怕羞草 (Closed)

昨晚，我同兩個朋友到此食晚飯，包括德國咸豬手，小食拼盤，西班牙飯，餐包和例湯。味道一般，價錢不算便宜。返到屋企肚痾數次，其中一人更睇醫生，返唔到工。大家請勿幫襯，否則後果自負。

上到去，比左餐牌，但同open rice 寫嘅人均消費相差都大。平均main course 係150以上，小食係60以上。不過都唔緊要好評咁多，照試下。叫左冬陰公意大利飯dinner set, 炸辣魷魚配辣薯條同鴨胸意粉，野飲係白桃梳打同熱奶茶。餐湯係蕃茄濃湯，不過有啲酸，整體係ok gei。Risotto 個味幾新穎嘅，不過多忌廉都幾漏，同埋得一隻細蝦。炸魷魚薯條，係唔辣嘅，魷魚似係新鮮自己上粉炸，炸漿有啲厚，薯條就真係太硬啦，唔好食。朋友個意粉轉左黑松露汁，都幾好食。白桃梳打正常無特別，唔係死甜。不過奶茶，有啲苦，唔知點形容，不過唔鐘意。同埋，餐廳得一個人做野，基本上成日見唔到佢。加上，我經openrice book 枱，佢到今日仲未確認我出席，有啲慢。

同朋友約咗食飯，諗住搵間靜小小嘅可以好好傾計敘舊，響book位app見到呢間，再睇下食評都唔錯，就決定食呢間啦首先位置唔難搵，地鐵站一上來過條馬路就到，同層有幾間餐廳裝修得幾fancy嘅，顯得依間好樸素，差少少以為自己去錯地方一入門口就見到一具骷髏裝飾嚇咗一下，再睇翻全店有啲暗，我諗應該係配合返，但同個名好唔襯囉我book咗6點半，但6點8先上到去，全間餐廳冇人，以為自己包場添。可能因為位置比較隱蔽，手機收唔到訊號，更有一種去咗二度空間嘅感覺，店內牆身海洋生物3D圖，唔知店主係咪好鍾意鯊魚呢？同朋友叫咗兩個主食同一款小食，作為黑松露控嘅我，當然要返個risotto 啦。朋友就叫咗夏威夷薄餅同黑椒蜜糖雞翼個Resotto真心好食，飯唔會過軟有咬口，黑松露味好出，仲響碟邊貼心咁放在芝士粉，啱曬朋友啲懶鬼薄餅就有啲失望，Pizza得四吋，剩係得千島醬同蕃茄，連菠蘿都冇，十級唔抵食。雞翼不過不失，黑椒味重，有少少蓋過蜜糖嘅味道賣相4/5口感4/5味道3/5番食率 3/5

We understand that we are a large group of 12, but waiting 40 minutes after we placed our order without apology or a sense of urgency isn’t acceptable.Further, half our table was served soup and was later told that the half will be served later because the soup had to be boiled! It later came 10 minutes late.We continue to wait for our main dish to be ready......Not recommended for a lunch time venue.

男友揀左呢間cafe同我食晚飯，位於億利工業大廈，平日荔枝角區晚上都比較靜，上樓既食肆就更加靜......行到餐廳門口，有少少猶豫入唔入去，點解？因為裝修好似麻麻，又靜英英，唔知試唔試好⋯⋯男友話卜左位，都照入去睇下啦。入到去，冷氣未開，空氣有d悶焗，不過侍應開左空調後情況好d。我地叫左兩份set dinner, 德國豬手同泰式冬陰公意大利飯。意大利飯先上枱，味道都ok，不過米太生啦我地要求廚房再煮熟d，翻煮過既飯，味道濃左，微辣，米都無咁生，如果份量可以加多d就更好啦！飯食到一半，廚房先話豬手賣晒⋯⋯唯有改做檸檬蜜糖炸雞+薯條。酸酸甜甜，女士應該會鐘意，不過食炸物多，好易肥呀

近年由於工廈翻新或更改用途，很多食肆都為了逃避昂貴的租金，而選擇轉到工業大廈裡繼續經營，當然當中亦有著不少的限制，例如會所牌照只可招待會員，又或工廈食堂牌照只許工廈裡的工作人員惠顧，但為了有更廣闊的生存空間，很多店主都願意冒險一試，望能創出一片天空，亦令到一衆鄰近市區的工廈變天，成為了為食一族尋幽探秘的好去處，就好像筆者今天亦來到荔枝角一處工業大廈裡的西餐Cafe，享受了一頓一個人的番茄晚餐。.小店位於工廈裡的4樓，乘電梯上到去，差不多行到巷尾才轉到小店門口。店內的地方不大，裝潢以藍色為主調，用上啡色枱布和藤製的餐椅，配上簡約的燈飾和有點格格不入的的牆貼裝飾，帶著點點獨特的部屋風格，座位間雖較狹窄，但仍算坐得舒服。晚餐的款式雖不算太多，但仍有七款的選擇，當中已包括有豬、牛、海鮮和素菜主食，而筆者就選擇享用了一道以番茄作主題的晚膳。雖然這樣說，其實也只不過是碰巧當天的餐湯是番茄忌廉湯，而筆者又選擇了意式番茄肉丸意大利粉，2x番茄便變成了一頓滿有番茄香的一個人晚餐。番茄忌廉湯，忌廉湯做得幼滑，番茄香亦頗突出，兩者配合下清新奶香兼備，湯中可見粒粒的蕃茄蓉，感覺天然足料。蒜蓉包，香脆的包身雖不

今日去長沙灣接一個好耐無見面嘅朋友放工，之後一齊吃晚餐，談談近况。朋友提議去公司附近的一間餐廳， 反正我也不熟悉該區，就隨他意思好了。餐廳座落在工厦內， 門外裝修也很雅緻。室內面積不大，約20個座位左右。可能我到達的時間尚早，餐廳靜悄悄的， 放著輕音樂，氣氛很温馨恬靜，非常適合朋友或情侶靜靜地談心。侍應送上餐牌，晚市套餐包括餐湯或沙律、主食、咖啡或茶，由百多元至二百多元不等，價錢也算合理。蕃茄忌廉湯 蕃茄忌廉湯細滑香濃，蒜蓉多士烘得很香脆。牛肝菌雜菌意大利飯 意大利飯軟稔中帶點煙韌，雜菌份量足， 意大利飯帶著牛肝菌的香味， 如果你喜歡較清淡食物，這絕對是非常適合的選擇。意式蕃茄肉丸意大利粉意粉煮得恰好，軟硬適中。肉丸用牛肉剁成粗粒，拌有少少牛筋，很彈牙，意粉掛上番茄醬汁，非常開胃。香濃烘焙咖啡在這裏，你可以靜靜的和朋友談心，好好享受一個恬靜的晚上。

🍟黑松露薯條$68呢個唔錯 黑松露味幾重 薯條外脆內薯個醬有微微芥辣味 不過幾fresh 好食👍🏻--🍛牛肝菌雜菌意大利飯$148幾多雜菌係入面 啖啖都食到爽口既菇忌廉汁洽到好處 唔會太膩 略厭飯有啲硬 不過整體都👌🏻😜--🍝意式番茄肉丸意大利粉$158肉丸似黑椒肉丸既味意粉有啲煙燻味--食完主菜坐左陣之後 我問店員係咪齊佢話係 咁我就走啦 之後先發現有餐飲架喎😲

朋友今日喺荔枝角行街，行到去工業大廈裏面，話間野賣手調咖啡用品，好冷門嘅都有得賣，行到唔捨得走咁～咁岩我又放工啦喎，咁咪過去荔枝角拯救佢囉～原來我呢個朋友未試過去億利度食野，所以我哋就求其搵間試吓啦！今次我哋嚟到怕羞草，可能時間尚早啦～六點時店裏面都冇乜人，但愈夜就愈熱鬧，建議要book定檯～先來柚子沙律～ 柚子好甜啊！如果覺得唔夠醋，仲可以自己加～我自己就覺得還好，再多便太酸了！有蒜蓉包同是日餐湯～蒜蓉包剛焗好出爐，包上全是牛油蒜蓉醬！真想encore! 餐湯係蕃茄南瓜忌廉湯，足料打蓉晒，所以口感好滑好厚。我哋揀簡單點左個牛肝菌雜菌意大利飯$148用上黑松露醬，所以味道好特別。原來黑松露配上其他菌類口味係咁夾！意大利飯粒粒都好有咬口，而汁既味道滲入米飯中，啖啖都有溫暖既感覺。意式番茄肉丸意大利粉$158茄醬好足料，所以個意粉好好食！意粉煮得好有功架，好彈牙。而肉丸味噌亦好濃，好食～兩份餐既份量剛好啱晒兩位女士食～熱檸茶同熱柚子蜜怕羞草荔枝角長沙灣道883號億利工業中心402室

星期4收工之後同友人到荔枝角工廈搵食,咁岩見到呢間餐廳名好特別,於是就諗住入去試下啦~~~Set dinner 款式都不少,點左c餐同d餐....首先有個是日餐湯,係忌廉湯..跟餐仲有沙律同蒜蓉包.沙律爽口味道清新,幾好食,蒜蓉包夠晒脆,牛油都好夠~~d餐香煎深海鱸魚配牛油白酒汁,,深海鱸魚好厚身好肥美,鱸魚肉口感細嫩、肉質鮮美,且含有豐富的膠質...另外仲有一大舊薯容,包你食到飽一飽!!~~c餐就係忌廉大蝦蟹肉意粉,真係一道充滿海鮮滋味的菜式...醬汁非常creamy, 開胃又美味！大蝦烤至剛熟,肉脆彈牙再配上2杯餐飲,就為我地既晚餐畫上完美句號

今日約左朋友食飯，佢就帶左我去呢間工廈西餐。 晚餐menu，唔算好多選擇，不過已經搵到我想食既野。 <Soup of the day>首先有個是日餐湯，係南瓜湯，我本身唔鐘意南瓜加上我覺得太杰。 <Garlic Toast>呢個蒜蓉包幾好味，烘得好香脆又唔乾。蒜蓉同牛油味唔會太濃太淡，好味。 <Grapefruit Salad>呢個柚子好香，帶少小酸又一啲都唔苦，好好味。 <Risotto with Scollop & Mushroom in  Black Truffle Sauce>呢個意大利飯有好香黑松露味，亦夠creamy!岩哂我最值得一讚係帶子好香好甜，好爽口。<Spaghetti Bolognese with Onsen  Tamago>呢個肉醬意粉夠哂足料，加左隻溫泉蛋就會特別啲，會香啲。整體而言，我覺得性價比算高，行開荔枝角可以一戰。

第一次係八月八日食過，當食物質素唔錯，環境雖小但服務很好，價錢合理，三五知己食個開輕鬆午餐，很愉快☺️唯一缺點係因為當時我們遲落單，所以上菜等了很久。之後9月再約三五知己再去食，我們可能因為準時到達，人未很多，今次我們很快決定吃什麼，很快落單，所以上餐速度很快，很滿意。這間餐廳算係附近工廈餐廳的小驚喜，很滿意，所以會再次去食除了食物，杯蝶豆花很唔錯，香港都係第一次喝到😏如果餐廳大少少，上菜速度再快點，會更加好😁另外角位的冷氣不足，希望可以再改善下會更好。

工廈覓食當然不是甚麼新鮮事，不過，工廈開餐廳某程度會令一些工廠起了很大變化。看着荔枝角工廠區不斷有餐廳進駐，後期更逐漸有新商廈落成，都成為不少餐廳的據點。除了工廈活化，又有新商廈，附近更有大型屋苑，提供足夠人流支撐這區的飲食。今晚尋寶的地方來到「億利」，不經不覺，這幢工廈已開設了不少餐廳。「Mimosa Pudica」是較新的一員，早前看過一些介紹，似乎不錯，招牌的德國咸豬手更是風評不俗。推門而入，地方算不上很大，枱椅也排得有點擠，加上用了高椅背的藤椅，其實舒服好坐，不過，感覺有點困。至於晚市套餐，共有七種選擇，已包了蒜蓉包、餐湯、沙律及餐飲，定價由$138-$288 + 10%，可謂豐儉由人。另一版就是各式飲品，有咖啡、花茶、梳打……等等。是夜餐湯以為是普通的忌廉湯，入口有陣陣薯仔香，原來喺香草薯仔湯，估不到口感頗幼滑。配上微溫的蒜蓉多士，感覺不俗。第二道菜是西柚沙律，油醋的沙律菜，伴上兩大片西柚果肉，果然清甜，不澀口，而沙律菜亦相當新鮮爽脆，讓人食罷更感開胃。主菜登場，先是一道意大利粉版的窩蛋牛肉飯：「温泉蛋肉醬意粉」（$148），因為，將溫泉蛋跟肉醬拌勻，味道、口感都像極窩蛋牛肉

有朋友生日揀咗呢間荔枝角嘅餐廳試試佢下午茶我哋四個人嗌咗兩碟雞翼，一碟黑松露薯條，同埋一個墨西哥脆脆一碟係水牛城雞翼，好夠熱又夠辣，雖然好熱氣不過好好味另外果一碟雞翼唔記得叫咩名，不過已經比下去，因為第一已經唔夠熱，只係得個暖字。大家都搶住食水牛城雞翼。反而個薯條唔錯，雖然我麻麻哋黑松露，不過啲朋友好喜歡❤️❤️而且有個醬喺隔離點，而且個黑松露嘅味道唔係太濃，所以我點多啲醬去覆蓋浸黑松露味，都晤錯😆😆反而個墨西哥脆脆俾我哋想像中削以為會有啲蕃茄粒粒或者其他配料喺面點知得小小芝士，有啲失望😅不過呢間餐廳勝在冇乜人，我哋下午茶坐到就嚟晚餐開市，都冇乜人談心嘅唔錯選擇

自從活化工廈之後，越來越多的食肆走進工廈減輕成本，因為選擇多了很多，所以工廈覓食亦變成日常節目，在Openrice 見到呢間食評，知道新開，便來試下工廈意大利菜。晚餐有七種選擇，價錢由$138至$288，連蒜蓉飽、蕃茄忌廉湯、柚子沙律及餐茶，至於種類有魚、牛、海鮮、豬及腸，配通粉、意粉、意大利飯等。我們要了黑松露野菌帶子意大利飯($158)及挪威三文魚扒配香草白酒忌廉汁($218)，價錢已經包括蒜蓉包、餐湯、沙律。今晚餐湯係蕃茄忌廉湯，蕃茄令忌廉唔會膩，作為第一道菜，真係好開胃。蒜蓉包好脆同好熱，如果蒜蓉多些仲好 。沙律都好新鮮，伴碟黑醋比較少，好彩枱上有瓶黑醋和橄欖油，唔夠可以自己加。黑松露野菌帶子意大利飯，黑松露味道唔算濃，意大利飯好有嚼勁又creamy ，可惜帶子煎得比較熟，如果生少少就perfect 。三文魚扒配香草白酒忌廉汁，三文魚煎得剛好，魚皮夠脆，魚肉軟滑。最後我們點了餐飲熱咖啡，咖啡夠熱又香濃。以這個價錢，享受這質素的美食，相信只有工廈才做得到。