Mild

Open Now

Now Closed

今次週末去咗九龍城，今次竟然冇食泰國嘢，去咗一間少少Cafe，平時夜晚應該係一個好舒服嘅酒吧，日頭就係一個飲下咖啡食少少野嘅好地方，人唔算太多地方都幾舒服。我哋只係叫咗一個煙三文魚包，配炸薯條。雖然佢呢度唔係主打嘢食，但炸薯條都新鮮熱辣，份量亦都唔少，而且個包啲煙三文魚亦都好粥足料。我自己就叫咗一杯Latte同埋抹茶Latte, 抹茶唔會太甜，咖啡亦都幾香濃，味道不過不失。週末嚟到呢度坐下Hea下又一日

近期愛上café 食物同飲品，之前深水埗去得多，近日發覺九龍城都好多新式有個性café 呢間café由宋王臺地鐵站行去大約都要6-8分鐘，嗰邊人少啲街道都靜啲Café環境幾舒適，可以慢慢坐同三五知己飲杯嘢傾吓偈，裝修都幾有style朝早過嚟，我哋叫咗2個set lunch🍝白松露海鮮野菌扁意粉💰$95幾香，建議快啲食，因為我等埋一次過影相，凍咗少少先食，熱食相信更好味🌯凱撒雞肉卷配薯條💰$88雞肉卷入面仲有芝士，幾豐富，好食嘅所以唔夠喉，如果有多一件就好啦🤤薯條幾多又粗，啖啖薯仔🍟🍊Orange Juice💰$32🍵Matcha Latte💰$382杯都各有各好飲💰$278/2ppl🚩Mild (九龍城) @mild.hk 📍九龍城九龍城聯合道78號

九龍城愈來愈多cafe進駐～ 今次就黎到呢間新cafe試一試～☕️ 呢度嘅飲品選擇有好多，咖啡menu仲用圖畫好清楚咁寫明每杯嘅內容～👍🏼 因為嗰日黎到已經接近5點，驚夜晚瞓唔著所以無飲咖啡喇～😝 揀咗杯凍matcha latte，漸層顏色都幾靚～ 另外叫咗個芝士蘑菇煙肉bagel🥯，bagel烘得外脆內軟，配上香口濃味嘅芝士煙肉、估唔到又幾夾～ 附上嘅蕃茄沙律菜都好新鮮！🥬🍅整體來講呢間cafe嘅質素唔錯～ 而且環境寬敞坐得舒服、亦冇限用餐時間，得閒絕對會再黎！☺️

九龍城除咗好多泰國餐廳，都有好多唔同種類的coffee shop。偶而經過聯合道發現這間coffee shop，簡約工業風的裝潢，水泥及紅磚牆，清幽寧靜，座位唔多而頗有空間感。要進入門口才發現牆上面的店名 「Mild」😂。 今日天氣有點凍，我和朋友都點了熱奶啡。☕️ Flat White $42Nutty 啡味配上香滑的牛奶，不錯👍🏻 拉花手藝亦不錯呢。下次等天氣回暖再試一下espresso tonic 🍝 卡邦尼意大利麵 $98份量十足的Spaghetti carbonara，一個男仔或兩個女仔的食量就會剛好 😌醬汁非常creamy 濃郁忌廉奶油、芝士及蛋的味道好rich。驚喜有好多煙肉片，幾juicy! 🍗 水牛城雞鎚 $88六隻外皮香脆的雞鎚，微辣但好惹味，內裡juicy 多汁，佐酒應該一流 😂

屯馬綫開通左又黎到九龍城覓食😋今次見到間新開嘅咖啡店🍽外牆同內裏都充滿水泥嘅工業風🧱 趁着下午嘆杯咖啡同食個輕食🌤咖啡質素不錯但小店可能人手比較少 😅溫馨提示可能要等耐DD呢💕⭐️ Latte ☕️咖啡豆香不明顯但奶味濃郁🍼容易入口⭐️ Matcha Espresso 🍵抹茶味道比較濃💚 突顯Espresso比較溫和係一個幾新奇有趣嘅配搭😚⭐️ Buffalo Chicken Hammer🍗辣味濃郁非常香口🌶 趁熱食好爽🔥⭐️ Chocolate Cake 🍫蛋糕整體好濕潤🍰Mousse 亦都帶濃郁嘅朱古力味 減甜一些會更好🍩

今日來到位於九龍城嘅工業風Cafe，主打啡酒和西式輕食！一入到嚟第一個感覺就係好大，但位置一啲都唔迫，每個位都有一定嘅空間，真真正正做到休閒嘅Cafe Style！Cheese, Bacon & Mushroom Bagel芝士野菌煙肉貝果 $88本身我見到個Bagel仲以為佢覺得太乾，點知原來係外脆內軟，同埋你唔好睇個芝士野菌煙肉白雪雪，但其實好惹味，同埋份量都幾多，基本上每啖都有！😋🥯Spaghetti Carbonara卡邦尼意大利麵 $98意粉嘅份量都幾多，有咬口又彈牙，同埋係正宗牛奶忌廉意粉，好creamy！不過如果再多啲汁就好啦！Espresso Tonic +$15Mocha +$15整體來講，而家九龍城真係好多休閒cafe，好呢度嘅好處係好闊落，唔會好擠迫，呢一種正正係Cafe應該要有嘅空間感！

有一次行經九龍城，見到有呢間咖啡室，環境寧靜，成日都想搵機會試，今日終於下午三點走過去試一試，員工少，入門口時員工忙于工作，無暇招呼，等咗一陣員工話只可order 飲品，無問題，但坐咗接近半個鐘飲品才上，期間其實可以比定一杯暖水，Matcha espresso 好飲，不過，等得有點耐，服務質素有待改善。

After doing some Chinese New Year shopping in Kowloon City, we decided to rest our feet for lunch at a place called Mild as it was just outside from my bus stop. An ideal location as I didn't want to walk too far with all the things we had bought.The place was nice looking with a huge bar area. Apparently at night they offer serve alcohol. There are also tables in the back.The front area is more of a casual seating area with a rustic design.Menu is in English and Chinese. There is no 10% service

就算搬離咗九龍城, 間中都會返嚟買下野同食飯知道自從有咗港鐵站後, 呢區多咗好多小店, 尤其是cafe小店, 感覺無咁"泰國"了~前幾天來這裡辦年貨, 順便飲杯野歇一歇先~起聯合道, 鄰近九龍城廣場, 感覺有點raw的簡約裝潢, 咁啱又有位, 做就我們的第一次menu簡單易明, 食物只有6款供應不過當天可能客人多, 人手又不太足夠服務員在我們入座時已說明: 若點食物, 需要等45分鐘至1小時不過我地只飲杯野同打算坐下, 所以就沒關係吧不過飲品都等咗一段時間才上檯男友點的是ice cappuccino 而我的是matcha latte2杯賣相都唔差, 仲要我果杯是有拉花, 靚靚2杯味道都唔錯, 我的抹茶是微微的回甘cappuccino好creamy, 口感豐富嘅

自屯馬線開通，九龍城嘅cafe都開多咗。今日我就同朋友去咗位於聯合道新開嘅Mild。店舖裝修有點走水泥工業風，環境都美觀典雅。我同朋友因為約咗客戶下午茶，所以只點咗一個意粉同小食share食。香辣蒜片扁意粉辣道調較得好合適，而且好夠蒜香味。越簡單越見功架。簡單而美味，處理得非常好。水牛城雞槌一碟有6隻雞槌，雞肉嫩滑多汁，夠哂香辣惹味，食到停唔到口，差啲想叫多碟嚟食。不過唔食得辣嘅朋友就應該會覺得辣咗少少喇。Mild嘅咖啡唔係自家烘焙，選用咗哥倫比亞、巴西同印尼嘅blended，味道都唔錯。Latte 同 Mocha都有水準㗎。

《ᴍɪʟᴅ》𓏰 有格調的紅磚ꜰᴇᴀᴛᴜʀᴇ ᴡᴀʟʟ 拼工業風水泥裝修𓏰 𓃠 九龍城的咖啡店選擇很多，幾間名氣頗高的要排長隊。這間新開一段時間，ꜱʜᴏᴘꜰʀᴏɴᴛ 走低調路線，經過一輪搜索才發掘到，人流不算多，可以無壓逼感地花上一個假日下午。室內有窗口位，吧枱位，長長梳化高枱，也有露天位置。白天主打咖啡 有ʙʀᴜɴᴄʜ 有輕食晚上搖身一變成為酒吧店————————————ᴍᴀᴛᴄʜᴀ ʟᴀᴛᴛᴇ ᴅɪʀᴛʏ兩者的奶味都比較重，不會出現苦澀味，味道溫和，很易入口。抹搽香味十足。.本想試一試餐牌上的主食，不幸的是店員禮貌地告知當日食材供應有限，抱歉未能提供。

同FD去九龍城街市買嘢，睇落哩間café都幾型格，咁去試試啦。午市可以咗啲嘢食唔多，只得幾款意粉同啲貝果，FD啱啱打完疫苗，海鮮牛肉等乜都食唔到，揀咗香辣蒜片扁意粉，我就揀咗白松露海鮮野菌扁意粉。嘢飲品種豐富好多，咖啡都有十幾種可以揀，仲有好少見啲dirty，今次揀咗凍dirty同凍cappuccino。嘢飲好快來咗，真係層層分明，好明顯睇到鮮奶同咖啡界線。咖啡飲落真係好香濃，飲得出係用咗高質咖啡豆，同埋同鮮奶比例好好，唔會覺得好甜，正。白松露海鮮野菌扁意粉好大一碟，配料有魷魚須同蘑菇，真係落咗好多白松露，每一啖都好香濃白松露味，同埋啲cream唔會好厚重，cover咗白松露味道，真係食到停唔落口。香辣蒜片扁意粉都好大一碟，有少少辣味，蒜香味好濃，啲意粉煮得啱啱好，唔會好淋。哩間café嘢飲好有驚喜，又多一間吹水café可以encore！

咖啡得個苦澀味！！！隻咖啡豆又唔屬於nutty ，又唔屬於花香！真係好難飲！！！$40一杯， 但質素真係好差！咖啡得個苦澀味， 未飲過甘難飲既咖啡！Cappuccino 勁重奶， 我以為飲緊latte！？茶餐廳咖啡都好飲過佢。叫左4杯咖啡，入面又無人但等左 25分鐘……………….咖啡原來都可以整得甘難飲！！！4杯咖啡無一杯是正常的！真係好難飲！ 奶又好希， 都唔明點解可以沖到甘樣？咖啡真係好難飲！ 都唔會再去第二次！

位於九龍城的Mild，除供應咖啡外，亦有各式熱食，即使Mild空間不算超寬敞，仍有著讓人流連忘返的魅力。因為我和媽媽打算來個九龍城一日遊，所以我們在Mild沒吃到飽飽的，決定喝杯咖啡再離開。在一會的停留，看得出外賣都是熟客，彼此間有著微妙的默契。分層的Iced Mocha有著說不出的爆發力，輕輕攪拌讓咖啡、牛奶及朱古力合而為一，咖啡香氣首先由口中衝進鼻腔，牛奶是溫和的緩衝劑，朱古力的馥郁隨後輕輕地劃過，讓人會心一笑。Iced Matcha Espresso視覺上頗美，可以先分別輕啜一口抹茶咖啡和奶泡，品嚐各自的原始風味。然後再攪拌均勻Iced Matcha Espresso後喝，和諧的抹茶甘香，順口的咖啡，冰涼滋味，適合午後陽光後喝。

自從搬入九龍城之後，發現區內其實除了泰國菜之外，還有很多不同類型的餐廳，所以便以九龍城為主題，介紹不同類型的的食肆，歡迎關注，以便獲得最新九龍城飲食資訊。最近從網上得知，這裏開了一間新的酒吧，不過因為晚市禁堂食，便來吃個下午茶。水牛城雞鎚，味道帶點香辣，外脆內軟，是佐酒的最佳選擇。卡邦妮意粉，意粉煙煙靭靭，非常有口感，芝士味道香濃，加上煙肉香味十足的煙肉，水準果然不錯。朱古力咖啡，朱古力和咖啡的濃度，非常適合，兩者配合得很完美，想不到這間酒吧的咖啡也做得不錯。cappuccino，泡沫比例適中，沒有搶去咖啡的香味，這個已經看得出很有心思。