小巴黎越南餐廳 (Moved) New Location

I loved this vietnamese restaurant since I was very young and my favourite dish is the porkchop grilled with lemon grass. Today I went in for a quick lunch before going t work. The dish was so tasty! The pork was soft to chew and the spring onion sauce was delicious. I heard a lot of people asking more more spring onion when they order this dish!

呢日叫左個生牛河，湯底仍舊惹味，牛肉片無欺場，河粉爽滑，軟硬適中，好味！記得幾年前係$26碗，依家已經加到$36一碗，不過比起好多地方都算平！一碗生牛河好似好易整得好食，偏偏出面好多地方咁簡單都做唔到。連鎖越南餐廳愈開愈多，百幾蚊一碗都食過，但越南河始終都係小巴黎好食！

由於店舖搬了位置所以地點沒以前的店子方便~雖然我們一去到不用排隊等位但也要和別人搭檯~由於選擇廷多所以揀了很久才點餐xd看來價錢和以前差不多..誰知道...份量比以前少了...

今日同的家人去食呢間好耐冇食既小巴黎!!但我真係以後都唔會再食,事關佢地D職員個態度真係好到食完背脊骨落!!話說我同媽媽食完下午茶,諗住陪家姐再去食飯.入到去坐低唔夠5分鐘,職員不停問我地食咩.然後又叫我坐過一個位,最後我同佢講仲有一個人黎佢先無煩我.我家姐黎到,落單叫一個豬扒飯.佢就黑面話' 無啦? 三個人食一個飯啊?'咁我同媽媽已經食飽左就當然唔會再叫啦.點知佢同我地講叫我地叫多個下午茶,話有最低消費喎.咁我地就睇下佢最低消費到底係幾多啦.$13/位. 我地叫一個豬扒飯都$36,再加$5凍飲.已經過左我地應該要比既最低消費啦?之後佢過返黎問我地加咩,我地同返佢講.佢就發脾氣掉低張單走左去,再過黎收走我同媽媽隻碗同筷子.之後食飯個30分鐘,佢不停同收銀個啊姐係度講我地.係咁講' 我真係幾想連杯茶都唔比佢地!!! '仲有話' 我地3個人先食一個餐!' 之類好多咁既話說.我媽媽忍唔住同佢講叫佢唔好再係度講埋D咁既野/.點知佢話返我地轉頭,話我地無權理佢地員工私下既談話.我地真係好嬲,黎食餐飯食到咁慶!!!!以後佢D飯鑲金都唔鬼去食!!真係離哂鋪!!!!!

屋企人好耐無食小巴黎，就去，我先到，本來打算先拿位，點知剛好無人，唔使等位，6點結束下午茶餐，剛好仲有10幾分鐘，就先點啦，因為下午茶餐價格同正價一樣，就系多左+6蚊有飲料，省左10幾蚊，叫左個椰子咖喱海鮮飯83蚊+椰汁綠豆6蚊，食的時候覺得賣相味道都OK（成個椰汁裝飯，無椰香味），食完我就覺得下次不會再食啦，因為食到底一看，椰肉好多傷啊（不是我弄的），那就是重複使用的，當堂無曬胃口，本來覺得椰汁綠豆幾好飲的，都無再飲啦，菠蘿炒飯賣相一般，以為齋來的，點知都幾多料的椰子咖喱海鮮飯+椰汁綠豆2個牛片河+2飲料（椰汁綠豆+熱奶茶）1個小吃1個菠蘿炒飯+椰汁黑糯米total：249蚊，價錢唔貴，但系下次都要唔系好想去，去都叫普通東西，越貴越倒胃口

基本上所有屯門街坊入來，都是豬扒飯/檬的配搭，很少會點炒粉麵和其他菜式，你會發覺整間店舖全部人都在吃豬扒，廚房不停出的也是豬扒類。這次竟然點上一個自光顧以來第一次放膽叫的牙車快，自知在這裡點幾乎無人吃的菜式容易中伏，但心癮難止。牙車快: 椰菜在那?只有極多醋浸的粗條青瓜、蘿蔔，還有生菜和雞絲，幾塊不脆的蝦片放面，醋酸嗆喉，如果大肚時來吃可能更合心，今天來吃，實在酸得不能接受，最後還是要點碟腐乳通菜中和一下，可怕可怕。豬扒飯: 一貫地做得好，只限屯門店，飯粒分明量極多，兩大塊豬扒在醃製處理過程中已完全入味，質地鬆軟綿綿，加起油蔥的惹味，難怪人人來一碟，這裡的服務，別求太多，但還是過得去的。

因為我女朋友住係屯門, 係屯門番工我成日都去屯門食野 今日陪佢食Lunch, 由於我幾鐘意食越南野, 我女朋友就帶我黎黎間度食我見到間野第1個問題係小"巴黎"既越南粉?!anyway我地分別叫左烤牛肉撈檬同烤豬肉撈檬野飲就係好普通既咸檸7同凍奶茶由我地決定左食咩到有人黎落單我地等左差唔多7分鐘而當時係5am 人唔算好多okay到我地落左單, 大約5分鐘d野食就到左都算okay. 我就食烤豬肉第1啖食落個豬肉度就覺得 係沙嗲豬肉 完全無烤既感覺 而我女朋友食既牛肉 只係比豬肉硬小小但都係沙嗲味 總括黎講 不過不失但最令我最深刻印象既係d店員既態度由於食完撈檬我地個咀都食到油哂咁岩我地又唔記得帶tissue我就唸話佢地應該有tissue供應我問個呀姐有無啦 佢第1句 就用好唔好既語氣同我講:要紙巾就出去買啦 2蚊包呀!佢講黎句既時候 成間鋪d人都望過黎講真個時如果唔係我女朋友係對面 我應該同佢嘈起上黎總之最後我就話哦咁算啦 買單啦咁佢又話 買單出去!咁去左收銀個度時候 個呀姐找錢係將d錢掟落我女友隻手度...咁我就覺得 我地都係黎食個飯我地2+係俾錢受氣 um...黎間我係唔會再去都唔會r

每次做完運動，手腳酸軟無力卻又超級肚餓之際，都會心癢癢想去食小巴黎的香茅豬扒飯，即使明知道會將我的運動成果完全抵消，但那一刻我確實很需要這碟飯內所包含的一切，包括鹽分，碳水化合物，脂肪和蛋白質。許多時候一個人前來，都是獨沽一味點香茅豬扒飯，而且一定要多多多多蔥；其實另外也有些不錯的茶式如咖哩羊腩和軟殼蟹等，只是一個人胃口有限，而且我怎樣都不想錯過我的至愛──香茅豬扒飯。見到這碟飯已令人心情興奮，兩大塊肥美的豬扒，上面鋪滿新鮮翠綠色的蔥粒，我就不禁垂涎欲滴；這是我嚐過最濃味的香茅豬扒，毫不欺場是確實有香茅味道的，豬扒亦處理得十分之稔滑，蔥油更是極之香口，送飯一流。這碟飯其實份量都很龐大，但我總能以剩餘的蔥油吃到一粒飯都不剩，吃完後滿足地奉著肚子喊好飽，然後不斷催眠自己：能夠大飲大食，這就是做運動的好處啦！！！

昨晚跟老公二人到屯門找吃，屯門啊屯門，你真的沒有一家特色店嗎?老公是挑剔的，走多家店都沒合適，肚子餓得咕咕聲響，去燉奶佬還是比較保險吧！二人向著目標進發，可是餓荒了的二人還是看到小巴黎，就在眼前，不用等就能入座，一道光從腦海閃過，那是在荃灣唯一一次小巴黎的回憶，是難吃的，可以肚子很餓，而且都蠻想吃吃越式料理，最後匆匆入座。還未看餐牌，已經想要菠蘿炒飯，老公點了雞翼河粉，不一會兒就來了，可是，眼前的不是什麼菠蘿炒飯，哎哎！這不是侍應姨姨們下錯單，我眼前的是集罐頭菠蘿、札肉和雞絲於一身的楊州炒飯，吃一口，沒錯吧！跟一般茶餐廳的炒飯沒兩樣，可是質素卻不及茶餐廳的好，炒飯的賣相並不討好，東西混起來像吃餘的狗飯，亂七八糟的，唉啊...失策耶......老公的雞翼河粉，我沒有吃進口，不過雞翼只有兩隻，碗都比較細小，似是下午茶的份量，吃說份量，平時很愛吃越南河粉的老公都沒有把它完全消滅掉，回家後還不斷喝水止渴，味精湯嗎??這讓我想起了Openrice，要跟大家分享一下經驗吧~

很多年前就食小巴黎, 到現在還在做生意, 且越搬越大間, 算是很難得.小巴黎出名東西便宜及好食, 但服務難頂也是很出名的,以前我就常領教.離開香港十多年, 今次去屯門的分店, 價錢當然有變, 但還是可以接受的範圍, 而服務就比以前好多了, 算是讓我食得很開心.我最欣賞是他們的檬汁, 夠晒味道, 比老趙的檬汁更合我口味, 所以我每次必叫凍檬粉的. 另外, 除了香茅豬扒、雞翼外, 小巴黎的炒金邊粉及越式春卷都做得很好味, 加上價錢真的是很實在, 所以這麼多年都能在香港屹立不倒, 算是厲害~

有時食野唔一定要貴先好食,一些好普通的食物,亦可制造美味的美食呢個香茅雞翼豬扒飯好正,雞翼和豬扒都很有香茅味,而且炸得很適中,唔會太干身,內裡亦保持到肉汁,加配上特有的蔥油,它帶有少許咸味,撈飯食真係一流,不過油份太高,不要食得太多,睇黎我又要keep fit

今日下午同同班同學去小巴黎食, 上星期就去西貢星, 今個星期就去LEE道我點了一香茅豬排飯, $28個飯到左, 一睇, GD, 好多蔥花, 不過個豬排不是煎得太香, 不過D肉夠淋食到最後, 大家都有一個共通感覺, 就係肥左D, 食完個碟底好多油><而我地全部冇叫野飲, 所以評價唔到整體而言, 一般般

今日同呀女黎呢度食lunch,我哋order左咖哩牛腩湯檬,咖哩豬扒雞翼飯,紅荳冰,結果紅荳冰d紅荳酸既,雞翼有一陣怪味,雖然換左仔雞翼比我,但係我都形住佢有問題,所以都冇再食,我唸我唔會再黎食架la,真係一次比一次差lor,我見佢lunch time比以前靜左好多,咁既食物難怪差左咁多la

放工返到屯門己經九點幾十點....唯有去市中心食飯...只係想食d 平平地既野就稔起小巴黎..本來想上去市廣場二樓果間..但係我實在太攰..都係近近地去地下果間...點知咁就出事..烤牛肉湯河呢個河粉係我次次係樓上果間都必食...清清地又有d 牛肉..可惜..呢間真係實在太有誠意..佢好有誠意咁落好重味精~~好咸!!!炒時菜問佢你地有咩時菜, 我地得通菜..咁ok..炒通菜.....你要馬介丘炒通菜 ??唔係呀, 我要普通唔好咁咸既通菜就得喇..點知..我估師傅一日炒好多碟馬介丘...就算客人只要一般炒通菜..佢都然然係同一樣做法..一樣咁咸..飲水!! 勁飲水!!烤牛肉手卷之前係上面果間都食过手卷, d 皮厚, 入面d 餸唔係太特別好食..不过今次都依然想比多次機會佢...結果..我傻lor..唔好食既野竟然都再encore.....埋單共 HKD 104..下次無可能再食呢間..都係唔好咁懶..返上去上面果間食...

成日都會黎呢度食LUNCH,貪佢唔駛等位....冇樓上果間咁多人....<香芧豬扒撈濛> 正! 夠香芧! 豬扒夠瘦， 又唔"UN"<沙嗲牛肉飯> 沙嗲好好味~~ 甜甜地~<春卷撈濛> 春卷好味, 包生菜食一流!