麵軒 (Closed)

間唔中都會去食下tea，最值得食係個奶油豬仔包，因為奶油夠晒足，又烘得夠晒脆，好食過好多茶餐廳。其他食嘢，飲嘢都一般啦。服務就…同其他人講一樣，個個懶懶閒，真係要改善下。

晚飯時間 8:30pm 同朋友黎到, 差唔多全場滿座叫左蠔皇上素同雜錦串燒肉燥飯, 過左5分鐘先同我地講冇雞肉, 要轉豬肉, 又冇辦法啦, 繼續等.......等左15分鐘蠔皇上素終於黎, 但份量奇少, 只有幾舊豆腐, 西蘭花同粟米仔,咁就叫上素?! 碟野只係微熱, 懷疑係用微波爐番叮, 仲有碗飯勁淋, 好似BB糊仔咁再過多15分鐘個肉燥飯仲未黎, 隔離有兩三檯同我地差唔多時間黎又係乜都冇得食, 搵 d 靚仔完全幫唔到手, 再搵過高級 d 既又唔理,最後嘈到經理最於肯出黎 say sorry等多陣個肉燥飯終於黎, 完全唔明點解要整咁耐囉, 串燒唔熱既, 味道亦唔見得有咩特別埋單個陣經理再 say sorry 同免加一, 條氣先順番少少

在商場理髮後，到這兒找個地方坐下來，吃個下午茶。我點了兩餸(野菜配雞肉腸仔)米線，選了熱綠茶作餐飲。下午茶時段，食客比較多，和鄰座距離近，人聲嘈雜。米線滲底奶白色，味道不太濃烈；野菜包括紅蘿蔔、棷菜、西蘭花及棷菜花，但是紅蘿蔔、西蘭花及棷菜花還沒有煮得熟透，質地很硬身，而棷菜花的葉邊有一點點開始腐爛的顏色，不太新鮮。雞肉腸仔原來是最普通的貨色，應該是超市可以買到的包裝腸仔。米線份量多，但並不爽口嫰滑。熱綠茶很苦澀，只有苦味，沒有其他味，應該是沒有加蜂蜜。這兒是茶餐廳的佈局和服務質素，但竟然要加一服務收費，心感不悅。

金香奶茶無味,好淡~我古應該好多水~而且個杯都唔好拎...日式餃子貢面唯一可以接受的只有貢丸~D餃子好乾,而且無味D面好似清水6意大利粉,完全唔得服務嘛...收錢都無聲多謝...禁你話D服務有幾"好"....

麵軒其實開左好耐架啦一直都未有機會去試星期日同朋友2個去左食飯估唔倒又幾好味喎!! 先黎杯珍珠奶茶!又幾香滑喎 我覺得好味過街邊大牌子 再尼碗特色牛肉麵!牛肉唔太硬, 都蚊得幾好丫唔似之前講既咁差呀美中不足之處係星期日多人 冇得坐耐D!!!!其實我認為平平地下午茶同LUNCH係唔錯既選擇!

行完街想食餐tea,果陣5:32pm,見呢間鋪頭的tea set牌仲未拆,即係仲有得食啦,所以入去食~其實想坐角落的卡位,但係比人坐晒….我揀左好耐..心大心細唔知食豬仔包好定係拉麵好….最後我係揀左 芝麻吐司+雞翼 $24幫我地寫單個女waiter木口木面…寫完單乜都唔講就走左去…只係中途我問芝麻吐司的芝麻係咪指芝麻醬佢先出句聲.. 最討厭的是,餐廳共3個女waiter,睇落去全部都似係學生走黎做part-time多…當時又完全無任何manager在場,佢地3個挨住水吧,不斷係咁傾計,仲要企正0係我地張桌隔黎(非常近的距離)聊天,唉..我地張桌又坐得最近水吧果邊..搞到佢地係咁吹水..我地又無奈地聽wor… 真係唔想佢地企正0係我地隔黎,影響我地食慾 離譜的是,有張桌的2位客人離開,果3個女waiter一齊執同一張桌 有乜可能會3個人執1張2人桌????佢地收拾桌子果陣又係咁0係道玩+傾計!!呢間餐廳的waiter真係好唔得!!! 有1個仲要玩手機之餘,仲要返緊工同時,出去對面電器店問野記得再上次黎有幾個男仔,d態度雖然麻麻,但起碼好過呢幾個女仔….其中一個女仔放低杯飲品又敲到張桌

我同朋友睇完戲,,找呢間餐廳的同時,想不到餐廳地址UG03,並非地下的那一層,竟然係1/F 翠華餐廳對面..真係誤會了...加上麵軒的所在位置有點兒偏僻,所以人流真係很少呢~ 當日睇完電影,諗住專誠來麵軒大吃1頓,店內空無一人.......12:15nn左右....入去坐果陣完全無職員講welcome....更加無立即扲menu俾我地細閱~之後waiter扲水埋黎,果陣冬天,水是熱的,good! menu封面睇落真係幾似note book,哈哈~好硬的膠質編制的menu!揭開果陣唔扲實,就好容易自動關上..無奈 成本menu有好多款主菜選擇,款款主菜也送drink!花多眼亂就真...我地花了不少時間選擇...... waiter講野好細聲...2個男的..唔係好知道佢講緊乜野....我點個特惠套餐 番茄肥牛拉麵 $34湯底有番茄味,好飲~ 麵條煮得很好味,軟腍適中,咬感很好! 有4-5件tomato +翠玉瓜tim,非常健康的配菜~ 不過肥肉有很多肥肉...味道較為淡,幾清...飲品 茉莉Jasmine Green Tea (+$3 胚芽)以為一定俾得好少胚芽,點知攪拌果陣發現有好

午餐時間見佢D套餐價錢OK，入去食咗個吉野牛肉飯+金香奶茶。個牛肉飯好大碗，牛肉有牛肉味，但係整到咁老嘅??? D配菜(紅蘿蔔、西蘭花等等)都係緊緊熟，仲硬硬哋... D飯又硬硬哋...個汁又冇乜味...杯奶茶都OK...食完今餐唔想再翻嚟食，不過個價錢$28，如果冇咩要求，只求飽肚，都叫OK嘅。

今晚七時三＋分到荃灣吃晚飯，行過麵軒見得一、兩枱人唔洗等位，二話不說就坐底，看看歺牌價錢見人見至，點了兩杯珍珠奶茶、滷肉竹筒飯、狀元紅酒牛肉拉麵，等了十分鐘都冇野來持應生好像碌木唔知做什麼？珍珠奶荼到了飲一口茶冇茶味，等左咁耐唔係飲依Ｄ野台灣奶茶係咁？南部？西部？過竹筒飯我唔知點講一個字 濕 滷肉唔知味 牛肉麵唔講，因為攞獎‧ 其實收咁價錢就唔應該有咁服務和食物質數，仲差過茶記，仲要收加一不知所謂

:狀元紅酒牛肉拉面,拉面好似福建米線,太過于軟身,食一啖,唔会夾第二次:,一点口感都沒,.紅酒只有一口,牛肉总算ok,林林地,有陣淡淡的牛肉味,湯底总算一般,但係好似沒乜顧客,唔駛排隊, 面軒--------面麻麻地

** 和風蕃茄雞柳拉麵 賣相不錯。雞柳挺嫩滑的。拉麵的麵條，介乎於平日吃的 ** 雲吞"麵" 和 日式"拉麵" 的樣子。蕃茄湯剛好，不太酸太甜，夏日吃 ~ 很醒胃。湯底我覺得如果茄味可以再濃郁一點更好。***滷水雞亦炆得很入味，而且雞亦SIZE 亦都唔細隻。***抹茶珍珠奶茶睇過另一篇關於面軒的筆者所講，這杯帶有一點點茶既苦味既珍珠茶奶我也喜歡這點。而且整杯奶茶不太甜，味道剛好。推薦飲 !!***椒鹽酥雞肉燥飯肉燥很香，而且又不太油膩...朋友說雞柳的味道很讚，比起 *** "大雞大" 炸出來的BB 雞更入味*** 黃金蝦球賣相不錯呀! 而且也很香口...*** 蘆薈藍莓綠茶比較甜了一點點... 但蘆薈咬口既感覺令他覺得很新鮮而且用餐只是加 $4 就可以飲到，又大大杯... 感覺好抵*** 甜品 : 椰林風光這味甜品叫椰林風光，可是"椰味"卻未係好出但我喜歡佢既冰沙真係好幼細，加埋上邊帶果粒既糖漿...我自己就好鐘意不過淨叫甜品的話要 $24 ... 我覺得貴左 D...如果用餐可以先以優惠價先用完飲品，再加錢食埋呢味就 最好喇~~整體後記:整個用膳，其實食物都很不錯... 無論賣相各

2009年1月22日 ( 2 ) 荃灣 ( 麵軒 ) 午餐麵軒集團，1997年開始創立，經營台式餐飲業務，全港共有六間店鋪，荃灣店是近期開業之新店。中午辦事完畢後，來到荃新天地二期午膳，看見( 麵軒 )已經開業了，第一時間，吃了這裡獲獎的( 狀元紅酒牛肉拉麵 )，熱飲要了熱奶茶。狀元紅酒牛肉拉麵：這道麵食榮獲2009飲食天王 ( 牛肉拉麵天王 ) 殊榮，端上來時，一碗牛肉拉麵，另配來一小杯紅酒，麵裡除了有牛肉外，還有牛筋，其它配料有、番茄、脆肉瓜、洋蔥、香葉、等，Johnny先喝一啖湯底，湯底好味帶甜，再喝一啖紅酒，酒味不濃而香醇，好飲，我慢慢將酒加入湯內，並逐段試味，結果一小杯紅酒全混入湯內，我覺得也不會奪去原湯的味道，反而將平庸的湯顯得更特別美味，至於牛肉頗腍甜，肉質不錯又美味，牛筋腍滑卻帶丁點酥味，番茄、脆肉瓜、質優鮮美，麵條軟腍適中，咬感很好， 整個拉麵配合得相當不錯了。金香奶茶：茶味特別，味道像( 台式珍珠奶茶 ) 熱飲版，當然沒有珍珠啦，喝起來時，雖然味道不像一般的絲襪奶茶，但非常滑溜好飲，Johnny也喜歡這杯茶。這裡商場，位處荃灣旺地邊緣，人流不多，近期新開食肆較多，