三木日本料理 (Closed)

9點入座，有訂位的。入座時侍應話海膽沽清都唔緊要, 坐低之後，加錢食磯燒，虎蝦同聖子又話沽清。點鯖魚又係沽清。咁多食物沽清，就唔好叫客人入座!食物唔熱，質素同以前差好遠!我哋同職員投訴，同事本身話會俾九折但最終埋單都係無俾到，仲話因爲預唔到食材份量先無曬貨，真心講句：「如果無貨、無野食，就唔好接walk in 客，以後做預訂留座。」有乜理由我book 左檯又唔係 walk in行入黎，你同我講你預唔夠啲份量？唔會再黎!

呢間餐廳我光顧咗起碼十次，之前都不斷推介比朋友，經過今次，我唔會再黎！只係半年左右無光顧，變到非常差劣！見有優惠係9點後入座，第二位半價，就訂位。9點上到去，人流已經不及以前。以前係會有好多人等食第二輪，無人等之餘，仲要有好多吉枱。入座時，侍應話海膽沽清，當時都覺得無所謂，因為主要想試磯燒，所以照入座。明明上網見到食評有講磯燒，坐低後，無任何單張有提及，侍應都無問加唔加磯燒，直至我問侍應先講要每人加30蚊。當中包四款一次性落枱海鮮 (珍寶虎蝦，鮑魚，黃金蚌，扇貝)，及幾款任叫海鮮(虎蝦，蜆，聖子)。然後侍應話聖子賣哂，心諗都仲有虎蝦同蜆，都還可以，所以決定加$30。當我同侍應確定加磯燒後，就即時點了蜆及虎蝦。侍應有幫手燒海鮮，但一個侍應走全場，其他侍應好似唔識咁，我地隻鮑魚最後燶咗。黃金蚌勁多沙，掉咗無食到。一次性落枱嘅海鮮食完，我點嘅蜆同蝦只黎咗蜆，以為漏單，再入紙。都係無黎，於是我問侍應，其實有無虎蝦，佢話賣哂，仲解釋我話加磯燒嘅時候係仲有嘅。但係我想話，我一加磯燒已經落單，如果份量係得番咁小，係咪都應該同我講聲，等我考慮一下仲加唔加錢去食呢？當場真心表現不滿，我加錢，但海鮮類只得

上到嚟，發現門口有「點心紙」俾大家參考。因為我兩個人去，所以叫嘅刺身唔多，絶大部份都好新鮮！帶子、赤貝、甜蝦、油甘魚！因為我好鍾意食甜蝦(甚至食埋個頭)，所以對蝦刺身的要求都唔低，呢度嘅甜蝦能夠滿足到我嘅要求呢！想讚下個天婦羅，因為上枱時係熱辣辣～個蝦唔會係「梅」果啲～特別嘅係呢度有多春魚天婦羅，以往食放題未試過～亦好好味！另外，呢度啲飲品也算特別和多元。除左汽水，有果汁，我就選擇韓國造嘅檸檬茶～幾好飲！推介牛柳粒！好淋～青口也不錯！我地仲點左炒蜆～辣花螺～燒物～呢度嘅花之戀係冇飯架～啱哂唔會喺放題食飯嘅我XD總括來說，三木放題值得一試！

見依間放題幾多人好評，今晚又試下😋刺身、燒物係我放題既至愛，依度d刺身款就少d，不過勝在味道唔錯，蝦同帶子特別新鮮，至於燒物，牛舌係唔少得既，哇~佢仲有厚切，我又試下先😝 基本上依度d牛燒物都好正，值得一試！天婦羅係一個驚喜，都係熱辣辣既，一食落去就知啱啱炸起、出哂煙👍壽司就中規中矩，冇乜特別，係個花之戀有d失望，其他都可以。飲品都幾多選擇，唔錯！最後我都想食多幾款甜品，不過實在太飽，剩係叫得一個焦糖布甸，味道👏整體上放題都ok，係款少左d，唔夠盡慶，不過都算👍今次冇叫磯燒，見隔離燒下燒下又幾過癮😆 下次要試下先😄

因為好肚餓既關係，就一支箭去食日本放題！頭一轉點晒所有野先(除左甜品及麵飯)。落單無耐已經有野食到，仲好窩心咁跟返餐紙既次序上抬(順住冷盤至熱盤)。一開始就黎我至愛「海膽軍艦」真係好食到喊海膽勁鮮甜! 而且重點係海膽多過飯跟住黎「三文魚加洲卷」@三文魚肥美兼厚身，加上無落沙律醬，唔會食左即時有濟住既感覺天婦羅-外皮脆蝦又大隻，南瓜多肉，多春魚天婦羅激驚喜牛舌-夠大塊、有海鹽舖面、兩塊一串, 勁有街頭風味鹽燒蝦-夠晒大隻，有華鹽舖面，好滋味!枝豆-熱熱地，新鮮更有海鹽舖面，唔會食多兩條就口淡淡。日式香蕉年糕-長形炸物，有陣陣香蕉味，零舍煙勒，外脆內軟熱既甜點一定要推介：紫薯波波熱熱地，紫薯作軟心，似另類湯圓。

見近日修身有成續，便食左日本放題當獎勵，當中唔少食物有驚喜「蟹肉蟹膏軍艦」-少有軍艦用蟹膏及有此配搭，好鮮甜。「海膽軍艦」海膽夠甜! 細細舊、小朋友都可一啖放晒入口「海膽手卷」-海膽份量夠、飯既份量唔太多、紫菜夠脆。刺身-北寄貝大又甜、帶子好鮮、象拔蚌好爽、蝦大隻雞軟骨-雞肉足及軟骨淋,有檸檬點綴，添口感。有機菠蘿-鮮甜多汁，又厚又大塊，無因為燒而乾身日式芝士年糕-圓形炸物，內面一層軟芝士, 一層年糕，一啖有三重口感未食過一間日本放題有「蟹粥」，粥底有水準，綿及夠熱，隻蟹腳更加無「渣流灘」甜品種類多，更有我至愛既木槺布甸、朱古力布甸及牛奶奶凍

想試呢間好耐喇！因為我見好多人黎過，今晚同媽咪黎試一試！黎到真係好full喎，好彩我book左枱姐😁真係好肚餓呀，一黎到就咩都order，先黎左個茶碗蒸，嘩好滑呀！好想之後再叫多一個不過之後太飽冇叫到😉天婦羅好熱好香口👍🏻有南瓜丶多春魚丶蝦丶茄子及冬菇金菇肥牛卷😍好吸引好好味呀！芝麻雞翼丶墨魚丸及紫心香芋丸，超推介呢個紫心香芋丸！外表脆脆地，入面不太甜又軟淋，好鬼正呀！😋😋我一個人食左4粒呀🙈🙈🙈燒物日本蕃薯，雞軟骨，燒蝦及雞翼都不錯，不過個人覺得芝麻雞翼比燒雞翼好味😋食放題一定有的刺身盤及壽司😍帆立貝及甜蝦好鮮甜，三文魚都好肥美！不過八爪魚少少Un

兩口子行開尖咀, 到夜晚想食放題, 呢區真係唔熟, 旺角可能會易搵D, 上openrice睇睇, 就搵到呢間三木放題, 一於去試下。我地兩個無book位, 真好彩, 當時8點, 入埋我地2位, 剛好爆場, 行遲一步, 我地就要轉場了一坐低, 睇下order紙, 梗係叫D刺身啦! 都唔差喎! 枝豆係我至愛, 食左兩碗, 真係停唔到口有一次同朋友去食溫泉蛋, 聽佢講左一句, 好正呀~~~D蛋白, 咁我今次就試下, 係喎! 蛋白仲正過蛋黃喎! 大家下次識食啦!串燒種類都好多, 我地都係點左一半, 因為驚食唔哂, 夠香口, 燒得唔會過火天婦羅是必食的, 三木炸得好, 唔會炸到油膩, 一定經大火先再上碟, 不錯自從放題有芝麻雞翼, 燒雞翼已經完全比下去, 半打無走雞了燒物要推呢兩款, 牛柳粒同金菇肥牛卷, 牛魔王至愛壽司又是不錯的, 唔會太大舊, 搞到飽肚, 一口壽司, 黑松露油甘魚是最正的, 香甜品我只愛雪糕, 佢地得番雪糕杯, 算是美中不足, 所以我要食三個去彌補呢個遺憾, 哈哈

本身約左一班人唱k，結果出到黎先放晒飛機，得返三丁友唱又唔係走又唔係。見到同一幢大廈有放題食，結果機緣巧合下就試左哩間三木。我本身好鐘意食放題，貪佢咩都有得食。有時貪平食啲放題真係貼錢買難受，有時貴又未必一定好喎，放題都算眾多美食入面最易中伏個個啦。哩間三木唔錯我地個晚平日去以為無咩人會食（因為佢個位都幾唔大路），點知都幾多人！食放題唔駛講啦，一坐底第一時間無限刺身先啦！哩度啲刺身都唔錯，幾新食，略嫌種類唔算多，但大路野都有。驚訝佢個海膽壽司係唔錯嘅！平時放題會驚叫海膽，因為十次有八九次都唔新鮮，臭嘅。哩個無事，好食的佢啲熟食都唔錯，推介芝麻雞翼（有個frd一人鯨吞左10隻）。燒牛舌同牛仔粒都幾好味。我地加左錢升級食埋燒海鮮，明智之舉啲食材幾新鮮，新鮮好重要！另外一樣最重要嘅係...唔識搞係會有人幫你燒埋架個甲羅燒係佢升級套餐每人包一件嘅，超好食！！！ 其實有衝動想追加...但又有好多其他野想食喎...甜品係出色嘅，首推個北海道奶凍，好香！好多其他放題嘅甜品都好頹，好欣賞哩間野甜品唔馬虎整體黎講哩間三木算唔錯，性價比幾高。多謝放飛機嘅frd令我地試到佢

首次來到，尖沙咀區6:30入場還有吉枱已經心知不妙，環境真的非常擠迫，坐下來後就不可以動！其次是食具唔清潔需要更換，但服務態度不佳。翻開食物菜單，選擇就是刺身壽司，炸物，熟食，爐端燒，不過每總類就是幾款選擇，太少了，而且運送食物時間長，點了的食物沒有來又要追，日本放題就是最基本的刺身也可以唔夠新鮮，又唔凍，炸芝士年糕唔脆，羊架好薄及原全沒有味道，最令人失望的就是雪糕換了牛奶公司，所以我們食放題沒有雪糕，就是第一次，亦絕對不會再光顧了

用左open rice coupon 第二位半價九點半去到星期日至四價錢應該收返198結果張單寫248一位加＄30燒烤跟住我叫個負責人泥問一問我問佢個依加個價 係咪改咗 198呢舊價佢話「係」！俾咗錢之後出番店外睇外面寫198一位最衰冇攞返張單攞唔翻啲錢＄500食一餐真係唔抵我覺得食大喜屋好過食咗啲好嘢（大喜屋）再食d劣（三木）嘅真係天堂與地獄注意食物：係沒有海膽 叫咗幾Round海膽壽司和手卷 職員都唔出聲話沒有海膽係要你自己問先知道冇其他嘢食都唔新鮮係熟食比較好我諗應該有唔少人都被騙..咁食兩個人就被人厄咗＄100咁呃人 一定做唔長奉勸大家要食就祝你好運！

當日想常試邊打邊爐邊食剌身，睇食評講到幾好而且又試過佢地十五樓放題。一去把幾火，電話訂六點半就話無抬，七點三就七點三，七點到左大把枱即時有位，坐落唔識點餐就同待應講跟隔離每位$328 B餐，見隔離食完一個刺身大拼盤及一板海膽，即刻有第二盤同第二板到，一心以為雖然貴過淨係放題，但只係盤大刺身都抵番，點知等極都無，佢地話要自己點，都無所，點左一次八件三文魚食左，再點，待應話三文魚及紅魚沽清！未到八點。咁就打邊爐喇，點鱔片無鱔片！仲要話咭機壞左，只收現金！

尋晚同男朋友去慶祝拍拖一週年，為左多謝佢呢一年對我好好，所以就請佢食餐好當報答佢既然請佢就當然比佢話事諗食咩，點知佢話記得我早一個星期話想食放題，所以佢就上OPENRICE睇下邊到有放題食，睇到三木D人評語唔錯，而且近佢公司，就BOOK左7點半去食啦。一去到，見到都好多人食緊，我地喺門口等左陣好快就入得，好彩BOOK左位！如果唔係應該要等到8點先有位。而且一入去就聞到好看嘅燒烤味，原來要加唔記得20蚊定30蚊就可以任食燒海鮮仲每人送一份珍寶海鮮，即係有蟹蓋、大蜆、珍寶帶子同鮑魚，我同男朋友傾完都決定加錢！因為我地都好鍾意食海鮮佢呢到都有好多款唔同嘅野食，刺身邊面我最鍾意食佢嘅象拔蚌、三文魚同甜蝦！我的最愛壽司方面有海膽、炙燒左口魚、花之戀等等。都算多花款，仲有好多天婦羅、燒物同炸物等熟食，不過我掛住食無乜點影相，哈哈！值得推介芝麻雞翼同芝士年糕！我地兩個Encore左三次芝麻雞翼！無幾耐燒物就到，職員好細心咁同我地講點燒會好D，周不時行過都會睇下我地燒成點。海鮮方面都幾鮮甜，最有驚喜係鮑魚，因為好甜好鮮味，個蟹蓋都好特別，因為第一次咁樣食，蟹膏、蟹肉加蛋再加蟹子，幾好食！另外，有隻蜆唔

係附近返工，係常客，吸引之處係價錢平又冇加一，所以午飯時間都多人去。。。平心而論，刺身真係唔掂，唔新鮮，望個樣已經唔想食。但熟食係ok的，燒物和咖哩都幾好味，如果唔計刺身，整體評分會幾高

記得幾年前食好有水準，但今次差咗好多。無咩客都仲要等，入座見到地下有垃圾(唔多)之後到食啦等咗勁耐，刺身唔太新鮮，辣酒花螺得個辣字，鐵板燒牛柳粒太硬，青口太鹹，而且叫咗好多嘢都唔嚟!壽司不過不失，但海膽壽司保持到水準(但嚟唔足，叫咗4件嚟兩件，當時我和朋友兩個人食) 而另外黑松露忌廉湯都值得一讚而飲品方面無酒提供令人失望，以前加少少錢就清酒任飲(不過唔飲酒嘅無咩影響)而主打磯燒海鮮睇落都幾新鮮(要加錢30$)海鮮大隻但燒太耐其實幾浪費時間(對面枱有點)但我無咁好耐性而我朋友又唔鍾意燒烤所以無點。除食物外最差就環境衛生和服務，收碟慢又漏單，洗手間壞又唔修理，冷氣唔又唔凍而家唔係冬天囉!而且生嘅食物放室溫太耐會變。總結磯燒海鮮雖然唔錯但平均燒太耐無可能食得多揾笨，其他唔係太差就嚟得慢。應該唔會再嚟!