Misu Seafood Cuisine

Open Now

Now Closed

星期日瞓到自然醒，同屋企人嚟灣仔食午餐。揀咗 QRE Plaza 26 樓呢間以新鮮食材入饌嘅新派西日料理店「Misu Seafood Cuisine」。餐廳佔地甚廣，空間寬敞，近門口位置則放了一個大魚缸，內裡養著生猛海鮮，配上場內一排向山嘅大玻璃窗，開揚光猛，環境好 Chill。點咗兩個 Lunch Set，套餐包野菜沙律、日式蒸蛋、麵豉湯及迷你雪米糍。野菜新鮮爽脆，配上胡麻醬和蟹籽，清新醒胃。日式蒸蛋軟嫩滑溜，內有冬菇、昆布同蟹柳，用料十足。麵豉湯用上豆腐、沙白和昆布等熬煮，入口味道好鮮甜。蔥碎拖羅鮮味拼盤 ($208)  呢個拼盤用料好豐富，有蔥碎拖羅配三文魚籽飯一碗、北海道帆立貝壽司 1 件、時令壽司 2 件、三文魚及甜蝦刺身同迷你鰻魚丼一客。拖羅蓉極滑香甜，配上一咬爆汁嘅三文魚籽，味道融和，鮮上加鮮。北海道帆立貝壽司厚肉得嚟超級爽嫩；鰻魚肥美帶少少焦香，配上甜甜地嘅鰻魚汁，好啱伴飯。至於另一客真味海鮮丼 ($238)，用料亦非常慷慨，有南非磯煮鮑魚、時令刺身魚、北海道帆立貝、劍魚腩、熟蝦、北寄貝、鰻魚、三文魚同油甘魚。鮑魚以傳統日式磯煮處理，海苔嘅甘甜完全滲晒入鮑魚當中，肉質

餐廳：Misu Seafood Cuisine地點：灣仔皇后大道東QRE Plaza菜式：日式海鮮餐牌：海鮮類，肉類，小食，湯類，沙律，刺身盛合，壽司盛合，手卷，壽司卷物，刺身，壽司，甜品，飲品，都有套餐同兒童餐鮮蟹𩶘魚湯鍋 $488 另加一服務員話今日d蟹新鮮，所以推介鮮蟹𩶘魚湯鍋比我地試試。呢個鍋包括鮮蟹，扇貝/帶子兩隻，鮮蜆，雜錦野菜同手打烏冬。可以免費加湯一次。服務員用個爐喺你面前滾，個鍋都好大個。入面有大大隻蟹，真係非常鮮美，肉又嫩又多汁，好多肉食，廚師仲細心將蟹鉗鉗開，方便食用。仲有四隻帶子，都好厚身。鮮蜆大大隻連殼，大概有10隻，果然係新鮮貨色，又大又滑， 一啲沙都無，正！呢碗鮮打𩶘魚湯係招牌，每日以新鮮𩶘魚熬製超過5小時。飲落鹹香十足魚味濃不過都好清，打邊爐食物都夠味。烏冬好滑又夠煙韌。雜錦野菜有兩隻冬菇，菇仔，金菇，同娃娃菜。總括而言，海鮮質素真係高，呢度絕對可以食到新鮮海鮮。

呢間餐廳主打海鮮料理，見到有個鮮蟹𩶘魚湯鍋做緊七周年優惠，今日天氣又轉涼，啱晒一於試試佢！鮮蟹𩶘魚湯鍋 （原價$638 優惠$488）所有配料已經放係魚湯鍋，烏冬就另上。𩶘魚湯頭好鮮甜，有魚嘅鮮味，仲有蟹嘅鮮甜味，打邊爐前就咁飲一飲先！配料有肉蟹，簡單拆開就食得，幾鮮甜。另外有兩粒帶子，大大粒幾厚肉，仲有八隻鮮蜆都好肥美，好新鮮。雜錦野菜就有娃娃菜和金菇，連埋彈牙的烏冬，索曬鮮甜嘅湯汁，食完成個暖笠笠！

灣仔有好多美食選擇，今次呢間就係其中一間，餐廳環境舒適寬敞，主打日式fusion菜，lunch set仲非常高質，🐷推薦招牌𩶘魚湯🐟適合鍾意魚湯又怕腥嘅朋友~ 💗午市行政套餐 M2 澳洲龍蝦鮑魚汁焗飯餐 $368 🥑日式海葡萄牛油果蟹肉沙律蟹肉鮮味濃郁🦀淋上黑醋汁，係一個開胃嘅前菜。 🥚茶碗蒸非常重料，有大量海帶同菇類，加上茶碗蒸帶有高湯香味，味道鮮香味美👍🏻 🐟鮮打𩶘魚湯招牌𩶘魚湯每日以新鮮𩶘魚熬製超過5小時，魚湯香氣濃郁而且口感順滑，唔會有腥味或膩感😋係真正經過時間精心熬製嘅魚湯👍🏻 🦞澳洲龍蝦鮑魚汁焗飯龍蝦新鮮熟度剛好，口感嫩滑，鮮蜆非常多肉汁，大隻而且無沙，焗飯有濃郁鮑魚汁香味，飯底濕潤無飯焦，必食😍 🍦鮮果脆脆雪糕杯雪糕係朱古力味，混入朱古力粒🍫亦有朱古力脆條，味道香濃唔會太甜。 🤍荔枝蜂蜜梳打 +$11口感清爽，同樣唔會太甜。 💗午市套餐 Set F 鮮蜆𙶘魚湯烏冬餐 $128 🥗野菜沙律大量蟹籽青瓜，加上胡麻汁，味道清新。 🥚日式蒸蛋同上茶碗蒸。 🥣麵豉湯同樣非常足料，有大量豆腐海帶，濃度恰到好處。 🐟鮮蜆𩶘魚湯烏冬𙶘魚湯味道同上，亦有大量鮮蜆、娃娃菜同菇類，烏冬口感軟滑

朋友介紹我地黎呢度食，職員會慢慢跟我地食既進度去上菜而且二人餐既價格好抵，龍蝦刺身加埋每位都係$298炸，呢個價錢仲可以望到外面灣仔既高樓大廈同街景幾好嫁，我地叫左一份沙律，仲有刺身有三款甘多，主食特別係蟹肉飯同吞拿魚紫菜壽司砌成既壽司塔好吸睛，蟹肉起晒無骨好方便食用，龍蝦好細心甘切埋肉俾我地唔駛自己切得甘辛苦肉質彈牙，蝦膏都好多，仲有平時唔太鐘意飲麵豉湯既我今次都真係推介佢既麵豉湯係自家制既唔會好咸。

預早食聖誕餐~餐廳精心佈置嘅聖誕裝飾同埋播住聖誕音樂，好有氣氛~時令野菜沙律 & 粒粒魚生沙律🥬🐟野菜新鮮，而魚生十分鮮甜，配上胡麻醬同柚子汁，好fresh好開胃刺身三款（三文魚，油甘魚，鯛魚）🐟三款肉質鮮甜有咬口，好新鮮嘅魚生龍蝦他他🦞用用龍蝦肉配三文魚子放喺曲奇皮上面，龍蝦肉好鮮甜，層次感十足，而且好特別麵豉湯🥣飲落香濃暖胃，濃度啱啱好日式青蘋果咖喱鮮蟹焗飯&鮑魚汁焗飯🦀一個大煲原隻蟹上枱，廚師已經拆埋蟹肉，蟹肉份量多而且非常鮮甜。青蘋果咖喱唔辣，咖喱汁有青蘋果嘅果香，好夾啲蟹肉，忍唔住用晒嚟撈飯。煲裏面仲有蜆肉，粟米仔同小蕃茄。鮑魚汁焗飯用另一個煲上枱，食到粒粒珍珠米配埋鮑魚汁焗得啱啱好。最後甜品係紅豆雪糕配薄荷葉🍦紅豆味濃郁，好味!

呢度位置非常方便，合和中心對面，QRE Plaza 26樓，上到嚟好有聖誕氣氛🎄🎄店員有禮，見場有鋼琴（老闆娘有時會彈琴😉）客人有興趣都可以彈😍佢哋嘅麵豉湯，有時會加三文魚，有時會加龍蝦熬製🐟🦞🥰今次叫咗兩個set lunch 😊（每個餐都會有野菜沙律+日式蒸蛋+麵豉湯+迷你雪米糍）🎏銀鱈魚西京燒～$188（分量十足，銀鱈魚好大件😂燒得好滑好香👍🏻姜鱈魚底部仲有炒雜菜，炒得好香👍🏻抵食）🎏Sashimi Misu 丼～$288（北海道帆立貝、三文魚、三文魚子、拖羅、北海道牡丹蝦⋯同埋時令刺身🥰，賣相吸引，好新鮮，因為老闆家族係賣海鮮（餐廳仲有海鮮魚缸），晒呢度嘅海鮮刺身係特別新鮮👍🏻）

一早已bookmark灣仔依間以西日料理為主嘅海鮮餐廳,今次終於可以趁聖誕時節一邊感受氣氛一邊嚐嚐海鮮.店内有個大型魚缸,落單後海鮮便隨即撈起即煮,非常新鮮有保證!今次試咗2人行政套餐,鮮味滿滿,質素超乎價格~讚！🔸EXECUTIVE LUNCH($438/二人用)日式青蘋果鮮蟹咖喱焗飯二人行政餐▫️Sea Grape Salad with Crab Meat & Avocado | Japanese Steamed Egg日式海葡萄加入牛油果及大量蟹肉混合沙律菜.調味剛好,非常開胃!雪白蟹肉有驚喜✨有鮮味!融入牛油果,口感更有層次.茶碗蒸滑溜,特別地當中加入不少昆布▫️MISU Signature Tilapia Fish Soup鮮打𩶘魚湯,魚味濃郁.似乎熬製多時, 入口鮮甜▫️ Fresh Crab | Fresh Clams | Fresh Vegetable ·Fresh Abalone Sauce Steamed Rice原隻鮮蟹被人手完全拆肉放於蟹蓋內,蟹肉實在又鮮甜並帶有蟹膏,啖啖肉放入嘴,食落方便又滿足✨蜆肉亦同樣新鮮,飽滿帶海水味. 雖配合日式咖哩汁,但卻不掩蓋海鮮鮮味🤤

又係舊同事Lunch 聚舊時候, 今日揀左大家都就腳嘅灣仔QRE Plaza Misu Seafood Cuisine 食Lunch. 就到聖誕, 餐廳已經裝飾得好有氣氛.日式蒸蛋: 蛋香豐富, 又香又滑, 滑嘅程度真係會直入喉嚨, 前菜佳品. 精選壽司刺身盛合配細烏冬: 細烏冬用𩶘魚湯做湯底, 非常鮮甜, Lunch Set 重有一大碗熱辣辣嘅湯比我開個靚場. 精選壽司刺身盛合有三文魚, 甜蝦, 北海道帆立貝, 油金魚等等, 每款刺身都好新鮮, 入口肥美, 油脂豐富.慢煮紅酒和牛面頰: 呢款和牛面頰, 又軟又綿, 入口即溶, 真係大人細路都會愛不釋口, 紅酒醬汁用黎送珍珠米飯, 真係2-3碗都可以放落肚. 慢煮紅酒和牛面頰超正..

🍽️晚市精選套餐：✨時令野菜沙律🥗沙律菜幾新鮮，配有三文魚籽+青瓜🥒+醬，沙律有醬先好食😆😋✨刺身三款 劍魚腩好肥美，有淡淡嘅魚香。帶子新鮮。✨時日海鮮一款 - 扇貝好大粒，最頂有木魚，第一次見呢個配搭🙈🙈扇貝鮮嫩可口，平時食帶子唔會好重味，呢個就重一啲😍✨面豉湯就係濃郁嘅湯，裏面有啲海苔同肉～✨蟹膏蟹肉迷你丼 配：吞拿魚小卷+拖羅刺身呢個係主菜嚟，食得好滿足🦀🍣。吞拿魚小卷好似一座山咁，外面仲有好多拖羅蓉，唔會腥臭，而拖羅刺身好似脂肪咁🤣咬落幾實淨～🦀蟹膏蟹肉迷你丼好有鹹香，配細細碗飯食先啱。✨芝士焗加拿大龍蝦 配有一碗飯(+$58)本來想食和牛，不過職員話冇曬和牛 變咗乳豬😂，所以就試下呢個新鮮即整嘅龍蝦🦞我最鍾意呢個龍蝦🤤🤤2隻龍蝦大大隻，龍蝦膏非常正～每隻都有幾粒蘑菇，蘑菇好食👍🏻🍄，芝士+cream同龍蝦嘅香好夾，發現撈飯食係幾正🍚✨是日精選甜品 - 紅豆雪糕呢2球紅豆雪糕都適合做用餐嘅尾聲👍🏻🍨雪糕有唔少紅豆粒粒，甜甜地，最底會有啲脆片，有唔同嘅口感🫘

時光飛逝，灣仔東食廈內一海鮮餐廳已開業七年環境優雅有情調，寬敞整潔，空間感足，坐得舒適以湖水藍主調，中央設有大型吧台，打卡位不少設有貴賓房，與好友開私人派對私穩度十足一至兩位用鮮蟹𩶘魚湯鍋七週年特選優惠價$488，可免費加湯一次鍋內有鮮蟹一隻、帶子兩隻、鮮蜆八隻及雜錦野菜奶白色魚湯鮮甜濃稠，香氣四溢，肉蟹嫩滑鮮美隨鍋附送的手打烏冬份量頗多，口感彈牙滑溜活海鮮𩶘魚湯火鍋只限晚巿時段供應，售完即止

野菜沙拉：這道菜以新鮮的野菜為主日式蒸蛋：這是一道簡單卻美味的日本料理，蒸蛋的質地柔軟，口感綿密。它的美味在於蛋的鮮甜和綿密的口感，並且蒸煮過程中融合了些許醬油和高湯的風味，使得整道菜更加香濃。麵豉湯品：唔算好鹹精選壽司刺身盛合：這道菜以新鮮的生魚片和壽司為主仲有细烏冬好豐富卷物2件甜蝦刺身2件三文魚刺身2切配料的選擇和搭配使得整道菜更加豐富多樣。細烏冬：麵條的彈牙口感和湯底的鮮美慢煮紅酒和牛面頰：這道菜以牛面頰為主要食材，搭配紅酒和香料進行慢煮。它的美味在於牛面頰的肉質鮮嫩和慢煮過程中的入味，紅酒的風味和香料的香氣使得整道菜更加濃郁和美味。絕對係佳作。甜品雲呢拿雪糕球，下低仲有啲早餐粟米片增加口感

今日去咗囍帖街，晚上就去附近的餐廳食飯。睇咗餐牌就揀咗個晚市二人套餐。🔸時令野菜沙律由幾種沙律菜製成，配上胡麻醬幾好食。🔸刺身三款1️⃣三文魚肥美；2️⃣帶子味道鮮甜；3️⃣劍魚腩的油分豐富，肉質結實細滑。🔸時日海鮮料理1️⃣龍蝦撻，龍蝦肉新鮮，肉質彈牙，配上鹹鹹的三文魚籽及芥末醬，撻脆口微甜；2️⃣蟹肉玉子，玉子就像小錢包一樣，載滿鮮味的蟹肉。🔸面豉湯廚師用咗三文魚和龍蝦頭淆製，仲加了木魚薄片，麵豉湯不會太鹹。🔸日式青蘋果咖哩鮮蟹焗飯廚師用了新鮮肉蟹，仲拆唒所有蟹肉，食用時十分方便，呢個抵讚👍🏻！蟹肉鮮甜，蜆肉冇沙，咖哩汁香甜，唔會辣。🔸鮑魚汁焗飯廚師每日用50隻鮑魚淆製成醬汁來煮焗飯，味道甜中帶薑的香味，飯粒飽滿。🔸是日精選甜品紅豆雪糕有粒粒紅豆，底部有啲脆片，唔會太甜。今晚的晚餐很豐富，餐廳又有聖誕佈置，好似提前咗食聖誕大餐，好開心。

餐廳環境好舒服，職員服務都好Nice，簡得主打海鮮料理餐廳，緊係食下佢既招牌菜鮮蟹𩶘魚湯鍋 $488 ❤️七周年優惠價❤️湯頭係完全無味精系列🤤，勁鮮甜入面有勁大隻又厚肉既肉蟹，肉質好飽滿結實，同埋師傅都好細心、扑好左，簡單拆開就食到，仲有2隻扇貝，扇貝肉身好大好厚，食落肉感滿滿🤤，鮮蜆都好肥美，味道鮮甜仲好juicy，入面既雜錦野菜有娃娃菜同金菇等，亦吸哂湯頭既鮮甜，手打烏冬食落都有彈性☺️👍🏻

去開港島，搵間環境靚又舒適嘅餐廳食個晚飯餐廳環境好靚，已報置曬聖誕裝飾仲有註場琴師演奏好有氣氛今次叫左鮮蟹䲞魚湯鍋 （足夠兩人吃）原價$638, 餐廳七週年優惠$488魚湯鍋一上檯已經聞到魚湯味內有一隻蟹、兩隻扇貝、蜆、野菜（本菇、娃娃菜和金菇）、手打烏冬首先隻蟹係好肥又多蟹膏，肉質嫩滑餐廳提供食蟹工具，所以好輕鬆就KO左隻蟹扇貝鮮甜大隻，蜆係肥美，野菜都係靚貨食曬海鮮就飲碗魚湯魚湯好飲，自己屋企一定冇可能煮到咁濃郁嘅湯最後就食埋烏冬烏冬高質，煙韌滑溜兩人食其實已好飽唔駛怕肥，一滴油膩感都冇總結來說以地段、餐廳環境同食物來說，性價比不錯