名苑酒家 (Closed)

為了祝賀薑餅人爸爸七十大壽, 今年決定要大搞一番, 邀請各親戚來吃餐慶生飯, 總共有三圍人之多, 地點薑家決定交給我話事, 實在是一個重任, 也是給狐狸的一個考驗, 哈哈!!地點薑家要求在灣仔或銅鑼灣區, 上OR網上閱覽一番後, 再經過一輪討論和比較下, 終決定在名苑設宴.打電話去訂位時已感覺店員恭敬有禮, 也應我們要求提供廂房, 當晚也服務周到, 恰到好處.是夜享受的套餐名為原隻鮑魚雞煲翅全包宴, 十分豐富也名貴.招財五福臨門 – 薑家加錢添以乳豬, 所以變成六小福. 這包括有爽彈的海哲, 拍黃瓜, 脆脆的當紅乳豬, 百合雲耳和嫩蜜叉燒. 每款也細緻可口, 不覺粗製濫造.清宮明火雞煲翅 - 湯頭濃甜呈奶白, 翅分量慷慨, 雖然吃翅有害海洋生態, 但老人家生日還是要點排頭的.蠔皇原隻五頭鮑魚扣花膠 - 蠔皇汁香濃, 也是靈魂, 鮑魚花膠也都煙靱黏口.XO醬碧綠炒雙蚌 - 碧綠是西芹, 珊瑚蚌和桂花蚌我較愛鮮味的後者.海珊高原牛柳粒 - 牛柳粒肉厚但幼嫩, 有驚喜是伴在碟邊的炸豬腩肉, 酥脆肉不靱, 也帶有豬油香.清蒸沙巴海老虎斑 - 火喉恰好, 肉嫩鮮甜, 為食的狐狸爸爸將魚頭也吃

我一家十五位今晚到名苑吃晚飯. 其中叫了三煲雞煲翅(每煲$298).因上次三個人叫了一煲,每人有兩湯碗(即比吃飯碗的半徑大1厘米).但今天三煲每人只得吃飯碗的一碗. 實在太食水深.雖然各樣菜的味道不錯.但非常唔開心.

公司有位同事要離職成班同事幫他辦既歡送會選擇了不遠的中高檔次的中菜館--名苑酒家之前同朋友也來過，裝修可以，服務好.起碼一入門口就有人叫歡迎.鮑魚扣鵝掌，鵝掌淋滑，豐富的膠質，佐以鮑魚和美味的汁液，都幾令我回味咕嚕肉我食了好多，食其啖啖肉，不過咕嚕外皮做得唔脆。醬烤骨:外層香脆,內裡的肉很滑,D肉汁有很香,同埋都幾好看金柱金瓜泡田園蔬，瓜清甜，係清淡而好味的一道菜百合翡翠炒蝦球都有水準，但都比不上那鮑汁荷葉飯好。荷葉飯一打開，便清香撲鼻，飯是顆粒分明，而且索滿了香濃的鮑汁，令人齒頰留香,可惜太小了一點,多D更好整餐最使人難忘的，反而是最後的一道糖水

黃金雞很香,十分脆,顏色很吸引,切得麻麻地,賣相都可以,皮爽肉嫩蝦子柚皮真係好多蝦子,浸滿個大瓦砵,湯汁唔算太「傑」,味道可以,不過柚皮有少少渣杏仁茶----濃鬱的杏仁味,質感幼滑較傑身.有點像喝花奶一樣,喝後有點黏著喉嚨的感覺,百份百真材實料.千葉豆腐----刀功都細膩﹗豆腐很滑溜,雖然豆味略嫌不足荷葉飯,荷葉味芳香,同樣地乾身,自然好吃鮑魚菇鵝掌扒娃娃菜- 鮑魚菇爽口,鵝掌過淋,失了應有的膠質煙韌,用以燴的蠔汁及上湯也不算濃,未能提起鮮味鮑汁花膠筒扣鵝掌,花膠筒重膠質,鵝掌炆到好淋好入味,此菜式水準一向隱定蒸得剛剛好,魚肉嫩滑彈牙,火候掌握得不錯瑤柱海味什菜煲 - 瑤柱湯底很鮮甜,菜稍為過了火以致太軟身

約左細佬一家出來食飯，一行四大三細，細佬推介去名苑食，話服務不錯，死討厭就係要等位，好彩只等了5分鐘，侍應服務幾好，做事爽手，上菜都要等，好彩味道不錯豉油王中蝦每隻也有大片蝦膏，煎得香口惹味，甚至可連殼吃掉蒜蓉蒸帶子，蒸出來的帶子柔嫩，加上大量蒜蓉覆蓋帶子來蒸煮，帶子所透出的陣陣蒜蓉所發出的濃烈香氣味道，與蔥碎及粉絲一起吃，完全將那蒜蓉加蔥碎的汁液索進帶子內，正上湯焗波士頓龍蝦，好多龍蝦，正，但反而是底下的伊麵最好吃，味道吸了很多的龍蝦精華和上湯~很好吃四個小朋友都不喜歡食白飯，所以叫了荷葉飯，得到一致高度激讚，飯帶有好香荷葉味, 幹身香軟可口，配料又多，小朋友們都覺得好好味，飯都食多左 .

朋友生日, 佢話要食魚翅, 在OPENRICE SEARCH 鮑參翅肚, 呢間係第二高分的, 價錢又唔貴, 所以就揀呢間..今天PROMOTE的是鮑魚加鴨掌. $58 一位, 抵!!另外叫了雞煲翅, 寫明有八兩, 唔驚冇料到, 不過$298 煲,, 不平宜, 但味道OK.芝士龍蝦伊面 $ 188一隻. 好味, 芝士夠香. 义燒例牌, 不過不失, 但$88 碟徧貴.壽包, 好香,好軟. 好味. 另外友人叫了白飯. 不過佢話太爛. 叫侍應換. 侍應搞完一輪話成煲飯都係咁. 結果取消了碗白飯. 白飯爛唔緊要, 但個侍應真係用心回應. 值得一讚. 基本上他的服務是很好的.

睇完戲就和老婆去了名苑撐下枱腳,服務不錯又就腳,去到剛好不用等位,平時節日一定好旺場呢度服務幾好,地方大,擺設靚......我們叫了幾味餸豉油雞蔥香,雞肉也算彈牙可口,連雞皮都很滑,味道夠炒聖子,雖小但肉質幾爽口,豉汁不濃不烈,能吃出本身鮮味,而且一點腥味也沒有翠玉瓜炒豬面青,也是鑊氣十足,每塊翠玉瓜入口爽勁,豬肉也嫩滑非常楊州炒飯,金黃色,夠鑊氣,蝦仁彈牙,但是味道淡了一點,希望可以改善因為老婆仔不想吃白飯,最後一道是瑤柱蛋白炒飯,材料多味道夠,飯粒粒都乾爽,三扒兩撥就清掉了

五個人一起去食飯，菜單上有好多菜式選擇，為免會有人不合胃口的，確保每個人都食得開心！商量一陣後才落單！澆汁蔥爆牛仔粒，入口好鮮嫩！ 唔會太韌又唔會太"林"！ 加埋個幾香既汁， 好正！豉油王生煎蝦,有得look,有得食蘇鼠斑 蒸過火了一點，魚肉有少少‘鞋’，且魚豉油稍甜瑤柱蛋白炒飯，炒得很香，配蛋白很清淡，還好瑤柱令飯很鮮甜，飯炒得粒粒分明，很見功夫這裏環境不錯，座位也舒適，招呼幾周到，價錢合理！

朋友聚會，約了出來吃飯，而且約在名苑，之前看到網上都有好評啊！客人超多的，朋友早到所以我都不用等位，店面雖細但裝修高級，功能表由朋友做主，我們叫了雞煲翅真是不錯，色香味俱全，最重要係翅份量十足，翅非常靚，湯底鮮美。海南雞個個都猛話好好食，雞肉好滑，好有走地雞味，現在餐館都用雪藏雞，已經好少會有雞味的雞了。蒜茸開邊蒸蝦放了很多的蒜茸，汁好正,反而蓋過了蝦的海鮮味，還好蝦肉還算嫩。蠔油生菜油落得重手了，可以清淡少少，生菜很爽脆，味道調得也不錯。這裡的服務到位，食物水準也很到位，看來朋友的忙我是幫到底羅！！！下次也要叫其他朋友來這裡請客，嘻！

前幾天答應了請家人吃飯, 那就當然要找一間水準穩定不錯的餐廳咖啦!上網看了很久今次選擇了名苑酒家, 不過我都是第一次去這家餐廳, 為免要等位,就打了個電話上去留位, 所以在晚上來到的時候就立刻有位坐了!餐廳的面積不是很大,位置都不錯, 好的地方就是沒有酒樓那麼吵,所以位置都令人好舒適, 酒家裝修都幾雅致!叫了一壺菊花, 一個上湯焗波士頓龍蝦(網上推介的)之後就由我家人拿主意叫菜了,叫了很多菜,有翠盞蠔,西蘭花.......上湯焗波士頓龍蝦好味,上菜的時候很大蝶,看到有一點壯觀,又紅又白,吃起來鮮味特好,孩子吃的最多,龍蝦就留在後面慢慢搞,有提供鐵鉗的.翠盞蠔是炸蠔下面放了一片翠祿的生菜,我沒吃到,被孩子吃光了,一餐吃下來,價錢也不是貴,值得一提的是,我幾滿意他們的服務!

之前為慶祝爸爸的生日, 專登一星期前book 了位, 個場都幾ok,唔大唔小,環境很好所以坐得好舒服, 雖然坐了差不多兩個幾小時, 經理都好好禮貌有過來打招呼..服務態度確實又不錯,幫我地換新的醬汁, 又不斷幫我地添茶.. 如果你問又好細心介紹點樣食法會較好味..我們成10個人就要了個套餐,$1800,都過得去,有很多野吃,鮑魚,海班,龍蝦,雞,魚翅,甜品..........金湯花膠燴生翅.一看到就口水流,一大中金黃色的液體漂亮異常,裏面不用說,花膠,魚翅,需然不是很貴,但我就覺得很豪華!還有上湯龍蝦伊麵,龍蝦是波士頓龍蝦,漂亮而精緻,味道有海鮮的鮮甜,香味,真是絕配!

又到名苑!因為朋友都話喜歡吃名苑的中式菜..其實我都想試試其他中式餐廳但朋友話之前都吃過其他餐廳,不滿意所以到此餐廳吧..雖然都吃過幾次了到名苑要等位...很多人唔算full晒~可能係間鋪大,座位ok好多,不過我們沒訂位,唯有等等服務態度都ok的~環境漂亮堂皇但就沒有什麼feel,因為環境和燈光都是金黃色,很明亮的環境食物方面,其實都是上上之作美極生煎澳洲大虎蝦,個名很長,不過賣相很OK蝦很大2-3只就擺滿了一碟了瑤柱蛋白炒飯樣子不是很出眾,但很香,粒粒飯都很彈牙幹身,配料有瑤柱絲,菜,蝦仁,叉燒........豉油雞,雞很嫩滑,雞油同豉油配合是很好味的色澤好,暗黃色,好味

夏日炎炎正好眠這麼熱的天氣就讓很多女人有了藉口成日說天氣太熱,不想煮飯今天又來了放工回來都沒有飯吃還說等我回來,一起出去吃我有咩辦法,只好跟大隊所以就到了這裡沒有訂位,好彩都可以安排到如果不是就要餓著肚子等!四送一湯,一共五個菜都算豐富了一個扣羊腩很美味,都算是出色,羊腩鬆軟,味道不是很濃合我口味,好像有點點羊蘇味,但覺得這樣更好西蘭花炒響螺片兩個都很脆,爽,味道也是清淡的夥計推介了一個宮廷醬烤骨我就不喜歡但老婆同仔仔喜歡打字打得辛苦還有3個菜就不打了這餐還可以吧,過得去.

成班同學一行10 人, 近學校附近, 想大家都傾到偈, 當然就係食中菜啦, 咁圓枱好坐啲, 傾偈易啲, 女仔多, 所以想食得家常便飯啲 叫咗8 個餸:1) 密汁叉燒賣相好正但味道一般沒什麼特色, 講真太興仲好食啲!2) 黃金脆皮雞外脆裡嫩的 的確唔錯噃3) 宮廷醬烤骨連饅頭上, 都唔錯, 只係啲醬汁好似勁咗啲, 肉味被蓋過, 但都比75分啦.4) 姜葱蠔鍋幾正架, 好肥美, 推介要食! (不過得 4-5隻, 人多未必夠分)5) 涼瓜蝦餅估唔到又幾好食, (驚喜) 煎得好香!!!! 必食!!!!!6) xx 柚子皮 (唔記得名)都唔錯! 不妨一試7) 炒飯 - 都係嗰啲啦, ok 既.8) 炒麵 - 都係嗰啲啦, ok 既.* 原本諗住叫下甜品, 但睇落賣相, 價錢叫做貴, 都係放棄

29-5-2010早前有幸收到「5 頭鮑」試食晚宴的邀請, 卻因公事纏身無幸出席 , 是日一行 9 人為朋友 K 提早慶祝生日, 誤打誤撞竟然嚟了呢度 , 不過大家都無乜意欲食得太「豪」,「5 頭」新鮮鮑還是無緣見識了. 四喜併盤: 有叉燒, 雲耳, 涼拌青瓜及海蜇, 每樣少少啱晒我哋呢班懶人 幾款只得爽身又帶麻油香的海蜇好食; 涼拌青瓜算香辣, 但咬落實實的 (唔係「拍」的吧?); 雲耳唔夠爽脆又唔太夠「涼」; 而叉燒就又瘦又嚡又太乾身, 認真麻麻.西芹炒雙蚌: 炒得熱辣辣, 調味得宜, 西芹清脆無渣, 珊瑚蚌及桂花蚌亦夠爽脆, 唯一唔好就係較多油. 質素較「大路」的一味, 不過都叫穩打穩紮的, 算啦.賽螃蟹: 而家 d 人怕死, 唔供應生蛋黃其實都唔係新鮮事, 不過蛋白炒到一舊舊又一團團粉, 淋上酸而不香的鎮江醋, 再拌勻黐埋一堆的薑絲, 好唔好食你話喇. 雙蔥爆牛柳絲: 炒得幾油, 牛柳絲切得好幼, 咬落軟熟度一般, 唔多食到肉味, 醬汁亦調得有點太鹹; d 蔥就爽甜無渣, 不過似韭黃多 d? 洋蔥就無食了.黃金脆皮雞: 炸得有點油膩, 白肉幾實又幾嚡, 黑肉