峰壽司 (Closed)

壽司d款都幾特別, 不過d飯一夾就會散, 同埋d款式就嫌佢少咗dd, 冇乜驚喜!

我突然想食日本野, 之前睇openrice, 見呢度同埋青葉d comments好似都ok, 但男友話想試呢度多d, 咁就試啦.好多人等位... 我地去shopping一陣就到我地啦.一入去就tick野食. 好期待有幾好食.一黎到... 一夾舊壽司, d飯散晒, 我已經好細力.. 第一舊係咁, 我以為係我既問題啦, 再夾第二舊, 又係咁...... 男友都係一夾即散!我地好失望, 食左幾碟就埋單.壽司款式冇乜特別, 試左crab roe, 個人認為水道橋果d正好多喎! 人地果d好重crab roe味架!其餘果d真係冇咩特別, 極普通!相信唔會有下次.板前真係好好多呀!我地唔覺得有野落過肚, 所以埋單之後去左試青葉...... 詳情寫係青葉果度啦

旺角新店終於都開幕喇，以後要食好味0既壽司就唔使特登去到銅鑼灣咁遠喇。感覺服務同質素都好好，冇輸蝕過cwb兩間店，仲有日藉0既駐場師傅，同埋曾經到日本受訓0既師傅們，感覺夠晒pro！帶子、海膽、特大帆立貝、三文魚、蟹柳、火灸盛、北寄貝沙律，除左三文魚普通左d之外，其他咁多樣都冇失望。而且service都好好，以後旺角食野又多個好選擇喇！

男友生日但係要開OT, 於是我提議去食峰壽司。平時我地兩個見咁多人等位, 一定轉去第二度食, 今日我一個人先到旺角, 又唔太想行街, 不如去等位啦~ 約8:00 去到, 等到8:30 左右有位。但男友未到, 未齊人唔俾入, 等多15 mins,男友才到達終於有得食喇。食物水準真得不錯, 三文魚壽司才$9 , 抵!! 最印像深刻是火x 三文魚壽司,燒鰻魚sushi 同海膽壽司。海膽sushi $25 一碟, 0的海膽幾新鮮, 好難得呢, 我食過香港幾間壽司店0既海膽都唔好食, 呢間算好好了。燒鰻魚同燒三文魚都好好味, 我地見住日籍師傅即燒即上碟, 正~~ 男友今日唔舒服, 唔可以食炸野, 下次要試0下呀!!! 服務真的很好, 師傅和侍應都有禮貌。師傅Yuki 好好笑容呢~ 值得一讚

上星期六夜晚大約十點幾睇完戲，朋友建議去峰壽司食晚飯。一向都對峰o既水準都好有信心，hee，今次都好滿意！三文魚壽司條三文魚有手掌咁長，仲好新鮮。蟹柳壽司都好好食...^^...次次都會叫！仲有沙律呀，當時已經食到好飽，所以覺得個沙律好大...=____="...不過都幾足料o架喎，粒帶子肥到我都呆o左。環境同服務都好好呀！(同埋果個時間唔使等位。)下次一定會再去。食o左幾多錢就唔知喇...我諗都係二百幾掛...抵食o架！

不算太特別, 因為現在這類型的壽司已很多, 但每一次經過都有很多人在排隊便跟朋友一試.如你路過而又見到唔駛排隊的話, 相信可以一試.

2January07試左試旺角峰壽司特大海鰻真係好正!三文魚就唔夠肥美,但應該佢\地都知咩事所以平賣的.燒帶子真係好正! 一叫就整!外面熱熱地又有炭味,裡面軟林林又鮮.服務真係幾好,加上佢\地有日本師父!

上次同媽咪4個人食一壽司之時提及峰壽司，先想到自己未俾過任何食評!!所以今次同媽咪食完一定要寫埋。芝士薯蓉波波- 熱食超好味，我本身唔愛好芝士，佢份量唔算太多，對我黎講就岩岩好峰蝦壽司- 鮮甜好味特大海鰻- 用火槍燒熱先俾客人，熱熱地好好味軟殼蟹手卷- 個人喜好，蟹夠脆又夠SIZE蟹柳壽司- 味道好過一壽司，甜D海膽壽司- 唔似其他鋪頭細細塊，味道甘香服務同CWB既一樣咁好，你要水就即時有人俾你，笑容十足，迴轉壽司店，最愛都係你- 峰壽司多謝媽咪請食飯^o^

峰壽司的確係一間唔錯的選擇,食物質素大部份都可以保持水準,唔似部分壽司店的出品成日唔同,又因為生意好而唔得,其他環境,服務質素都唔錯,但因為出了名,實在太多人,食物方面以蝦同蟹最高,其實係佢未出名之前小弟已經光顧此店,最令我難忘的係赤貝壽司,現在最失望的亦係佢,因為佢地最初造的赤貝壽司係用活赤貝,呢一點係好多香港壽司店冇造的,價錢仲超值,真係睇住佢地造,簡直一流,可惜只係一剎那的光輝,現在的都已不是了!!!

今日同男朋友仲有佢d frd去唱k..夜晚一齊食晚飯..6個人去左峰壽司食..我之前未去過峰壽司..但見峰壽司o係openrice都有幾多好評..所以趁旺角開左就介紹比鍾意食日本野ge男朋友啦..先講三文魚..加埋蔥好fresh..而且三文魚由頭包到落尾..抵讚！軟殼蟹手卷都好好味..不過我暫時覺得東京迴轉ge軟殼蟹手卷好d..帶子同火炙帶子都食過..兩款都好鮮甜..但個人比較鍾意火炙帶子..而炸蝦天婦羅都好有水準...而服務方面都唔錯..不停為我地加水..而且有一次我地落錯單佢都幫我地換返...總括黎講呢度係我暫時食過最好..唔好睇佢好似好貴..正所謂一分錢一分貨...比著你都想試下咩叫新鮮ge壽司..相信峰壽司可以滿足你呢個願望！

去過峰, 壹同板前, 選是人夾壽司吧! 個人最喜愛吃峰, 或者是厚厚的帶子, 肉味較濃的劍魚腩和與蔥味中和的三文魚口感. 三間排名就如此了. 壹輸左地段多於口感, 板前可能是不合個人口味吧! 感覺上愛吃的食物未如峰新鮮. 由於是峰的常客, 所以見旺角新開, 就決定去捧場. 星期六, 下午六時半竟然就要排隊, 還好等了十五分鐘而已. 最開心的是有新的壽司吃, 墨魚安康魚肝壽司, 如點的那張, 肝味不算太厚, 但新東西總讓人驚喜. 三文魚子加三文魚也是新的, 價錢也不過是$20, 我個人很喜愛, 沒想到不愛吃魚子的小蛇也覺ok. 其他都是常吃的, 水準穩定, 但飯有點冰.. 是冰=.='''三間峰的排名呢, 個人而言, 首位還是銅鑼灣sogo, 繼而旺角和白沙道. PS> 旺角店的廁所在隔鄰商場, 不乾淨也不太方便

見到差唔多個個食評都話好,就黎試試, 未夠6點就爆晒,真係有啲誇張呀,不過好彩只係等左15mins左右就有位我覺得同平時食開個啲無乜分別,不過個三文魚幾好食,可能新鮮,食落唔會腍pat pat即叫個啲個紫菜真係好脆, 同係迴轉自己攞個碟好大差別呢到主要都係食啲傳統款式,無乜特別呢到都好好禮貌

今日終於試過呢間出名o既排隊店! 我和朋友6:20pm抵達時,己經要排隊,重要等廿幾個籌至到!!好彩等了約半小時就有位啦!壽司款式不算很多,轉帶上的壽司看來已放了一段時間,於是揀了些帶上沒有的壽司:三文魚,醋鯖魚,特大帽立貝,帶子,火炙牛舌,海螺,赤貝,吞拿魚腩手卷等.味道和新鮮度只是一般,部份更是水準以下,例如火炙牛舌的牛舌並非火炙而是全熟的!特大帽立貝沒有鮮味,正確說是沒有味道!侍應很多,加水加得很密,反應也很快速,禮貌ok.總結來說只是一般,不值得排那麼久,個人認為板前的壽司比這裏出色!

食過銅鑼灣的峰壽司, 覺得不是想像中咁好食. 不過上星期五晚到旺角這間新店, 對峰壽司有點改觀. 大慨七時排隊, 不用15分鐘便有位啦. 試過一些新推介--北海盛, 火灸盛,都好好食.. 還肋子壽司, 這個跟三文魚子壽司比, 還是三文魚子壽司好吃些. 這分店的老是一位日本女子, 不過懂得說一點廣東話, 看他們的對答蟼有趣的.

我忽然行行下街, 見到這裡新開張, 好開心! 即係走進來.帶子一樣咁好味, 新鮮, toro, 油甘魚腩都幾好. toro即溶, 沒有根, 但我朋友的有根呀! 其他野都差唔錯. 好滿意. 最後, 要講下我特別喜愛這裡的裝修, 好得意, 有d好似銅錢的圓形裝修. 仲有, d燈光係不锈鋼面的反映下, 泛起一圈圈大小不一的光圈, 轉下轉下, 有似有人打燈咁, 好靚, 好得意!