水戶日本料理

Open Now

Now Closed

水戶日本料理-夏日熱辣辣，特登走到入粉嶺郊遊。郊遊之前決定食個日本野，係OpenRice見到呢間小店嘅評價都幾好，就同一個減肥嘅朋友決定食佢啦！-唔知係咪星期六日嘅關係冇lunch set，所以我哋就係main Menu嗰度揀左一個壽司拼盤，另外加咗3款壽司同埋蕃茄海鮮烏冬-壽司拼盤有10件唔同嘅壽司，個人最欣賞嘅係佢嘅飯係好細粒， 唔係出面啲迴轉壽司咁大舊。如果唔鍾意食飯或者鍾意食魚生嘅朋友就會覺得正！另外佢嘅吞拿魚腩、池魚、油甘魚全部都好肥美同新鮮， 冇諗過喺粉嶺一間咁細嘅街坊小店會食到咁新鮮嘅魚生！-至於佢嘅蕃茄湯海鮮烏冬就失色啲！湯底明顯係用茄膏開出嚟，青口同埋蝦都係雪貨。-如果要食，建議大家都係食壽司類別，熟食就一般啦！

天氣炎熱，想吃冰涼的刺身和壽司，粉嶺區內的日本菜不多，這間位於粉嶺中心附近的小店是不錯的選擇，抵食得黎質素不錯我們晚上7時左右到達，已經有10多人在門口等位，頗受歡迎，幸好很快便有2人檯可以入座帶子刺身($48)6片帶子刺身數量不少，以冰鎮上碟，新鮮甜美，可惜不算厚切，差點口感鹽燒牛舌串($22)牛舌新鮮燒起，熟成度剛好鮮嫩多汁充滿牛味，配上少許鹽、黑椒和檸檬汁作簡單調味，一串3塊立即吃光，推介芝麻雞翼($32/2本)雞翼炸得熱辣辣外脆內嫩多汁，我因為太心急一上檯便吃，被流出的肉汁燙到嘴，大家要小心，但真的很好吃牛肉壽喜燒($70)－另加手打烏冬($18)甜醬油湯底是經典的味道，包含牛肉、溫泉蛋、娃娃菜、豆腐、冬菇等，還有少量薯粉吸飽湯汁，好吃，如果女生的話份量已經夠飽，但友人是大胃王，所以要另加手打烏冬，烏冬口感幼滑煙韌，不錯醬油角切魚生丼($62)雖然名字寫了醬油，但醬油其實還是自己另外加的，加入醬油後，將適量芥末拌勻後便可開餐雖是角切魚生，但每片都厚切有口感，有三文魚、䲞魚、劍魚腩等，吃得出是新鮮的味道，還有一隻甜蝦、切粒的玉子和八爪魚，配上青瓜絲、蟹子及蟹柳等，口感豐富不易膩，

因想食日本野，上open rice睇到呢間門面ok，疫情期間無乜人，所以諗住一試。一試之下中伏，其實碗面賣相可以，但湯底淡而無味，而d面又好淋，麻油味好重，成個感覺似食緊出前一丁，但問題在其實價錢不便宜，$68仲要加一（lunch）註明：佢門口貼左午餐menu，但無寫星期六日是無lunch，入到去坐底先知。另外，員工態度亦麻麻，我唔知係趕落場定點，食完野好趕住收碗碟，轉頭仲比埋張單叫要埋單先，埋完單全部呢埋哂無理過我地，其實，如果趕落場可以一早通知不做我們生意吧，真係想坐多陣感覺都唔係咁舒服。講真，疫情期間仲要咁做生意，真係想講句，祝你好運吧！

雖然說要減少外出用膳 不過返工日子總得要吃飯吧 一星期返工日子不多  數數手指home office也佔了五日之中的一半 難得跟同事相聚加上忙碌了一朝早 當然要去食番餐打打氣粉嶺火車站附近沒有太大選擇 走到粉嶺中心附近 就來試試呢間水戶日本料理 店內間格彷如居酒屋設計 好有日系感覺 三五知己閒時把酒聊天實為不錯 看看餐牌 選擇可真不少 一至五更有午市套餐 價錢相宜 豬軟骨拉麵 上枱賣相不錯的 豬軟骨份量都不少 不過豬軟骨質素就一般 肉質不算嫩滑 感覺有些微過火幸好拉麵不俗 麵質軟硬剛好 入口彈牙腍滑 湯底是豬骨湯 味道適中不會太死鹹拉麵配菜都好精緻 有半熟溫泉蛋 仲有少量海苔 配襯起來不單味道不錯 顏色也令人愉悅 套餐除左拉麵 仲有一小碗前菜同日式蒸蛋 前菜是幾粒拍青瓜 味道帶點微酸少辣 令人頗開胃 日式蒸蛋上枱時仍是熱烘烘 聞落香噴噴 食落蛋味濃郁 鮮甜嫩滑整體感覺不錯 下次可以再試試定食套餐唯獨就是覺得座位間太迫夾了出入有點不方便就是

比門口既抗疫期間限定吸引左我點知自己眼大睇過龍，只限外賣一個人叫個滑蛋豬扒飯頂下癮$68呢個價錢，算平等左大概十五分鐘，賣相唔算吸引味道普通，無乜汁，比較乾身份量唔少，但要乾啃白飯就差啲如果加返飯汁，效果會好好多街坊日本餐，可接受

由於已經一段長時間無食刺身，所以特登揀左間日式小店滿足下個慾望。星期六餐廳無LUNCH MENU，只可以點主餐牌既食物，不過價錢唔會太貴，魚生丼飯最平$60頭就有，價錢可以接受。由於朝早做完運動，特別肚餓，所以兩個人order左頗多野，食個豐富lunch。即使臨近午場休息，但仍然有唔少食客進場，睇黎頗有人氣。三文魚刺身 $48一客有五件，每件係厚切，價錢超值，但略嫌唔夠魚味。蔥吞拿魚蓉丼友人想食魚蓉，但我本身唔中意食吞拿魚(除左拖羅刺身)，所以無試到。牛肉壽喜燒加手打烏冬 $18呢個壽喜鍋$7X幾抵食，肥牛片都幾多，而且仲有好有蛋香既流心蛋、蔬菜、豆腐、金菇，最估唔到原來入面有粗粉絲早知就唔加烏冬，因為烏冬只係用水煮過，無底味，加入壽喜燒湯底果陣已經吸唔到湯味，但好彩都算彈牙。天婦羅蝦卷呢個卷物相同以上食物相比性價比較低，印象中要$66。炸蝦食落依然脆口，不過蝦味唔重，整體味道正常。整體食物質素對得住個價，屋村日式小店，唔能要求太高，加上疫情之下，不便去人多又遠既地方，係咁易滿足下食刺身既慾望就算。

粉嶺食日本野唔算多，見呢間都新新地就去試下。本身去到2:40左右，店員話3點會中場休息，我就問咁仲可唔可以入去食，店員冇應我，但隨後有個女人都入左去食，所以我地都跟入去。叫左個三文魚炒飯，飯份量多，不過味淡，三文魚都唔算好多，呢個價錢黎講真係一般。

粉嶺圍數不多的日式料理因為位處於屋苑之中，做的是街坊生意餐廳內的坐位不算多，但日式的裝修予人舒適和之感！角切魚生飯以這個價錢而言，真的不錯魚生以三文魚、䲞魚為主，還有一隻蝦配料有蛋、青瓜絲、魚子及蟹柳等材料都算新鮮及冰涼，在天氣仍有熱度時吃這飯是舒爽的而且份量不算少，一人前剛剛好~牛舌串這個是我的最愛~價錢非常公道，一串三件。燒得恰到好處，不太乾，又保留肉汁加上少少的燒汁，真的將香味都提起因此，是我每次的必食之選

水戶日本料理粉嶺中心新開日本料理，小妹一定支持，今晚就相約朋友來食個晚餐。店裡裝修設計日本料理風格，簡單木檯木櫈，幾幅日本掛畫，看了一輪餐牌我們點了幾道日食。🇯🇵🥢松. 刺身盛 $168鮮甜可口，片片厚切，啖啖肥美。🥢牛油果軟殻蟹卷 $64牛油果包實香酥脆口軟殻蟹，口感豐富。🥢燒油甘魚頭 $46原本是三文魚頭的，因為沽清所以改食油甘魚，油甘魚頭比較硬身且肉不多，但味道還可以，有燒香味道。🥢唐揚雞軟骨 $42炸得不錯火喉剛好不占油，故不太油膩。🥢三文魚手卷 $22

今天二人午膳，去粉嶺中心既水戶日本料理，職員安排咗個食lunch set咁窄既二人枱俾我哋，但在我哋之後入座的兩位客人要坐卡位也沒阻止。咁算啦，鬼叫自己冇堅持要卡位咩！就咁我哋柯打咗六碟餸。之後我哋見有卡位客人走，我哋咪要求調位囉，西面阿姐話：「等我執完先」，期間有另外一對人仕進店，另一職員準備安排座位時，我哋再出聲話要調位，響尼個時候，西面姐即刻同我哋講：「我話執但冇應承話俾你哋喎！」嘩！嘩！嘩！尼D係咩服務態度呀！如果係晚餐時間，店內店外都多人用膳或等候，我哋從都唔會要求調位，但尼個已經係二點幾既lunch time,客人都唔太多，我哋要求調位，都係唔想因為張枱細，要趕住收碟趕住食啫，咁合理既要求就俾西面姐回一句「冇應承俾卡位你喎」！我哋嚟係食lunch,唔係受氣，我哋即刻走人而且以後唔會再幫襯！真係鄧尼間食店既老闆唔抵，請咗D咁低質素既員工，係咁幫佢趕客！

有次去呢到食嘢，d人嘅服務態度勁差，特別係個個女人，西口西面，好似我前世得罪佢定唔知點咁，真係越食心情越唔好。個次食飯，可能真係有d晏，個女人就吩咐d人，開大個冷氣，係個邊拖地抹台執嘢，真係好無禮貌，佢仲要反白眼。我真係接受唔到d咁差嘅服務態度，我又無得最你，點解要咁對d客人。

好耐冇食🇯🇵日本晚餐,今晚叫一份🍱壽司拼盤,清酒煮硯,豬扒🐷拉麵,🍱壽司拼盤好多款,基本三文魚🐟,🦐蝦,🥚蛋,最穩陣,冇失水準,清酒硯唔夠濃,硯好似未吐晒D沙,有D可惜,🐷炸豬扒可以多D汁,好似較乾,有進步空間😆

無飯夫婦又出現啦原址係三哥譚仔米線之後改變為日本居酒屋😍日本居酒屋一向俾人嘅感覺，份量少價錢貴唔抵食！ 但係呢間居酒屋絕對令人改觀！ 見到隔離位叫了一份大大份嘅軟殼蟹卷，而且仲要有我最鍾意嘅牛油果。一嚟到果然超級大份！ 牛油果嘅濃郁果味，味道清新，剛好中和左炸軟殼蟹嘅油膩，啱晒大胃王老公。呢份大大份嘅牛油果軟殼蟹卷，只售六十幾元，10分超值之後我哋叫咗海膽炒飯，佢哋話用嘅海膽係馬糞海膽來了之後分量亦都好大份，但嘅份量同海膽份量都大。海膽新鮮有甜味。 我哋仲食唔晒第日帶返工😍

其實粉嶺已經好耐冇d日本料理小房，最近知道開左一間就一於黎試試佢😎小食就叫咗個炸雞軟骨，表面睇好似平平無奇咁，但精粹在於個醬入面，佢係千島醬底加咗少少辣醬係入面，食落有千島醬嘅甜味亦都有少少辣嘅後徑令成個感覺升華咗好多😍😍感覺新鮮，值得一讚👍🏻第二樣小食就係呢個三文魚燒餅，呢個食落就真係麻麻哋，先唔講冇乜三文魚味，本身嘅燒餅製作都唔合格，圖中都見到佢冇乜燒汁醬，食落口感都比較粉，完全唔合格🤷🏻‍♂️壽司就試咗呢個牛油果軟殼蟹卷，軟殼蟹新鮮炸起都有啲餘溫，認真唔錯👍🏻配上牛油果就唔會太油膩，蟹籽都增加左口感，好食🤤主食就試咗個海膽炒飯，同想像中有啲出入，仲以為會成個炒飯都有海膽味，原來淨係喺個炒飯上面加咗海膽😂不過最失望嘅係個炒飯本身都冇乜味，個人覺得就麻麻哋啦🧐總括來講就唔算係啲好好食嘅日本料理餐廳，不過勝在佢價錢都真係幾平，想過下癮食日本嘢嘅都可以落街一試🤔🤔

水戶嘅午市定食好抵食，最平嘅餐只不過係44蚊（鯖魚定食），想食魚生都只係48蚊（角切魚生飯）今日想食豐富啲就叫左滑蛋鰻魚丼（72蚊），包埋日式蒸蛋、前菜（青瓜）同味噌湯平日lunch都差唔多滿座，得返卡位有位，建議要預留多啲時間，因為熟食都比較耐先到（魚生就好快上），趕時間嘅建議叫魚生。不過等待係值得嘅，最面有幾片菇，主角鰻魚有好多舊好足料，下面有成層嘅蛋加洋蔥，好食！青瓜辣辣地幾惹味，不過蒸蛋同味噌湯就中規中矩。