麺屋武蔵 (Closed)

之前同朋友食過 好想再食 今晚終於有機會可以再黎自己食個個番茄豬肉拉麵 本人要戎口 無辨法 要食清D 唔錯既 個麵 平時街外食個D 一般 依個ABOVE AVERAGE LA我淨係記得依個麵會黑色既原因係有黑荵油  其他係肉片食左幾淡 幾香WO 個麵 但係淡淡地... 食幾淡應該會滋味D

今日晏左食Lunch但又想食麵屋武蔵，諗住食佢個豚角煮拉麵，唔黎都唔知佢有下午茶餐，小碗豚肉拉麵配炸雞加汽水只係$35，俾我個budget平一半重要有野飲，超抵，而且拉麵除左份量細左之外，湯底同平時一樣濃，拉麵彈牙。而炸雞係略嫌多粉左少少，味道都okay。埋單加一$40唔駛食到日本拉麵，下次都會下午茶先黎食喇。

時間大約係9點40分左右, 數位友人早在9點20分等位, 等左好久亦沒有位置, 同時帶位的職員也不停在樓面幫手, 故我抵達時, 亦同時認為十分爆場,但入座時發現後方座位已留空為清潔用, 並沒有因為多人而開放, 反正可以入座食, 唔緊要。入座後點餐, 發現杯"椰果系列"既巨峰提子, 竟然無椰果!?問及職員, 佢地竟然只係話『唔好意思幫你取消』? 因為今日賣晒, 但友人已食緊沙律, 點計算？ 本以為只有自己, 但發現原來鄰台的顧客亦是一樣, 沒有獲得事前的提醒。此為其一,食到一半, 餐廳應該趕時間收工, 用開清潔劑開始Pre-Closing, 但清潔劑既味道正挑戰繼續留低既容忍,立刻食完即走!此為其二。裝修前食過數次, 未試過如此, 眾友人亦表示應不會再光顧。

啱啱先發覺裝修咗不如多放心機落啲麵度啦唉但定期會有新嘢食limted edtion is ~ 普通湯加魚茸粉魚茸粉的確夠鮮麵条彈牙D湯好味, 夠濃最好味係半生熟溏心蛋Hmmm蛋味濃銅鑼灣煮到全熟...嘥料but check out the noodles...they are stick together...一餅餅, 一舊舊的麵多分店左後D 食物 hea 左...未見改善

係APM食DINNER見到有間以武藏做招牌既鋪頭未入到去係出面見個環境就已經覺得好型入面係黑色為主 有卡位同高位侍應帶我地去到坐高位 即係廚房前面個位幾有FEEL因為可以睇住廚師煮麵 出菜個人泥講幾鐘意打開餐牌 有好多種麵但我揀左白武骨因為想食清淡D 而且怕赤武骨太辣跟住加左個炸雞塊等既同時 望下周圍環境睇到有唔少用品同裝修都係關聯住’武藏’形做到一個好日本既氣氛首先係炸雞泥先既佢同普通炸雞唔同既係 佢有少少WASABI成個感覺唔同左 有少少辣 但係好味跟住到主菜白武骨好大舊肉好滿足D麵份量岩岩好配菜方面又唔算太多 太雜唔會搶走左主菜既味但舊肉肥左少少 不過唔緊要間唔中放縱自己一次嘛

去左APM食lunch, 見到都幾多人, 好在都有檯...因為時間有限, 一坐低即刻叫野食啦我就例牌叫赤武骨, 因為我係重口味既朋友, 至like 佢夠香, 辣度夠適中! 豚肉片厚薄岩岩好, 唔會太膩溏心蛋仲幾正添!朋友叫左個新麵, 叫豚骨魚介, 佢話最主要係紫菜上既粉撈左落d 湯度鮮味左有機會既話下次要試試

this is the first time I give ok for this restaurant定期會有新野食企圖留客花心的我-受!limted edtion is ~ 普通湯加魚茸粉的確夠鮮定期會有新野食企圖留客花心的我-受!limted edtion is ~ 普通湯加魚茸粉的確夠鮮赤武骨(日式豬骨湯加辣) with 叉燒麵条彈牙D湯好味, 夠濃, 會漏有辣味中和番But I prefer to have more soup!!!but check out the noodles this time...they are stick together...一餅餅, 一舊舊的麵多分店左後D 食物 hea 左...the soup isn't as nice

係APM睇完戲, 當然係搵野食啦! 今次同個Friend揀左去食日本武藏拉麵, 朋友話先前食過, 都幾好食, 同佢地既拉麵都算大碗.因為好肚餓我地見到本店推介d咩, 就叫咩, 唔駛諗, 如果唔係有排揀.我地叫左一碟極上野菜沙律同武藏煎餃子.飲品15元一杯, 價錢算適中啦,點了巨峰提子同熱情果, 我最鍾意就係巨峰, 好飲!沙律配料都算多, 賣相不錯, 個沙律汁酸酸甜甜, 好好味, 好鍾意佢粟米咁樣上, 食得方便, 又好味, 我自己真係切唔到咁.我最鍾意食餃子, 所以我比較喜歡呢個小食, 煎得香香, 皮脆,幾好味, 如果3面都脆哂就仲正.兩個拉麵我地揀左白武骨叉燒拉麵, 同揀左番茄豚骨拉麵.白武骨湯底夠味, 叉燒好大塊, 但都好入味唔韌, 配料有紫菜,溏心蛋好味番茄湯濃, 豚肉好香口, 一樣有溏心蛋, 拉麵底都爽口, 兩大片豚肉, 包哂成個碗口,女仔應該會覺得多= =整體都ok, 但我比較鍾意d肉唔好咁大塊, 細上的話, 會食得方便d, 同埋可以易分享食.

第一次試麵屋武藏既沾汁麵,佢有白武骨, 赤武骨同黑武骨三款口味既選擇,今次我就揀左黑武骨試下空口就咁飲第一啖黑蒜油湯有點偏咸, 但落左沾麵食後都OK, 唔會覺得特別咸可能麵湯分開上, 可保留拉麵本身彈牙度, 食落都算爽叉燒份量夠, 配蔥碎及唐心蛋, 幾好味另外加了一份小食紐倫堡腸,看menu唔覺, 原來好大一份, 而且是鐵板上,有洋蔥絲配料, 上台美觀, 味道亦香口, 最後都食得晒店員教, 吃完麵後可將熱湯加入沾汁當湯飲,加湯後味道溝淡了沒有之前咸, 不過最後因為太飽飲唔曬

同家姐去apm辦年貨買新衫過年, apm一如以往都係人山人海,行到6點趁未到飯市就食左野先繼續行啦。黎到麵屋武藏,見有位就入左去食拉麵。6點幾, 店內仲有位唔洗等, 店內裝修以黑色為主,有神秘感, 行入少少仲有卡位添, 睇睇餐牌, 有麵有飯有小食, 仲有個二人餐, 黎拉麵店當然係食拉麵啦。其中有一頁餐牌, 叫二天一流拉麵, 每日限量50碗, 好似係主打野, 睇個名真係唔知係咩黎, 我地就決定食呢個試下, order時店員都提我地, 呢個拉麵係辣既, 家姐係無辣不歡當然ok啦, 另外仲叫左一碗番茄豚骨湯拉麵, 一辣一酸我地share食。二天一流拉麵, + 番茄豚骨湯拉麵個二天一流拉麵入面有3件炸雞同3件豬扒仔, 香口野我至like, 個湯底聞落唔覺辣, 食第一啖都唔覺辣, 有少少冬陰公feel, 食多兩啖開始黎料, 個拉麵口感都ok, 好彈牙, 整體黎講都幾好味, 只係對我黎講辣得濟。另外個豚骨拉麵, 番茄湯味道幾濃,兩大片叫豚骨既豚肉, 其實係無骨既, 豬肉好入味,配料又有我至like既溏心蛋, 正!加$15有一杯椰果特飲, 有4種口味, 我地揀左巨峰提子同蘋果味,入面既椰果, 係星星

早排係apm附近做完野同同事食晚飯,係APM行黎行去都唔知食咩~ 最終係kfc隔離見到佢~ 決定試下,因為見佢menu都好似幾多野食. 入到黎環境都ok, 坐係高凳位~ 我叫咗個叉燒嘅拉麵,係揀咗辣嘅.乜名唔記得,都係赤丸果d衰野啦~ 另外叫咗杯抹茶飲品~ 叫咗一陣有人黎招呼啦終於, 話俾我地知hsbc卡有優惠另外送一個炸雞小食. d野上到黎,首先印象差咗. d湯面度好厚層油,即刻覺得有d嘔心. 起碼呢個湯係唔會再飲得.叉燒食落正常,稍微肥咗d. 咬完第一啖面我就想放低筷子! d面lum得好離譜, 我唸正常人都要叫佢硬身反少少先得! 我覺得咁嘅假期又唔算真係好平,野食又都幾唔好食. 我無機會再幫襯. 最尾ps講埋個炸雞. 一碟得兩舊,當然 我無expect過d乜,但d雞好似食緊麵粉咁… 入邊得好少肉. 真係唔會食囖!

第一次到麺屋武蔵呢度食野，時間為下午茶時間，無需等候。環境尚算ok, 不過服務差，已經不是多人，需要叫幾次先搵到人幫忙落單。落完單，等候不算太耐，叫了1白武骨, 1炸雙薯，1鹵肉飯（忘記名字），1扭倫堡腸1.白武骨湯低超差味精超多，有點油，只有賣相。與出面食三四十既質素與價錢不相稱2. 炸雙薯及鹵肉飯（忘記名字）無咩味道，得個甜字3. 扭倫堡腸尚算是可以

We had dinner there on Sat night at 20:30. Luckily no need to wait as not many people there. We ordered our ramen and waited like 15 mins for them, reasonable. But one of them (mine) was wrong, so we asked politely if it can be changed to the right one. A "renewed" ramen came back one minute after we asked for it, the waitress told us it's the same bowl but the content has been corrected and refreshed. Besides a bit salty, all food was quite nice and we enjoyed them. We left at half past nine.Ho

和老公聽完阿b講座，去apm搵食，裝修後的 food court 一點都不吸引。周圍再睇睇，老公決定吃拉麵。走進「麵屋武蔵」，店員見我是大肚太太，特別安排較舒適位置給我們，感謝他們的細心啊！這是我第一次到來，吃什麼都是新鮮的，有點懶得用腦，所以叫了二人套餐^_^每人自選一碗麵，每人一杯飲品，一款小吃再加一個沙律，都頗豐富丫。我選了「赤」「豚角」（即辣味腩肉拉麵）微辣湯底香濃惹味，腩肉肥瘦平均，麵質煙韌，溏心蛋亦合格，若多些配菜會更合我口味。老公選了「黑」「叉燒」（黑蒜油叉燒拉麵）我覺得有點油，不過老公覺得剛好，而且帶有同款的出前一丁味道，有兩片肥瘦適中叉燒，絕不孤寒。小吃餃子我覺得煎得脆底就已好夠，味道不過不失吧。沙律面層有粟米，蘿蔔，青瓜，底下墊有沙律菜，配上沙律汁我覺得都頗清新好味，不過那片「蓮藕薄片」感覺很古怪，韌韌的，不知想點，真是怎吃都不好吃。我選了抺茶鮮奶，老公選了鮮奶咖啡，兩杯都味道正常，沒什麼特別。整體就是不過不失吧。

激辣沾麵因為沾麵關係, 湯比較咸同唔夠熱佢隻辣係上腦but 虎頭蛇尾冇乜後勁食到後尾已經冇乜辣味豬肉片冇豚肉片咁好食湯底甚濃重口味的我love it too much!!!!but I prefer 湯麵sorry我要離棄你啦, 沾麵, sorry!!!service is better than last time, waiters are better than the waitresses