麵尊

Open Now

Now Closed

無論任何時候都大排長龍的麵尊，平日晚上都要排大概15-20分鐘左右便可入座，門外等候期間可以預先揀好想食嘅餸料！每人最低消費$40，三餸一麵剛剛好，車仔麵配料選擇很足，亦有併好配料的大尊、細尊選擇，岩晒有選擇困難人士！而且加底可選擇一半份量，比較少見。車仔麵配上酸齋、魚皮餃及紅腸，感覺非常地道車仔麵必點的豬紅，唔會一夾就散開，口感頗為順滑，血腥味亦處理得好好，值得一讚炸魚皮一袋袋預先pack好，魚皮夠薄身，咬落脆卜卜，非常鬆化酥脆淨油菜份量很足！枱上亦有各種醬汁絕對是抵食、乾淨兼舒適的車仔麵店

早幾日同事帶我吃過這間店舖，所以在週六的晚上也想我老婆再試吓平時已經經常見到有人排長隊，但今天到達的時間大約在6:15pm，只需要等大約2分鐘便可以進去店舖餐單也算是非常容易明白 我叫了三個配料，老婆就叫了四個配料豬紅好好食，豬頸肉比較厚身抵食值得一題係他的湯底跟外面的店舖有所不同，應該是自己熬製的湯底簡單啲講，就好像是高級一點點的車仔麵比起出面的一般車仔麵店，裝修較新教前衛講真呢個價錢在銅鑼灣冇得輸，只係$4-50嘅價錢就可以填飽個肚下次絕對會再嚟😁😋

好耐冇過海今次去銅鑼灣就排一排麵尊💛我大約6點半左右去到排隊時可以填定紙仔剔番想食咩坐低就可以即刻交紙落order喇當日我大約排10分鐘就可以入座了唔算等太耐冬菇、豬紅、豬大腸公仔麵佢呢度其實每樣餸都好出色，而且份量唔少冬菇炆得好入味同埋好滑豬紅同大腸亦都冇怪味另外記得叫魚皮！魚皮一包包咁上俾你，都有好多塊炸得好脆冇油膱味唯一缺點應該係座位較逼同埋個日我坐近門口位，所以唔太夠冷氣怕熱朋友可能要一路開住風扇仔食喇

麵尊係銅鑼灣都幾出名，聽聞要排好耐隊，星期六大約3:00黎到，排左10mins左右入得，食完之後見到開始出現人龍，我諗都要排30mins排隊既時候已經可以剔定紙仔自行配搭麵底同餸可以加麻辣、咖喱同腩汁，要曬三款都得🤩🤩🌟建議叫中咖喱，咖喱用匙羹裝住，重口味人士可以一半加落湯底，另一半keep住係匙羹到，將d餸點落去食！超級正🤤•油麵加半底 •豬大腸 咖哩牛柏葉 牛腩•麻辣少 咖喱中 腩汁湯底帶甜，不過個人唔特別中意帶甜既湯底，好彩有麻辣同咖喱搭救，個咖喱十分惹味👍🏻👍🏻餸既份量都幾足，止小對得住個價錢先▸豬大腸唔算好肥，最緊要係乾淨▸牛腩肥瘦適中，好淋係無乜咬口個款，無乜牛味，個人唔會再點呢個餸▸咖喱牛柏葉好入味，煮完唔會縮到得返細細條，好爽口同行朋友👇🏻

好耐冇黎食，今日平日一個人黎食早lunch，十二點正到，咁早黎都差唔多Full晒咁滯，好彩唔駛等，因為五分鐘之後已經開始出現排隊嘅人龍⋯Order左咖喱魚蛋、豬紅同五香牛腩河粉，要多蔥，多腩汁及咖喱汁。食落湯底濃，咖喱夠辣，同之前一樣咁出色。本身我係豬紅控，對豬紅有要求，今次佢嘅豬紅就冇之前咁好食，硬係覺得有少少腥味🤥，不過都唔差嘅。五香牛腩同咖喱魚蛋都係十二蚊，牛腩夠入味，份量多，不過切成一片片唔係一舊舊🤔，相反魚蛋只係得三粒，雖然夠大粒同彈牙，但性價比就相對低好多。買單$60有找，銅鑼灣地帶，又夠飽，都真係抵嘅！

麵尊2010年開業，首店在上環，一直都人氣高企，夜晚的銅鑼灣分店經常有條長人龍，明星包括周潤發都曾到訪上環店。據網上資料，店主希望用最短的時間將食物送到客人手上，不想影響車仔麵的質素，亦因為嚴選食材，不想糟蹋食物。🌇裝修：舖不算大，坐到20-30人左右；有高木檯和普通座木檯；裝修算是傳統中式，主要因為廚房出面的牆故意左灰色屋簷加紅磚，和有顯眼的中式招牌，講唔上好靚，不過店內望落乾淨。🫶蘿蔔/咖喱魷魚/豬頸肉幼麵 $44 🫶咖哩牛栢葉/豬大腸/炸枝竹油麵 $46🍜有30款配料、6款麵選擇，每款約$10-12🍜可加腩汁、蔥、麻辣(小/中/大/加大)、咖喱(細/中/大/加大)🍜我叫左腩汁、小麻辣和中咖喱，湯底偏清，腩味不算濃，好辣🙈(可能我太廢，食到流鼻水，少少辛苦🙈🙈🙈）🍜餸總括嚟講，味道可以，不過嫌唔夠入味🍜咖喱魷魚好爽彈牙，但唔係好有咖喱味🍜咖喱牛柏葉比魷魚入味🍜豬大腸乾淨無肥膏，煮得軟淋無臊味🍜蘿蔔清甜、無咋、夠淋 🍜豬頸肉、枝竹正常發揮🍜本身想叫五香牛腩，可惜已經賣完🎆整體：以車仔麵店，麵尊的環境企理；湯底是清甜style，食完無點口渴，再加上自家製麻辣/咖喱汁提味，偏辣；餸普通，

～ 2022 年 11 月 ～係登龍街搵地方食晏的時候見到好耐冇食嘅車仔麵就入了去喇 ~~地方乾淨企理車仔麵嘅餸選擇好多 ...比張點餐紙你慢慢揀 ...唔想諗也可以點碗拼配好的細尊或大尊儍媽點了碗三餸車仔麵 ... 豬大腸、酸齋、咖喱魷魚、油麵 (+腩汁) (HK$42) +HK$10 配了罐雀巢檸檬茶 豬大腸好乾淨，無膻臭味，而且鹵得軟腍入味酸齋味道啱啱好，唔會太酸 咖喱魷魚啲汁令湯香味提升，更惹味 ~~** 以上分享是以我的口味、體質和情況作出分享及感受，一試 / 合用與否請自行決定

放工要喺銅鑼灣食個快飯麵尊係快靚正嘅選擇最重要係好食😎今次淨係嗌咗有「👍🏼」嘅配料果然冇令我失望😎想要少少辣，過吓口癮，所以揀咗咖喱醬多蔥 河粉 🫶🏻冇煮到爛晒，加分每次嚟都一定會食嘅五香牛腩今次牛腩有大有細，全部都非常入味，咬兩咬，直接溶化，超正第一次食依度嘅豬皮有驚喜！淨係睇佢嘅顏色，已經覺得煮得好透口感非常柔軟！係每一塊都好軟熟！蘿蔔又係，煮透晒，好多汁基本上又係入口咬兩下就溶化👍🏼咖喱魷魚，勝在份量又多！厚身，更爽口，仲有好多腳😎😎如果選擇困難，叫晒佢哋推薦嘅配料，實冇死錯人

🍜每次經過都好多人排隊 咁啱今日三四點有啲餓 見倒唔洗排 就即刻食🍴叫左大尊 有齊豬紅蘿白豬皮魚蛋紅腸菜 驚喜係魚蛋大粒彈牙 坊間好多都係細粒魚蛋仔 豬皮好入味 蘿蔔都入味 豬紅係我鐘意有少少煙韌嗰款 應該係混左d鴨/雞血 車仔餸真係幾出色唔怪得之甘多人排隊睇番review佢個咖哩辣係較出名 不過我今日麻麻想食辣 叫左腩汁 湯底都好夠濃

豬大腸+豬皮+酸齋+五香牛腩 米粉豬大腸（$10）：乾淨冇肥膏，煮得軟腍，冇臊味豬皮（$10）：乾淨冇豬毛，質感爽口，吸湯力一流酸齋（$10）：酸酸甜甜幾開胃，咬落仲有少少筋性五香牛腩（$12）：冇乜脂肪，肉質感比較強，唔算好入味蘿蔔+咖喱魷魚+咖喱牛柏葉+豬頸肉 粗麵蘿蔔（$10）：清甜冇渣咖喱魷魚（$12）：軟腍唔會靭，但略嫌唔係好夠味咖哩牛柏葉（$12）：好入味，但咖哩汁偏辣豬頸肉（$12）：厚身又爽口〰️〰️〰️〰️〰餐廳質素唔錯，每款餸至少都有三四舊以上，唔會話太少，但粉麵份量就爭啲，如果男仔嘅話未必夠飽。個人最鍾意就係豬大腸同酸齋~呢到湯底可以加咖哩汁/麻辣汁/腩汁，我加咗腩汁唔會覺得鹹，食完唔頸渴。之前都有介紹過同樣主打車仔麵嘅三不館，兩間比較的話，呢間餐廳整體比較好👍🏻餐廳唔算大，坐得都比較逼，不過食港式嘢都係速食，唔會太講究環境，所以環境我覺得都可以接受。聽講平時餐廳經常大排長龍，我哋係星期六13:45左右到，好好彩唔洗等位😄 〰️〰️〰️〰️〰️食物: 4.5/5性價比: 4/5 環境: 3.5/5服務: 3.5/5Revisit: Yes

每一次去銅鑼灣點到會抽半小時食個麵尊位於食街登龍街有一條短短的人龍我的必食組合‼️紅腸+魚蛋+酸齋米線+蔥湯底有獨特的味道就算唔加辣佢都會有一種令人上癮的微微微辣是舌尖上的刺激酸齋軟淋又有筋性咖喱魚蛋必選因為會令湯底有少少咖喱味紅腸薄薄但入味我自己唔太喜歡食厚切紅腸咁樣薄薄地就岩晒每次食到湯底全清可選加蔥/不加一個人吃有機會坐吧檯但我覺得吧檯仲舒服輕輕鬆鬆咁望住條街食碗車仔麵強烈推介👍🏻👍🏻👍🏻👍🏻👍🏻人地話上環分店仲好食總之好味就得啦😋

今日去開銅鑼灣，想食車仔麵，第一時間諗起麵尊，係區內岀名嘅車仔麵，每次都要排隊🥹先點兩碗車仔麵，豬紅，牛柏葉，蘿蔔，豬大腸的車仔麵，湯頭濃郁，香味四溢，豬大腸的味道特別突出，甘香入味。米粉也很不錯，口感爽口，豬紅軟嫩好好味，加上豐富的湯汁，令人垂涎欲滴，蘿蔔都係必點嘅，清甜又無渣！豬頸肉肉質鮮嫩帶爽口，腩汁的調味恰到好處，讓人吃得津津有味，忍不住一口接一口。再叫罐可樂，冰爽舒暢🥰下次嚟再試吓其他餸先😄

有日同家人落銅鑼灣行街，大家想食車仔麵，誤打誤撞上網見到真的有車仔麵之餘，最重要是地點非常方便，就是在登龍街V Point !我們叫了一個香菇貢丸午餐肉幼麵$44雞中翼醃得入味，只是幼麵少了一點🤤飲凍咖啡$19味道O.K另外一個是咖哩魷魚豬紅米線$32咖哩魷魚口感剛好，沒有過靭。豬紅好味，夠滑，而咖哩魷魚和豬紅皆是他們的推介👍難怪有很多食客都有點豬紅。凍蜂蜜柚子茶$24味道一樣O.K坐了一段時間，發覺有很多食客都點選大尊或細尊，份量頗多，下次有機會再來一定要試吓！

作為一個粉麵愛好者，定期都要去食下米線🍜、車仔麵！麵尊係我最愛嘅車仔麵頭3位之選！因為樣樣都想食，次次都叫5-6個餸🙈！人哋女仔通常食車仔麵叫2-3個餸就飽，我今次叫咗6個餸！咖喱魷魚🦑係必叫，唔韌但彈牙兼有口感！雞翼，有2大隻，唔算最出色，夠味，但未到最入味，醫飽吐就會叫佢！豬紅又唔係度度好食又嗌埋，咁就已經3個餸！肉類叫完就叫蔬菜🥬類：蘿蔔必嗌，夠甜味，冬菇唔係勁大嗰啲，但夠稔，搭埋佢個湯加「腩汁」，已經十分夠味手！出得嚟食嘢，就叫埋肥人必叫嘅 #河粉 🤭！河粉係車仔麵最正嘅粉麵之一，係上面加埋酸齋😍，啲汁撈河粉好正，所以咁就6個餸～嘢飲叫左凍檸茶，茶味尚可，但佢糖水另上，啱曬我呢啲少甜/走甜人士#麵尊 💛

📍香港📍銅鑼灣📍麵尊📍銅鑼灣登龍街18號V Point地下5號舖📍星期一至五 11:30~21:30 & 星期六日公眾假期 12:00-21:30星期六 6點黎到唔洗排隊✌🏻坐低15分鐘已經見到人龍啦。欣賞佢哋湯底唔會太咸太油，食完都唔會好口渴。🦄 蘿蔔 $10🦄 咖喱牛柏葉 $12🦄 咖喱魷魚 $12🦄 蠔油冬菇 $12🦄 伊麵 $15三大舊白蘿蔔清甜無渣。冬菇炆到岩岩好唔會過淋，濃濃蠔油味仲索哂啲湯汁。咖哩唔會超辣，食BB辣既我都食到🖖🏻估唔到伊麵又幾夾喎，最重要都系煮麵既時間岩岩好👏🏻三餸已經好夠女仔飽，男人要叫加底🍜🦄 蠔油生菜 $22🦄 評分: 7/10🦄 豆漿 $14🦄 評分: 7/10淡淡豆味唔會太甜。夠凍解渴。#foodieschu銅鑼灣