名果店

Open Now

Now Closed

夜晚喺附近食完飯，除咗喺另一間舖頭買完個甜品外賣之餘，見到隔離有呢間水果店，一次過外賣返屋企。見到佢雪櫃入邊有好多切好咗嘅水果杯，例如係西瓜🍉之類。喺佢Menu上面都見到有好多唔同類型嘅生果，仲見到有牛油果蜂蜜，不過怕太飽就冇要到。不過今日想買果汁，咁就買咗杯日本瓜配雪梨🍐，問老闆咩係日本瓜呀，原來係日本蜜瓜🍈。見到佢係用即切生果，即刻現場揸嘅果汁。飲落口都好清甜，個人認為梨味比較重，而且佢聲稱係100%天然，感覺比較健康啲。

🥒五青汁 $26 (7/10)五青係青蘋果、青椒、青瓜、苦瓜及芹菜。非常清熱解毒，一啲都唔係好苦，苦中帶微酸，$26幾唔錯，都算新鮮！推薦指數:7/10都幾唔錯，都抵飲！

呢間鋪平時做街方生意，今日行過叫左一杯果汁，一位短髮四眼女店員木無表情，之後放左一杯果汁出黎又冇講系咩，佢望一望我地，所以我地以為杯野系我地，想取時佢先粗聲話唔系我地，到我地杯野出黎時問佢拎飲筒，佢只系大力拍一拍旁邊飲筒箱，當時其實有其他客人企系個度，摭住左我地所有先冇留意有個箱可以自取。其實佢只需要講一句系邊度自取，冇必要咁大力拍。如果佢唔鍾意每日企系度渣汁呢份工可以唔做，而唔系對住d客黑面。我地試過呢間果汁味道系唔錯ge,只系份量偏少。但佢呢d趕客行為只會令人唔會返轉頭，而且附近大把其他選擇。

每次經過淘大，也會到這一間水果店購買果汁！因為其他地方的果汁也好像加了糖水，但依一間感覺原汁原味！佢哋有好多選擇可以揀生果汁也可以揀蔬菜汁，多數我都會買五青汁，order左之後店員會拎材料即場攪拌，感覺新鮮！！五青汁又有瘦身功效，令我愛上了購買時，也有其他人會購買生果盤或是一些沙律！下次再黎，可以買一些沙律當午餐，清減腸胃！有興趣買生果嘅朋友，可以到店後面，會有很多外地進口嘅生果。也可以買來送禮！

收工在淘大商場閒逛，見呢間水果店好大，水果擺放整齊乾淨，有方形西瓜🍉添，無入店內，行到露天一面，見水果店開了一個櫃檯賣果汁，款式都有啲特別配搭，無座位，當時無其他客人，行埋櫃臺落單，店員再即叫即製！無花果雪梨汁（$22）簡約透明膠杯，第一次試呢個配搭（都唔多果汁店有無花果）果汁啡紅色，新鮮無花果甜味及酸味不強，配雪梨味清新，果汁打得幾滑，飲得出無加糖，清新好味大水果杯（$18）透明水果杯，店員會問客人要揀邊杯（因為每杯水果都有不同）我無所謂，任佢取，我呢杯有西瓜🍉、哈蜜瓜、密瓜🍈、菠蘿🍍，西瓜清甜，哈蜜瓜脆口爽甜，菠蘿酸味開胃，蜜瓜甜膩稔口！幾款都好味！店員姨姨少說話多做事果汁🍹配搭新鮮

Summer Time 真係令人又愛又恨, 食得太多又有罪惡感, 所以間唔中我都會食下沙律,有時會買下有機菜自製沙律, 但返工無乜時間, 有時就會買現成啦 !同事知我中意食沙律, 所以會幫我買盒沙律, 名果店係專買靚生果, 仲有鮮榨果汁, 沙律.沙律有分沙律醬或醋, 我吃過粟米沙律, 蟹柳沙律,雖然係有沙律醬,但鮮果用新鮮靚生果,十分清甜. 今次同事就揀左沙律菜水果沙律比我 $22, 醬就揀左醋.水果切得大大粒, 蜜瓜好爽, 鮮甜, 菠蘿唔係罐頭, 沙律菜唔會係黃甘甘, 沾上醋味道好夾。名果店平時的鮮榨果汁係好受歡迎, 價錢唔算貴, 所以炎炎夏日, 飲下一杯用靚生果榨出黎的果汁就最好不過啦 !!

下午時段有啲餓，想食light d, 就係呢度買左個細生果杯食，杯內有五種生果，西瓜、哈密瓜、菠蘿、火龍果同藍莓，買個時咁啱店員係度切緊生果，整緊生果杯，睇得出嘅新鮮！食入口，每個生果都有該有的味道，唔會雪到冇曬味感覺好refreshing!! 唔同大細嘅生果盤

餐牌上明明寫住雜果汁20蚊，並沒有其他小著話邊類型水果要加錢我叫左杯火龍果加苦瓜，竟然埋單先同我講話因為火龍果冇果汁而要加錢，間野做生意太唔老實，唔通火龍果唔係生果?而苦瓜竟然多汁過火龍果?

這天來到淘大花園，去了愛家素食吃飯後，見到對面有家果汁店，好奇之下又走去看看。本來為了減肥戒喝果汁多時的我，因為這裡供應的一種果汁，又破戒了-嚴格來說也不是純粹的果汁，因為它是紅菜頭汁啊。自從早前看到有研究說喝紅菜頭汁有助降血壓之後，我就開始對紅菜頭這種食材產生了興趣。大家可能會在沙律中見過它，但用它來榨汁的（是鮮榨不是那些樽裝濃縮汁），以我所知，香港有得賣的地方，兩隻手應該數得完，這裡是其中之一。雖然規定了要混其他果汁（可以選蘋果／甘筍／石榴／雪梨等），是因為成本問題也是因為純紅菜頭汁其實挺難入口，但難得遇上當然要來一杯。由於紅菜頭本身已有天然的糖份，所以配搭的水果便選了沒那麼甜的石榴。即叫即榨，剛好我之前的顧客也是要同款的果汁，不用等很久便有得喝了。紫紅色一杯的顏色相當迷人，甜度適中，不太感覺到有苦澀味。而且價格是相當的實惠，同樣的紅菜頭綜合果汁在中上環的有機餐廳要賣上兩三倍的價錢！這店其實也是一家水果店，售賣來自日本和世界各地的水果，也有果盤和鮮榨小麥草汁等等，可算是淘大另一個健康食點。