敏華冰廳 (MOKO新世紀廣場)

Open Now

Now Closed

文華冰廳為太興集團旗下品牌，以傳統茶餐廳食物及經典冰鎮奶茶馳名。飯來是日中午與友人來到MOKO，來三到店前已人頭湧湧，排了20分鐘才可以進場，或許高質既食物質素會令我滿意地等待，但事實又似乎不是。1. 超大雞扒飯叫得超大雞排飯，賣相絕對是關鍵，而確實雞扒尺寸比一般餐廳尺寸較大一點，但並不可以說是超大。另外味道亦係另一重要因素。雞排肉質不算十分軟腍，而且超咸，職員仲要再於白飯上撒上蔥油花，咸度再升級，價錢$60連飲品，實在不太推薦2. 五香肉丁麵配腸仔蛋經典招牌茶餐廳早餐，想不到連下午也有賣，價錢是48蚊，絕對嚇人。味道就是經典肉丁味，要讚的可能是雞蛋夠滑，可惜牛油多士不脆身仲要自己搽牛油，整體味道非常一般。

茶餐T7加熱奶茶，是正的。想對今日搭檯，也點了一份T7加熱奶茶，並以公仔麵、多士然後炒蛋的順序吃完的男生說一聲聖誕快樂。當時就很想說，怕太突兀嚇到人所以就放在這裏吧。

今天星期日我請我老公一早去食早餐好好彩，一早去到唔洗點等位，等左一兩分鐘就有位一間茶餐廳，有早餐常餐下午茶餐普通餐小食飲品供應，依到嘅早餐係供應到中午12點鐘，所以如果星期日遲起都可以過來食到個早餐茶餐廳到好多人都係叫咗沙茶牛肉公仔麵拼炒蛋厚多士，咁多人叫嘅嘢通常都一定好食嘅咁我都順應潮流叫咗個沙茶牛肉通心粉平炒蛋厚多士落完單唔夠30秒啊，已經係送咗餐嚟啦！其實我覺得餐廳食物呢都非常唔錯㗎，特別係炒蛋味道非常之濃郁，唔似其他普通茶餐廳好重花生油味，而且厚多士都非常之鬆軟！另外沙茶牛肉通心粉，我會用超好食來形容，因為沙茶味非常之濃，所以都難怪每一個人嚟到呢間餐廳，叫晚野食都幾乎大嘅一樣，我相信呢個沙茶牛肉都係依間鋪頭嘅特色！雖然好食不過呢我覺得個份量真係太少喇如果對一個男人來講呢佢應該係要食兩碗或以上的先至會夠飽！咁以我依個扮細食嘅女人來講喇，都算ok食個早餐幾乎用咗唔使10分鐘啊，不過依間餐廳見有人等位，就好快會趕人走，都明白如果依啲茶餐廳要係大商場到生存，實真係一啲唔容易

#咸牛肉蛋治 $28 (凍飲+$3)見上堂前有啲時間 緊係去食個下午茶先🤤叫咗個咸牛肉蛋治 蛋都炒得幾滑 可惜咸牛肉份量少咗啲😕而杯奶茶都幾好 茶味比較濃 唔會好甜而且冇加冰入去 唔會溝淡杯奶茶🤗評分:6.5/10

餐廳職員服務勁差，趕鴨仔式服務搞到客人之間因為座位問題差D鬧交。職員自己溝通差，管理失當但卻要客人受氣！落漏單，而且食物水準也非常普通。如果係諗住同朋友嚟享受吓食物，考慮另一間吧，因為職員態度會令客人感到非常大壓力！為食飽卻換來一肚氣，不值得也極不推介！

接上文, 由於係同日既下午2:56 係金魚街果間分店食唔到想食既沙茶牛肉公仔麵 , 所以, 經confirmed MOKO 依間有就上咗黎依間食. 但真係失望, 未食已經覺得作為一間食店黎講, 好唔掂!!! 希望有關管理層睇到並重新制定管理方針!去到MOKO要花啲時間先搵到, 去到等位, 係我前面有4個人排隊, 而跟我後邊既係一個人.  咁啱有張二人枱走, 阿姐係店內向外大聲叫喊: 有無一位?! 哈, 好正, 阿姐睇唔到我囉, 比我後面個人入先,  我跟住入去, 就安排返個位比我. 當我準備叫嘢食時, 一位短頭髮阿姐叫我等陣......等佢開機落ORDER (點解我要提? 因為佢既語氣唔好仲有啲寸). 我ORDER完後, 我對面位既客落都ORDER啦, 阿姐又係用佢啲寸寸貢既語氣'教'個客ORDER, 教佢要叫野食先再叫野飲, 又唔好散叫要叫餐, 會平啲.  過咗一陣, 隔離枱想要ORDER, 阿姐就話佢個手帳無電, 叫個客自己用個TABLET ORDER!講返啲食物, 我叫咗個沙茶牛肉公仔麵常餐, 個麵OK, 但兩條香腸好鹹...... 我見都好多人叫蛋撻食, 都諗住試下, 點知,

   同男友玩完貓後﹐ 見有新茶記就試試先﹕  原來而家茶餐都有signature, 失覺晒﹗ 黯然銷魂飯﹐ 蛋好滑但都幾咸﹐ 叉燒不過不失唔肥唔算太瘦﹐ 但都係偏向瘦。   至於我個早餐又唔錯wor, 抄蛋好好食﹐ 原來呢間茶餐廳出名應該係雞蛋wor, 多士普通﹐ 腸仔都okay, 因為我好怕有D好平果D腸會有D類似木既渣係裡面﹐ 所以都係有D名氣既茶記穩陣DD。   價錢當然平﹐ 但如果講茶記尼講就算貴﹐因為一個叉燒飯加蛋$65﹐凍飲要加3﹐ 下次都係叫翻個早餐算。  不過呢間野既服務真係好到唔識形容﹐ 我男朋友比較大份﹐ D waitress 好好比個邊位我地﹐ 又問下我地識唔識用個電子哎pad落單﹐我地搞到錯晒又不斷話唔緊要唔緊要。 酒店都無咁好既服務﹐而家D service真係好參差。  其實下次都會翻轉頭﹐ 不過未必會叫黯然喇﹐ 因為呢個位OKAY就腳﹐一落去就係花墟。  

旺角MOKO新開了茶餐廳當然要試試, 還未進去已經受到熱情款待﹐ 如果服務分數滿分是100分我要打103分﹐ 首先效率高媲美金華﹐ 雖然有點混亂但新餐廳值得體諒﹐ 第二就是態度﹐ 之後無論應變例如轉台(拍台)甚至遇到投訴都處理恰當﹕ 這裡的員工讓人都有回家的感覺。   到馳名的黯然銷魂飯了﹕  飯 - 鬆軟但好散﹐ 感覺似以前大排當灑過水一樣  蛋 - 未免太生﹐ 但味道很好  叉燒 - 很難形容的感覺﹐ 太彈﹐ 彈得有點化學﹐ 但調味亦是不錯的  醬油汁 - 加上生蛋簡直perfect  講到底就是有點失望﹐ 坊間太多黯然銷魂飯﹐ 但大多反饋都是黯然。 文華的黯然銷魂飯整體味道其實不錯的﹐但就是叉燒的質感很怪﹐而且以$65元的價錢(凍飲+$3) 即$68﹐ 商場上面還有很多查不多價的選擇。   

聽說新世紀開咗新嘅文華冰廳 今晚去試下啦 去到聽人講話開咗張幾日， 夜晚不是太忙 坐低咗 諗住叫嘢食 唉原來佢同下面金魚街嗰度嘅嗰間有啲唔同 金魚街呢間我經常去幫襯( 早上有個楼面 in charge 阿姐非常之串 )对 對金魚街呢間 文華 嘅服務冇乜大期望 呢度係用自助點餐機 好啦咁就嘗試下新科技啦 自己點完餐 對呢個新環境 感興趣 周圍望一望 下 啲員工冷冷散散新開張咋喎 仲有一個短頭髮肥肥哋大約四十歲左右嘅白色衫 亚姐 係 收銀 度一路收錢一路食 提子 見到原來新嘅一面也是這麼樣的 經營模式 服務 冷淡 食物一般。。。。