Video
1-min walk from Exit , Heng Fa Chuen MTR Station
continue reading
Telephone
28897633
Good For
Business Dining
Additional Information
點心時間 (星期一至星期日)
早市 : 8:00am - 11:30am
午市 : 11:31am - 2:00pm
下午茶 : 2:01pm - 4:00pm
Opening Hours
Today
08:00 - 23:30
Mon - Sun
08:00 - 23:30
Above information is for reference only. Please check details with the restaurant.
Signature Dishes
今日放假同屋企人去飲早茶 ,媽咪話樓下酒樓食物一般 。所以我哋專登坐車去杏花村呢間名苑酒樓，環境 寬敞， 衛生 ，座椅非常舒適， 裝修行高檔路線。 早茶每位八蚊( 茶錢 ) 需要十一點半前埋單.早市孖寶好抵食，34蚊可以任選兩款點心 . 即刻叫咗三個孖寶🤣另外單點，炸蝦角和豬骨湯銀針粉。整體嚟講係平靚正,點心水準唔錯 , 下次會再去✌️千島醬炸蝦角裏面係原隻蝦， 新鮮爽口，皮薄，油膩豬骨湯銀針粉 樣子平平無奇，但出其地好味， 銀針粉夠煙韌，用上蝦米增添鮮味
continue reading
服務唔使講係冇㗎 午市叫咗六個點心 六個點心都係難食㗎 冇樣點心係熱辣辣 好在自己帶茶葉 整色整水鹹水角 唔知用咗咩皮 可以難食到咁 虎皮魚肉釀尖椒三條我唔知佢點樣形成三條 我煎得仲好食過佢 如果真係要講蘿蔔糕係最正常 因為辣椒醬ok
continue reading
今日去完柴灣拜山，同長輩一行10人去杏花邨名苑飲茶，服務差，食物素素亦很一般。我哋訂座枱，但居然要等！星期六早上11點，有咁多人咩？等咗十幾分鐘唔對路，入去一睇，發現裡面有不少吉枱，大枱亦有吉，只係未執，我去同經理講，佢無回應我，四周圍望，似乎無其他侍應有空，就自己去執枱，最終搞咗約半小時才能入座。我哋張枱無點心紙，鄰桌卻有三本放點心紙的簿，大概係執完枱無放回。我哋啲點心嚟晒後，有侍應突然以質問方式問：「你哋啲點心紙呢？」我哋話無，佢就飛咗本點心紙的簿到我哋個轉盤上，係「飛」，佢原來執枱見咁多放點心紙的簿，就「分發」番去本來的枱。食物質素亦麻麻，蝦餃燒賣一籠三隻，福建炒飯無乜料，主要係雜豆。酥皮焗叉燒包，好勁油酥味！幾年前曾光顧，屬略高檔的茶樓，各方面都屬中上。而家只有價錢高檔，服務和食物質素甚至差過茶餐廳！性價比極低！如不改善，好快執笠！
continue reading
如果想食到一肚氣，你可以去幫襯！今日食Lunch, 著黑色衫嗰位中年女士部長，完全唔做野， 叫佢落單黑哂面， 另一位同場女侍應就成日扮執枱睇你唔到， 個個都唔想做野。 個部長仲話唔夠人手！ 個個都好似妳咁做野， 請多100個都唔夠啦！ 建議增設QR落單， 自助斟水。唔洗請呢d人， 有人等於無人。 又或者趕走晒啲客， 好似晚市咁，一晚都無3枱客， 咁就夠人手啦！ PS: 傳菜姐姐好好。係個女部長和女侍應好衰， 最後仲收多錢添，大家要check 單呀！ 但最好唔好幫襯啦！
continue reading
星期五晚與朋友敘舊，都杏花邨名苑吃了一頓豐富的及美味的晚餐。有燒乳豬燒鴨炸生蠔、蒸扇貝、上湯雲耳菇，冬瓜盅。燒乳豬新鮮出爐，皮脆肉嫩，第一次吃脆卜卜的乳豬😂炸生蠔隻隻也很大及沒有腥味，冬瓜盅真材實料、每人也有兩碗。五個人、人均$238， 很值得再去。但酒樓服務員一般，不夠主動，很多時沒有水及枱上滿佈用完的餐具也不會主動換。但食物質素已經可以抵消服務！真心推介，位置在杏花邨地鐵站出口左轉，不用1分鐘，真的方便！
continue reading