鮮芋仙 (東港城)

Open Now

Now Closed

呢間鮮芋仙又係成日經過都見好多人，今日又買黎試吓，食完真係無下次，完全唔明白點解成日都咁多人。我買左豆漿豆花4號，配料有芋頭、紅豆。首先豆花係一 d 都唔香唔滑，食百福仲好味過佢，豆漿唔講仲以為係飲緊水，完全無味。跟住芋頭係成舊勁大舊，唔明點解唔可以切細粒 d，仲要質地唔綿，食落實實地，好耐未食過咁難食既芋頭，紅豆就正常無咩別。跟住食埋招牌芋圓，諗住招牌應該會好食 d，湯底係紅豆湯，配料有芋薯圓、白玉湯圓、珍珠。芋薯圓、白玉湯圓同珍珠都好淋，唔夠 Q彈，食到一 pat pat 咁，個紅豆湯底都唔夠紅豆味，成碗野好似俾病人食咁，又淋又淡味。$52一碗真係唔會有下次，去波仔記買糖水仲好食過佢。