麺屋武蔵 (Closed)

觀塘搵食咁耐都未試過呢間，原因很簡單。想食拉麵的，就想食一蘭、豚王之流，百幾蚊碗麵要食出名有質素的。想平食就不需要係APM入面搵，到街外找麵店多的是。今次跟家人剛好經過又唔想等位，就選擇左呢間。點左三碗麵，白、赤同黑。麵的質素正常，所以價格係五十~六十幾係合理的。反而小食有驚喜。我很喜歡食紫薯的食物，呢款紫薯栗子餅就啱晒。雖然栗子唔夠重，但食得到一粒粒的栗子感覺真材實料。另外亦點左紫薯條。以為應該以炸薯條(雖然都似)，但更似潮式的反沙竽頭。份量看著比較小，但吃下去很有飽足的感覺。至於燒芝士年糕就很一般，成碟只有一件，就只係年糕上放上芝士再加埋塊紫菜而已。由於對小食感到滿意，就後加一碟炸白飯魚。不過感覺跟炸九肚魚差不多，不算驚喜。始終都喜愛紫薯的小食！YEAH!

第一次食麵屋武藏, 之前經過APM成日見佢排長龍, 今次難得有位, 入去試左個沾汁麵, 沾汁麵有分黑, 白, 赤三款, 我選了辣味既赤武骨沾汁麵, 辣汁同麵係分開上台, 配上兩大片豬豚肉, 聽職員介紹, 將拉麵浸入辣汁再食, 拉麵上獨有既坑紋會承住湯汁, 保證啖啖有味, 佢話係沾汁麵先會用呢一種有坑紋既拉麵, 好特別, 因為湯同麵分開上既關係, 令拉麵唔會咁易浸淋, 食落更為彈牙同有口感, 配菜方面有蔥粒, 筍片, 同半只溏心蛋, 唔會淨食肉咁寡. Good

今日Lunch和同事一齊去APM搵野食, 我地2個又唔想食飯, 所以最後揀左去麵屋武藏食拉麵, ,我自己叫左個黑武骨豚角煮拉麵, 同事叫左個番茄豚骨湯拉麵,我個黑武骨豚角煮拉麵, 黎到真係同餐牌上既相差唔多, 就咁眼見豚肉都好厚身好大塊, 拉麵湯好黑, 原來係好濃香既黑蒜豬骨湯, 加埋大蔥, 真係好惹味,豚肉睇落雖然有D肥, 但食入口好稔, 唐心蛋都好得, 唔錯.同事果碗係番茄豚骨湯拉麵, 蕃茄豬骨湯底睇落好濃, 佢話飲落都幾清新唔會太傑, 塊豚肉就有D似豬頸肉, 但比預期多同大塊, 我地大家都覺得武藏D拉麵, 唔會偏稔, 都幾有咬口, 感覺爽口多.而且豚肉啖啖肉，所以有機會都會再黎, 價錢合理, 加上環境都算光猛寬敞, 而且坐得都幾舒服。

面賣相不差 ，但超咸， 這是其次 ，最不滿意題服务態度好差 。第一 ，幾個服务員， 未見過佢地自動加茶 ，第二 ， 三個人take order , 上order既時候連問都冇問就咁將碗面dump係檯面 。態度好到呢。。。一碗拉麵咁咸 又唔係特别好食 又冇啲好既服务 點叫人再黎 。我唔會再黎 ，完全唔值！

自從中學畢業，就算住處近觀塘，都甚少會踏足。友人放暑假時從外國回來一下，我倆相約的地點，就是昔日中學校區。apm，記得以前有時放學就會跟同學一起來亂逛。畢業了，結果我們仍然是在這裏閒遊，但幾年間很多人、事、物卻已經起了大大變化。　　來到我一直沒有嚐過的一家拉麵店，就在以往常去的KFC隔離。印象最深刻的就是那個大鼓，印有店名，總覺得會有人去敲打。門口附近有圓枱，如果幾人同行，坐在那個小小角落應該會玩得夠開心。裏頭也有吧位、卡座及普通席，環境舒適寬敞，讓累透的我們可以歇歇了。　　桌上有少許調味料，如七味粉，可自行調味。另有熱水、筷子及牙籤這些基本物供應，省點麻煩事。　　基本款拉麵有三款湯底可選：白、赤及黑。白為一般豚骨湯，赤當然是辣味，而黑則是加了黑蒜油。主要配料亦有三個選掉：豚肉片、叉燒及豚角煮。另外最近推出了鳳翔天拉麵，限定版，以雞作主題。　　鳳翔天拉麵為店方的新出品，每日限定五十碗，早去早食到。說到「鳳」，想起的就是鳥類，這碗用到的正正就是雞肉作賣點。湯底為雞湯底，味道就如以前做節，家人會煮的那種雞湯。鮮香味美，濃郁而不漿口，調味亦未會過濃。　　這次跟友人吃就沒有考慮硬款麵質，什麼均

今日落apm,去完U記掃貨有D餓，就同老公阿仔入左武藏拉麵到醫肚，有個新野叫鳳翔天拉麵，阿仔一見到副圖就話要食雞翼雞翼，我唯有 order 同佢 share 啦，隻雞翼原來去左骨，好方便小朋友食，啖啖肉，又 juicy, 但就有少少黑椒，不過阿仔接受到，佢叫左杯椰果特飲黎飲(佢D椰果係星星形狀嫁，老公就 order 左個黑武骨豚肉煮拉麵，湯底好濃，啱曬重口味架佢，我食兩啖，覺得D麵質都好彈牙，不過我就覺得少肉多菜會好D, 另外，咁岩食滿$180用東亞信用卡埋單送男爵年糕，兩碗麵一個小食加埋兩杯野飲 $185 蚊，加埋一, 人頭計 $68一位，都算唔錯啦。

有時候人愈大見朋友的機會就愈來愈少跟一位相識了十年的朋友約了差不多幾個月終於可以落實了近近地在APM找一間餐廳坐坐食個午餐來到朋友十分喜歡的麵屋武藏吃一個午餐說真Cyn其實十分喜歡這裡的湯底沒有過份的味精味今次就點了黑武士拉面濃濃的黑蒜油湯底拉面吸收了全個湯底的精華香濃無比叉燒本身十分軟腍肥瘦均勻除了拉面還點了兩款小食第一是牛肉年糕卷濃濃的牛肉香味完全被年糕本身吸收令整體味道豐富了最後就點了餃子煎得香脆的外層內裡卻充滿肉汁整體感覺不錯無論價錢 質素都屬中上水平。

 老公生日, 難得一齊請假去APM睇戲食飯, 行下街拍下拖. 睇完戲去搵野食, 本來想去食大餐, 但老公話簡簡單單好了, 唯有去搵佢最鍾意食既拉麵.第一次黎, 環境都唔錯幾日本feel, 幾舒服, 我地叫左鳳翔天拉麵, 赤武骨沾汁麵,武蔵餃子&椰果特飲.一坐低, 我同我老公見到$15一杯大大杯椰果特飲咁抵既, 忍唔住叫左2杯黎飲住先!我叫左呢個鳳翔天拉麵,食落個湯底真係勁濃雞湯味, 雞件感覺好雞肶肉既感覺, 好滑好嫩口, 好好食岩晒我呢啲懶人。我老公叫左赤武骨沾汁麵, 個汁係好濃豬骨湯帶辛辣, 老公話D麵條有坑紋, 所以好有咬口, 同佢2塊肉都好大塊, 佢一個男人食份量都好夠. 佢仲飲晒啲湯，搞到侍應問佢使唔使添,哈哈!餃子又係去食拉麵都一定會點, 覺得如果再香脆D會更好, 但整體上都ok! 生日飯雖然簡單, 但老公都話好滿足!

之前食過一兩次武蔵 , 唔係特別impressed. 今次又有朋友話食, 咁食下啦haha~午市時段食夠HKD200用credit card埋單會送一客小食, 今次嘅小食係年糕.兩個人點了兩個拉麵, 一客炸雞, 啱啱過二百. 炸雞份量都幾多, 有5-6件, 唔厚炸粉, 味道ok, 好香口.送的年糕有兩件, 大大件, 夠熱, 外脆內軟.本人比較重口味, 今次點的拉麵比較之前食過的濃味, 是黑蒜豬骨湯底. 之前食其他豚肉覺得無乜味, 今次的豚角則好入味.

沒來APM武藏一段日子，沒想到原來已經改頭換面呢！由從前黑沉沉的風格，一改而成木色的裝修，帶給人觧明爽朗的感覺，的確比從前好了點是夜重臨武藏吃個晚餐，在新裝修後第一次來臨，雖然外觀大有改變，食物質素卻依舊一如以往的好呢▼門面現在變得很光觧吸目，Ⓢ覺得比以前的黑色更好呢！▼一入座侍應就呈上兩杯玄米茶，Ⓢ覺得熱熱的特別好喝，每次來武藏都會喝上好幾杯呢！就是有一點要挑剔的，杯子太薄傳熱太快了，杯子燙手得很呢▼先上了一個《極上野菜沙律》（HK$58）作為前菜。最初嚐到這味沙律是從很久以前，武藏曾經推行過二人套餐，裡面就包括了這道沙律，一吃就令人愛上，即使現在已經沒有了二人套餐（又或好像是轉了其他的沙律和菜式），Ⓢ也堅持要單點一個來吃▼這道沙律材料甚多，其中最令Ⓢ喜歡的是脆脆的蓮藕乾、大大片的粟米和士多啤梨塊，非常香甜清新，是令這道沙律最出色的地方▼然後來了個《高菜叉燒炒飯》（HK$38），說真的，武藏馳名的是各式各款拉麵，而不是飯類，但這個高菜叉燒炒飯一點也不失禮，而且僅需$38，實在不得不給它一個五星★★★★★。高菜粒和叉燒粒都有很多，飯又炒得香口，雖不像中式菜般粒粒分明（因為日本米較黏），

經過武藏麵屋門口見到有新野,決定食埋先返去睇武則天!武藏定期都會有一款兩款新既拉麵推出轉下menu,今次比我見到既呢碗叫做鳳翔天拉麵,食麵前先黎個小食, 叫左一份白飯魚天婦羅, 平時炸蝦天婦羅就食得多,第一次食白飯魚的天婦羅, 都幾香口,佢唔算好重粉同唔係炸得好勁, 但味道有些淡, 要點埋個天婦羅汁先夠味, 或者落少少華鹽同七味粉會正啲.“鳳翔天”顧名思意係同雞有關, 其實係雞翼拉麵黎, 就咁睇好似無咩特別,值得一讚係佢個湯底, 係非常濃既雞湯底, 雞味勁重勁濃,雞翼都好體貼咁全部去骨, 煎香左既雞翼加左少少黑椒,我覺得似雞扒, 但都唔會煎到好乾.反而配菜既筍我覺得可以放返少啲, 太多會有少少搶了主角既味.

我地又行開APM唔知食咩好了. 試下呢間新renovate拉面店先!呢到拉面係有3種選擇見到話東亞卡有special set都幾吸引, 就試下先. 我地叫左一set, 再加1拉面, 夠晒3個人啦叫左2個白拉面加1黑拉面, 同2個小食.黑拉面好重算味, 湯底好濃, 唔使加7味粉都食得. 肉就得一塊, 仲要好薄, 使唔使咁cheap呢… 面我叫佢要硬d因為我鍾意有咬口, waiter係理都無理我, 扮聽唔到, 自己令轉身去下單. 如果無得選要硬要軟你大可同我講, 就咁轉身走左去好無禮貌囉. 最後d面就當然係淋晒架啦…白拉面係豬骨湯底, 好油呀, 咁味道都夠既. 大家都覺得隻半熟蛋好好食!小食就有天婦羅甜薯- 幾好食唔太油, 味道岩岩好餃子- 普通味道但我地like既係唔會煎到黑晒又夠脆.總括呢間野廚師好掂但服務生真係好唔得!

20150604阿媽冇煮飯, 只好自己一個人食晚餐...放工後就去左apm食拉麵,食左個赤武骨豚角拉麵,D辣味蓋過左D豬骨湯底嘅味...整體味道麻麻, 湯底好多油, 舊肉好肥!!就算有D瘦肉部分, 但都幾韌下, 煮得唔算入味!!D面都只係普通嘅粗面條...80幾蚊食個咁嘅質素拉麵都好唔抵囉環境幾好嘅, 雖然坐D高凳位, 但都唔會話好逼好唔舒服~不過D人service真係要改善下,舉手叫落單勁耐先有人黎, 賣單果陣又係, 但個場明明又唔係話lum檔-.-呢個價食D咁嘅質數嘅拉麵, 堅唔抵...

今日去左 apm 麵屋武藏食拉麵，由於只得一個人，仲要係平日lunch後, 所以冇咩人，唔駛排隊，平時星期六/日經過好多時都排長龍，入到去坐低黑色吧檯, 係半 open kitchen, 可以見到個製作過程，通常要乾淨架麵店先唔怕公開比人睇，叫左個蕃茄豚骨湯拉麵，個湯好濃，酸酸地好醒胃，豚肉好大片, 而且D拉麵都好彈牙，但配料唔多夠，如果可以多少少仲好。不過都幾好味，下次都會再去試下其他拉麵。

不可選擇麵嘅軟硬度。不能提供冰水。不能減小小食醬汁。服務態度尚可。湯夠熱，非常好，濃度差左d，唔夠油香味，麵軟硬度最唔ok，好淋身，以日式拉麵唻試，麵底最差。Hea食還可以。