名果店

Open Now

Now Closed

夜晚喺附近食完飯，除咗喺另一間舖頭買完個甜品外賣之餘，見到隔離有呢間水果店，一次過外賣返屋企。見到佢雪櫃入邊有好多切好咗嘅水果杯，例如係西瓜🍉之類。喺佢Menu上面都見到有好多唔同類型嘅生果，仲見到有牛油果蜂蜜，不過怕太飽就冇要到。不過今日想買果汁，咁就買咗杯日本瓜配雪梨🍐，問老闆咩係日本瓜呀，原來係日本蜜瓜🍈。見到佢係用即切生果，即刻現場揸嘅果汁。飲落口都好清甜，個人認為梨味比較重，而且佢聲稱係100%天然，感覺比較健康啲。