三河屋 (Closed)

4月份的星期六，下雨天，因睇戲之下來到紅磡(Firday尋尋覓覓之下終於搵到一間戲院仲有2位同有平飛預售的懷舊戲院)，咁就順便係果頭食埋飯先入場，同戲院相近的有間出名食鰻魚飯的店子三河屋(記得在幾年前曾幫襯過佢個fd尾張屋)差不多轉個彎就係，實在太方便了。 店子有落場時間，6:00後再開營業，我地就6:00多去食，呢個時段，唔太多人，內堂不大，裝潢實用的簡潔，服務上有人情味的街坊小店。 餐牌，除了招牌鰻魚飯，還有其他吸引的日食，但初到貴境，一於試下招牌貨。 share食。 鰻魚飯付送的麵豉湯，味道清清地有麵豉香味，唔會太鹹。鰻魚飯，$88，好大件又肥厚的鰻魚，口感軟嫩，味道甘香，好味，如果可多點鰻魚汁撈飯會更好味。 吉列豬扒北海道忌廉飯，＄58，友人以前是常客，多是食鰻魚飯，今次試新野叫了呢個，北海道忌廉醬汁十分豐富，食落是香甜的粟米味，幾好食，果然個汁先係賣點，炸豬扒入口香脆，味道唔算太好食但正常水準。鰻魚飯美味，有機來再食。 Avengers 4。

無在紅磡工作多年，也會時常來食天婦羅漿薄身，不厚粉雜錦天婦羅有魚。我不知道是什麽魚，但我在香港其他日式食肆無食過天婦羅夠亁身，炸後上碟，少油，滿有日本正宗風味沒有汁用作點天婦羅。配烏冬，湯底清淡，飲後不口渴。點天婦羅也是絕配。十年前是免費配茶，過多幾年是稀茶，現在是水

紅磡真係POLY學生既醫肚福地又一間平民價日本野🐷吉列豬扒北海道忌廉飯好大碟呀 忌廉汁既份量同飯簡直一比一😈 完全唔洗擔心唔夠汁撈飯 🌽忌廉汁creamy有香甜粟米味 🐷吉列豬扒夠脆唔油膩$58就有咁大碟 份量十足 食哂好飽肚👅🍤天婦羅飯天婦羅睇落都好吸引 🦐炸蝦好脆唔油膩 🍆茄子一啲都唔乾 🐠仲有比較特別既炸魚 雖然冇天婦羅汁點 但係配上面頭既醬汁 都已經冇咁乾 🍲天婦羅飯仲付有足料既麵豉湯同樣$58就有天婦羅飯好抵👅

紅磡有好多平民小店其中一間係紅磡好多年既就係三河屋🏠.饅魚飯🍚半條肥美肉厚既饅魚舖係白飯上面沒有其他既配菜但饅魚、醬汁同白飯既組合簡單得黎會令人好滿足🤤還會附上麵鼓湯🍲重點係$100有找香港地好難用呢個價錢食到呢個質素💁🏻‍♀️.另外小編試左個梅子御飯團酸酸既梅子同珍珠白米飯既甜味好夾難怪日本既卡通片成日都見到😂.仲有推介大家可以試下關東煮🍢係煮得非常入味，小編有時經過都會食返幾件👅.人均消費：$100

#紅磡 出名美食多，PolyU的學生真幸福🤤 就算餓底住所遠在新界，但仍無礙 #吃好西 之決心！.魚蝦蟹卻獨愛吃魚的餓底表示極愛 #鰻魚🤤 一聽到紅磡有間平民實惠 #鰻魚飯店，怎可錯過這條尋找美食的線索🤔.一坐下，目標明確，二話不說地點了一碗招牌鰻魚飯！等了一會兒，主角被放上枱面，「嘩！手掌咁大咁厚！🤤」，鰻魚厚身而沒什麼骨，醬汁濃郁惹味，白飯香甜軟身。.一口鰻魚一口飯，彼此在口裡互相交融，魚香與飯香特別合襯（還是餓底的私心而潛意識為鰻魚加分？😂）.除了鰻魚飯還有其他選擇，雖然賣相沒鰻魚飯那麼吸引，但也是美味之選！.價錢：HKD 88味道：8/10

最愛鰻魚飯當然要潮聖下💓今日絕對係為咗鰻魚飯而來！門口樸素，店內都無特別裝修，難度靠的是真材實料🤨？叫了鰻魚飯，普通一個碗，碗都幾大，鰻魚比到好足(((o(*ﾟ▽ﾟ*)o))) 大大條試吓個鰻魚先，啖啖肉！無骨！好香燒鰻魚汁！果然無黎錯！價錢仲比出面平，仲好似無加一添～抵食喎！！牛奶仔就試豬扒飯，佢話完全完全不行，豬扒好乾，白汁無味⋯⋯佢好失望😖

早早聽聞呢間日本料理餐廳既野食平靚正！今日特意約埋女朋友一齊去試食，店內雖然好細，但好似去左日本橫街既小店食野咁，充滿人情味。有位叔叔介紹我食鰻魚飯，睇佢個樣加埋講野口音都似日本人，都無理由唔信佢啦🤣手板咁大嘅鰻魚飯，真係超級抵先80幾蚊。我哋仲叫咗條即燒鯖魚，耐心地等左半個鐘先來，果然係慢工出細貨，魚肉鮮味齒頰留香真係一試難忘，相信短期內都唔會食到其他日本餐廳可以超越，或者要去日本先食到啦，哈哈。

岩岩同朋友想食紅冰 但過左tea time 又冇常餐 所以唔食 最後揀左對面嘅三河屋其實以前都食過 今次食 水準keep到👍🏻我叫左咖哩漢堡飯 😋膠睇樣覺得一般 但食落真係唔錯 個餐牌少舊 但食物質素好 份量足 好飽 性格比高 唔太貴 又好味👍🏻😆😋

讀poly既同學仔對三河屋既認識一定唔淺，但係我同我愛人都唔係讀poly都會黎食就知呢間野西利！佢最招牌既菜式就係鰻魚飯！鰻魚大大塊，熱辣辣！勁香，食落唔會腥！咁大碗都唔洗100蚊，抵食！香港有得食關東煮既地方唔多，呢度老板係日本人，所以先會有呢d日本地道小食可以食。蘿蔔好入味，鯊魚蛋亦好正！美中不足既係唔係好夠熱，無個種熱辣辣既感覺。呢度雖然地方淺窄，殘殘舊舊咁，但係出品真係好唔錯，好有日本居酒屋既感覺！（唔係扮出黎個種）

呢日同兩個朋友黎到紅磡呢頭，準備睇演唱會。我地約早啲，諗住唔食food court，食下其他野。朋友就帶左小編去附近一間餐廳食日本野。小編一黎到就超級鍾意呢度，唔知點解比小編一種好特別嘅感覺。呢度係舊嘅日式小店嘅樣，雖然舖細位唔太寬闊，但有種溫暖嘅感覺。呢度野食都有唔少嘅選擇，價錢較平。小編嗌左碗拉麵，味道都唔錯，而且都幾大碗，食哂都會飽。個湯唔濃唔淡，略嫌有少少味精嘅感覺。個肉都夠味，個麵都夾口同彈牙，又唔會太硬。整體黎講係幾唔錯，如果喺附近諗唔到食咩可以過黎試下。

朋友超鍾意食鰻魚飯～於是我就上網搵吓邊度有好介紹～呢間三河屋個名好日式～網上講到又平又正～所以我今次就帶咗朋友嚟食喇～平日1點半去到～唔洗等位～門口好似有啲歷史～環境有啲舊～不過我諗應該都好食嘅～好食嘅地方通常都唔洗靠裝修～我朋友二話不說就揀咗鰻魚飯～好肥美，好厚身啊～味道唔差～88蚊食到呢個質素，好抵食啊～而我就左諗右諗揀咗北海道忌廉烏東呢個麻麻哋，所謂嘅北海道忌廉其實就係粟米汁...不過落超多汁...唔係難食，但食到我怕怕下次我都係食返鰻魚飯算喇～

小店由日本人主理，餐廳裝潢好有日本舊式平民店既味道🇯🇵已經黎過好多次，通常都叫餃子拉麵🥟或者叉燒拉麵🍜，因為兩款都係$38好抵食👍🏻另外佢地既北海道忌廉飯都好出色，可以揀配吉列豬扒、薯餅、漢堡扒，全部都係$58💁🏻‍♀️食過咁多次，今次決定食豪啲！叫左饅魚飯$88(送麵鼓湯)，饅魚好大塊，飯係珍珠米而且好多汁🤤如果佢地價錢再平啲一定會成日食～

農曆新年前最多開倉清貨，今次放工來了紅磡這邊掃貨。之後要食野補充返，上開飯見到三河屋風評不錯又抵食，梗係要試吓！如果只看門面，我估普通行過都未必會入去食。 一間小小的食店，無論門面還是內部也感覺出是老舖。貼在牆上的menu及裝飾也已經泛黃，很有年代感。雖然沒有壽司(不過有刺身)，但有其他很多在香港坊間也未必有的選擇，例如漬物、關東煮、大阪燒等，這間小店都應有盡有。我同朋友叫咗三文魚刺身、關東全煮、咖喱吉列豬扒飯同鰻魚飯。三文魚刺身以68蚊來說，份量不少，鮮甜肥美。最特別係用咗昆布碎放在三文魚底，不是一般的蘿蔔絲和紫蘇葉。 昆布食落少少咸咸地，都幾得意。關東全煮內有7樣食物，分別是雞蛋、蘿蔔、獅子狗、芋絲、蒟蒻 (木薯糕)、淮山卷和鯊魚蛋，碗邊放了少少黃芥辣。蘿蔔入哂味好食；個鯊魚蛋非常淋，都幾特別。其他就正正常常。個湯就覺得普通，甜豉油太重，偏咸，好在無點影響裏面食物的味道。咖喱吉列豬扒飯好大份，滿滿的咖喱覆蓋了大半隻碟，賣相吸引。味道方面是甜咖喱唔辣。豬扒雖然不算好juicy但都唔算乾。成個飯總算唔錯。鰻魚飯d鰻魚有兩大舊，而且都幾肥美，頭尾燒得脆脆地，如果成條都有呢個效果一定更正。

忌廉漢堡扒，漢堡扒比較少😯但都飽肚的！d 汁唔錯架。。。雖然漢堡扒係幾好味，但係如果可以大塊啲就好啦三河屋既鰻魚飯，好肥美。厚厚的鰻魚😋😋😋我超中意食已經唔知第幾次幫襯呢個鰻魚飯了！$88

聖誕節，來到黃埔逛逛，再去睇燈飾一年前都有來吃過，但沒有食鰻魚飯今次一定要來食碗出名的鰻魚飯除了鰻魚飯，還選了煎雞飯、燒鯖魚兩個飯都有包麵豉湯，個湯好熱又多料，有芽菜，不重味精味道，唔會好咸好飲鰻魚飯來到，好靚好肥美的鰻魚😋 鰻魚肉厚又多汁，配飯吃很正，一個人食就會有點膩😅煎雞飯就普通，熱熱的、多些汁會更好燒鯖魚都好吃，燒得好金香，食落唔會好鯹，又唔會乾，好味😊小店一間，裝修簡單，環境一般，但用心製作，食物好吃👍🏻 最重要是沒有加價！