炑八韓烤 (Closed)

第一次試食。1️⃣落錯單。明明係落單是好清楚表明要嘅野，但係最後要更改張單。2️⃣先上主菜再上前菜。3️⃣唔提醒我哋用餐量。唔知湯係配飯，等我哋白白點多咗一倍嘅飯。

早前聽聞有平價韓燒任食，所以搵埋男朋友陪我試。點知當日排隊排左好耐，店員先同我地講，有機會冇得入座。呢個問題一早就應該foresee到，因為隊尾好長。店內有空位又唔放人入去，由得我地傻傻地咁等。今日又有另一個問題發生。前面有一位客人排緊隊，佢後面有三個人既家庭。但係員工竟然把四人座位安排給那一位客人...一個人坐四個位，唔怪得排隊排咁耐...安排認真好需要改善。套餐有三碟前菜，分別係泡菜，大豆芽，同魚片。男朋友叫左八爪魚拌飯，我叫左烤豬肉紫菜包飯。整體黎講，質素普通，八爪魚都有幾條彈牙，唔會全部都硬骨骨。紫菜包飯包得幾實淨，唔會鬆散。不過烤豬肉少到食左都唔覺🙈

有見炑八fb介紹主打輕食既炑八taste於新世紀開業，行經附近，就去試下環境一般，可能始終係food court但爐邊蛋，芝士粟米任加值得一讚既係店員每次加泡菜先落蛋漿另外，石鍋拌飯夠熱，真係有飯焦架

「炑八Taste」主力推出 $98一人烤肉的平價副線，雖然餐廳主打一人版韓燒和輕食，不過這次卻難得不是我一個人自己來用餐（笑）。「炑八Taste」位於新世紀廣場三樓 Food Court最角落的位置，雖然週日下午，但人流不多，入座後看見依然有少量空位。套餐最便宜$98就有交易（午市免加一），對比平常吃烤肉可謂相當划算，而套餐除了小菜、烤肉、另外會視乎不同價格而包括紫菜包飯或者拌飯一客，而所有套餐+$8則可加特飲一杯。和一般的炑八韓烤一樣，前菜和爐邊蛋是任意添加，小菜包括泡菜、豆芽、魚片和沙律。另外我們也加了$25要任食芝士粟米，最後也添加了三次，感覺超值回本了。Set 4 Taste 雜錦套餐 $98包括牛臉肉、梨汁雞肉和護心肉，配紫菜包飯。最嫩滑的肉竟然是牛臉肉而不是護心肉，另外雞肉的梨汁醃製得很入味，不用沾任何醬汁食用也能享受到肉質的鮮甜。至於紫菜包飯則是整餐飯之中最不濟的一項單品，除了醃蘿蔔帶有味道外，基本上整個飯卷也只有白飯味。感覺只是為了讓客人填飽肚子而推出的食物，但毫無水準可言，最後還是食剩幾件紫菜包飯。Set 3 一頭黑毛豬套餐 $108護心肉、五花腩肉、豬頸肉、梅花肉，

我很喜愛食韓國食品，包括炸雞、快餐、麵食、甜品，更包括了韓國最早在香港流行的韓國燒烤。不過以前我體驗過的韓國燒烤，多數是跟家人，在舊式韓國燒烤餐廳內享用燒烤自助餐。反而像「炑八韓烤」這一些，講究「一人一爐」方式的韓國燒烤模式，我由以前直到現在，很遺憾都還未正式體驗試食過。之前兩次在太子跟將軍澳分店「炑八韓烤」，我都只曾經幫襯過他們的午餐過下午茶。直到今次，我在網上資料裡面，得知「炑八韓烤」在旺角「新世紀廣場」的美食廣場「食代館」開了另一間分店，分店名稱跟其他分店有點點不同，叫做「炑八Taste」。但是當我來到「新世紀廣場」的時候，發現「新世紀廣場」分店的「炑八韓烤」，這間「炑八韓烤」門口、裝修擺設、燒烤爐跟吸油煙機，都跟其他分店的「炑八韓烤」幾乎是一模一樣。所以試食完的我對旺角「炑八Taste」的感覺，還是跟其他分店沒有太大分別，「炑八Taste」跟其他分店比較下，唯一分別的只是「炑八Taste」還未能提供「炑八韓烤」的「冰沫」甜品而已。至於「炑八Taste」的晚餐時段食品，跟「炑八韓烤」都是一模一樣，都是點燒烤的牛、豬、雞食品或套餐，然後食店店員打開爐具，食店就可以開始自行燒烤。「炑

本身睇到網上啲人話開咗炑八平民line 98蚊有得燒肉又有飯團 好心動諗住去試入門口之前問啲侍應野 態度極差，黑口黑面入到去之後坐咗好耐都冇人理啲侍應又掂行掂過前菜又冇 醬油又冇前菜（泡菜）好淡而且冇咩味入到去先話轉咗menu冇咗98蚊果個餐 話只限午市但係明明出面個menu都冇轉到點完野食即刻幫我地開咗個爐但係之後啲野勁耐都未到搞到好似乾燒桑拿咁泡菜蛋又得勁少泡菜侍應態度好差問多兩句就好似你岩岩問候過佢全家咁

［$98］平價一人韓燒套餐成個套餐包左3款肉，有牛臉肉、梨汁雞肉、護心肉加少少蔬菜，仲包一條紫菜包飯.1. 牛臉肉、梨汁雞肉、護心肉（＄98)🍖真心真心真心推介，每款肉都醃得入味又淋身，尤其係牛臉肉，真係食唔停口！🤤🤤🤤彤樂評分：9.5/102. 紫菜包飯🍙都幾似係韓國食到嘅紫菜包飯，又幾足料，唔錯！彤樂評分：8/10炑八Taste地址：旺角太子道西193號新世紀廣場3樓食代館營業時間：星期一至日11:30 - 22:00

一人前set由80多元起，另外也有大約二百元起的二人餐，也相當豐富。餐類另加$8 有特飲，加$25有無限添加爐邊芝士粟米或小牛扒等，晚餐亦適用，十分抵食。另加的蟹膏蟹籽飯也好吃，推介 可是店內超級油煙，可能位置較迫，抽煙機又不太有用，大家都濛著眼睛食美味韓燒

講起係香港食韓燒，應該唔少人都會選擇價錢同質素都大眾化既炑八，今次就試左開係旺角MOKO入面foodcourt既炑八Taste，環境都幾舒服，但由於舖位唔大，繁忙時間都要有排隊既心理準備呢度主打一人前既韓燒套餐，都有幾多款式選擇，主要係一個烤肉拼盤配一款主食，包埋免費三款小菜、生菜同迷你沙律，最平$98就有交易，除左佢地提供既幾款組合之外都可以自選配搭！今次主打介紹呢個Taste雜錦套餐($98)，主食係紫菜包飯，而肉類方面有牛臉肉，特製護心肉同梨汁雞肉，份量都頗多，絕對夠飽有凸個梨汁雞肉食落特別有驚喜，唔單止好嫩滑，用梨汁浸過之後味道甜甜地幾清新，令人好想encore！而牛臉肉同護心肉食落同樣夠嫩，燒得啱啱好仲有少少肉汁，值得一試另外爐邊蛋仲可以無限refill，如果想要芝士粟米就要另外加錢啦

呢排🐷先生都好忙，所以唯有自己一個人去搵食了！之前有家人過生所以都沒有要戒牛肉，而且一直都好想食韓燒，不過礙於朋友們時間都難配合，🐷先生又話熱氣，所以便不了了之了。昨日在Facebook見到有飲食雜誌報導這間位於Moko 新世紀商場內food court 內的小店推出一人韓燒便即刻去試了！這個是燒烤餐的餐牌，裏面還有主食套餐，炸雞套餐等等。值得一提的是六點前是午市，沒有加一。六點後是晚市便會收加一。我平常也是五點放工後便吃晚飯，所以這個午市套餐超啱我！ 😊我選了個4號 Taste 雜錦套餐 - 牛臉肉，雞肉，護心肉 + 紫菜包飯 （$98）咁嘅價值居然有咁多嘢食！ 😲😲 除了三款烤肉和紫菜包飯外，每個套餐跟三款前菜，沙律，同蔬菜拼盤，烤盤旁的泡菜雞蛋和雞蛋是任添。如果食量細啲嘅人都應該食唔哂呢個餐。🙈🙈 （使唔使咁多菜呀？！）牛臉肉的牛味不是特別突出，但是這個價錢來計算不錯了。雞肉和護心肉也不錯。包牛肉當然要加生蒜！但是拼盤的生菜較差，實在好難包到嘢囉! 😅😅紫菜包飯都好足料雖然係任加，但係因為個餐有咁多嘢食，所以連我都只食到1⃣️輪！🙈🙈好耐冇食韓燒所以好滿足，一個人居然淸哂！成波應該不

Lunch 經過見到 餐牌幾吸引午餐推介有5-6款約$50-60 set lunch 有前菜有飯+$8有特式飲品一杯，咁就叫左個燒韓牛碗飯，店員仲好細心咁提我呢款韓牛只係得3-4成食，比較生，我見佢幅圖幾吸引咁就照叫黎食啦，先黎一個前菜，甜甜地既泡菜一碟，普普通通無咩特別，跟住個燒韓牛飯黎到，雖然店員之前有提我比較生，但佢比我想像中更生，咁我其實食左一塊都幾好食，但個心始終覺得係香港食仲要咁生既韓牛好似驚驚地，咁就試下問店員可唔可以再整熟少少，店員好好人即刻幫我入去整熟少少再拎出黎，味道依然係咁好食此圖為比較生時影

喺food court入面嘅炑八嘅平價版，水準唔差。相中係韓牛二人餐$358，最鍾意佢label晒每款肉名，唔會唔知食咗乜！我哋另外再叫多個烤牛肉紫菜包飯$48，飯同紫菜嘅質感唔差，但可能燒肉味太濃，影響味覺，令到包飯入面嘅烤肉唔算突出，感覺失色咗少少！我哋果日晚上6:30前去到唔駛等位，但之後已經大排長龍，大家有心去食嘅話就真係要早少少！

初五，與媽媽自私食。知道炑八推出左個平民版燒烤，於是帶媽媽黎覓食，扮下韓妹。一點幾到餐廳，要等位。如果唔燒烤就有位，不過黎得咁係食燒烤套餐。大約等左15分鐘。由於2個人食量唔係好大，所有點左一個套餐同一個紫菜包飯。呢個係$125燒烤套餐。套餐包3碟前菜(泡菜、芽菜和醃蘿蔔)、生菜、沙拉、爐邊蛋。而自己可以自選2份肉+1份韓式定食。由於媽媽不吃牛，所有我就叫左一份護心肉、一份五花腩、定食就叫左烤五花肉流心蛋飯。肉的份量比我想像中的小，感覺叫98元個D SET抵食D。肉質方面，護心肉比五花腩好吃，好淋，但感覺上沒有我第一次去吃的時候咁好味。烤五花肉流心蛋飯， 流心蛋令整個飯變得很滑，不錯!還叫了一個鰻魚紫菜包飯，每件都有鰻魚，同其他配料，口感好豐富!!足料。不過本人比較重口味，食時點埋D燒肉汁!更正!呢一餐不過不失，媽媽很喜歡吃個爐邊蛋(不任加)!呢個價錢算不錯!午市又免加一!!又無限時，聚會的好地方!PS.晚市時段另收加一

行完街去food court 搵食先上一堆前菜，都係例牌野啦個芝麻醬沙律菜幾好味，不過切得太碎叫左2個set，有雞肉＆猪肉set海鮮set有蝦，蠔，八爪魚，多春魚另外加左2杯飲品，飲落幾 fresh爐邊蛋有原味＆泡菜碎燒左猪肉先，得4塊薄片，因為無腌過，食嘅時候加d醬＆泡菜，再用生菜包住跟住再燒魚，個爐好痴底。。燒完黑曬八爪魚食落幾爽口，本身腌左，咸左d最後燒雞肉，係有骨嘅雞髀，燒左2面再起骨，剪成細細塊，有d麻煩，如果無骨會好d跟餐仲有2個拌飯食完燒肉成半個鐘先上size 話係迷你，但份量都幾多下無石鍋咁熱辣辣，味道普通啦牛肉拌飯又幾好味炒得幾好，牛肉唔會韌Overall 黎講就不過不失啦

試過炑八幾次，最出色我覺得係個米酒，清甜，醇香，滑！同老公行完街，Dinner諗入到新世紀間foodcourt搵食，行到盡頭原來有間炑八，見其他無乜特別想食，就走左入去！韓燒離不開是燒牛豬雞，味道其實可以，略嫌牛肉有點韌！