目利きの銀次 (Closed)

本人今日下午2:20到這間店、吃午餐、叫了一客刺身定食、一客 北海道三文魚子海膽刺身飯、 第一次 侍應拿來的是 帶子、三文魚子、海膽三式刺身飯、 我告訴他不是這個三色 刺身飯我要的是北海道三文魚子海膽刺身飯、 5分鐘之後 再送嚟一個海膽三文魚子刺身飯 冇錯的、但 個 刺身飯 、並不是 圖片 片中的 大碗飯、 只是一碗很細在家中的小飯碗、吃了2O多年的日本菜館、 從未見過一個刺身飯可以細得那麼 可憐、 喺屯門區一間收費248元一份双式刺身飯 真的是太過份、 當時有 問過侍應 點解刺身飯可以咁細佢話係咁細嘅、 當時真係無言、 可惜都是冇影低相片 不能畀大家看、 之前來 錯 的 刺身 飯、 比這碗大一倍、 但價錢相約、 對這間店舖真係有些失望 佢張單就照收三色飯錢 並無改單 不知什麼原因

久別再到， 沒想到令人有如此甘勁的日本食堂。先入食堂已預見勁差的服務員😡， 沒有日本食堂的招呼語，還得了肢體碰撞後一句'妖'。失望……開始叫食物……唔禮貌續😠……按一次鐘有人到，唔使按咁多……定食午飯148……quality..差🤮到走啦， 按左多次鐘沒服務員到， 只好走出去招手， 攞單過來的服務員..沒出一句聲。 問佢咩到唔知， 大大聲， 沒半點禮貌。 不正常的日本整食堂。

過往光顧夜市，服務質素+食物品質雖然昂貴，但都有一定嘅品質保證。今次去光顧午市，環境衛生不但比以前差，侍應們十問九唔應。我同家人坐一格格d 房，㩒好多次鐘都冇人應，卻聽到出面侍應哈哈大笑嘅閒聊聲。埋單仲要行出去先有人理（係冇著鞋嘅情況底下），check bill 嘅時候女侍應就咁對個板埋嚟就算，冇講幾錢冇講多謝。其實我地呢餐一d 都唔平，服務態度係咪真係要咁低劣？！！講返食物質素方面，我地叫左午市嘅1. 刺身定食 （＄148）腥味可見其一d 都唔新鮮，要顏色無、要味道無、要份量都無。2. 壽司定食（14X）腥、有一舊可以俾成塊閃爍嘅魚皮我地，隨餐烏冬凍，難食。好失望，永遠都唔會再幫襯。

叫咗個牛肉壽喜燒 138元換黎嘅係咁嘅牛肉 個鍋係得D菜同菇 豆腐芋絲蔥全部都無😰 咁樣叫壽喜燒 叫淥牛肉好似比較岩仲有個牛肉 明顯係切定咗一段時間 黑黑地 佳寶嘅肥牛都好過佢 薄切有7塊 見唔見到d牛肉上面有個圓圈 好明顯係有一個碟就咁擺咗係d牛肉上面 衛生好有問題呢間野 同千兩無得比 價錢千兩可能仲平第一次要寫食評bad list 呢間野牛舌好硬 海膽生蠔ok 壽司拼盤平平無奇 2人食咗510蚊 但係完全唔飽 完全唔值 唔會再去食 高級嘅價錢 但食物差過元氣

呢間日本餐廳CP值好高！今次朋友生日我哋決定黎呢間食飯因為我見到佢有卡位，有房，同埋環境都幾好其實我book既時候無話要房但係佢見我哋慶祝生日，就俾左間房我地佢既食物種類好多，價錢其實唔算貴因為佢地食物質素好好，如果係其他餐廳食應該唔止呢個價錢首次，我要讚下呢個我覺得最好食既燒飯團！上邊既係明太子，呢個佢燒得外面脆脆地，飯焦好香，加埋明太明既咸味，呢個一上枱就俾大家分晒，下次黎呢個係必吃！我見佢有唔同味可以選擇，唔食明太子都可以揀其他另外其他食物都好唔錯 覺得佢既燒烤系列好出色個燒南瓜同燒茄子都好好食因爲在場有食素既朋友佢都都發現餐廳素食選擇好多我地仲叫左個豆腐鍋，份量好多清淡得黎都幾好味，唔會因爲豆腐鍋淡而無味另外炸餃子都好正，好香口唔會炸到好大油味，炸既時間岩岩好加埋d菜，感覺都健康d仲有個清酒煮蜆，呢個就都係水準之內每人幾粒就清晒，佢粒粒蜆都有肉，開左口再加追野菜炒豚肉 ，呢個份量唔算多有少少失望。但整體黎講呢度既野食都好好食侍應反應都好快，成日幫我地加茶所以下次想要日本菜我都會返黎呢度

本日晚餐時段，見好多人食，入黎試下。叫咗二人套餐，有沙律、蟹肉玉子燒，壽司拼盤同串燒蟹肉玉子燒：好一般，玉子燒偏濕，蟹肉即係蟹柳，蛋好散唔夠實壽司：好一般，都無咩好講串燒：算係全晚最好食的，雞翼燒得唔錯，但係味粉唔夠，比夠淡味

以一頓午飯套餐$150對我黎講係有點偏高，係因為考慮了地點因素，但如果質素搭夠，這些錢是願意付的，但簡單一句，食物如魚生不但不新鮮顏色，份量也不足，再加上飲品要加錢配，再加10%服務費，絕對是劣評，一定唔會有下次。完。

屯門市中心咩時間都人山人海 今次嚟到V city 搵野食 有朋友話食過海膽炸蠔好好食 所以今次專登嚟試下 個海膽汁真係好有海膽味 甜甜地同個蠔又幾夾wo 不過食落去小心熱 會爆汁 果然無介紹錯👍🏻跟著仲叫左個軟殻蟹卷 d飯包得唔夠實 好散咁 d蟹子好易跌到周圍都係海鮮炒面 係幾大碟 不過無咩特別 普通啦 入面有幾舊蝦 最後仲有一碟炸魷魚 係炸得幾脆嘅 不過都無咩驚喜 不過不失咁 呢度位置唔多 4人先有卡位 2人通常都係坐吧位 限時90分鐘 不過野食嚟得快 都夠時間食

這天在商場逛街，還沒到晚飯的時間，到處的餐廳已經擠滿了不少人在排隊等位。由於旁邊那家日本餐廳需要等位，所以我就近進去了這家。其實之前曾經在尖沙咀分店用餐，覺得食物質素不過不失，但想不到這家分店情況更差。點了一份豚肉炒麵主要給小朋友吃，炒麵清淡無味，甚至顔色也不讓人感覺胃口大開。另外點了一份卷物，米飯鬆散，魚生不新鮮，連紫菜也是軟趴趴的。唯一值得推薦的就是蟹肉煎蛋卷，滿滿的蟹肉香味，配上入口即溶的玉子、沙律醬和魚子。

最近加了薪，便相約媽子吃飯慶祝，當然是由我來結帳囉。這家店剛開業的時候來過幾次，已經很久很久沒來了，進店還是被安排門口在左手邊的木桶位置。店內裝潢依舊，往昔進店坐下直至離去，也沒到過店內其他部分，早聞這裡有個室廂房，今天趁點菜之後的空閒，繞店逛了一圈看看，原來有幾個廂房，可容納不同人數，又分有門無門的，每種廂房都有不同的最低收費。我們點了原價七百多的二人餐，餐含：銀次雜錦沙律、蟹肉煎蛋卷或沖繩炒苦瓜、刺身拼盤、炭火串燒拼盤 (鹽燒或汁燒)或軟殼蟹天婦羅、石鍋豚肉飯或雞湯烏冬、日本直送雪糕兩客、沖繩特飲兩杯。我們的飲品選了熱情果梳打和桃子乳酸梳打，兩者以熱情果較好，而桃子乳酸則不甚了了。雜錦沙律材料新鮮豐富，有雞肉、牛油果、蕃茄、水牛芝士、沙律菜、翡翠豆苗。混合胡麻汁甚為開胃，不錯吃。刺身拼盤共有6款12件，款式由廚師決定，我們這一盤有帆立貝、甘蝦、鯛魚、劍魚腩、油甘魚、赤身。其中特別喜歡帆立貝的鮮甜爽脆；平常不太愛吃蝦刺身，但這個甘蝦味道鮮甜，口感爽中帶黏糯，不錯吃。店員推薦說今天有鹽燒油甘魚鮫供應，就點了一客，油脂豐富的魚鮫經火烤炙後，一口咬下油脂爆發，很香，但對於愛清淡的媽子卻是太

食過1次 求久blacklist d刺身唔新鮮 拖羅有酸“叔“味 海膽又腥 仲要賣咁貴 其他食物平平 唔係特別好食 服務態度麻麻 食果個幾鐘就吹你快d埋單話有人book左位 請我都唔再去食

好耐冇同過屋企人食lunch😚佢地平時好中意嚟呢到食🤣有啲座位係喺木桶入面，坐得幾舒服，私隱度又高😎牛肉烏冬定食有前菜同湯😚牛肉的分量有好多，一啲都唔韌😙烏冬整得岩岩好，食晒成碗都幾飽肚咖😆.炭火燒雞翼 (+$18)啲骨已經拆開一半，方便我地食😍個皮燒到脆卜卜咁，入面嘅肉仲幾嫩滑😎.日式炸雞 (+$18)炸雞嘅粉漿幾薄脆，雞肉食落去亦夠juicy😙

這間 目利きの銀次 其實已經在V City開業了很久了，可惜由於價錢比較昂貴，所以我們一直都沒有機會去嚐試不過適逢弟弟今天帶了女友回家作客，於是我們便決定一家人來到這間餐廳吃晚餐了No.1 【三文魚壽司拼盤】 $88拼盤中包括了五款不同種類和做法的三文魚壽司，例如有火灸三文魚腩，三文魚壽司上加上海膽或三文魚子等，讓你可以一次過嚐試多種三文魚的味道雖然價錢一點都不便宜，但是三文魚壽司的質素卻只是一般而已，甚至比起 元氣壽司 的質素更差雖然三文魚的色澤都算橙紅剔透，脂肪條紋亦分佈得十分平均，但是由於太薄身，我們所以根本嚐不到細緻柔軟，軟嫩鮮香的肉質，完成缺乏了口感飽滿的感覺，真的讓人失望頂透至於三文魚上的魚子味道亦同樣不堪，魚子雖然十分晶瑩剔，顆粒飽滿，看起來十分秀色可餐當我把三文魚子放在口中，魚子內的汁液便立即爆發出來了，可惜迎接我的並不是鮮甜可口 ，鹹甜交織的卵汁，而是味道有些腥臭，並且帶點苦澀味的卵汁，我滿口都充滿著濃濃的腥味，讓人難以下嚥，囓蘗吞針！火灸三文魚腩方面，三文魚腩上另外再加了芝士，本來應該十分滋味無窮可惜這間餐廳的芝士質素卻十分差，芝士不單止缺乏了芝士應有的香味，更只充

這間店舖一畀人嘅感覺十分有日本的味道, 看得出他們在裝修方面花了很多的心思, 入到去裏面環境舒適座位寬敞, 侍應態度良好.食物方便今次我哋嚟食午餐, 中午的套餐其實選擇不是太多, 不過我個人就覺得唔好食海膽蠔, 因為得嗰三四粒真係少得滯, 其他還是可以的. 我哋四人叫了三個餐share食 套餐係附送沙律同埋醃菜及麵豉湯首先呢個花魚乾定食, 比較少舖頭有呢種菜式, 類似鹹魚嘅醃製但係冇鹹魚咁長時間, 我會帶點本身魚嘅鮮味, 但係食咗一半始終覺得鹹得滯, 所以最後浸咗啲茶再食之後嘅刺身飯都係好大路, 刺身新鮮ok比較好食嘅係燒黑豚肉, 同埋呢個係咁多個套餐之中最平嘅

向來海膽同蠔都係我的最愛，所以順理成章鍾意食呢間餐廳既「海膽汁燒蠔」😋午市定食套餐「海膽汁燒蠔 配面鼓湯/白飯/咖啡」 - 金黃色微微略焦的海膽醬香氣撲鼻，以鐵板奉上可保持熱度，需知道呢道菜色最適宜一邊配白飯、一邊配著濃香鮮味既海膽燒蠔，而鐵板亦確保了食到最後一塊蠔時不會凍掉夾起肥美既燒蠔放入口，不單熱辣辣而且肉質厚實飽滿，口感飽實充盈，蠔味濃郁鮮甜兼略帶金屬味道；另一最愛是墊底的菠菜，菠菜本身的菜甜加上濃香醬汁，別具一番風味，配上白飯同食🤤另外朋友叫了「刺身定食套餐」及「三文魚刺身」，同樣新鮮鮮味