Video
Introduction
Mijas is a 10-years history restaurant as it renamed from El Cid Caramar to Mijas.After refurbishment,the restaurant forgo the red decoration and change into a more fashionable setting.The wall filled with white as it's main colour and there is a open kitchen which adopt glass as the design in order to let customers to view the cooking process.
continue reading
Additional Information
Meatless Menu Details: Wide selection of vegetarian dishes available daily.
Opening Hours
Mon - Fri
12:00 - 23:30
Sat
11:00 - 01:00
Sun
11:00 - 23:00
Public Holiday
11:00 - 23:00
Above information is for reference only. Please check details with the restaurant.
Recommended Dishes
Signature Dishes
突然好想食西班牙菜，上 openrice 左搵右搵，最終決定去到老遠的 Mijas Spanish Restaurant。赤柱人生路不熟，艱辛地找到美利樓喇，原來仲有間德國菜，有緣再試。步入餐廳水靜鵝飛，唔知真係以為休息呢，都望到遠處有一檯客既。耐心地研究一下 menu，十分多菜色選擇呢，價錢使到我面都青埋，都係幾貴下喎。就算菜色夠特別又包羅萬有，但我目標明確，一早已決定專程長途跋涉就是為左意大利番紅花海鮮飯喇 ﹗一望價錢簡直令我暈一暈，沾寒沾凍，手心出汗呢 ﹗依個價位相當可怕，還可以追加海鮮或紅蝦的啊。即然一場黎到，死就死啦，放血就放血啦 ﹗放得血就唔掙在食埋個甜品，頭盤、湯、主菜、甜品，飲埋酒，財散人安樂，爽呀 ﹗仲有來回的士呢，哈哈。麵包籃，凍既？又乾又硬又唔香，雖然有我最愛的黑糖麵包，但依然好 down 好失望。煙三文魚蟹肉卷，炸春卷？不太食到三文魚及蟹肉，什麼來的？咸咸脆脆，味道有趣，不過餡料實在太少。燒羊肋骨配松子牛油果醬，調過的牛油果醬酸酸甜甜非常開胃番，掛在全熟的羊架上蠻不錯。羊肉味濃厚焦香，啖啖肉又 juicy 肥美，只有肉美而沒有羶味，好食。菠菜忌廉龍蝦湯，綠色的龍蝦湯好得意啊！味道一流，微暖入口充滿菠菜忌廉咸香，幼滑的湯汁欲罷不能，只顧不停輸送，直飲到一滴不漏，Good！蠔湯，極盡奢華由鮮蠔打成，霸道強烈的蠔味，我非常喜歡 ﹗灌入口中不捨得吞下，幼滑中仍然食到粒粒蠔肉，美味絕淪。西班牙海鮮炒飯配帶子深海紅蝦，專程由北區走到南區試試六百蚊既傳統西班牙炒飯，主角隆重登場 ﹗賣相真的滿分，海鮮滿到瀉，夠氣勢 ﹗香噴噴的氣味環繞四周，大力一索，舒筋活骼，精神爽利，食指大動 ﹗先用鮮檸汁開光，起動 ﹗紅蝦質地比想象中腍，幸好不算霉肉，微爽而鮮蝦味濃，趙落多汁甜美，不過幾乎沒半點蝦膏。帶子烤得微暖，軟棉濕潤，遇有點點天然鮮甜味。藍青口彈滑不粉不鞋，散發少許海水味道帶著清香，蠻滿意。海鮮已續一被消滅掉，最後到處理個炒飯喇 ﹗居然會係我食過味道最豐富既西班牙炒飯，除番紅花外，仲有多種香料味道穿梭於炒飯之間，層次既復習又吸引！西炒飯都係偏向濕而濃味，食幾啖已好滯喇，我食左六大羹已經好勁！本來想叫個慢烤牛臉額，但依家飽晒喇！仲食唔晒添。心太軟，夠軟流心，撈埋雲尼拿雪糕，都係咁啦。埋單預左一頸血 ﹗食飽飽又放完血，走出露臺曬曬月光，平伏一下心情。再行行海邊吹吹風，聽聽浪聲，爽乎！食到肚腩仔都突晒出黎喇，散散步消化一下又係上的士回歸北區既時候喇。
continue reading
這家餐廳光顧了三次，頭兩次都是享用周末下午茶自助餐，質素高，價格抵，真是在赤柱用餐的上上之選。。。今次難得忙裡偷閒，在weekday來到赤柱，當然要來吃頓好的！跟朋友來到餐廳，由於風大，選了坐在室內，不然對著大海吹著微微海風，相信更有雅興。。。這裡Weekday 沒有自助餐，所以要麼散點下單，要麼點Set Lunch, 我們選了set lunch，因為單看已經夠吸引，讓大家先看菜牌：單是頭盤已經有五款選擇，有生蠔、西班牙火腿、煙三文魚、帶子和鵝肝，真是魚與熊掌，每樣都想吃！至於主菜亦有五款，豬、牛、海鮮，百貨百客，價格有相宜的，也有較高的，任君選擇！下了單，先上了一碟蒜蓉包番茄茸，很香很脆口，十分美味，為整餐揭開了美麗的序幕！值得一讚是這碗餐湯，我和朋友加了$20，選了這碗菠菜龍蝦湯，綠色的湯真的是初嚐，鮮甜的菜味與龍蝦的鮮味參差錯落，很有層次，是上佳之選，一定要試！前菜方面，最後朋友選了帶子，我選了鵝肝！兩款的賣相一流，是高級餐廳的質素。。。至於味道是可以的，見仁見知吧！說是可以，不是因為不美味，而是吃出這是City Super的級數，所以還是不錯的！主菜朋友選了西班牙黑毛豬腩肉，我就選了肉眼扒！肉質不錯，也十分Juicy 的，對鋸扒有要求的Sasa來說，做足了$290餐的水平！黑毛豬亦很不錯，賣相更為這道菜式加分！總的來說，這餐令人滿意，三百多元讓自己慢活一下，絕對值得！
continue reading
我平時都好少寫食評, 但今次真係好想寫吓。 於2/11 我就book左8點,喺8點前我就拎左個旦糕去間餐廳, 轉頭打黎話個生日牌爛左, 咁我話由佢先啦！之後我再打去諗住叫佢幫我掉左個牌佢, 咁我打去問你頭先打黎關於個生日牌問題, 佢就用好差態度講:<頭先唔係我打比你。係我同事打比你>。 我心諗你既然知你同事打比我就知咩事啦！ 需要强調邊個打比我咩 ,仲要態度咁差。 之後8點去到其實已經feel到電話果個係邊個(長髮本地侍應), 咁我就問佢哩到平時都咁多蚊架?佢就答<哩到室外黎架wo. 咁一定有蚊啦！> 我見到咁既服務態度真係唔知比咩反應佢,我諗住去左茶記。哩d咁既服務態度我做咩仲特登俾咁貴喺到食景， 去茶記好過啦！ 如果冇哩個員工我相信都會有第2次， 但真係唔似睇之前d評論服務態度好囉。
continue reading
Happy Sunday!2大1細去左依間西班牙餐廳食個lunch buffet半自助形式，但餐牌上6款菜式都系可以無限次點選！張生最鐘意就系個紐西蘭羊架，夠淋夠入味，一共encore左3次每位客人都有生蠔2隻或者鵝肝1塊，我地2個就各自1款！愛爾蘭生蠔真系超級超級超級正👍🏻雖然細隻d但真系好鮮甜，一試難忘！可惜系晏晝，如果吾系$148可以任飲紅白玫瑰啤酒，真系想試試！依個即整既雞蛋仔檔就非常滿足到我家BB既欲望！最特別就系除左原味之外，有隻加左西班牙風腸既雞蛋仔，咸咸地，又有咬口，味道好特別，絕對值得推介！西班牙乳豬亦系我另一推介，皮脆肉滑又香口，連個配菜菠蘿都入晒味，正😋😋食食下仲有show睇，即席敲開個鹽殻拎條魚出黎！一見到依個炒飯即刻'嘩'左一聲，超級大盤放系餐廳中間！夠晒色彩繽紛，香氣撲鼻，即刻食指大動其他食物都正常，海鮮，冷盤，沙律，湯，肉眼扒，熱葷應有盡有！食食下中途會有d侍應拎d即炒既特色食物去每一枱比客人試，除左依款，仲有個西班牙青椒，不過我吾鐘意，所以就無試！最後去到我家BB最愛既甜品環節，除左圖中幾款，仲有3樣我最鐘意既，Apple Crumble，麵包布甸，芝士蛋糕布朗尼！3款都食到吾記得影😅最後走個陣系門口見到有個workshop,專比客人系d紅酒樽到畫畫，個經理姐姐仲好細心咁教我家BB畫花花！最後總結，餐廳好有心思，我家BB一入餐廳就比左個皇冠同權杖佢扮公主，一圓佢ELSA公主夢！整體食物屬高上水平，餐廳環境氣氛更加吾駛講，望住個海嘆美食！絕對系可以再黎
continue reading
假期一定要外遊嗎？調整一下心態，留港消費也可以很精彩。一個非假日的中午，我選擇了赤柱。遊人不多，氣氛充滿了歐洲小鎮風情。 美麗的美利樓內，有着同一集團的兩間餐廳。一是德國，一是西班牙。今天，我選了西班牙。露台的位置，風光明媚。可惜天不做美，太冷了，只好在室內用餐。打開餐牌，午餐價格很相宜，散叫不便宜。不是太餓，抱著遊客的心態，就豪一豪吧。先來一杯西班牙紅酒，厚身，合我口味。
用了優惠券，要了一客兩件的風乾西班牙火腿薄麥包多士。每片多士上都鋪了兩片火腿，不太鹹，很香口，不錯的貨色，跟紅酒很搭配。下面是一層火箭菜。西餐的火箭菜，跟中菜的涼瓜一樣，越有經歷，越能欣賞其苦澀。
油浸蒜片蝦的蒜片很脆，但大少了，有點失望。蝦不算太新鮮，但整體還是美味的。
沒有選甜品作結，要了一杯咖啡。水準乎合餐廳的級數。 幸好有會員優惠，價格可接受啦。
continue reading