Video
6-min walk from Exit C, Hong Kong MTR Station
continue reading
Telephone
57219699 (Telephone & WhatsApp)
Additional Information
自帶酒水：開瓶費750ml 或以下$200
750ml以上$400
Opening Hours
Today
12:00 - 15:30
18:30 - 22:00
Mon - Sun
12:00 - 15:30
18:30 - 22:00
*Last order: Lunch 14:30; Dinner 21:00
Above information is for reference only. Please check details with the restaurant.
Dinner想食好啲，行過中環呢間，見佢個廚師發辦丼飯幾吸引，一於試吓。以400幾蚊嘅價位來講，質素算係交足功課😋🥗 前菜薯仔沙律creamy得來唔會太漏，加埋粟米粒同車厘茄幾開胃，另外材料都好豐富，有大概七至八種蔬菜，沙律酸汁調得啱啱好，食完好醒胃🫡🍳 茶碗蒸蒸得超滑溜！入面有白果同蟹柳，仲有粒粒青豆增加口感~🐟 海言廚師發辦魚生飯-特上 ($430)大概有10幾種唔同嘅魚類同海鮮，擺盤幾精緻，印象幾深刻嘅係油花好靚嘅拖羅，入口即化，另外松葉蟹肉+海膽+三文魚子呢個組合真係無得輸，味道好鮮甜，另外醋飯酸度適中，飯粒分明嚟又夠黏度🫶🏻🍣 江戶前散壽司 ($370)一樣都係有好多種唔同嘅魚類同海鮮，但係燒魚嘅比例就比較多，職員有介紹要順時針方向由淡到濃咁樣食，做法比較傳統，而且醋飯加咗芝麻油同埋漬物，香氣同口感幾特別！魚生全部都好新鮮，而且都有唔少罕見啲嘅魚類，份量對男仔來講都夠飽，餐廳環境簡潔，服務唔錯，人流亦都幾多，有分普通枱同埋Bar枱😬如果想食好啲又唔想太貴，呢間算係中環區幾唔錯嘅選擇。不過Omakase丼嘅食材會跟季節轉，下次去可能又有新驚喜😆
continue reading
📍 今日嚟到中環威靈頓街55號地庫發掘一間低調又驚喜嘅魚生飯Hidden Gem——海言どんぶり専門店🍣！餐廳唔算大，走住日本簡約風格，🪑如果你有兩人或以上一齊嚟食，記得提前訂位，因為就算係普通星期三晚都FULL HOUSE，實力證明呢度幾受歡迎！🌟 點飯之後就有沙律、茶碗蒸同櫻花蝦昆布味噌湯陪你開胃。沙律係用上生菜、番茄、南瓜、胡蘿蔔等多種新鮮時蔬，色彩繽紛之餘仲清脆可口，加埋清爽沙律汁，真係令人食指大動！🥗🍚 招牌嘅「厨師發辦魚生飯」！有別於一般嘅傳統omakase店，呢度主打係Omakase丼飯, 主要係用上唔同嘅時令魚生嚟到製作海鮮丼！用最新鮮既食材，配上日本靚米既香飯，本身調左味既飯底同魚生片相得益彰巨大的碗承包了多種魚生，珍貴的白子，拖羅，海膽，三文魚子，蝦肉，小魷魚等等15-17款時令刺身每款都新鮮鮮甜，魚肉爽彈滑口，價錢貴少少都值得😋🍣 另一推介係「江湖前散壽司」，由海膽開始一路順時針咁食，咩吞拿魚、蟹籽、左口魚、鯛魚都有，特別最後呢一啖左口魚，魚油豐富得黎又唔膩，仲有啖啖柚子香～🤤快啲約朋友一齊嚟試下，呢間真係值得一探嘅魚生飯天堂！💯
continue reading
👭兩個超級吃貨今日來到中環威靈頓街55號地庫，品嚐最頂級的魚生飯 ，原來魚生飯都可以廚師發辦，用最新鮮時令的食材，配上日本靚米飯，新鮮七彩沙律，碗蒸蛋，櫻花蝦昆布麵豉湯，非常豐富的魚生飯定食就此產生。餐廳離中環地鐵站很近，行幾分鐘就到。餐廳不算大，但是絕對的日本風格，簡潔清爽，兩個廚師正忙碌的搭配食物。我們很快地選擇了各自所愛，靜靜等待美食的出現。喝了綠茶🍵，沙律和碗蒸蛋送到，七彩的沙律很新鮮，雙色小番茄🍅🍅，甜玉米🌽，沙律菜🥬，西蘭花🥦，南瓜🎃，薯仔蓉🥔，豆苗，加芝麻沙律醬，超級開胃好吃。👍👍🥁🥁主角閃亮登場🤩🤩海言厨師發辦魚生飯＄430巨大的碗承包了多種魚生，珍貴的雪魚白子，拖羅，海膽，三文魚子，蝦肉，小魷魚等等，加上新鮮爽脆青瓜，紫蘇葉，酸姜，腌蘿蔔，天花板的美味，應有盡有，下層是最靚的日本米飯🍚。😍😍特盛藍鰭吞拿魚魚生飯＄340藍鰭吞拿魚的不同部位，有肥美魚腩，鮮爽魚肉，有厚切，角切，魚蓉，盡享不同口感。😋😋最後是櫻花🌸蝦昆布面豉湯，又熱又香，吃得滿滿噹噹的滿足。😋😋
continue reading
今日終於想試到一間喺香港omakase群組瘋傳嘅小店，大廚係見誠師傅門下入室弟子言師傅 ，有別於一般嘅傳統omakase店，呢度主打係Omakase丼飯, 主要係用上唔同嘅時令魚生嚟到製作海鮮丼！餐廳位置位於中環威靈頓街，非常方便，今日主要係試咗佢特上魚生飯同埋特上散壽司！ 價錢除咗主菜之外，亦都包埋茶碗蒸沙律同埋湯。沙律 🥗呢道沙律包含大量唔同嘅新鮮時蔬，如生菜、番茄、黃瓜和胡蘿蔔，色彩斑斕，口感清脆。搭配清爽嘅沙律醬，作為開胃菜俾食客有種準備食豐富晚餐嘅心情。海言廚師發辦魚生飯 🍣🍚海言廚師發辦嘅魚生飯果然色香味俱全，師傅巧妙地選用咗多種新鮮嘅海鮮食材，大多數都係時令嘅魚類，特別有鱈魚白子同海膽，打造出層次豐富嘅口感。海膽、三文魚籽係店員特別提醒我哋先食，慢慢再向後食其他魚肉。果然香氣同質感令人好滿足，海膽甘甜滑嫩同三文魚子嘅鮮甜，每啖飯都滲透住香氣。赤身可謂一絲清新，肉質要相對緊實，魚嘅味道更突出。松葉蟹肉每啖嘅細膩同鮮甜為魚生飯增添了特別嘅風味，同其他魚肉嘅質感形成唔同嘅層次。中拖羅有緊實嘅口感，脂肪相對較少，但依然保持著魚肉嘅鮮嫩同適量嘅油脂，同大拖羅形成了完美嘅平衡。我最愛嘅大拖羅😍肉質肥美，油脂分布均勻，入口即化，帶住鮮味同甘甜。今晚發現咗另外款次愛🤣 燒右口魚邊、鱈魚白子燒右口魚邊比出面食到嘅更加寬厚，油脂非常豐富，而且肉質略帶嚼勁。鱈魚白子令整碗丼飯更加多樣化，連同其他魚生一齊食，每啖都充滿驚喜。呢碗Omakase魚生丼，呈現呢度嘅師傅對食材有精心挑選，展現咗對味道層次嘅深入理解，果然係識食之人要去嘅餐廳！江湖前散壽司 🍣🎏江湖前散壽司則係一道融合傳統和創新嘅壽司飯選擇。呢碗壽司飯師傅特別用咗特別酸嘅調味，令米飯嘅味道更加層次分明。呢種酸味嘅調味源自於傳統嘅醃製技術，旨在保持食材新鮮，同時又可以增添整碗飯嘅風味。散壽司的材料多樣，包括了多種醃魚、生魚片，如吞拿魚、海膽和蟹籽等，每一種食材都展現出唔同嘅口感。2款吞拿魚，中拖羅、赤身色澤鮮嫩，食落油脂恰到好處，食得出食材非常新鮮。海膽甘甜滑嫩，搭配紫蘇葉包住散壽司飯一齊食又係另一番風味。三文魚籽有種爆發性嘅甜味，份量都唔少。蔥粒拌白魚，為整碗散壽司添加咗清新嘅香氣同口感上嘅對比。每一口散壽司都係對味蕾嘅挑戰，無論是搭配嘅材料還是酸味嘅米飯，都是師傅專制設計，令客人體驗到日本壽司文化嘅魅力。這道散壽司不僅係一道傳統日式料理，更係一種對食材尊重同創意嘅表現🫡櫻花蝦昆布湯 🍲🍤呢碗湯以昆布為基底，湯色清澈，味道鮮美。櫻花蝦嘅加入增添咗海鮮嘅鮮香，昆布嘅鮮味與櫻花蝦嘅香氣相互交融，飲落鮮美而唔膩。
continue reading
一直知道呢度的魚生飯出名用料新鮮，又好難預約，難得預約到今晚同朋友黎食下呢度係咪真係魚生飯的天花板先。難得黎到食，就梗係食最靚的魚生飯啦。海言廚師發辦魚生飯（特上）用上時令新鮮的魚生，有海膽、白子，大拖羅，中拖羅，三文魚籽，左口魚，蟹肉，鯛魚等，加上呢度係用日本米，每粒米都粒粒分明，期待左好耐，真係好有驚喜，每種食材都好新鮮，特別係海膽，另外佢的大拖羅同輕輕炙燒過的左口魚都係入口即溶，食完真心大滿足。😍😍江戶前散壽司（特上）呢個的米飯經過特別調配，中間混合左赤醋，紫菜，芝麻，令到個米飯更加香，一樣係用上時令刺身例如中拖羅，海膽，魚籽，再加上玉子燒同腐皮，一樣都係好新鮮高質。每款魚生飯都會附上沙律、茶碗蒸同麵豉湯，估唔到呢度魚生飯高質外，連個沙律的食材都好新鮮，除咗新鮮的菜仲有粟米，車里茄同南瓜，加上個sauce好開胃🤤茶碗蒸的蛋好滑，而個湯入面係有櫻花蝦，調味都做得好好，咸度適中。
continue reading