Video
4-min walk from Exit B2, Prince Edward MTR Station
continue reading
Telephone
98073051
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
🏝️熊妹好鐘意行旺角，新春佳節🧨，同樹熊行完花墟花巿經過花園街見到呢一間新開的泰國越南菜《Micro Pho Asian Cuisine 》大大間，門口大大塊招牌寫住新開張期間，二人套餐有七折優惠，原價$485七折後變成$339，仲要免加一，包前菜、小食拼盤、主菜兩款、一款蔬菜同埋飲品兩杯，睇落都好多野食好抵食下，一於要試試。📌餐廳以L型格局，有十幾張枱，有梳化卡位🛋️，有四人長方型枱，枱與枱之間有段距離，保留空間感唔會太逼，燈光通明💡，感覺亮麗光鮮簡潔✨。全日優惠套餐（2-3人餐），$339泰式生菜包雖然話係前菜，但係份量一啲都唔少。翠綠的有六大片，圍住盤邊，盤裡裝住一大堆生菜包肉碎，成形一個生菜花，望落好吸睛。靚生菜非常新鮮爽脆，洗得超級乾淨，而且每片都是拱型容易兜住肉碎，明顯有悉心挑選過每片生菜，廚師的用心選材，食客用心感受。點了小辣的肉碎炒得好香，加入了少去泰切粒的泰式辣椒仔同埋豆角粒，炒得好乾身，連埋翠綠嘅生菜一齊食，有菜的纖維配搭肉粒的香辣味，呢個就係生菜包的滋味。小食小食拼盤包泰式魚餅、泰式香茅雞翼同香葉雞，每款各兩件，魚餅夠彈牙，香茅雞翼唔係好大隻不過香茅味幾出，最驚喜的係香葉雞，一大片泰國香葉包裹住三角形雞件去烹調，完全鎖住雞汁的香味，更加保留雞肉肉質嫩滑，細細地一件已經滋味無窮，确實做得唔錯！馬拉盞炒芥蘭苗用上泰式馬拉盞配料炒芥蘭苗，一上枱芬香撲鼻，芥蘭苗炒到火喉剛剛好，好脆口唔會過淋，食緊一大堆菜落肚感覺纖維滿滿。慢煮牛舌湯檬粉 呢碗湯粉好大碗，份量多到有點誇張。牛骨湯底清得黎味道又夠濃，而檬粉份量好多，冬天連湯底一齊食，夠哂暖和。重點在慢煮牛舌，有7，8件大大舊，仲要超厚實，慢煮的方法煮到好軟淋，滲入牛骨湯汁，大大件咬落去啖啖肉，仲咇出濃烈的牛汁，充滿牛味，仲要賣大包份量多到食極都有，食到好滿足😌。馬拉盞炒飯配雞肉串食左湯粉，就點碗飯食。馬拉盞炒飯又一驚喜之作喎！以飯炒飯望落平平無奇，撈左馬拉盞一齊炒起好香口，而且米飯食落係帶點黏性但又夠乾身，呢種口感真係好特別，第一次食到咁獨特的炒飯！配料有兩串雞肉串，雞肉大大粒，燒烤得香口，不需要點任何醬汁都好夠味！仲有幾片炸蝦片當小食過下口癮，成個飯抵食又過癮！泰式檸檬茶（左）檸檬都有4-5片落足料，配口泰式茶葉沖出的檸檬茶味道偏濃味！泰式奶茶（右）泰式茶葉沖起的奶茶味道香濃及偏甜，係獨有的地道奶茶味道！📌除了二人套餐，仲有好多單點小食、前菜、湯粉、撈檬、咖哩、主菜等等，價錢親民，仲要係太子中心地段唔收加一，今時今日鋪租昂貴的時代真係買少見少，希望新店可以繼續堅持平民價理念✊，定會受盡街坊支持👏🏻！
continue reading
.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯新年係時候要佈置屋企，我自己就最鍾意去花墟買返啲花返屋企。選擇真係太多，呢個買完嘅時候都已經晚上八點，於是乎喺附近搵吓嘢食。見到有間東南亞菜主打$399二人餐，咁嘅價錢完全唔使考慮就入去試吓。原來二人餐已經包括咗前菜、小食、兩個主食同埋兩杯飲品。前菜泰式生菜包佢哋嘅肉碎夠晒火候，每一啖仲有香辣嘅後勁，最適合同生菜中和一下。泰式香茅雞翼｜炸泰式魚餅｜香葉雞｜馬拉盞炒菜小食方面已經包含咗四款，泰式魚餅口感彈牙又香脆，而香葉雞多肉汁又有清香。主食方面我就試咗香茅豬扒飯和馬拉盞炒飯，香脆嘅豬扒同埋夠晒鑊氣嘅炒飯，我自己覺得都唔錯。飲品我就試咗特別啲，玫瑰花花蜜和桂花花蜜。二人餐已經食得好飽，性價比真係好高。如果唔想錯過其他好介紹，記得follow我呀😘多謝大家！！！你嘅支持就系我嘅動力！記得點贊❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯Micro Pho Asian Cuisine (旺角)旺角花園街232-242號禮賢大廈地下J號舖 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯
continue reading
話說喺旺角行完花市，有緣搵到呢間泰越小餐館《Micro Pho Asian Cuisine》，主打泰國菜和越南菜，最近還推出2-3人優惠套餐，當然要試試✨2-3人餐 (原價 $485，優惠價 $339)前菜🥢海鮮冬陰公 (或泰式生菜包)前菜嚟講都算足料，有蝦、青口和秀珍菇，最重要係即叫即煮，味道酸酸辣辣幾醒胃小食🥢泰式拼盤有炸泰式魚餅、泰式香茅雞翼和香葉雞，我自己最喜歡就係炸泰式魚餅，香脆可口，蘸上泰式辣椒醬會更好味🥢馬拉盞炒芥蘭苗炒得爽口，鋪滿蒜蓉和馬拉盞，鹹香惹味香噴噴主菜 (3選2)🥢慢煮牛舌湯粉 揀選了越式河粉和清雞湯，厚切牛舌用了慢煮方法，入口軟腍，而清雞湯底亦非常清甜，每日限量供應*另可揀選檬粉或牛骨湯🥢炭燒豬扒泰婆汁配飯豬扒燒到外層焦香，肉質軟嫩，配上酸酸甜甜嘅泰婆汁，相當開胃飲品🧋泰式檸檬茶/泰式奶茶用上泰國手標茶做茶底，茶味獨特，值得一試
continue reading
上星期同好友去左太子呢間新開既餐廳食晚飯聚舊，一入去就見到環境裝飾得唔錯，呢度主打越南菜同泰國菜，見到佢地出左2人餐，二人餐都幾多野食，包左前菜或湯、兩個主食、一個小食拼盤、一個菜同兩杯飲品.🥘前菜 - 海鮮冬陰公足料，有蝦有青口，湯汁惹味，酸辣又開胃.🍱小食拼盤有2件泰式魚餅、2件泰式香茅雞翼、2件香葉雞，賣相都唔錯！炸得香脆，最鍾意食魚餅，夠香.🥬蒜蓉魚露炒菜我地揀左通菜，簡單用蒜蓉同魚露炒菜，唔錯.🍢馬拉盞炒飯配雞肉串呢個真係好正，馬拉盞炒飯夠香！雞肉串配上沙嗲汁，風味突出！旁伴蝦片，好脆！.🍛黃咖哩炭燒豬扒飯炭燒豬扒與咖哩又幾夾，黃咖哩香，而且唔辣，撈飯最夾.🌹凍玫瑰花花蜜玫瑰味幾出幾濃郁，飲落好滋潤！
continue reading
臨近新年，呢晚就去咗花墟睇花，行完就去咗花園街搵餐廳食嘢，估唔到呢邊嘅餐廳都幾旺，揀咗間食越泰菜嘅餐廳𝐌𝐢𝐜𝐫𝐨 𝐏𝐡𝐨 𝐀𝐬𝐢𝐚𝐧 𝐂𝐮𝐢𝐬𝐢𝐧𝐞門口有推介2至3人餐，睇落價錢都相宜，一於試下！前菜可以揀肉碎生菜包或者係冬陰功，我哋就要咗冬陰公，都幾足料，有幾隻蝦🦐肉質爽彈，仲有青口、秀珍菇、車厘茄等。有小食拼盤同炒菜，感覺上都好豐富，特別鍾意香葉包雞🐥雞肉充滿香料香味。馬拉盞炒菜都炒得幾香，少少微辣好惹味。慢煮牛舌湯粉嘅牛舌煮得啱啱好👅湯底清甜，如果落啲魚露，味道更豐富😋 炭燒豬扒泰婆汁配飯，我哋問店員咩係泰婆汁😂佢話係甜甜酸酸嘅泰式醬汁，點豬扒食真係好開胃😍最後仲有兩杯飲品，成個餐都好豐富，如何女士們唔係好大食，3個人都夠食👍🏻超抵食全日優惠套餐（2-3人餐）$339前菜🔸海鮮冬陰公小食🔸炸泰式魚餅、泰式香茅雞翼、香葉包雞🔸馬拉盞炒菜主菜🔸慢煮牛舌湯粉🔸炭燒豬扒泰婆汁配飯飲品🔸泰式檸檬茶、桂花花蜜
continue reading