡🍡2️⃣珍珠泰奶茶🔸($38)價錢定價幾貴🥴如果好飲,都借既！泰式奶茶同上面個款式問題一樣🥲珍珠口感算煙韌😜💯好味指數：🍡🍡建議食返其他芋圓甜品！大碗又好味😋🤤其他款式真係做得好好😍————————————————📍 將軍澳坑口重華路8號東港城1樓128A號舖🚇 港鐵坑口站B1出口,步行約4分鐘
continue reading
琴日行到身水身汗 想食啲凍嘢就去咗鮮芋仙 外賣勁多刨冰底覺得同以前食第一次差好遠份量越嚟越少，冰底越來越多芋圓都係彈口好食嘅不過呢個份量就覺得佢好貴琴日行過見到有杯嘢飲$9但係要三點前買 大家行過可以試吓
continue reading
牛奶冰個價錢睇落去好似偏貴，之後一上到枱份量嚇咗一跳🫨！！！如果當飯後甜品黎講，一個人係食唔到嘅份量，勁大部份， 我諗如果係女真係食嘅話，要2個人先至可以食得曬。而且佢個款式有好多，我覺得佢個餐牌入面呢一個牛奶冰嘅性價比係最高！！！！ 如果唔介意share食嘅話好值得推薦，兩個人一齊嗌一份！芋薯圓Q麻薯牛奶冰佢啲芋圓同麻薯好好食，而且芋圓同麻薯就算掂到啲牛奶冰，都無比牛奶冰嘅影響而變得硬身，佢最面嗰度再加多一球雪糕，成件事勁邪惡又滿足！！甜度適中！環境裝潢有九份既感覺唯一扣份位係清潔方面可再做好啲
continue reading
將軍澳 📌 鮮芋仙 Meet Fresh (East Point City)將軍澳坑口重華路8號東港城1樓128A號舖話說同豬隊友入將軍澳食飯，食完飯口淡淡，想外賣買杯嘢飲下，我又搭單買碗飯後甜品，點知.......⚫ 芒果椰奶西米仙草凍 $48我想講個芒果肉係偏酸，但糖水又好甜 Mix 酸芒果肉... 🙂↕️ 而椰奶唔係椰奶味，總之Mixed 芒果嘅酸味.... 🙂↕️伏~到一個點 ⚫⚫ 芒果綿綿冰球 $48呢個芒果綿綿冰球，絕對係無［芒果椰奶西米仙草凍］咁伏，因為入面有雲呢拿雪糕 (雪糕係好難難食的)，而且芒果肉亦都冇咁酸，可惜入面加了硬屈屈嘅白玉，唔知係咪未熟？ 定係已經雪硬咗 😑唉~真係......😑粒粒白玉都係硬掘掘，係得一粒比較軟糯一點 🌚 總括而言，冇諗過仙芋圓咁多間分店，出品完全冇乜質素，咁嘅價錢，完全對唔住應該要有嘅質素，我諗我都唔會再幫襯了。
continue reading