峰壽司 (Closed)

之前常到峰壽司食嘢,晚飯時間經常排隊都要排三,四十分鐘因為暑假搬咗去馬鞍山,好耐未返過沙田食嘢, 今日中午食飯時間得閒,行過峰壽司,見居然冇咩人,就入去食啦劃完紙等壽司,當食第一碟,就覺得好唔同.....差咗好多!再望望D員工,除咗一個waitess姐姐,其他人都好似唔同曬(包括所有司傅仔),之後食的碟碟都唔多掂,點唔好食?其實我覺得D用料冇點變(除咗D海膽,明明當灶,但D海膽都係變咗味,臭臭地)但D壽司飯就差咗很多,硬硬實實,拍得住用機壓出嚟果D,除咗硬,D壽司溫度亦控制得很差(如:峰鰻魚壽司D飯暖過件鰻魚, 魚生壽司D飯一時熱一時冷)好明顯D師傅仔扼飯唔多掂...........其他嘢如連D酸薑都係霉霉地......埋單六碟壽司$145 (如果唔係劃咗紙,第三碟已經想走人)這個價食如此質素的午餐(唔飽),點都唔值........明白點解冇咩人食,唔駛等, 但唔明白點解一次走曬D師傅,沙田又少一間似樣D的食店

今日唔想煮飯 , 同家人開車到此食SUSHI , 囡囡一坐低就點了最鍾意三文魚子壽司都幾好味 , 但D飯就一次比一次細 , 等你地可以食多幾碟 本人勁鍾意三文魚 , 但見到D三文魚瘦得可憐, 心想12元將貨就價 , 改為點35元三文魚魚生應該會比好D客人 , 但係一上菜見到只有5件如象祺小的而且生瘦得可憐跟12元的SUSHI無分别覺得唔低?! 跟住ORDER 一客45元的鵝干SUSHI 試試 , 味道唔錯但45元得一件都幾貴工大一細埋單520元但唔飽所以走去帝都買多個芝士蛋糕回填肚

三文魚是實的...飯是硬的....炸蠔是成舊粉團的...不會再光臨! 最差一間的峰!銅鑼灣分店好得多...

這晚無端端壽司癮起，明明屋企有留飯都嚷著要吃，來了沙田新城市的峰壽司。時值九點幾鐘，不用等迴轉位的話可即時入座，當然有位最重要，迴不迴轉又有什麼分別？這間壽司吃了幾次，味道不錯，上次來吃時發現好鬼多新款壽司，不過今次反而想吃點簡單的，點最大路的壽司來吃。先要讚佢個墨魚鬚壽司，價錢不貴只係十二蚊兩件，入口一咬，那種新鮮爽脆口感覺真的叫我瞳孔也放大，很久沒吃過那麼爽口的墨魚刺身，估不到在這兒找到，同食家大讚好味﹗蟹棒壽司啖啖肉，上面有千島醬提鮮，惹味﹗墨魚壽司口感一樣爽脆，如果可以厚切多一點，必定更好﹗帶子比上次吃到的肥美，味道鮮甜，質感軟糯細緻，那綿綿的甜美在口腔久久不散。芥辣甜蝦質感腍左少少，芥辣味亦偏淡。蟹子軟殼蟹手卷即叫即做，壽司飯外包著厚厚的黑色魚子，吃落卜卜脆，咬下滿口清香，軟殼蟹肥美，岩岩炸起關係仍是熱辣辣的，鹹甜適中，好吃。最後來的是三文魚壽司，要讚的是佢上面加左o的大蔥，味道更覺出眾，但三文魚很瘦，看落點點油花也沒有，略嫌o鞋口了。整體來說食物質素比上次更好，特別是那墨魚鬚，那新鮮感覺真係令人回味再回味，值得推介呢﹗

24/04 跟女朋友兩口子到沙田一田吃峰壽司已忘了第幾次，總之很多次了！叫了12碟壽司有：三文魚、玉子、栗米、蔥粒吞拿魚、峰蝦、帶子、峰鰻魚、軟殼蟹手卷、北海道火炙卷、加州卷我的至愛—峰鰻魚真棒！鰻魚很大塊！燒得剛好！又香又柔軟又肥美！每一口都是一種享受，魚肉大得我要分開三次才吃完呢！峰蝦和帶子也很好味！峰蝦很爽脆！帶子也新鮮北海道火炙卷以三文魚包著飯團再以帶子及蛋黃醬蓋著略燒味道不錯，本人認為可以再燒久一點，味道會重一點！是次吃了12碟壽司！比平時多了2碟呢！所以很飽！結賬$228，用了 cash dollar $116, 實付了$112，很「抵」！

為了鰻魚壽司而來的今次的鰻魚仍然非常肥美但感覺不給在旺角那間分店好吃不知為什麼我覺得有一陣燶味..........上次叫過炸蠔不錯(也是在旺角分店)但今次再吃蠔是一樣的大小但外面的炸漿感覺厚了><有點失望但還是會去別的分店!

中午食lunch!嘩, 都有成半年冇o黎了...主要原因係因為大豬冇時間來呢.但今日佢又"復活", 出動~~~~~12點幾來到, 好采不用等! 坐了吧檯. 今期有咩食先...寒獅魚, MENU 話指定係12月到1 月在濟洲捉的, 叫!另叫了金目立魚, 及攞了D 基本的三文等.D寒獅魚, 嘩, 加上了d 九州胡椒柚子. 勁辣!!!!完全蓋過晒d 魚味, 唔好睇佢細細pat 呀.食唔倒咩味....金目立魚, 睇張相其實魚身係紅色的, 但對眼真係好大!餐牌話係用火輕輕一燒個皮的, 唔怪得好似有d 熟咁樣.上面有pat 蘿蔔絲, 魚幾鮮甜. 得噃!大豬必食的北海盛, D 海膽一苦一甜....其他又ok 噃.服務一般正常.

其實我不嬲都係峰既支持者, 最鐘意佢老實抵食... 價格同質數成正比但係呢日我地一行2人, 6點幾就去到沙田一田百貨, 一心諗住早d 食飯, 費時晏咗要排隊啦因為迴轉枱已經無位, 要等, 咁我地ok 坐咗ordre 枱囉但係無諗過... 對"峰"既壞印象從此深深咁mark 係我腦海個飲食資料庫啦我地第一轉叫咗幾款池魚三文魚帶子峰蝦三文魚子另外仲有2款唔記得咩魚...首先, 池魚同三文魚不過不失, 都無今晚最好食, 但係唔係代表"正", 而係另外個幾款差三文魚子 軍艦, "新鮮"整...!! 因為d 紫菜係脆既.. 但係我真係好耐都無試過係峰食三文魚子會無咩味... 係無味... 理應三文魚子係好甘香, 好有醬油漬既味... 但係咩味都無..連腥味都無帶子 4件得一件係好味.... 其餘個3件係.... 唔新鮮既味囉... 唔知點形容 但係 峰蝦係最最最令我失望.... 我地叫咗2 蝶峰蝦, 我個friend 本來好鐘意食蝦架, 係咩蝦都鐘意... 佢一口氣連食咗2嚿.... 但係跟住就同我講話d 蝦.... "今日唔多好食喎"我都試嚿先講啦.... 一啖放入口... 咬咗幾下... 發

峰壽司，一直都對此家店有良好的印象。沙田分店到訪過數次，每次都滿意而返。今天下午在車公廟拜拜後到沙田吃午飯，時近一時，店內坐滿人，要在側邊排隊，但很快就被安排入座。坐在迴轉位上，可惜想吃的沒有在帶上出現，唯有ＯＲＤＥＲ。依然是家人最愛的墨魚鬚、８爪魚及墨魚，我要了海鰻及鰻魚。家人點的都是爽口的海產，我沒有有吃，因為對此等生物沒有太大的興趣。我喜歡吃魚類，特別是鰻類。海鰻，在板長吃多了，今次是首次在峰壽司點海鰻。一條長長的海鰻壽司，售廿五元。薄薄的一條海鰻，味道及份量都不及板長的好，認為不值此價錢。味道偏淡，肉也因為太薄而沒有口感，不滿意。反而令人驚喜的是鰻魚壽司，雖然索價較一般的壽司店高，但一分錢一分貨。鰻魚很大件，而且肉厚，味道夠濃，很入味，配上小小的飯，很好味！十分出色！埋單也是百三元，抵食！

都有3,4個月冇黎食七點唔夠就去食, 等一張台only今日食完, 水準冇變, 仍然係好評~吉列同天婦蝦真係好好, 次次食都即炸, 非常之熱辣辣!火炙三點的鰻魚, 帆立貝同三文, 呢個配搭好好食, $25真係幾抵!而芥辣墨魚軍艦只係$12, 係同類壽司店最平的所有軍艦, 手卷的紫菜都好脆, 正其他的壽司都不錯這裡簽信用卡仲可以扣cask dollar, 又平左廿幾蚊~

環境係迫.....唔緊要幾貴的壽司店都係迫....呢次的相影得好差.唔好意思...三文魚刺身好厚.３５元都好抵食三文魚壽司加埋洋蔥的味又好夾....迴轉壽司正....order的更正....帶子大大件好鮮甜....而甜蝦又鮮又好食值得一提坐左迴轉枱...好正...........看到的師父整壽司手勢好純熟唔錯....

我哋幾鐘意呢間迴轉，味道不錯。三文魚 - 三文魚雖然不算肥美，但配上洋葱，味道很好。碎葱吞拿魚 - 賣相不錯，碎葱吞拿魚又香又肥美，正！軟殼蟹手卷 - 十分足料，由頭到尾都有軟殼蟹，又脆又香口，間中仲有膏tim海膽手卷 - 新鮮又有海膽味，味道不錯，可惜海膽少咗D。海鰻壽司 - 賣相好，味道也好。峰蝦壽司 - 新鮮又爽口帶子壽司 - 都算大隻，但味道一般。蟹棒壽司 - 一般啦。蟹棒手卷、蛋壽司、腐皮壽司 - 仔仔話好味喎。Order 咗13 碟，埋單$263

次次來到峰壽司都大排長龍只有望門輕嘆，今晚卻難得無人等位，當然入去吃個痛快﹗一年多前吃過一次味道不錯，被安排在迴轉枱就座，拿起MENU唔理三七二十一咩都叫下，轉眼間就成枱都係﹗三文魚壽司加洋蔥來吃，洋蔥味辟卻了三文魚的油膩感，更添香鮮，抵讚﹗挪威三文魚壽司夠厚切，入口肥美動人，正﹗帶子壽司兩件雖只賣25蚊，不過是肥美大隻貨，與板長的珍寶帶子不相伯仲，可惜肥美卻未見十分鮮味，爭0的0的﹗試了玻璃蝦壽司，上面有0的藍色既魚子，睇落賣相十分吸引，蝦很彈性新鮮爽口，藍色魚子味道無甚特別，點睛之物﹗炸蝦壽司外面加左0的七彩既米通，食落脆口卻有點喧賓奪主之感，還是舊有的炸蝦卷更原汁原味﹗火灼壽司有帶子、鰻魚及三文魚，經火灼過後帶點點焦香，很是惹味特別，二人同叫好吃﹗魷魚軟骨脆口，佐酒良伴﹗整體來說所有食物均新鮮，而款式亦都多變令對每樣都想入菲菲，本住貪得意既心態試一至兩件實無坊﹗

一句, 唔抵食+唔太好食. 都唔明點解仍會大排長龍...個人食開板長, 覺得板長好食過佢好多. 本來不應話咁樣比較既...當然也絕不是難食, 但價錢其實仲貴過板長, 但質素卻差好遠, 而且款式唔算多, 材料算唔上優質, D飯感覺都係"機"整出嚟的, 也沒有醋的香味,軟硬度也不及板長的好.....就算係D普通野好似三文魚咁, 一睇就知係較次等的質素; 火炙三文魚, 呢D簡單嘢都出奇地唔好食; 面鼓湯, 典型用粉沖水果款隻....總之一句, 唔值+唔好食.......所以橫掂都係等位, 不如幫襯番板長啦! (可惜沙田新城巿果頭又冇板長)是次消費兩個人唔飽咁走(其實真係好少可係咁), 都要$14X, 除了唔太好食, 也係因D款式真係好悶.....

同朋友睇完電影~來了這裡依肚=)我們叫了10碟左右,包括甜蛋,白飯魚,帶子,海饅,海膽,三文魚跟炸蝦手卷...等等個人認為炸蝦手卷好好味!隻蝦岩岩炸起~熱騰騰好脆+好食而甜蛋就冇咩特別~but唔知點解d飯有d散...白飯魚冇咩味~但好彩唔會腥!!帶子好甜,幾好味!!海饅就尚可~唔like佢有少少骨....海膽雖然唔係好甜~但至少唔會腥!!都幾ok!!不過挪威三文魚就一般...唔肥美~下次叫返普通三文魚會好d!仲有佢個燒帶子+燒三文魚+燒鰻魚壽司都好正!!下次一定會再叫!!=)總括黎講~全部都好好味!!下次會再去食!!