峰壽司 (Closed)

嘩嘩嘩!!我已經係第N次幫襯峰壽司喇是近年內發覺好有水準的壽司店之一壽司店仲會按時期推出新款的壽司gaa~~~飛魚籽壽司好新鮮的飛魚籽壽司飯上充滿 滿滿的飛魚籽食落去d飛魚籽仲要係有脆聲的!!少不了的還有海膽壽司同埋八爪魚芥辣壽司海膽好新鮮好香^^八爪魚芥哩個配搭真係無得輸食完之後會愛上左佢火灸燒有燒三文魚 燒帶子 燒鰻魚即叫即整的因為坐迴轉位 所以睇到師傅整^^火燒得好香同埋食材都好新鮮三文魚壽司組合 有三款唔同味道的三文魚壽司左:格仔型的三文魚壽司上有由豉油味道啫喱     配搭好得意 賣相都好靚中:三文魚壽司上有芝士     食完後 口裡還有芝士的味道 一食難忘右:外表是三文魚 當中包含了三文魚碎及蔥粒    一次過嘗試到兩種味道及口感真係啖啖都係三文魚 好滿足啊!!

平時排晒長龍, 今日與友人搵野食行過之際, 得2-3枱人排隊...排左10分鐘就入得喇.. 好野!我地坐迴轉枱, 但其實佢D 高櫈太高, 同埋佢地個地下好滑, 我地坐左上張櫈度又線番出黎, 坐左几次先坐得穩, 下次都係等ORDER 枱好D 喇! 加上佢枱下面可以放手袋的位罝太窄, 完全放唔到我個袋, 要成餐飯攬住個手袋黎食, 有D 辛苦.先講講佢既豉油, 確實係比較咸, 個人唔係咁喜歡, 但我几鍾意佢既WASHIBI , 唔會太辣, 岩我! 先黎食左最普通既三文魚壽司, 三文魚腩壽司, 正正常常, 始終魚腩一定肥美D 架喇 !之後係鹽燒元貝壽司, 有少少咸味吊番d鮮味, 好過齋食元貝跟住就食左, 鰻魚壽司, 臨埋單先發現叫錯左, 應該叫 "峰"鰻魚壽司先岩, 唔怪得個味道爭咁遠啦!火炙蟹棒壽司, 好喜歡佢既香口, 不過今次個賣相有D 衰, 沙律醬太多, 所以太咸... 我的最愛之一, 葱粒吞拿魚壽司, 又係個賣相問題, D葱粒跌晒出黎, 不過冇影响味道, 依然好味! 葱粒三文魚手卷, 這個味道太淡, 不如葱粒吞拿魚般香濃峰玉子壽司, 今次呢碟好失望, 好似擺左好耐咁, D蛋好乾同埋鞋口

好耐以前一次, 來過一次,覺得普通....因為太耐冇來, 就再來食, 諗住會有驚喜,點知就係一食, 就後悔....... 真係唔食由至可,一食就仲要一次過叫左9碟...........早知叫一,兩碟試下先........叫左蝦,三文魚,挪威三文魚,軟殻蟹巻,龍之卷,葱粒呑拿魚腩,三文魚麺鼓湯..........除左軟殻蟹係有味之外, 其他既野全部都冇味,都莫講話鮮味,即使連飯都係冇味,真係想話"有冇搞錯呀!!"唔係我地既味覺有問題, 而係食物質素有問題......我都已經係order,唔係食迴轉,所有食物都唔知係咪"偶"左好耐,咁既野,都可以拎出來比人食,仲要收十幾,廿幾蚊一碟.....係咁既情況下,完全冇mood去影相.....真係超市壽司都好食過佢咁都算啦, 有個女侍應,係食食下既途中,要換個筷子盒,佢冇出過聲, 一行來就係咁拉個盒,個時有碟壽司放係前面,佢都仲要係咁拉, 根本係一拉出來, 一定會掂到舊壽司,佢都唔理,仲係咁拉,最後佢拉到,但係我舊壽司係掂到曬個盒,真係唔知點食囉,佢都係完全冇反應, 冇出聲,冇可能睇唔到囉,我又唔想要嘈,所以個舊壽司係冇食到........真係唔知

係荃灣買完野，見到呢個商場有𡶶，好想試下，去到見門口已有多人排隊，攞左紙仔要等十幾張枱。因為唔想做BAR枱，最後要等成30分鐘先入得去。我們已經很肚餓，坐低後就馬上叫野食，一睇餐牌，三文魚腩＄12，好開心以為平左，點知係由原來一碟兩件計變左遂件計，即係＄24先有兩件，比起之前不過＄19，貴左好多， 都無法，自己鐘意食，最後叫左三文魚手卷 ﹣ 好離譜，上枱塊三文魚係冰既三文魚腩壽司 ﹣ 唔係冰，不過唔夠肥美，唔值＄24一碟𡶶鰻魚壽司 ﹣ 係熱既，味道OK， 不過有細骨燒秋刀魚壽司 ﹣ 呢個係凍既，唔係即燒飛魚子軍艦 ﹣ OK， 都算新鮮帶子壽司 ﹣ 都OK， 不過唔好加太多鹽，好咸峰玉子壽司 ﹣ 都有D熱，味道就一般峰蝦壽司 ﹣ OK，都新鮮，不過就無乜甜味蟹棒壽司 ﹣ 以前一路都食開，加個沙律醬，幾好味加州卷 ﹣ OK兩個人食咁多野埋單＄250，總括黎講，以呢個質素呢個價錢，有D貴，質素不及尖沙咀，有日本人STAFF果間，如果要食峰都唔會再去呢間囉。

很久沒有去吃壽司了，今天來了一田，試了峰壽司。叫了蝦之組合(忘了實名~好像$36) , 有三款蝦，很鮮甜，壽司飯很好味，醋的味道令人很開胃。單件長腳蟹壽司($14)~ 本身沒有期得，見$14平平地就叫件試下。三文魚和墨魚壽司，都幾新鮮。三文魚腩男友獨食，聽聞都幾好味。玉子壽司($14)，賣相一流，玉子成個屋頂包住飯，飯的份量少過玉子，正。鰻魚壽司~ 很正，鰻魚好肥美，燒的醬汁很香，很完很想再食，所以叫了兩碟。炸蠔壽司，蠔食落很鮮甜，炸得剛剛好，都是很美咋所以都叫了兩碟 這裡的螫司飯份量不會過多，細細舊的，所以令人不會太易飽肚，女仔食就剛剛好，如果男士就可能要叫多幾碟先食得飽。

大家決定是日晚餐食日本野 , 又o係新城市 search 下於是黎到一田峰壽司 , 唔多人等 , 就呢度啦 ^^見有 d 季節限定新推出 , 好似幾吸引 , 叫晒黎試 xp1. 春滿開三點盛~ 唔記得左三件分別係咩名堂 , 都唔錯o既 ,中間o個件酸酸地 , 好似醋鯖魚咁 , 另外兩件都幾咸 , 唔使點豉油2. 伊佐木刺身~ menu 度話個魚皮係輕輕燒一燒 , 少少熟咁食但係似係食緊熟o既魚咁 , 可能我地唔識野 .... 我覺得呢個有 d 搵笨 , 似小食多過刺身 , 而且好細片3. 北海盛~ 海膽 , 三文魚子 , 碎吞拿魚各一件三樣都唔錯 , 峰o既海膽同三文魚子一向都有水準 =)4. 千尋海老~ 鮮甜肉厚 , 好味 ^^ 呢個會係必點5. 火灸挪威三文魚~ 只係好輕微咁燒一燒 , 同平時食開o個 d 唔同 少少燶o既顏色都無 , 但又幾好味喎 6. 抹茶鹽墨魚天婦羅~ 無乜特別 , 通常呢 d 唔同咩o既海鹽都係唔係幾食得出 件墨魚天婦羅仲熱 , 就咁食會好味過跟粒飯食## 總括黎講其實都係好食o既 , 只係未有一樣令我地 encore o既野如果下次行過又見到吸引o既新推介

吃壽司已成了港人飲食文化的一種，今天，我走進了峰壽司。特大海鰻魚壽司:$26∕1件，原條海鰻魚躺在一團壽司飯上，份量足，肉質除了較普通鰻魚細緻一點外，魚鮮味較濃，醬汁味道亦不會過鹹，整條魚吃掉，很有滿足的感覺！親子卷：$36∕2件，飯團外圍捲著兩片三文魚肉，頂部放上三文魚子，賣相吸引，魚子大大粒，呈橙黃色，色擇鮮明，入口新鮮，大人小孩都愛吃。峰鰻魚壽司：$26∕2件，來到峰壽司一定要吃峰鰻魚，肉質肥美，味感新鮮，但今次多了一些較更身的魚骨在鰻魚肉內，吃魚怕有骨的人一定嚇壞。

我其實係鎽的die hard fans.一向除了鎽,就會到日本食壽司，因為這裏給我飯堂感，刺身處理ok.但我一直都去銅鑼灣店，但因家住沙田，其實有幾次為了，解壽司之苦，都試過這家店,每每失望而回。今日路過，又不用排隊，又唔想行到新城市三期新店，就給多最後一次機會大家去磨合吧，因銅鑼灣店因舖租太貴已有兩家店關門…通常光顧，季節限定就應該穩陣，：春滿開三點盛，有點魚腥味葱粒三文toro taku：還可以銀魚軍艦：你見到嗎？竟然見到飯面！不是填滿銀魚…再另外要了鎽池魚，淡口，失色。來個最後，油甘魚腩，是整頓鎽餐最出色的了，好香的魚油在口腔內打轉。寫，因為愛，希望你們進步，不要將貨就價，好食的壽司真的會百吃不厭！支持你們繼續努力.否則我"情歸何處"?又要從新找個信任的.....

同姊齊出動到沙田一田百貨優惠日瘋狂購物癲埋一份...經歷百戰之後, 身心俱疲肚餓難擋…要”叉”足電先可以繼續血拼!!見哩度叫做人龍冇咁長又相信食客停歇時間吾會耐...就排啦!!...好在廿分鐘內已可入座...餐廳開放式, 哩度人流太擾攘, 選擇坐bar位更理想啊!!點左較特別的有:峰鰻魚($26)…全餐食到最感動的!!...燒醬香甜, 肉身肥滑鮮熱辣, 窩心!!蔥花吞拿魚腩卷 ($26)…鮮魚腩茸味較淡, 所以中間放果條青瓜條太搶味了!!火炙北海卷 ($22)…上面放帶子, 外圍著燒三文魚(相信係近皮較肥脂果部份), 好滑溜, 味道亦不俗; 由於帶子亦屬味清的, 都會被沙律醬同三文魚搶去食味, 好似感覺吾倒佢存在咁, 嘻!! 螃蟹膏醬 ($22)…只係蟹膏雪得太凍, 影響味覺!!最平有($9)吞拿魚沙律, 較乾實…三文魚($12)OK, 火炙海鰻魚($22)亦好味, 甜蝦($16)蝦奀小!

今日黎沙田新城市拍拖拖, 我先去做個free make up, 與此同時, 男朋友就黎峰壽司等位啦. 揀峰壽司係因為呢到既壽司新鮮選擇多, 比起地下既元氣有創意!!! 時間岩岩好, 20mins左右有得食lu!!! 美味既北海盛軍艦!!! 次次黎都必點, 因為可以一次過滿足三樣!!! 海膽, 魚子, 吞拿魚都好新鮮, 好鮮甜章口新鮮既魷魚, 如果甜多少少就更正大大件蟹柳, 冇左沙律醬會好味d, 但都食到蟹柳既鮮味 xp火炙鰻魚, d汁好味蝦軍艦, 有海蝦同甜蝦少不了玉子燒, 熱辣辣又甜甜的蝦壽司, 見特價就試下啦, 味道都唔錯呀必食, 餐牌冇既吉列炸蝦卷壽司, 新鮮出爐價錢同元氣差唔多, 但款式多好多, 環境細細, 排隊變相耐左少少, 但都值得, 七點前到會快好多架!!!

晚飯一個人吃, 待自己好些, 襯著不多人放工, 人少少, 拿拿聲在黃昏時去吃峰壽司~ 鰹魚: 如沒有薑末, 鰹魚味道偏淡, 較腍~三點盛: 鰤魚蓉似吞拿魚蓉, 又係淡味; 扇貝及鰻魚則沒什麼特別, 可能是醬汁蓋過味道, 扇貝有少少韌~峰蝦: 係次次必叫, 爽口~ 北寄貝軍艦: 紫菜腍得太快了~ 今次北寄貝有少少腥, 都係比較鍾意元氣的北寄貝沙律軍艦~ 火炙帶子: 又係次次必叫, 肉大肥厚, 火燒過再加上檸檬&鹽, 不會膩, 味道又清~

食左第一次覺得好好食特登再去多次d刺身好新鮮！就算系壽司上面既魚都唔會話切得好薄 都有返咁上下厚度好推薦帶子壽司！帶子好新鮮 唔會腥軟殼蟹卷都好好味 d軟殼蟹炸得好脆！加埋d魚子口感好爽！仲有個北海盛 三十幾蚊有海膽 三文魚子同吞拿魚蓉 好抵食！而且都好新鮮 唔會話平質素就差左 分量都幾足夠

行開沙田~ 見到少人等~ 咪食囉~之前幫襯過第二間分店~ 水準不過不失咁~ 但估唔到今次~ D 水準咁差~ ~ 件件壽司D飯都係散既~ 飯無飯味~ 魚無魚味~ 仲要縮晒水~ 我仲以為自己食緊白飯~ 唯一可取既係件峰蛋~ 本來打算同女友黎食餐好既慶祝下~ 諗住食到飽先走人~ 點知D質素差到咁~ 食到無晒癮~ 食左幾碟就走人~ 絕無下次~

星期日下午三點幾黎到沙田食峰壽司點左甜蝦, 三文魚腩, 鰻魚, 鵝肝, 墨魚, 火灸海鰻魚, 秋刀魚, 芥辣八瓜魚, 銀聖鮭壽司...相信沙田壽司出名火灸系列的壽司, 其他壽司水準非常一般火灸海鰻魚壽司: 師傅係我地面前燒, 已經非常香, 又多油又多汁, 推介食物鵝肝壽司:係每次食日本野必叫食物, 呢度會放金萡上去, 非常型香口, 但唔夠多汁, 當然同樣有入口溶的感覺銀聖鮭壽司: 如圖, 睇顏色都知道唔好食, 唔油又冇光澤質數非常差, 竟然係本月推介, 睇見都唔想食埋單差唔多三百, 每人百五, 下次要食都只會食火灸系列食物!

峰曾是其中一間我喜歡的壽司店，近來少了光顧，只因地點關係，並非因為質素。因著工作、進修關係，時常需一個人進餐，吃壽司最適合一人前的我。這天到沙田正打算去一田買壽司，看峰壽司難得有空座，真是難得，雖然設在FOOD COURT內，也想不會太差吧！每一間壽司店都有別家沒有而卻令你情有獨鐘的東西，又或是最合口味的東西。元氣是蒸蛋，板長是燒油甘魚鮫和湯，峰是甜薯、海鮮沙鮮，蟹棒和飛魚子（比平常魚子尺寸更小的）叫了一客飛魚子，真感動，不是好不好吃的問題，而是很多店也已經沒有這個了...也叫了一客蟹棒，就是沒有原因，這家是最好吃的。叫了珍寶帶了，水準之內。叫了一客卷了三文魚，上有一片帶子的火炙壽司，也不錯。只叫了４客，結帳80元，待應並沒黑面。身旁的食客點的都吸引，下次和男友一起來吃，感覺食物始終如一，在這日本食材不斷加價，很多壽司店準下降下，這店已算不錯了。如FOOD COURT也能推持水準，短期內我會再去銅鑼灣那一間的，雖然每次等位都很花時間。