都會自助餐廳 (Closed)

其實黎之前都對個buffet冇咩期望，始終價錢唔係貴，不過好彩都比想像中好D，起碼生蠔夠新鮮同會不斷refill，其他長腳蟹呀刺身嗰D都可以，不過最驚喜係個避風塘炒蟹，好香，加上少少辣，非常好食，encore左幾次！其他D地道野滷水鵝、臘味炒芥蘭、生炒糯米飯、酥炸生蠔同燒牛肉等等都OK，飲埋個老火湯，可以進軍movenpick，其他甜品已經食唔落！Movenpick有11隻味，試左4球，好飽，不過真係好好食，下次要留肚食多幾款味。

男友生日，想同佢食自助餐，本來我揀既係第二間酒店，但我鐘意食避風塘炒蟹、豉椒炒蜆呢類，男友就鐘意食生蠔刺身，岩喇，見到OPENRICE有廣告，拿拿林BOOK呢間BUFFET試試佢，滿心歡喜，諗住有我想像中既食物出現：避風塘炒蟹、豉椒炒蜆、黃金蝦…去到，乜都冇！係乜都冇！！！一樣都無，熱葷有：咖哩，普通到唔普通既咖哩連薄餅雞鎚，乾爭爭既雞鎚蒸魚，蒸雞，生滾粥，中西湯兩種，一ＰＡＴ野既白汁長通粉沙律吧，基本既沙律，不過不失冷盤有：刺身（三文魚，劍魚，八爪魚）生蠔（細隻又腥又瘦，揀無可揀先揀到Ｄ叫做飽滿少少甜品係最可取，有MOVENPICK雪糕，焦糖燉蛋，奶凍，豆腐花...我寫呢篇食評係佢違反商品說明條例，佢做推廣既食物一樣都無！你地唔洗驚好似我咁奶野，因為佢個推廣完左，下次佢搞ＤGIMMICK野你地諗清楚先好去...因為一樣都唔會有，呃人～！！！ＸＸ！！！

”避風塘漁港風情”……預定閒日生日晚餐 65折後都要$374 冇提供紅白酒 冇啤酒冇汽水 有自助奶茶咖啡嘅 但茶胆凍冇生日優惠冇疍糕 裝修中冇泊車服務 食物大部份同“午市“差唔遠 都有生蠔午市6折咗$160左右 底食好多……晚市只係多咗…… 阿拉斯加蟹腳 Size大隻 但乾身味淡唔鮮“龍躉”西蘭花今晚冇提供焗蠔 冇黃金虾……避風塘炒蚧~ 過乾 細隻蟹蓋似梳打餅咁脆燒鴨 辣酒花螺仔 …… 蒜子炆紹菜~ 沽清冇refill 菜轉蒸肉排熱葷唔多 行1圈就夠晒燒羊胺~ 7:45沽清冇refill 轉咗羊脾燒牛柳~粉紅色嘅肉 嫩 黑椒汁苦燒汁正燒冬菇 燒茄子 唔肥膩 原味好味道燒菠蘿加咗糖燒 假甜 封脷燒物預早燒定 凍 唔太吸引……粥檔~用料低劣 細蝦細蟹雞唔甜 粥底加咗味 冇蠔仔 冇皮旦瘦肉 冇牛肉好多印度嘢食 唔吸引 一堆堆燒雞 酸牛 咖哩菜 咖哩炒飯 薄餅就又乾又硬生蠔細隻 今次唔算肥美 魚生新鮮 甜 但壽司飯 又生又硬今晚全飯冇麵冇意粉提供 西班牙海鮮飯 咖哩炒飯 壽司飯……中西湯都用心製作飲多幾碗唔頸渴甜品~ 椰撻 燉蛋 荳腐花 terimisu 疍糕太硬

逸東酒店自助餐食了無十次都有八次. 都是午餐, 晚餐只試過2次.  午餐是抵食的。同老婆慶祝結緍紀念, 今次被「細味漁港海鮮風情」廣告吸引才吃晚餐.廣告：『總廚嚴選多款地道生猛海鮮，炮製出一系列地道惹味的海鮮美饌，滋味推介有火焰龍躉球、避風塘炒蟹、辣酒煮翡翠螺、即煎蠔餅等， 多款港式佳餚，包括明爐燒味、以河鮮、龍蝦及蟹等熬製而成即煮生滾靚粥、藥膳蒸雞、滷水小吃........』以上中菜, 除了辣酒煮東風螺, 油雞, 及"蟹"煮粥外.... 什麼都無. 無龍躉球, 無炒蟹, 無黃金蝦.... 魚蝦蟹是但都出一款!! 無, 普通什麼西式魚柳都無. 廚師說今天沒有, 今天是辣酒東風螺, 油鹽水粉絲花甲, 及油雞!! 真係O咀.冷盤已有花甲, 東螺, 翡翠螺。 熟食又係花甲, 東風螺，寧願重覆都不煮其他菜式。還有牛排, 成塊無一忽可以咬完吞落肚,唔係誇張, 好似咬香口膠咁.... 真係未試過.湯, 印度咖喱counter, 粉麵檔, 甜品, 都同中午一樣.所以實際上, 晚餐同午餐食既菜式差不多99%一樣。所以不用花貴價食晚餐, 食午餐好了。

生日飯唔知食乜好，就上網搵下，因爲想食蠔所以搵下酒店自助晚餐，見逸東都幾平(折咗400以下)，不過一入到去都幾失望，放食物嘅地方一眼睇晒，生蠔係最細嘅品種，放十隻八隻响度比你攞，長腳蟹一啲都唔似長腳蟹又細又短，其他食物種類少之又少，兜完個圈都唔知有乜好食？相都無乜影，壽司放得幾舊，啲菜唔係太新鮮，熟食選擇真係太少，問侍應有冇飲品佢唔識答我，可能係新嚟同真係無乜飲品攞，成程只係飲水。不過可能淡季同人少關係，當我去唔啱時候啦！

第一次試用(開飯)這樣網上訂位，原來好方便。訂位後酒店餐廳有人打電話來確認，當日早上再有人來電問確實，還題示需在訂位時間《15鐘》內到；好貼客人^_^!自助午餐折扣優惠在網上訂位不用(例印出示)，這樣好👍比較環保做法^_^!自助午餐2百元內有生蠔吃，也不錯吧😄！

上次吃是10月中，基本上東西沒有太大改變^_^!但昨天的三文魚好似比較上次好，蠔也比上次多放出來。今天還遇上幾隻比較大些，也遇上有一味(有味急吐出^_^!)整体看食品算是比較上次好。唯一可惜因自己趕時間走，未能吃雪糕😢!因為上次吃過感覺不錯。這次有飲湯，也是滿意的一款。

於open rice介紹的港式煮法，火焰龍躉球、避風塘炒蟹、辣酒煮翡翠螺、黃金蝦，十月十九日晚上以上並無蹤影出現，令我感到失落。生蠔 東風螺 翡翠螺 非常新鮮，甜品不錯。

原來幾年前曾經到metro吃過一次自助餐，當時對自己講不要再來。可惜9月底忘記了教訓，又一次因為Langham Card生日優惠和友人再次在Metro吃自助餐。地方狹窄、食物種類不多而品質很一般。我在此寫食評不是給別人看的，是真的要提醒自己不要再去。I did not learn my own lesson! I patronised Metro a few years back and decided not to come again because of the food quality and ambience. I totally forgot the bad experience and brought a friend of mine to ate the buffet dinner again, which was met with great disappointment again! With the same amount of money, I could easily enjoy a fine dinner elsewhere. I must not f

呢度自助午餐有我最愛嘅生蠔！😍😍😍😍😍師傅洗得乾淨、無沙、生蠔清甜、鮮美！😝😝仲fill得好快！！😜😜😜😜😜😜😜😜😜😜正！👌🏿👌🏿👌🏿👌🏿👌🏿👌🏿👌🏿💪🏿💪🏿💪🏿👌🏿💪🏿👌🏿💪🏿👌🏿我一個人一口氣20分鐘食左56隻！回晒本🤗熱食方面我無咩要求，亦無咩特別。沙律、魚生正常。甜品有我最鍾意嘅麵包布甸，而最期待嘅當然係movenpick 雪糕。✌🏿✌🏿✌🏿✌🏿✌🏿✌🏿✌🏿✌🏿✌🏿✌🏿師傅serve得好有禮貌！讚！🤘🏿環境舒服，食品水準高！好！👊🏿

上年食過一次，覺得真係性價比高，而家折左$150倒，決定再返兜！一黎就狂隊左半打生蠔同龍蝦仔，全部都新鮮，爽！再黎食熱野，記得上次個咖哩好食，今次試左都keep到水準。即煮意粉區個有個後生仔負責煮，上次冇試過今次試下，又煮得ok喎！甜品有幾款，個人麻麻地cheeses cake呀蛋糕嗰D，雖然朋友話唔錯，不過我最終都係試左麵包布甸，好食！Movenpick食左3轉！最好食係個椰子朱古力味！好滿足嘅Buffet lunch， 今次仍然冇令我失望！

逸東自助午餐 通常要預早定位 暑假完咗兼閒日 即日訂倒位 愉快一樣係招呼好 食物足 用料靚回本嘅(超值)生蠔魚生火腿...補充快沙律菜新鮮多款 醬汁齊同伴力讚中式老火湯~青紅蘿蔔豬肉湯材材好足 金色湯水 清甜唔濁 好似媽媽湯 好味道 但唔夠熱 .....西湯~西蘭花忌廉湯 傑撻撻 好味嘅花生雞粒粥~ 靚粥白滑 花生夠淋 但雞粒冇乜味 清清地唔油膩 感覺健康熱葷 ~ 幾款一般焗蕃薯粒係熱葷 ....甜甜地 但有啲唔夾咁蒜蓉西蘭花~花花裁得好靚 蒜香翠綠唔硬泰式鴨~有啲靭嚡 紅酒燴雞~ 仲以為係紅酒牛尾 冇試...藥材蒸雞~ 汁香 但雞肉好淋雞味淡蒸魚卷~啖啖肉滑 忌廉汁蒔羅檸檬片甜品~ 細細碟嘅燉旦 甜蜜蜜金黃色焦糖面 咬落少少脆 好椰子雪糕~ 有椰絲嘅 我唔buy

見價錢buffet黎講叫抵，食評又唔錯（之前信食評都瀨過唔少次），今次都係博一博，好彩今次無信錯食評。冷盤選擇較多，有生蠔、長腳蟹、龍蝦仔，蝦、翡翠螺、藍青口、東風螺同埋蜆。值得一讚係生蠔夠新鮮完全無腥味，長腳蟹也不錯唔會一味得個鹹字，可惜既係到8點3左右長腳蟹就無左refill了。熱盤方面選擇唔多，不過一般既牛扒，羊扒都會有，佢地仲有埋扁平鴨食，但奇怪地包住個塊薄餅係印度厚身個隻薄餅。印尼炒飯辣辣地好味道。甜品賣相唔吸引所以無食過，唯有主攻雪糕movenpick 。總括黎講，甘既價錢平平地係值得一試

午餐自助餐 原價2百幾，係OpenRice 預定 重有六折，實比150幾。好底食！同月事四個人食 食到個個都飽到就來行唔到。最底係生蠔任你食。拎完又拎，四個人食左超過五十隻蠔！甜品有七八種，蛋糕都布四五種，芝士蛋糕夠哂芝士味，細細件，可比你試哂禁多種，又有有布丁、葡撻都係細細件。面包布丁甜味剛剛好，雪糕都有五種，乳酪味、朱古力、椰子朱古力、士多啤梨、雲呢拿，最好味推介乳酪同雲呢拿，食左七球。下次同朋友再一齊去過。

成年冇食過buffet，梗係揀間有蠔食嘅。一黎就拆左半打，之後再進攻熱食。即切片皮鴨好食，咖哩好食，其他野食味道正常可接受，refill得快值得加分。甜品冇期望下反而OK，好buy個麵包布甸，movenpick唔駛講一定係連食幾球啦。平日食平平地折完三舊水，同老公hea下係唔錯嘅！