牛奶冰室 (惠安苑)

Open Now

Now Closed

星期日去買個外賣早餐，只係買一個早餐，竟然等咗超過35分鐘都冇，全部啲外賣淨係做晒外賣平台。出餐又唔係順序。唔該間餐廳好好照顧吓外賣自取嘅客人，唔好淨係做外賣平台。個個等外賣早餐嘅都要等成半個鐘先有，我相信大部份香港人都接受唔到！

中午有一个钟的吃饭时间。没想到叫了个焗饭等等了四十分钟还没到，上班来不及了所以实在等不下去先走了实在抱歉。我这辈子第一次遇到点了单还没饭吃的情况啊，一定是我运气不好，好难受，下午饿着肚子返工。看他们那中午来吃饭的人好多啊，员工都很忙，以后应该不会再来了，希望这样他们能就能少干一点活吧

星期日晚原本諗住外賣 ，但係服務員知道我哋有難處，佢安排咗入面座位畀我哋，我望一望名牌，應該係冰姐（有個冰喺名最後）， 佢嘅服務值得表揚一下。同行三個人有兩個叫咗四寶飯，一個叫咗瑞士雞翼福麵。四寶飯 4/5分呢個四寶飯並唔係平時食開嗰啲佢有煎腸(其實似炸）， 餐肉、煎蛋同埋叉燒(bbq feel)佢唔係普通嘅叉燒， 有豬頸肉feel。瑞士雞翼撈麵 4/5雞翼入味, 撈福麵軟硬度剛好, 夏天冇乜胃口, 呢兩個都係唔錯選擇!佢仲有跟多士跟炒蛋， 好鍾意食呢度嘅多士， 之前多數喺長沙灣食。最後要提, 每次必飲凍檸茶,好鍾意佢嘅碎檸檬謝謝冰姐安排, 令到我哋有一個唔使麻煩又平安嘅晚上 希望其他員工可以仿效一下, 咁就唔收到咁投訴( 因為就早一個禮拜, 朋友電話落單一肚氣）

去到攞外賣，個外賣唔見咗，等咗好耐先揾到職員幫手。其實如果呢間茶餐廳嘅服務員可以主動幫助顧客解決問題，起碼顧客唔會覺得咁無助，希望餐廳可以改善，又或者可以主動對吓攞外賣嘅號碼。

自座下單，職員完全唔知點樣同客人溝通！全部都叫你自己睇！我沒有溫度計在裏面將沒有冷氣！差差差！煎雞蛋燶，蔥油雞扒好多沙粒！食完別有一番滋味，斟水要自助！肚餓隔籬左右嘅客人大部份都係不斷怨聲媽媽媽嗌苦不堪言速逃

一向都有幫襯唔同牛奶冰室唔同分店，覺得佢係ok嘅，直至今次去了呢間太古/鰂魚涌分店。其實我知佢係新店，亦都知佢平日食午飯係多人到恐怖(行人路被等侯嘅人全封，險象環生)。今次難得早少少放lunch就去試吓。點菜冇乜特別，一人食當然係搭枱。但我12:11落嘅單，12:31都未上到，以主力服務太古坊打工仔嘅餐廳嚟講真係唔多掂。都算了，我叫嘅係松露雞球焗飯，嚟到就食。由於趕時間，就算聞到冇松露味都照食住先。但越食越唔妥，點解係蕃茄汁？跟住食食吓發現，點解係豬扒嚟？唉擺到明送錯了(相中有埋單)。算了，再換恐怕遲到。已經全盤接受港式餐廳嘅等位搭枱服務，但今次又遲又送錯，仲要唔平(焗飯連凍飲67)，實在難以接受。希望公司好好檢討吓。最後，鋪入邊嘅職員都算殷勤嘅，見到佢哋已經盡力。

今次係第一次食，係嚟朝聖下冇檸檬嘅檸茶係咩味我哋就揀下午茶時段食，避開午飯人潮揚州炒飯啲味一啲都唔似平時出面餐廳食開嘅揚州炒飯，難以形容嘅怪味，聞落好似用咗美極去炒而且飯粒好硬身，真係好有口咬同有回彈力😅瑞士雞翼煎蛋飯竟然可以雙蛋免費升級三隻蛋，都幾好瑞士雞翼都不過不失，但係啲伴碟好似未烚得熟，紅蘿蔔好硬呢個飯底比起揚州炒飯嘅正常得多飲品方面就叫左一杯冷壓檸檬茶同一杯冷壓檸檬西洋菜蜜就咁睇就係一杯有人幫手篤檸檬咁，味道唔錯，仲夠大杯總括嚟講，試過一次就算😅

有一次晚餐同女朋友嚟呢度試吓佢個晚飯，發覺佢啲嘢食都唔平，平均一個晚飯都要8、90蚊一個；我女朋友叫咗一個咖喱牛腩飯，本身佢已經食好少嘢，但係竟然啲飯少到佢都唔夠飽，跟住想問個侍應可唔可以加少少飯，同我哋講加個飯要8蚊1個；另外嗰個咖喱飯啲咖喱汁又唔夠得好少其實佢呢度啲食物質素真係同大家樂或者大快活差唔多，寧願你去大家樂大快活5、60蚊食個飯仲抵D，呢個價錢同呢個食物質素同份量完全唔合格另外啲嘢食都偏鹹。

1.自助添水處冇水，同店員講想要水，叫我自助去倒，但去到冇水，店員話冇水就冇辦法2. 叫個米線9個字，其間不斷問係咪漏單，不同人聽完都係哦完就算，見佢廚房都冇問過就話跟左3. 真係食到好嬲，嬲到要上嚟打段嘢，但碗面仲未到4.牛奶冰室管理層可唔可以嚟自己感受下？外賣又漏單，堂食又漏單，店員又唔跟嘢！………………………………………………………………………………

落外賣，知道要等20分鐘已經早咗落單 。8:04落單，個餐預計8:25攞得，我19分企喺門口我都冇問過一句。到咗8:30我先去問一直出好多個餐但係都未到 。我又去問過阿姐，佢話你個蒸鯇魚要等好耐。我而家唔係蒸龍躉喎，要蒸幾多個字呀？ 到而家8:39，仲係咩都冇 。呢間嘢都係停收皮。

Openrice 11:59落單，落到去12:21話可取餐，根本未有，咁再等下，02同04號單已經有，我03，問個職員有未，有個略肥既女職員睇都冇睇就咁敷衍話未有，咁我由佢再等多陣，可取餐後成10分鐘有多，再問第個職員就扮入去幫我睇，然後又冇左件事！😡😡😡😡😡到可取餐後22分鐘啦，06號都有，我03同隔離05號單都未有，同05單再問職員，有個職員出黎講左2句類似道歉既野，但冇一句聽到佢講咩到可取餐後半個鐘有多都冇，問收銀可唔可以退錢，佢叫我問返openrice咁同openrice客服講啦，openrice話餐廳回覆佢地已經出左單，出條命，我一路都係餐廳門口，完全冇叫過我張單囉，然後影哂相比openrice 睇證明餐廳根本冇出單，搞左一大輪已經係落單後既1個鐘都仲未有得拎😡😡😡然後到05單終於有，我03都仲未有😡😡😡😡😡😡😡 Sd 哂野比openrice客服叫退錢，openrice 再聯絡間餐廳，個外賣終於出現，1159落單，到1308先有，足足1個鐘有多，連我後面既單都早過我有，餐廳職員根本冇幫過我追單，唔搵openrice可能等2個鐘先有，仲要openrice同我講間餐廳話已經出左單

已經試過兩次外賣去到餐廳追單，員工懶懶閒唔理，等多20分鐘才發現漏咗單，搞到我遲到。員工態度囂張，叫我搵app退錢，但明明係佢哋已經接咗張單，收咗我$，不知所謂。如果唔係附近冇茶餐廳一定唔會幫襯，食物質素一般。其實每次都係買早餐俾屋企人，早餐蒜蓉多士好硬，唔知點解太陽蛋要林啲豉油上去，好奇怪，叫咗好立克，加得太多水唔夠味。價錢偏貴，加上食物質素一般，員工服務態度差劣，等候時間非常耐，餐廳環境尚可。伏！

話說小弟喺Apps預早咗嗌外賣，個人啱啱到嘅時候見到個Apps已經有得拎。而我都見到門口擺咗兩份餐，而門口又有個職員咁我就睇啲外賣啦，但又一張飛癡得好高，睇唔清楚個號碼。之後個職員就話：有就有冇就等吓啦。我心諗得兩份餐係門口，而個場又唔爆嘅，幫我睇吓會死咩？咁就唔怪得知冇客啦 。

open rice 噤外賣自取12：15分落單, 17分就拎得！？竟然咁快咁就落去拎喇。。。落到去係咩都未有得拎等到40分先出聲追，個阿姐check完覆話多蛋要等我係嗌左4個餐。。。你地咁快噤話拎得我先落去拎！好喇未拎得都等左25分鐘，都仲未拎得仲要話我多蛋所以要等！！隔多10分鐘再同另一個阿姐講，我最怕係張單無左入面， 另一個姐姐好好咁覆返我有單係度 隔多陣就拎左出黎諗住即出即拎上到黎食會熱。。。妄想凍架！！尤其是係個阿姐講嘅蛋！！！全凍！！

11:25點餐，等左半個鐘都無餐出，前後號碼出晒，問個阿姐佢就話包緊之後就行左去，唔覺有跟單，等多廿分鐘忍無可忍再問，就話唔好意思今日好多外賣，但都唔覺佢有跟進張單，索性自己走到執餐阿姐嗰邊追問佢究竟張單去到咩進度，個阿姐竟然話出咗餐係咖喱飯，我即刻火都黎話我果個係早餐黎，佢地先發覺似乎係漏單拿拿林執俾我，最後我領餐時間係12:20足足等55分鐘，仲要返到屋企發現俾錯野我，一口雞就俾左豬扒，加錢嘅出前一丁就俾一般公仔麵，好野，5蚊豪俾你，以後永不幫襯，呢間垃圾幫襯一次都嫌多。