水戶日本料理

Open Now

Now Closed

經過門口，見裝修幾靚，就入咗佢解決我嘅「午晚餐」，無錯！我今日只係食咗早餐！所以好餓！估唔到粉嶺都有如此企理的日式餐廳，除咗吧枱位置之外，亦有卡位可以選擇，坐得舒舒服服！海膽魚生丼（HKD92）~個丼件件刺身都好厚切同新鮮，尤其是海膽！呢個價錢食到呢個質素，真係有驚喜！牛油果軟殼蟹卷（HKD64）~軟殼蟹炸起果然好有氣勢！用軟身嘅牛油果同壽司飯包住，一啖兩個口感！大滿足呀！碎蔥吞拿魚蓉軍艦（HKD20）~啲吞拿魚蓉多到就嚟湧出嚟喇！加埋香口嘅蔥！好夾喔！海鮮燒餅（HKD46）～同樣都係用一般汁醬，但有別於坊間嘅燒餅，佢係外層較為脆身！而內餡先係濕潤啲！加埋海鮮嘅咬口！Yummy Yummy! 日式炒雜菜（HKD46 ）~出街食嘢點都要叫返一碟菜balance吓！估唔到嘅係，佢＜非~常~大~碟 ＞，好彩係佢炒得唔會太乾身，而且配料很多，每次食到嘅配搭都有少許出入，口感亦然！同朋友傾傾吓計都可以食哂！2個人叫呢啲嘢！可算係豪點！重點係埋單加埋一只係HKD295, 我地食到哂呢啲嘢真係好犀利呀！豪叫豪食！咁先係人生嘛！

新一年做下考順女跟媽媽去吃飯！ 難得她提議到到之前去的《水戶日本料理》。 這裡很多大小家庭過來坐坐 。 很奇怪，隔坐的小朋友不愛吃飯可是遇到壽司便吃個不停lol ！ 水戶魚生丼飯 上次食鍋物，甘今次就嚟補充omega 3 啦! 碗內有多款鮮食材三文魚、海膽、帆立貝、蟹柳， 三文魚，飯粒分明也足夠一人食量 日本廣島蠔 看見透邊的客人點了又香又大蠔殻很吸引，就點了一隻啦！ 很快便遞上了！ 芝士溶化在蠔上一起燒，蠔肥美 又晤腥！ 中午時份很快便滿座了！

星期天同屋企一齊去粉嶺行街, 發現一家日本餐廳"水戶". 入去餐廳的時候人客不是太多! 但係食到中段的時候成間餐廳都坐滿人😲😲餐牌上有很多選擇: 刺身， 天婦羅，拉麵，串燒，小食，丼，壽司諗咗一陣就決定叫咗幾款食物加州卷 牛油果軟殼蟹卷脆卜卜， 一D都軟水戶魚生丼全部都係厚切，勁足料 (三文魚, 帶子, 甜蝦, 蟹子...)鰻魚飯份量多，鰻魚好入味三文魚刺身+北寄貝刺身三文魚刺身🐟🐟好肥厚，好新鮮至愛😍😍海膽刺身雜錦天婦羅🍤水戶刺身盛食刺身食上癮

一餐飯好唔好食除左要睇食既質素，服務態度都好重要～侍應們每個都好有禮貌又好笑容，服務態度勁好，每次放底野食時都會講小心呀、慢慢食，我地都食得好舒服😌有好多食物可以選擇，有刺身、鍋物、丼飯、壽司🍣、小食、料理等...首先一黎就是我最愛的海膽刺身 $128，色水好似唔係好討好咁，不過食落就意想不到喔😙無腥味呀～海膽味都濃之後就叫左碗牛肉拉麵 $62俾爸爸暖暖個胃仔，有粟米、魚蛋、紫菜和半隻流心蛋，係流心蛋好吸引湯底唔會好鹹，而且牛肉既份量都好多水戶魚生丼 $98有10款海鮮 刺身厚切食落好新鮮同鮮甜，啲飯有醋味又唔會好硬...牛油果軟殼蟹卷 $64每次去日本餐廳見到有牛油果軟殼蟹卷都一定會叫～軟殼蟹脆卜卜，牛油果🥑也好新鮮！

日本餐廳在香港猶如繁星，但作為一間小店，這店款式很多。由於朋友們有空在星期六吃午餐，所以很快的尋到一間近朋友家又新開的日本餐廳吃午餐呢。我們一行人吃了１１款食物，價錢亦不用４位數字喔，也是CP值高。一開始就叫了水戶壽司盛、拉面及雜錦天婦羅。盛盒壽司味道很好，三文魚、蒲燒鰻魚和帝王蟹柳也特別好吃呢，吃得出鮮味！在江戶時代是小吃攤庶民美食。不可不去介紹的卷物呢*加洲卷及牛油果軟殼蟹是聽落驚喜不大，坊間也有不少餐廳將牛油果粒（或蓉）跟軟殼蟹配搭在一起。吃真點，以新鮮牛油果眾多款式的壽司手卷中，軟殼蟹手卷口感最為特別，因為暖暖的壽司飯包裏炸至香脆的軟殼蟹，感覺很棒~更重要的，在紫菜的中間放上青瓜、牛油果、軟殼蟹。整體來看，不但有層次的味道，更重要的令牛油果提高蟹之佳味。中間加了小甜薯燒即叫即燒的，連同行的友人也認為非常熱喔。體積小巧，一口一粒，食用方便。口感軟糯、入口軟綿幼滑，令人愛上它。海膽、北寄貝刺身也是不錯的喔～海膽，味道鮮甜，而且配上一些青瓜絲味道棒喔～ 重點之好物，是水戶魚生丼。百幾元就可以吃到十數款的海鮮，是抵丼～加上，日式魚生丼飯開得成行成市，新鮮美味，滿滿的刺身非常吸引！但坊間

晚餐時間, 心情麻麻, 一個人走到粉嶺中心尾. 突然見到有間光光地店舖, 一行埋去, 見到係間日本餐廳. 心諗一個人食咩鬼日本餐. 但經過窗口,見到D野又好似幾靚, 把心一橫. 就入左門口了, 因為一個人, 食唔到好多野, 簡簡單單點左幾樣.好正, 好鍾意熱食 好味丫~好滿意, 一個人靜靜地係到諗下野, 食下野, 坐左好耐服務很好. 有時食得多元氣個D, 真係想食D特別小小既野. E間野有D特別既刺身, 又有咩野推介, 可惜. 我一個人食唔係好多, 試左D基本野先.一定再同朋友再黎. 

—鰻魚飯定食($68)有半條 雖然唔係好厚 但係好入味碗飯裝得好滿 啱哂冬天食量突然大增嘅人 可以撈埋燒汁去食前菜 黃瓜同牛月展?! 辣辣哋 唔錯日式蒸蛋 呢度嘅整法係配料擺面?!有好多鳴門卷麵豉湯 第一次見有紅蘿蔔煲有蔬菜帶出嚟嘅甜味天婦羅蝦卷($32/3)蟹籽多到跌哂出嚟店員不時留意客人茶杯 幫忙添加熱茶餐廳坐得都幾舒服———————————————————水戶日本料理粉嶺新運路33號粉嶺中心C座地下1C-1D號舖

同老公約左去粉嶺探朋友仔BB之後朋友仔介紹佢屋企樓下間日本野幾好食既然咁難得入嚟粉嶺就試一試啦好彩竟然有一張枱可以同老公撐枱腳Yeah!!先講佢個wasabi，係自己磨個種，唔係吱出黎個D醬已經好滿意😁而有D地方自己磿冇咁辣，呢間辣度依然👍🏻我地我地叫左蔥吞拿魚腩丼我同老公都勁鍾意食，佢有蒽之餘，仲有兩款脆脆放入去，第一次食呢個有脆脆架吞拿魚腩蓉琳加上脆脆，我同老公超like!!!!另外同老公一食到隻眼放大嘅係D壽司，好新鮮吖，最鍾意係火焰醬燒三文魚🍣，件件都好大件，呢件燒到啱啱好帶子同甜蝦都超正真係未見過咁肥美嘅甜蝦之後我地再嗌海鮮燒餅同清酒煮蜆老公就話佢哋啲嘢食整得好有心思不過我仍然不停食不停食冇理佢🤣但位置來講，如果唔係住呢度都好難入嚟呢度食真心講為左蒽吞拿魚腩丼，會再過黎探多兩次BB🤣

朋友喺粉嶺住，成日都入去同佢食lunch, 我最鍾意食日本嘢！一直以來都無到一間令我覺得滿意！最近，佢發現咗一間開咗唔係好耐嘅日本料理，咁梗係要去支持吓喇！入去果時，見到佢門口位係一條微斜路同兩邊都有銀色嘅扶手，我相信佢係想方便老人家，真係好貼心！枱面已經一早set 好哂！menu同餐具都好夾，全是日本風！黑板上亦有寫出咩item係新鮮嘢！食刺身，當然要食新鮮㗎喇！侍應先奉上2杯茶，係用茶包的，感覺比一般沖出嚟嘅乾淨啲！朋友就叫咗一罐忌廉！牛油果軟殼蟹卷～牛油果熟成程度剛剛好！軟滑得嚟唔會過淋！配埋香脆嘅炸軟殼蟹，真係一絕！吞拿魚蓉卷～外面係炒過嘅白芝麻，食到好濃吓芝麻香，而吞拿魚蓉魚肉夠哂甜，仲配搭咗類似蔥白嘅嘢喺裡面增加口感，清爽得嚟又令人非常滿足！三文魚燒餅～並非市面上一般綿潤口感，煎到好香兼脆口，再加上適量嘅沙律醬同燒餅醬！當然仲有好多飄飄吓嘅鰹魚碎喇！一口炸雞～仲以為會鬼厚粉，好似C*炸雞咁！點知嚟到係薄粉到連雞肉嘅紋理都睇到！仲要配上一個酸酸甜甜嘅醬，聽聞係秘製㗎！ 燒茄子～茄子一啲都唔乾，而且好夠味，再配上鰹魚碎，好食！

來到粉嶺用餐, 其實不會有什麼要求, 務求隨便吃一餐就算的心態, OPENRICE上雖然好壞參半, 但還是有點擔心, 所以點了大量低風險熟食不過疑慮很快就清除了, 食物質素跟價錢不成正比, 因為質素實在很高! 在尖沙咀居酒屋要$600的質素跟份量,  這邊只要$300! 雖然坐落民居, 但店面的樣子很不錯, 很專業的樣子店內的上席竟然有鮨店的氣勢! 非常不錯!唯一的刺身, 簡單的鐵火卷($24)跟鰻魚小卷($22), 鐵火卷裡面的吞拿魚竟然帶點魚油香, 而且完全無筋, 這是$24的質素? 在市區的話一顆都要$24了! 鰻魚小卷還好, 料的量不很多, 合格了天婦羅拼盤($62)用了刺身級別的蝦當天婦羅, 非常彈牙而且有蝦香, 其餘的如茄子跟南瓜也炸得不錯, 不會很淋油, 唯一不夠好是炸粉有點厚串燒盛合($64)是全晚最抵的, 每一串都很有質素, 尤其牛舌夠厚切, 爽口彈牙, 牛肋肉有輕輕甜味, 應該有醃過, 而且非常JUICY無筋, 好吃~另外冬菇, 雞軟骨, 雞翼也有相當不錯的質素大家都推介的牛肉鍋我反而覺得很普通, 雖然整體的份量很大, 水晶粉跟肥牛, 黃芽白的份量大得塞滿了整個鍋,

係粉嶺做野搵左下野食，見到商場邊位有間水戶日式料理店。見到入面都幾多食客。於是決定入去試一試。Lunch set價錢都幾好，而且有唔少菜式選擇。仲有不同種類既魚生丼可以選擇。點了9. 「水戶魚生丼」有三文魚、白身魚、帶子、蟹子、海膽、吞拿魚、八爪魚同埋赤身。仲附送沙律、前菜同味噌湯。睇落真係好豐富。味噌湯入面加了紅金荀，感覺有點不搭。不過好在沙律都頗新鮮，幾好味。---刺身丼真係超豐富，而且件件都係厚切。味道新鮮有鮮味。呑拿魚食落亦唔會有腥味。👍🏻帶子大大粒，食落幾鮮甜。三文魚入口即溶，即時超厚切。好好味呀。白身魚係出面既刺身丼好少會有。食落爽口有少少嚼頭。幾特別。仲點了串燒盛盒。牛柳粒燒得幾香，而且調味適中。牛舌可以再厚少少，口感會更豐富。水戶的刺身真係幾唔錯，大大件超抵食。而且午餐價錢幾抵。行開可以再食。👍🏻😊

休息，想食好點，想起粉嶺有間新開日本野，就約埋朋友一齊食。中午黎到人唔太多，靜靜地，位置也較為寬闊，坐得舒服，又可以慢慢傾下計。估唔到呢度都幾多種類選擇，刺身、拉麵、燒物、料理都有，下次要帶定多幾個胃黎。 牛油果軟殻蟹飯卷，新鮮既嫰滑牛油果配上炸到脆卜卜既軟殻蟹，口感好豐富。豬軟骨拉麵，豬軟骨好入味，軟骨部分有滿滿膠質，拉麵夠爽，加分的配料係溏心蛋，蛋黃仲係流心既。最後重頭戲，刺身拼盤，刺身慢慢品嚐，可以搭出有唔同既魚鮮甜既味，加埋檸檬調一調味，再添加多點清香。估唔到粉嶺都會開左間唔錯既料理店，等下次天氣冷點再試佢既鍋物。

窮遊香港-又係日本餐廳點評.⭐️呢次講下一間質素比元氣好既餐廳價錢同元氣差唔多但唔一舊舊壽司價錢打啦（睇圖）👍🏻呢間有位姐姐服務極好👍🏻上完菜講（慢慢食呀～）👍🏻會主動留意我隻茶杯係咪空左 加分.當中壽司做得好幾👍🏻壽司上面既刺身大舊 包埋舊飯加分（可睇圖）👍🏻鰻魚用上厚鰻魚 加分👍🏻帶子夠大夠鮮甜👍🏻當中都係冇一舊有腥味 加分👍🏻火灸三文魚壽司燒出油香（我最喜愛）.🤔三文魚燒餅比較普通（因為食高旺角果間千x)呢個2面都脆既 但中間料唔太夠🤔冇得自己加醬 都冇左紫菜碎 扣分👍🏻但但但 呢個$38姐 平人地一半所以其實佢唔差既.....⭐️評分：味道：4.5/5 環境：4/5服務：5/5衛生：4/5抵食：4/5.#水戶日本料理地址：粉嶺粉嶺中心1c-1d號舖

本身今晚諗住去食元氣，頂知打開app拎飛時，嘩！成80張枱點等啊？我即刻開openrice 睇下仲有咩日本餐廳，見到呢個水戶日本料理開咗唔係好耐，評價都唔錯，就去食下啦！7點幾份到去仲有一張雙人枱，好野唔洗等位角切魚生飯，好大碗呢，魚生都算多，除咗有魚生外，甜蛋都好好味，成碗飯好香魚油味，正牛肉鍋，原來裡面有粉絲架，唔洗怕唔飽！牛肉好香，黎到時半生熟唔會煮到熟晒韌晒！赤貝壽司好大份啊，貝類十分鮮甜天婦羅炸蝦手券，黎到時仲熱架，唔會預先炸到隻蝦乾晒凍晒，好有誠意火灸醬燒三文魚壽司，魚油香口，大塊！我呢個三文魚控仲嗌咗三文魚小卷，一樣鮮味邆鹽燒醋鯖魚，嘩呢條燒得好好味，成晚食得最開心係呢條，魚肉好嫩點醋食好香口！鹽燒雞翼串，好抵食有四隻！正啊以後黎水戶食日本野夠晒喇！

粉嶺呢頭真係比較少去通常都只係返大陸經過女友話呢到有間日本野唔錯又黎開呢頭就一於一試==============================午市定食有主食有蒸蛋有前菜有味增湯先50蚊左右都幾抵食喎薄燒安格斯牛肉定食牛肉燒得好香咬落去都有好多肉汁最鍾意佢表層有少少脆脆地好香口前菜係好爽口既青瓜日式蒸蛋都有蛋香而且幾嫩入面都幾足料有冬菇同埋嗚門卷味增湯就遜色少少啦有少少酒味，即係可能放耐左或者存放空間太暖另外叫多左客餃子餡料既味道都唔錯但外皮略嫌煎得唔夠正宗日式餃子應只煎底皮佢依家似港式炸餃子多ｄ但總結黎講都係唔錯既