三河屋 (Closed)

早早聽聞呢間日本料理餐廳既野食平靚正！今日特意約埋女朋友一齊去試食，店內雖然好細，但好似去左日本橫街既小店食野咁，充滿人情味。有位叔叔介紹我食鰻魚飯，睇佢個樣加埋講野口音都似日本人，都無理由唔信佢啦🤣手板咁大嘅鰻魚飯，真係超級抵先80幾蚊。我哋仲叫咗條即燒鯖魚，耐心地等左半個鐘先來，果然係慢工出細貨，魚肉鮮味齒頰留香真係一試難忘，相信短期內都唔會食到其他日本餐廳可以超越，或者要去日本先食到啦，哈哈。