Video
Read full review
2010-03-29
82 views
「你認為食鮑魚配甚麼飲品，最能帶出鮑魚的鮮味？」依晚，就由經理安哥為我哋解開迷底！亦因為哩條問題，Openrice讓一班食家走埋一齊，親嚐依餐星級鮑翅晚宴，再次多謝Openrice選中小弟成為試食一份子，更要多謝名苑贊助哩餐咁豐富、咁豪華、咁多驚喜、咁多話題性嘅大餐！咁豐富：睇番張菜單就知，8道菜，1個泡飯，4款甜品，好多嘢食，仲要道道菜份量十足，唔怕你唔夠食！咁豪華：有雞煲翅、有羊鞍、有鮑魚、有花竹蝦、有老虎斑，連泡飯都加咗龍蝦肉，甜品出動埋北海道3.6牛乳、燕窩添！咁多驚喜：雞煲翅嘅份量、鮑魚嘅級數、蒸魚嘅做法、壽桃包嘅「雪崩」，都帶哩一連串驚喜！咁多話題性：席上個個都為食之人，對菜式嘅食材或做法都多D好奇，而且，一圍中菜竟有4道甜品，仲要唔係普通美點雙輝貨色，話題就咁走出哩！清宮明火雞煲翅 – 中國人興食飯前飲湯先，所以先上場嘅係哩個雞煲翅，絕對唔係吹水，招牌菜即係招牌菜，依次唔係雞有雞味，係湯有雞味，濃郁都不得了，加上大梳大梳排翅，配合埋個雞湯哩食，真係好正。細問之下，原來一煲雞煲翅有成24兩翅，即係每人足有2兩，唔怪得咁大梳，仲要滿晒成碗咁滯。XO醬碧綠炒雙蚌 – 依個餸應該
咁豐富：睇番張菜單就知，8道菜，1個泡飯，4款甜品，好多嘢食，仲要道道菜份量十足，唔怕你唔夠食！
咁豪華：有雞煲翅、有羊鞍、有鮑魚、有花竹蝦、有老虎斑，連泡飯都加咗龍蝦肉，甜品出動埋北海道3.6牛乳、燕窩添！
咁多驚喜：雞煲翅嘅份量、鮑魚嘅級數、蒸魚嘅做法、壽桃包嘅「雪崩」，都帶哩一連串驚喜！
咁多話題性：席上個個都為食之人，對菜式嘅食材或做法都多D好奇，而且，一圍中菜竟有4道甜品，仲要唔係普通美點雙輝貨色，話題就咁走出哩！
清宮明火雞煲翅 – 中國人興食飯前飲湯先，所以先上場嘅係哩個雞煲翅，絕對唔係吹水，招牌菜即係招牌菜，依次唔係雞有雞味，係湯有雞味，濃郁都不得了，加上大梳大梳排翅，配合埋個雞湯哩食，真係好正。細問之下，原來一煲雞煲翅有成24兩翅，即係每人足有2兩，唔怪得咁大梳，仲要滿晒成碗咁滯。
XO醬碧綠炒雙蚌 – 依個餸應該係全晚相對最普通、最無驚喜嘅菜式，因為好多時酒席都食到，但點知一樣有話題性，經理安哥講一講，先知配料當中用咗一仲雲耳叫貓耳朵，一樣烏卒卒，但就細細粒，好鬼爽口。
北方菓木烤紐西蘭羊鞍 – 因為用咗菓木哩燒，減低咗朕羊羶味，確實羶味唔重，不過就令一眾鍾意食羊食羶味重嘅食家有少少失望，幸好，羊鞍燒得至仍然肉嫩，吮埋條骨幾咁滋味！
古法扣三頭鮑魚伴玉掌 – 輪到今晚重點菜式之二出場，原先菜單寫住鮑魚係五頭，點知臨時大廚俾D驚喜大家，自動升為三頭，再大隻D，明益我哋，所以，一拎出哩個個係咁影。跟住，大廚仲即席以砂鍋古法扣鮑魚，我哋又再係咁影。伴埋鴨掌，淋上濃香嘅鮑汁，已好有排場！用刀切開，有少少啜刀，顯出鮑魚煮得煙韌啱啱好，食落好有咬口！
頭抽生煎海花竹蝦 – 煮法好簡單，顧名思義，就係無乜其他調味料，就咁用頭抽生煎海花竹蝦，所以，細味之下唔係齋得個鹹味，嗒得出豆味！隻蝦好大，真係見識少，成日以為只有虎蝦大大隻，原來花竹蝦一樣咁勁，蝦肉個人就略嫌未夠彈牙。
福祿臨門沙巴老虎斑 – 依條2.5斤重嘅新鮮沙巴老虎斑，本應同平時食蒸魚無咩分別，同樣蒸得肉嫩，唔過火，咁就已收貨。驚喜在於表達手法，大廚將魚兩面都起肉，再切成一件件差不多大細嘅長方，平放返晌碟上，擺番好個魚頭魚尾先拎去蒸，出哩個賣相又唔錯喎，最重要係咁就蒸得更平均，無話邊忽熟過籠，邊忽又熟唔透，仲要係食時夾得方便，又唔會被人撩到散晒。
脆皮黃金雞 – 果然黃金脆皮，好脆口，雞肉一D都唔嚡，雖然無話好突出，但依然係水準之作！
金柱鮮竹泡翡翠 - 金柱：炸香嘅乾瑤柱；鮮竹：唔使講啦，鮮腐竹；泡翡翠：用咗皇帝菜。賣點係用咗雞煲翅個湯底哩整，所以，皇帝菜都好味咗。經理話平時堂食散吹要百幾蚊一客，其實三款料都算普通嘢，煮好後睇樣睇唔出，食落就會知唔同，點解收咁貴，明白晒！
龍蝦崧西施泡飯 – 平時酒席臨尾，唔係干燒伊麵就揚州炒飯，今勻哩個泡飯幾有特色。特色1，就係個泡飯唔單只有龍蝦肉，仲用蝦殼淆個湯底；特色2，就係個西施泡飯，係窩巴加泡飯，將炸好嘅窩巴粒粒，即場倒落個泡飯度，成個泡飯變得好似火山爆發咁「咋」一聲，過程快到無譜，大家都捕捉唔到個一刻。試試個飯先，真係唔錯，不過，窩巴加泡飯又無預期咁大驚喜，我諗賣點係咋一聲「特技」個部分。
北海道3.6牛乳香芒布甸 – 睇個名，仲估個布甸係黃色，原來係白色，即係牛乳布甸！咁D香芒呢？切粒做餡！布甸夠「實凈」，但又唔係「死實」個種，相反又唔會好似奶凍咁「軟賴賴」；奶味好濃重，果然係3.6牛乳！要彈嘅係芒果粒太多，因為D芒果粒幾香吓，搶咗少少牛乳味，所以覺得少D可能仲好。
宮廷桂花糕 - 桂花清香，隔住隔住一層椰汁糕，令個味道層次高咗，唔係得桂花味咁單調，又有椰子味。
椰汁燕窩壽桃包 – 招牌甜品，散賣$18個，椰汁燕窩餡一樣做到流沙效果，或者應該叫雪崩效果，一搣開個壽包，「吧吧聲」卸晒出哩。個包同樣好正，包身非常軟熟，加埋個餡一齊咬，唔會好似平常食到嘅蓮蓉餡咁甜到漏，又有椰汁香，好食！
生磨蛋白杏仁茶 – 又係甜品另一招牌，自家制生磨杏仁，絕對無溝杏仁粉之類，所以除咗有非常香嘅杏仁味之外，感覺佢無咁俗，即係杏仁味無咁假。難得佢哋賣$13碗！
總結成餐飯，用料講究，做法精細，又恰當配搭，同埋菜式賣相都做得唔馬虎！服務方面唔講，因為係試食活動，又有經理同枱，招呼一定好好！大大話話食咗3個鐘，逐個菜慢慢上，我哋又慢慢細嚐，又影相，又有問，又有答，仲有即場煮鮑魚，「知」與「食」都係豐富嘅一餐！
Post
