小曼谷泰國菜館

Open Now

Now Closed

小曼谷在屯門區很出名，雖然他有很多值得試的食物：炸蝦餅、青咖哩、炒河粉、串燒、芒果糯米飯、菠蘿炒飯、椰汁冰等等，今次反而想推介只有中午才有的海南雞飯！這裡的海南雞飯只有中午時段才有，買完即止，一份海南雞飯配湯和龍眼水（外賣是二選一），只售$39（堂食）, 絕對超值，嫩滑的雞肉配以青瓜和臘腸，雞肉夠入味，臘腸可以說是精髓，配飯一流。再加上冬瓜湯和龍眼水，豐富的午餐。因為很多人會專程中午到來，很多時中午1：00已賣完。如果大家想試下這海南雞飯，要早點到。

上星期日夜晚過黎小曼谷買外賣，已經幫趁過好多次，都係因為佢算平，同埋味道唔算太差，所以再encore。今次叫生蝦、柚子蝦沙律、咖哩雞同芒果糯米飯，落單時順口問一問收銀阿姐，黃咖哩定綠咖哩冇咁辣，因為我地唔係好食得太辣，點知佢突然變臉，話「咁樣幫唔到你做wo」(態度好寸!)我打左個突，連呢個問題都唔答?不過我費事嘈，就話之前有叫過，不過唔係好記得邊隻辣D，點知佢居然再話「你自己食過邊隻都唔記得架咩?」我真係大開眼界，不過都冇同佢嘈，但其實之前呢位收銀阿姐已經試過教訓我，個次我叫左個咖哩，但唔知原來跟白飯，就叫多左個白飯，到佢覆單我先知本身已經有，就叫佢cancel 個白飯，點知佢又即刻叫我諗清楚先好黎叫野，上次已經忍佢，今次真係覺得佢太冇禮貌，少少事已經咁樣對客人，係咪多人食就大哂?不過講返食物質素啦，生蝦一如以往係新鮮既，柚子蝦沙律得兩隻好細粒既蝦(唔抵)咖哩雞呢，D雞肉5隻手指數得哂，不過都叫做好過咖哩牛少少，佢咖哩牛係牛肉片，一D都唔夾!咖喱汁本身又好稀，而芒果糯米飯，真係睇運氣，今次芒果勁酸。都係個句啦，呢間餐廳勝在叫平民價錢，食物質素都唔好太高期望，但收銀名姐服務態度真係超差!

屯門識食梗係食小曼谷，今次早少少食晚餐就5點45分左右去到，點知排到我地已經第一輪full咗⋯拎飛等位嘅同時當然四周圍行吓先，大概9個字鬆啲就入到座。嚟到小曼谷通常都係點個幾味，生蝦、生菜包、馬拉盞炒通菜，價錢幾平算親民，味道都算中上，當然有好多捧場客或熟客，所以等位都係正常嘅～生蝦每次數量都可能唔一樣，有時6隻又時8隻，都要睇返佢個size，個汁夠泰式，咬埋上面生蒜一齊食更有辣勁。生菜包勁多豬肉碎，算係頗辣嘅，不過又夠晒過癮。今次啲生菜都用唔晒添，之前係唔夠包，或者佢地生菜份量比多咗呢！今次仲第一次嗌佢地菠蘿炒飯，見咁平就試吓，肉鬆當然係亮點，加咗落去飯都好食咗，蝦都有兩三隻，仲有魷魚同好多三色豆。我自己就對三色豆無排斥嘅，同埋呢碟嘅三色豆又無乜雪藏味同埋唔會炒得太乾所以都唔錯。馬拉盞炒通菜都係慣常水準。飲品就必飲勁多氣超爽青檸梳打！

🇭🇰 屯門 小曼谷泰國美食住9龍真係好少入新界搵食但依間真心正 佢唔係出名好多分店個間小曼谷 依間係大排檔形式🥢價錢勁親民💵晚市去親都Full 哂要排隊🤣又有勁多街坊支持要食既話記得早D啦🕢每樣野都超好味冇失望🥰🥰去過兩次都係抱住個肚返屋企🤰🏻如果唔係住得遠我一定成日去😒-🍖沙嗲串燒豬雞MIX (💰$41)沙嗲醬超正 豬🐖雞🐓都係保持水準地滑-🐖香燒豬頸肉 (💰$40)有碳燒🔥的味道 而且唔會鞋口 KEEP到油份份量超多 食唔哂第2日再食都仲好正-🍚🦐🦑菠蘿海鮮炒飯 (💰$37)味道唔錯 重點係成個飯好多料‼️🦑海鮮多得黎 連👩🏻最💛既菠蘿都有好多啊~每一啖都係甜甜的☺️-🍄🎃什菇南瓜(💰$48)南瓜味好正而且份量超大🌝最後要打包回家 兩條大食積實在頂唔順-🥥🐔椰汁青咖哩雞 (💰$43)青咖哩好正 送飯一流 佢唔辣的 反而甜甜地 好好味😋

每年都會食一次，近排係屯門返工食多咗，今次慶祝個frd 生日，最後揀咗泰國菜，生蝦食得多，今次想食啲特別嘢，食咗個炒粉絲，都幾煙韌有口感，仲有個炒通菜都幾香口，辣椒都幾多。今日都唔算多人排隊，仲好快可以入到去。

午飯時間去佐屯門小曼谷食晏。以前次次都係黎依到食夜晚，今次係第一次係到食晏晝飯。店外幾台人等緊外賣，但堂食就唔洗等位，黎到就入得。落單到有野食10分鐘內，快食啱晒！店員為泰國人、落單都係寫泰文$30幾-$40幾蚊一碗麵，仲要雙併湯底淡味d、無乜特別配料無乜味，只有蒜同埋蔥為主，但勝在真係性價比高。大大碗、餸都夠多、食得好飽真係勁抵食春卷夠熱夠脆，好香口、配埋個汁好好食個份量我都覺得合理。一個人食一碗粉再加個小食、滿足！

因為疫情既關係 一路都係外賣自取 啲份量幾大 價錢好扺今次有番堂食 一於試下坐低 好有去左泰國既感覺 啲員工差唔多全部都係泰國人 好親切照舊叫左個生菜包 雞同豬串燒 蝦餅 同柚子沙律質素維持不變 好食😍 生菜包完全係泰國既煮法 辣度都夠 食開好辣個啲 可以問佢拎辣粉加辣柚子沙律 柚子分量好足 個汁有啲椰絲味 有埋幾隻蝦 份量又夠 真係幾好食！😍串燒雞同豬都好好食 雞會相對比較好食 點埋佢個串燒汁真係好好食真係大件夾扺食 但啲份量好似外賣會多啲 生菜明顯少左 蝦餅$45就唔算好扺 總括黎講 平價又有泰國風味，會繼續幫襯！

屯門📍真·地道泰國菜依間由泰國人主理嘅泰菜係我由細食到大嘅小菜館🦦以前同屋企人夜晚嚟食 次次都要等成個幾鐘先有位！今次大概12點左右嚟到 都已經差唔多成個場滿咗啦😆平時夜晚多數都係叫小菜今次晏就就剩係叫咗個飯同小食咖哩豬頸肉飯（$35）咖哩意外地係甜甜地 唔辣但咖哩味都幾濃 撈飯一流比咗好多豬頸肉！35蚊嚟講 絕對係物超所值 唔洗40蚊就有得埋單 另外總有得簡豬扒/雞翼 雙拼都只不過係$38！炸蝦餅（$45）個shape好似dong冬甩咁🍩炸得唔錯 唔會話太油/太乾點埋泰式辣椒醬好過癮🤤🤤最特別嘅係 佢哋唔係比水你 而係凍嘅龍眼水！！！依樣野 我真係好意外🤣雖然冇龍眼 但我都好鐘意飲😍小曼谷泰國美食 (屯門)地址：屯門青善街康景花園

今日到屯門朋友家過夜，本來打算在家吃火鍋。但下午的活動太累了，外出食晚飯算吧！朋友提議小曼谷泰菜，我問他是否九龍城很出名的那一家，他說不是。那麼就試一下吧。我們點了泰式豬頸肉，泰式生蝦，生菜包，蒜蓉包，青咖哩雞肉。牛豬串燒，柚子沙律。首先要讚的是，上菜速度非常快。基本上下單不過五分鐘就有食物。豬頸肉醬汁出色柚子沙律酸酸甜甜十分開胃生菜包就比較咸了一點青咖喱味道出色。基本上整體食物有90分。大家可以嘗試下

嚟過好多次，之前嗰排有試過水準差咗啲，但係因爲幾好抵食嘅關係，決定俾多次機會佢，今次水準返返嚟😉海南雞飯$39由於媽媽好鍾意食佢嘅海南雞飯，差唔多每一次去都會叫。今次認真試吓都真係唔錯嘅。雞肉好嫩滑，唔太肥，份量都算足夠，油飯有淡淡嘅椰香味，臘腸雖然肥咗少少，但係都幾香。雞飯奉送冬瓜湯一碗，熱辣辣好清香嘅芫茜味，飲落有雞湯嘅味道。成個雞飯加例湯嘅配搭都好好😋 加埋個酸酸辣辣嘅自家製雞醬，又真係嘅好味嘅！乾炒海鮮河$43之前成日都叫濕炒海鮮河，但係後來試過好幾次佢打個芡汁落得太多，成碟粉濕滴滴芡多過粉咁，對佢印象唔太好。今次決定試吓乾炒，有驚喜喎，炒得好夠鍋氣，雖然四十幾蚊碟唔好期望海鮮好多(都係雪藏海鮮)，但係都叫做有3隻蝦、3-4舊魷魚、3-4隻青口，算係咁啦。唯一係啲菜心有少少老，應該都係啲菜頭菜尾，但係咁嘅價錢都算唔錯。之前都會叫芒果糯米飯，黑/白糯米都係$16，唔算大份，1-2個人share啱啱好，糯米好香椰汁味，熱糯米飯加埋凍嘅芒果好正。但係近排戒甜食所以冇叫，但係都推介大家😉哩間環境唔算非常好，有啲似大牌檔風格，如果食環境嘅就唔太推介，但係勝在平靚正！味道：5/5環境：2/

🥘冬蔭公(𝚂𝚖𝚊𝚕𝚕 𝚜𝚒𝚣𝚎) - $𝟹𝟼好正宗既泰國味道配上鮮蝦同草菇淡淡既香茅味同酸檸檬味真係會令人上癮🤤呢個價錢超平 呢個𝚜𝚒𝚣𝚎出面至少要𝟽𝟶蚊𝟸個人啱啱好😏🐷香燒豬頸肉 - $𝟺𝟷份量都幾多 豬頸肉邊燒到脆脆地配埋泰式辣醬好惹味😋🍤咖喱炒大蝦 - $𝟽𝟾咖喱勁多！係濃味適中既黃咖喱大蝦有𝟺隻～蝦身好脆卜卜😋建議可以叫埋蒜蓉包/香煎薄餅蘸咖喱食🍋青檸梳打 - $𝟸𝟶正宗泰國梳打水 啲汽勁充足！仲可以自行調配甜度及梳打水份量👍🏻玻璃樽好𝙲𝚞𝚝𝚎 💓可以自留🥭芒果黑糯米飯 - $𝟷𝟽細細碗 可以當甜品食芒果出乎意料地好甜！(多數好酸)配埋煙煙韌韌既黑糯米📋全間餐廳都好有泰式風味，因為全部侍應都係泰國姐姐👩🏽‍🦱而且好抵食！𝙲𝙿值頗高～小資必選

突然想食泰國菜...自己就施施然咁下午3點去左小曼谷嘆。估唔到平日嘅下午茶時段係咁靜，夾埋我得2枱客。我叫左個泰式金邊粉同龍眼冰止下想去泰國嘅癮。味道一如以往咁好食。我想講：佢杯送嘅唔係茶，係龍眼水。係店員話我知嘅....所以我當日飲左2大杯龍眼水，滿足

尋日去開置樂搵嘢食，突然間醒起以前勁鐘意去既小曼谷，因為食物水準超哂班點知尋日買完外賣返屋企，簡直O哂咀，我叫左一碗細既冬蔭功，炸蝦餅，菠蘿炒飯同埋馬拉盞炒西蘭花，埋單$168，我心諗"點解咁平既?"原來佢一個餸既份量，仲少過酒樓份量既一半，但係價錢只係平過酒樓少少，簡直係超搵笨，食物質素差過以前太多，簡直唔可以叫做好食1. 冬蔭功一啲都唔辣，仲成碗椰子味，成碗湯入面勁多菇，$37一碗都接受唔到既質素，我俾錢嗰陣問個收銀，3個大人係咪應該買大碗，佢仲同我講細碗就夠喇，咁細碗，一個人飲就差唔多2. 炸蝦餅算係有番少少正常水準既餸，不過都唔可以叫做好食3. 馬拉盞炒西蘭花仲離譜，佢收我酒樓價，但係西蘭花連半個飯盒都無，大部份都係"碎濕濕"，起離譜4. 菠蘿炒飯都係騙案嚟架，離哂譜，收我$68-$70，竟然俾半盒飯我，一個人都唔夠食啦。嗰盒飯，除左係黃色之外，無一樣嘢係附合到菠蘿炒飯既要求總結，一定唔會有下次

當在屯門想不到吃什麼時，很快便會想起小曼谷，因為沒有一間泰國菜性價比高過這間。價錢抵👍🏻份量足👍🏻味道好👍🏻不過通常在假日及晚飯時間都很多人等位，大家要有心理準備！.//「沙嗲串燒」（雞/豬）$42🍽：串燒共有6串，燒得很香口，沙嗲醬內花生味很重，個人覺得不用醬汁也好味。//「泰式酸辣鳳爪」$41🍽：味道都有點辣，但很開胃，作為前菜是不錯選擇。//「珍多冰」$20//「香燒蒜容包」$16 🍽：一共有5件，開初我以為像其他泰國餐廳一樣是一磚磚，所以有點失望，因這個偏向脆口。//「芒果冰」$20🍽：每次來這間都會叫的，很好味，喝得出是用新鮮芒果製成。🤗其實另外還叫了肉碎生菜包$58及泰式炒金邊粉$39，因太肚餓關係沒有拍照。😆但都很推薦大家吃！😉

餐廳：小曼谷泰國美食 (屯門)地區：屯門地址：屯門青善街康景花園日期：27/8/2020 時間：12:00人數：2人 等位： 0mins 價錢： $128 屯門最出名嘅泰國餐廳就係小曼谷，真係野又好食，價錢又平！我哋叫左香茅炸豬扒（$28）、泰式燒豬頸肉（$41）、辣椒香草肉碎炒飯（$39）、芒果冰（$20），每款都好食到不得了，非常出色！同係泰國食差唔多，總共食咗$128，香港用到呢個價錢食到咁多款泰式美食真係平靚正！大推👍🏻👍🏻👍🏻