麺屋武蔵 (Closed)

去上麵包班，因為要等一小時焗麵包，趁住呢個空檔，就去附近APM醫肚！因為好多餐廳麵滿座，我見呢間唔使等，雖然上次覺得唔好味！都比多次機會佢喇！座位較迫，兩旁食客都好接近！基本上講乜都會聽到！叫了兩款拉麵同肥髀分享，白武骨沾汁麵：餐牌用好多篇幅介紹個特製麵條，因為中間有條坑可以掛汁，粗麵有咬口，好彈牙，有好多青蔥花，一塊叉燒淋身唔嚡！沾上熱麵汁食（麵汁同普通拉麵湯無乜分別！！食法幾特別！白武骨豚肉片拉麵：肥髀食，走蔥（因為上次食，啲大白蔥絲好韌）今次食，麵條彈牙，湯底濃厚偏油，豚肉片肥美多汁！好味！蕃茄果凍：餐牌相片係用個杯盛住個蕃茄，上菜發現用盤上，呢個唔係大問題，係個汁好古怪，只有酸味，亦唔似果凍，水汪汪的，似以前食完白灼蝦洗手嘅檸檬水嘅味！再加上蕃茄本身嘅酸味，好酸，十級難食！雖然蕃茄肉質爽口也無補於事！忍不住向經理表達，經理好緊張（因為附近食客都望住）佢首先向我解釋改用杯上，因為好多食客表示用杯好難夾起食！但味道古怪佢話幫我取消呢款食物！除了經理之外，其他店員唔算勤快，愛理不理咁，幫我落單位肥哥哥仲打斷我說話，只因為我落單次序唔跟佢喜好！真係⋯⋯無言！地方日式裝修，燈光暗！配深色

辣辣沾麵好辣!!!!but very nice!limited time only豬肉片冇豚肉片咁好食湯底甚濃重口味的我love it too much!!!!餃子好味釀青椒都好正口感特別service麻麻地no one wants to serve, just want to chat...

在這裡吃午餐。有白紅黑選擇，我選了黑豚角，是豬骨湯加黑蒜油。其實在此處坐下時有些似日本食店，不其然令我想起在日本食拉麵，所以都有少少期望，但一吃下去，就完全不是那回事，湯底太咸，而且油，加上那有一半肥的豚角，真的太膩了。服務員也比較散漫，口中叫著日本話，卻沒有日本的服務質素。

今日放假, 同朋友去街街, 行到4點, 有D餓, 所以入黎食個下午茶, 但好快又要食晚飯, 所以唔敢食太飽, 叫少少一齊食好了.我地叫左個番茄豚骨湯拉麵, 極上野菜沙律, 雙色薯餅.番茄豚骨湯拉麵, 湯底好香濃番茄味, 溏心蛋好食, 個豚骨好入味, 同好淋身, 一夾就可以整開, 拉麵都好有咬口, 唔會太淋, 豚骨份量都幾大, 好彩2個人share食, 一個人食會有D”漏”極上野菜沙律, 個燒粟米好得, 可以一排咁食, 唔駛逐粒夾黎食, 好方便, 配上芝麻汁, 食落好開胃.雙色薯餅, 炸得幾好, 外脆內軟, 不過就咁食, 我覺得有D乾, 如果可以配埋沙律醬, 就會更加好. 

Hello! I'm back!!!今日突然好想食日式拉麵woo hoo!!!!蕃茄湯 is something I would love to try for a while!!!蕃茄味非常濃可惜蓋過豬肉湯味...ok like it...but 拉麵癮未除...即係唔多夠喉豬肉片彈牙service isn't as good as before好多嘢-例如: tea, tissue ETC都要問人拎唉, 如果水準Keep唔到唔好開咁多間做壞招牌呀!!!

 今日同朋友兩個去APM睇戲, 睇完覺得有D肚餓, 所以去左武藏食下午茶, 平時lunch同dinner都好爆, Tea Time就好少少, 唔洗點等.我同朋友兩個點左赤武骨豚角拉麵, 比目魚黃金燒, 胡麻菠菜沙律. 兩個人share 食.赤武骨豚角拉麵, 有少少辣, 但不是太辣, 拉麵好有口感, 豚肉都好淋, 不過如果可以切上, 會易食D, 同埋可以易share食.比目魚黃金燒, 厚厚魚肉, 上面有好香芝士味, 估唔到味道都幾夾.胡麻菠菜沙律, 有芥未口感, 都幾爽口兩個人咁樣share 食, 都好飽, 加埋環境坐得幾舒服, 可以好好咁傾下計, 不錯的tea time.

今日約左fd去APM睇戲，本來約早D去食野，點之臨時有事，搞到我一個人吳g去邊好，開頭諗住食麥記，但見佢近期新聞，真係怕怕，之後轉左入武藏食拉麵算了。坐低後，叫左個黑武骨叉燒拉麵，我問侍應，黑武骨係咩湯底，佢話係黑蒜味，即時諗起出前一丁黑色果隻味，咁我真係想試下。拉麵到，我覺得賣相幾好，有2大塊叉燒，一塊都大半碗size咁大，肉質都幾嫩滑，我食過有d好鞋，溏心蛋好味，但可以更溏心，會更好，湯底真係好濃郁既黑蒜味，好香，拉麵我覺得比食開煙un，整體上幾好。食完一陣，朋友就到，時間啱啱好，食飽去睇戲。r

今日陪家姐去官塘買BB衫, 之後去左APM行商場, 同食lunch, 見到武蔵麵屋日本餐廳好多人排隊, 我地見未係好肚餓, 所以我地就跟隊排下.入面環境都幾都算濶落, 唔會太迫人感覺, 因為好怕同隔離坐得太迫, 好唔自然. 坐低後, 我地點左一豌黑武骨豚角拉麵, 一豌白武骨豚肉片拉麵, 一碟子持白魚天婦羅小食.估唔到黎先係子持白魚天婦羅, 炸得好香脆, 入面又好多魚肉, 又唔會好熱氣咁, 真係好好食, 值得推介.黑武骨豚角拉麵,, 係黑蒜汁湯底, 豚角好有豬頸肉感覺, 食落好淋, 好有口感, 而且好大塊, 糖心蛋好好食.白武骨豚肉片拉麵, 係原味豬骨湯底, 因為唔想太肥, 所以我揀豚肉片, 湯底比我想象中無咁濃味, 拉麵都算彈牙, 幾好味.整體都不錯, 原來都有幾多分店, 有機會可以試下第二間....

我和男朋友諗住去食番碗拉麵，之前去過武藏食過麵都幾好食， 點知坐底叫野食既時候，果位高高大大既西面經理態度囂屎，當我地問可唔可以要多d䓤既時候，佢白眼我地，話要加8蚊先有。然後又訓導主任既語氣命令我地坐埋係同一邊，一句唔該都無，毫無禮貌。 其實坐邊都無問題，加錢亦唔係問題，但係用命令既語氣，就好有問題！ 然後我同佢理論，野都未講完，佢就走左去，更顯其無禮！其實武藏野啲野食唔差，但係比呢位經理弱拖低晒，好唔抵！ 希望下次去有改善啦！唉！

今日一家三口去APM行街shopping , 行到攰, 我地去左呢間日本餐廳醫肚同休息一下. 裡面環境都幾舒服, 坐位都算濶落, 唔會太迫, 有小朋友係度, 太迫真係好辛苦.之後我地叫左2個小食 2個拉麵, 極上野菜沙律, 武藏煎餃子, 黑武骨沾汁麵, 白武骨叉燒拉麵.極上野菜沙律, 我地最欣賞係佢個燒粟米, 可以一排咁食, 但又唔會跌, 自已好難做到咁樣, 沙津菜都新鮮, 分量都適中, 唔會太少.武藏煎餃子, 煎到個皮都幾脆, 味道都唔錯, 不過佢係面果D蔥, 我覺得就多左D.黑武骨沾汁麵, 一黎到, 我見到個汁咁黑, 我以為好濃味, 但其實個味道幾清, 咁樣食法都唔錯, 同埋分量好似係多D咁.白武骨叉燒拉麵, 個塊叉燒有成大半個碗咁大, 仲要有2塊, 平時食, 邊有咁多料, 拉麵比較爽口, 湯底夠味但唔會油.雖然3個人,食2碗拉麵, 加埋2個小食, 但其實呢個分量都真係好夠, 三個都食到飽飽.

平時好少黎APM, 唔係見客, 都基本上好少黎, 次次上客度, 都要一個人食飯, 所以我多數會1點半後, 先會去食飯, 因為無咁多人.一個人去食野, 又叫唔到多野食, 所以只能叫一個拉麵食, 睇完個餐牌, 比呢個番茄豚骨湯拉麵吸引左, 黎到既時候, 同餐牌上都差唔多, 唔會差太遠.呢個番茄豚骨湯拉麵, 我個人好鍾意個湯底, 番茄味濃, 但其實又好清, 溏心蛋真係好食, 個豚骨, 睇落似豬扒, 食落似豬頸肉, 好軟淋, 同勁大塊, 拉麵都好有口感, 唔會太淋, 我好怕太淋拉麵,. 整體黎講真係唔錯, 個湯底同個拉麵都好夾, 溏心蛋真係好好味.

上蛋糕班前先醫肚，未試過呢間！呢度燈光昏暗，日式裝修，乾淨企理，見到citibank信用卡嘅優惠，消費滿$150送炸雞，我叫兩碗麵加個芝士年糕就剛剛好$156！叫咗：白武骨豚肉片拉麵--份量較細，男仔應該唔夠！豬骨湯香濃！幾漿口，雞蛋剛剛熟好滑，豚肉片夠肥，比平時食嘅拉麵叉燒好味，麵比較粗較硬！掛唔到湯，所以唔好味，最差係啲大蔥，又硬又韌，一啲都唔似平時食嘅爽脆！所以一路食一路挑走啲蔥絲！好煩！黑武骨豚肉片拉麵--同樣問題，重要個湯雖然係黑色！但同白色豬骨湯無乜分別！唔好味！芝士年糕--上碟脆口紫菜，配烤芝士同軟年糕，但芝士無乜味，所以唔好味！武藏炸雞--炸雞外脆肉嫩！醃得入味，本來好味！但拌碟嘅椰菜好差！好乾好硬！真係只係「拌碟」！侍應由坐低至我走都無加過茶！但有收碟！唔夠勤快！

今日喺母親節，但喇我們這一家一早已經預祝了，而且今天母親大人有其他事要做，所以我們就要自己搵節目喇同家姐出車，車D野比朋友後，大家都未食野就落APM醫醫肚喇諗唔到食乜就試下LEE間拉麵啦！平日都見佢好多人排隊架豚肉黑武骨拉麵~~~豚肉係冇味的，蛋流心的，拉麵質感都尚可，湯底NO GOOD，好油，味道好淡完全冇骨味，担白說這個質素要成七十幾蚊一點也不值得試炸雞~~~送的，用信用卡食滿唔知幾錢就送喇！一碟得4件，仲要好細件，外皮夠脆但雞肉冇味的整體是一間普通的拉麵店，湯底無味而且極油

星期六去apm睇7:30, 約咗朋友早啲6點去食野先, 朋友想食日本麺所以去咗麺屋武蔵食, 6點幾唔駛等即入, 我地兩個人叫咗一碗黑湯豚肉一碗白湯豚肉加餃子, 先來餃子唔熱有啲似微波爐叮完再放了一陣才囉出黎, 然後到湯麺個湯好油兩碗豚肉都好硬味道一般所以無食晒就走人!!!整體服務, 環境都ok 但食物就 !!!!!!

前菜沙律未上，小食餃子就先到!!餃子微暖，餃皮互痴.....拉麵就過得去@@食完拉麵先上沙律👍👍呢間冇下次!!杯抹茶鮮奶就最衰，冇味!!尤如水一樣!冇得輸👍👍