Mini Friday (The Wave)

Open Now

Now Closed

同事收工前突然話不如今晚去食飯，諗起這家好想再去食。6個人可以食多啲唔同嘅嘢。要飲啤酒又可以滿足了同事，女就可以叫一渣moctail ，叫幾個小食，叫4個main course，已經餵飽。 一份威靈頓牛可以等於兩個main course。 叫埋甜品滿足曬所有人

一般人會以為觀塘係一個舊城+工貿區，冇乜好嘢食。其實近年觀塘重建咗好多的新商廈，今日就嚟到觀塘興業街The Wave（Mini Friday）食番餐中高檔西餐。觀塘商舖租金尺租一般較平，地方會更為寛躺。空間感十足，座位間隔寬敞。墨西哥脆片香脆可口，餐湯為蕃茄濃湯，味道清甜，茄味濃郁。沙律有鮮綠色的蔬菜，有粟米粒、生菜、青瓜仔、車厘茄等，仲有潮流爆爆珠。色彩七彩繽紛，蔬菜顏色翠綠，是一道非常開胃的前菜，令人食慾大增。香草燒牛仔骨配蜜糖汁$258，份量相當大，牛香味濃郁，再配上蜜糖燒汁，咀嚼的時候口腔有充實的感覺，實在係太滿足了。鮮蝦蕃茄海鮮意粉$168，意粉煮到煙韌，再掛上番茄醬汁及配料等一齊煮，美味十足。是日甜品：檸檬慕斯(跟餐加一蚊)，精緻的骰，不會死甜。環遊世界Jar$98，跟餐叫可減＄28，基底base 為vodka ，加入薄荷汁丶青檸汁等，豐富層次，更full bodied。

📍觀塘Mini Friday📍都幾驚喜一坐底就會上左個脆片小食，可以慢慢一邊揀一邊食❤️🐥香草燒法國春雞賣相真係幾靚，但雞肉肉質麻麻，雞肉並唔滑，同外表有出入，真係有小小失望🐥亂子忌廉帶子手捲粉 本來都未有心水食乜好，一睇到手捲粉就諗住唔知咩黎就點左呢個手捲粉諗住試一試。一上枱就望到3粒大大粒既帶子，個醬汁非常creamy，而且忌廉味非常濃郁😍整體上非常有驚喜，cp做非常高🐥三色藜麥華都夫沙律估唔到呢度嘅，沙律係咁大碟，沙律菜新鮮，配上少少蛋黃醬，簡單又清清地🐥鹹蛋黃醬雞翼鹹蛋炸雞翼，食落係幾香口，但係鹹蛋可以再多啲，會更加惹味🐥草莓牛奶沙冰/熱情果香蕉沙冰 兩杯都冇過甜，沙冰口感細緻，好消暑同開胃，仲會食到粒粒士多多啤梨同香蕉最後提一提，經OpenRice訂座主餐牌有八八折架😍記得唔好蝕底呀💛

Me and my high school friends were trying to find a nice place to eat and talk. We found this place in near apm. The environment was lovely although the air conditioning could have been turned up a bit more in my opinion. The service was great and the portion of the food was just right. There were plenty choices of food to choose from. We ordered a beef wellington. It was alright but not as good as we had expected. Would recommend this place!

話說，我係羊架控同鵝肝控，呢度既香烤羊架係我每次黎都係必食嫁🤤而且仲有鴨肝，中緊係要點埋啦🙈雖然係鴨肝，但竟然同我講一樣一正，入口即溶既呢❤️呢度食物質素不但高，又唔會細細份，性價比非常高呢😌絕對值得一食再食😋Dinner set🔸香烤澳洲羊架(薄荷燒汁)羊架夠淋身，非常之入味🔹香草牛油焗田螺酥盒田螺焗得幾好，但略嫌酥盒唔脆DIY Pasta🔸意大利飯+鴨肝揀左黑松露忌廉汁，配菠菜同煙肉，仲另外加左個鴨肝，要大讚個鴨肝👍🏻

觀塘the wave 成為我同朋友新蒲點，因為之前佢同公司食話登堂，話質素唔錯，想試埋其他餐廳，今次就黎到另一間西餐廳mini Friday, 其實分店唔止呢間, 另外兩間分店都喺市區，好方便。咁chill嘅地方最岩同朋友啤下，餐廳會比一籃墨西哥脆片食住先，配啤酒同等主食岩晒！牛魔王柯打左碳燒美國頂級牛肉眼扒，配黑松露汁，五成熟，外面煎到微焦，切落仲保留住粉紅肉汁，配薯菜薯蓉無咁熱氣。我就柯打左個香烤美式BBQ豬肋骨，200蚊左右有4條骨，份量非常足夠，醃料好入味，伴碟嘅蘆筍同蘿蔔中和左濃厚嘅ribs味！Set dinner 除左餐湯，沙律同餐茶，加一蚊仲可以有埋甜點架，超抵食。

生日聚餐。餐廳好有feel，我地坐嘅位置附近有把白色太陽遮，成把遮圍住白色燈串，昏暗嘅燈光，加埋音樂，令你可以享受西式優雅，可惜嘅係，環境唔算好乾淨，餐牌又舊，破壞咗餐廳嘅氛圍。我地點咗皇牌威靈頓牛柳 $358卡邦尼扁意粉 $108黑松露啡菇水牛芝士薄餅 $148先講威靈頓牛柳。賣相幾靚，一切開，一陣菇味撲鼻而來，牛柳肉質細嫩，酥皮脆而香口，但係酥皮同牛柳融合唔倒，切嘅時候容易分離。卡邦尼扁意粉。濃郁嘅芝士味，意粉嘅份量多，好彈牙，溫泉蛋同醬汁好夾，啲醬汁包住每一條意粉，令你啖啖滿足。黑松露啡菇水牛芝士薄餅。呢個pizza 一樣好重菇味，配搭埋濃濃嘅水牛芝士，味道幾好，而pizza 薄得來又唔會硬，反而好脆。整體來講食物質素好，環境可圈可點，價錢偏貴，係食大餐嘅選擇。

之前聽朋友講話呢間好值得試，特別係一大班人一齊食飯，因為佢樣樣嘢食都好高質素，而且最啱係分享食物，結果我哋一行五人，首先叫咗個沙律做頭盤，非常新鮮，蔬菜非常爽脆。之後我哋叫咗一個黑松露薯條同水牛城雞翼，水牛城雞翼正到不得了，絕對絕對值得推介，一定要試，味道適中，香脆可口，自問自己唔係水牛城粉絲，但好鍾意食。薯條揸得非常之香脆，恰到好處。最後我哋亦都叫咗一個Pizza同另一個主食，Pizza皮薄餡靚，芝士比例適中，下次一定會嘗試其他款式。

之前去過旺角分店，觀塘分店都係第一次。同朋友兩個大概8:30到，一望裏面差唔多坐滿，職員好快墊好一張枱比我哋。一定要準時十點離座，一坐低我哋快點咗兩份晚餐。兩間分店感覺裝修氣氛唔同，旺角餐廳嘅燈調得比較光，座位方面，旺角分店亦較闊落，不過我去旺角餐廳係幾年前嘅事，而家係點就唔知喇。餐前小食薄脆。是日餐湯係羅宋湯。田園沙律嘅菜都好新鮮，仲有啲爆珠。dinner set : 香烤澳洲羊架配薄荷燒汁，羊肉幾嫩，唔太肥，不過我哋order 7成，其中塊切開應該有9成。碳燒北海道和豚肉眼配燒汁，幾大塊，肉質都唔錯。每人加$1換嘅是日甜品，好濃嘅朱古力蛋糕。我哋order兩杯1664，不過職員斟咗每款一杯過嚟，跟住同我哋講無晒1664，另一杯轉咗Asahi，其實無所謂，不過應該問咗客人先感覺會好啲。

天氣驟變突然落大雨，記得之前曾到Mini Friday午餐,印象不錯,再次光顧竟然有想不到嘅驚喜。點了主菜牛扒和羊架，再到自助食品區食下小吃粟米湯配墨西哥脆片，加上千島醬就開胃無比，更有三文魚西蘭花同埋自助配搭沙律。主菜羊架則肉質鬆軟，完全冇羊羶味，配搭creamy嘅薯蓉和四季豆，啱晒我口味。另外牛扒肉質鮮嫩，富牛肉味，肉汁豐富，真係好好味。眼見廚房真係好勤快出菜，好快就有熱辣辣炸蝦炸魚柳，燒賣，滑滑腸粉。忍唔住口再食埋碗糖水，內有雪耳，紅棗同埋杞子，好滋潤。竟然仲見到西班牙火腿配哈蜜瓜，超正嘅配合，又添食一碟，真係超值的半自助餐。略嫌不足係凍飲仍然係超細杯，好似唔係太夠喉，希望下次幫襯嘅時候有所改善。

雖然叫既其中一樣主食唔太滿意🤣不過果晚係呢度食晚飯真係好開心❤️呢度環境幾好有氣氛，而且個晚一邊食飯一邊仲有live music聽😍🎵好鍾意聽好正😆！-✨威靈頓牛柳個酥皮焗得好金黃好靚，啱曬打卡🤩而且表皮都夠酥脆🤪切開入面都有啲黑松露同菇，好香而且食落冇咁單調😙牛柳叫左medium，雖然望落都幾生不過都ok只有少量血水，肉質亦好嫩夠淋，容易咀嚼☺️不過都有缺點🙈就係因為入面都幾多菇真係好容易切散🤣另外就係邊邊位既酥皮真係有啲厚😂但整體黎講都好味呀😋呢個價錢黎講絕對抵食👍🏻-✨香烤美式BBQ豬肋骨呢個真係幾失望，豬肋骨啲肉真係又少又嚡🥺食食下又覺得啲醬太濃味好膩，最後食到一半就冇食了。建議大家去都係試威靈頓牛柳或者其他啦😳😳～

建議： 扶手電梯去唔到餐廳個層，記得要轉電梯上3樓。另外，生日訂座會送雪山梳乎里🧁成日聽威靈頓牛，但都一直都未試過。今次去左觀塘The Wave 樓上既Mini Friday，聽講佢地既威靈頓牛唔錯，而且西餐既選擇都多😋今次試左：▫️皇牌威靈頓牛柳 (HK$298)終於第一次食到威靈頓牛🐄 依款菜式既製作功序繁複，又考技巧，所以都有啲期待。落單時，店員無特別問牛想要幾成熟，都有啲擔心會過熟🤣 最後上枱時，一切開🐮 好彩都仲有少少少紅，唔係Well done😅 最正係外層既酥皮一切開夠脆👍 牛柳份量唔算大，肉質食落唔會太嚡，而且都幾多汁。下次再物色下其他餐廳既威靈頓牛 #求推介❤️▪️芝士溫泉蛋焗牛脷薯粒 (HK$108)估唔到焗牛脷薯粒有驚喜。牛脷煮得岩岩好，唔會過淋同有奇怪腥味。加埋薯粒一齊焗，夠熱之如，撈埋溫泉蛋汁，好好味👍▫️Dinner Set (HK$208)包沙律/湯/餐飲，主食有9️⃣款。揀左香烤美式BBQ豬肋骨 🐽 豬肋骨份量唔算好大份😆 切完大概有5條，不過偏瘦，肉都唔係好多🙈 整體味道唔錯，啲汁唔會過咸。▪️DIY Pasta Set (HK$168)包沙律/湯/餐飲，由醬汁、麵

今日訂左枱同一班同事去慶祝生日，無諗到每個lunch set 係包埋沙律吧，價錢仲要係好合理，食物質素好好，有驚喜！ 沙律吧都好有heart! 食到差唔多時我問個女服務員拎個甜品menu ，真係好耐無遇到d 咁細心既服務，第一句就問我係咪要寫字（可以係碟上面寫祝賀字句），佢怕壽星見到，秘密地俾我知有咩甜品選擇，仲建議我揀邊款甜品唔洗等咁耐 ... 真係好好呀！ 甜品到時仲帶住笑容（戴住口罩都感受到）同壽星講生日快樂，呢d服務態度真係令人好欣賞～～～其實全程我無提及有人生日，但佢一聽到我講要甜品就已經知道係慶生 ... 加上性價比好高，一定會再幫襯！ 聽聞呢位咁有heart 既女服務員通常返夜間，我地一定會再黎幫襯 👍🏻👍🏻👍🏻

一個周六的午餐，餐廳就坐不到一半；一眼望去昏昏暗暗，氣氛冷清；餐牌是自助沙律吧（$98，基本消費），已包一杯飲品；或加配主食，最平是$118。自助沙律吧有炸物，凍鑼絲意粉，菜蔬，湯及小方塊甜品；甜品得兩款，好像是糕？太暗看不清楚，賣相不吸引，都懶得試；其他就不過不失，可以說吃得飽。主菜叫了煙肉意粉，味道不錯，是在餐廳環境以及沙律吧無慾無求下的驚喜。飲品點了凍檸茶，茶膽太淡，放棄。總括來說，附近有更好選擇。

/ 小妹慶祝生日飯🎂🍴，屋企人揀左觀塘一間西餐廳，叫做「Mini Friday」，望落去感覺都幾高質⋯我地一行四人👨‍👩‍👧‍👦，叫左四個dinner set食！分別有兩個A. 磯燒鮑魚拼美國雞扒配燒汁、一個B. 香烤美式BBQ豬肋骨同埋一個G. 碳燒北海道和豚肉眼配燒汁🤤📍(當你入座時就會有一兜烤脆片) 屬於前菜⋯ 💬仲有個類似千島醬俾我地點黎食，都幾好食！📍是日餐湯💬我地估係紅菜頭+粟米蓉既湯，感覺好健康，都唔錯，幾好飲👍🏻📍(前菜) 田園沙律🥗💬個沙律醬搭配得唔錯，上面仲有d爆珠，都幾特別、幾清新既感覺⋯📍餐飲 (涷檸茶)💬佢杯餐飲就真係細杯左d，好的骰，飲幾啖就無哂🙈，呢個真係我地唯一要挑剔既地方⋯終於都等到主菜啦🥰！📍A. 磯燒鮑魚拼美國雞扒配燒汁 ($188)💬鮑魚唔錯，幾「煙un」，好滑，唔會好硬！雞扒都好滑，肉質幾好，唔錯👍🏻📍B. 香烤美式BBQ豬肋骨 ($208)💬我地本身以為個豬肋骨係會切開一塊塊，點知係成塊上🙈，男朋友話除左食得有d狼狽之外，但味道都唔錯既🤣！📍G. 碳燒北海道和豚肉眼配燒汁 ($268)💬好厚肉而且好肥美，肉質唔錯，一樣係好滑，好好食😋，食完好