米線哥 (元州街) (Closed)

點解執得咁突然呢？開咗冇幾耐咋喎，都幾多人幫襯，米線都幾好食,賣相又唔錯，前幾日我先幫襯過一次咋，仲諗住長期幫襯你哋添！點解咁快就執呢？如果係遇到難關希望你哋會克服啦，好想你哋會開返呀,加油!

個市道好不好？見到旺區嘅食肆， 一間又一間咁執笠，大概都估到一二 .... 當然，香港大把大孖沙，手頭有大把貨，個市玩成點，都可以馬照跑，舞照跳，鮑參翅肚，日日 ~我這些小老闆，鮑參翅肚就不必了，偶爾吃一兩餐就ok，平常來說，吃碗米線就夠安樂 ~花雕醉雞米線：未敢說是天下無雙，也不敢說是驚為天人，但貨真價實，落足本錢就是肯定的；個花雕醉雞湯底，濃郁芳香，飲一啖就知係有料度，雞件厚肉，熟透又滑嫩， 配合其他配料，還有滑不溜口的米線，真是美味 ~本篇完 ~

喺附近工作完之後要食個快嘅晚餐，經過見到有麻油雞，好想試。點餐後好送上。大大碗味道十足，藥膳麻油雞米線包括有蟲草花紅棗杞子龍眼肉木耳以及好多件雞髀肉，真係抵食，而且味道好好。一定會再嚟試埋其他味道。

今日2月14號同老婆去深水埗買手錶，順便食晏飯簡單慶祝情人節。老婆想食米線，我上網搵咗一間叫米線哥嘅餐廳，評價都唔錯，我地就決定去試下。餐廳位置方便易揾，空間夠大，坐位之間唔會太擠迫。老婆叫咗一個三餸餐，有雞肉、豬潤同蘿蔔，加埋酸辣米線。仲有小食巴蜀皮旦。湯底味道唔錯，份量足夠，三樣餸嘅質素都合格，只係米線有啲軟。巴蜀皮蛋就一般水準，無特別出眾。至於我自己叫咗胡椒豬肚雞米線，真係一碗好大碗，我都食唔晒，湯底味道夠胡椒味，豬肚煮得夠軟熟。飲品就叫咗凍檸茶同凍奶茶，最後仲送了兩張50送20優惠劵下次用。總括黎講，以呢個價錢質素嚟講，算係好抵食。下次我地會再去支持米線哥。

Intro: 加藤屋近年開拓左米線嘅生意，就係米線哥，而揀餸方面同譚仔差唔多，今次見佢地做緊第二碗半價嘅優惠，手快快就揀左咩餸都有嘅大嚿米線，估唔到份量多左驚人～___________________🍽 大嚿米線（+$1酸辣湯底，多種餸米線）💰57 ⭐️7/10✍🏻 同譚仔嘅過橋米線差唔多，真係包左好多普通餸，其中一個餸唔同就係酸菜肉碎，不過太鹹，唔好食；✍🏻 佢地嘅豬肉同牛肉麵幾滑，而豬潤味好濃，蘿蔔麻麻地有渣，豆卜索左好多湯汁，而仲有芝士腸嘅餸，就好似無咁夾；✍🏻 至於丸類就正常發揮，但酸辣湯底就普普通通，好似譚仔更出色，但整體餸嘅份量就多好多，所以會過飽。✍🏻 小食就送左兩隻單邊無骨雞翼，炸得好香脆，仲有啲鹹鹹地嘅椒鹽味。___________________🏠 米線哥 深水埗📍 深水埗元州街32號地舖⭐️ 7/10___________________

喺屋企附近嘅米線哥，成日都有機會食，但發覺唔係好多人認識，想寫食評推介吓😆.深水埗地鐵站B出口步行2至3分鐘就到，地理位置方便。.餐廳內大概二十多個位，都坐得鬆動舒服。.🍴蕃茄湯底紅薯粉 雞肉豬膶豆卜新出蕃茄湯底，覺得好好食，蕃茄湯有得揀辣度，但佢小辣同譚仔二小至三小有得比，所以唔食得辣應該要揀少少辣😆.紅薯粉煮得彈牙好食，雞肉份量充足，豬膶熟度亦恰到好處，唔會太粉，亦唔會太濕，豆卜正常發揮，蕃茄湯汁好惹味。.雖然係普通一碗米線，但一啲都唔馬虎，而且餐牌上仲有好多好食item ，個人都推介藥膳雞米線系列👍🏻👍🏻👍🏻.仲有佢餐飲好平，近排去凍飲都係加$4！.用埋佢早排派發嘅coupon，仲可以減$20。米線個定期都會做唔同優惠，係大件夾抵食，仲好好食嘅米線😋😋

係呢區食午餐都有唔少茶記餐廳, 亦都有米線可以揀,不過今次午餐就揀左呢間米線哥食,之前都食過另一間就睇下呢間水準了.結果都係有水準既,幾鍾意食佢個花雕醉雞米線, 都算足料, 另外佢個皮蛋都算入味而且仲有塊"葉"係皮蛋皮上,其他米線店未見過~幾特別~花雕醉雞米線 (GOOD)佢個湯底幾好味, 有花雕少少濃既味道, 幾吸引而且都算足料.雞既份量都算多同口感OK, 算滑, 配埋呢個花雕湯底自己就幾鍾意,而且外邊都無試過食呢個湯底既米線.米線口感OK, 唔林.皮蛋(GOOD)份量算OK又唔太林, 又無鹼水味道, 所以唔錯~整體黎講...呢間有其他米線店以外既配料湯底選擇, 有時想食下醉雞米線就會黎食了~

係社交媒體網站見到啲foodie share依間野話好食，又做緊promo都想特登去試下咁一坐低就叫左圖入面咁多野，啲小食平又平過譚仔，大又大份過譚仔，咁都忍唔住叫多左，兩個人食咁多野都棒住個肚走所有野食味道就真係幾好味，全部都似模似樣，係豬肚霉左啲米線個啲湯好濃，原來新疆湯就係落重孜然嘅肉湯不過真係要特別提一提個麻油雞，本身以為係台灣果隻用薑同黑麻油炒香再放雞餚湯，但結果唔係純粹係雞湯加麻油個雞湯嘅濃度望落好詭異，啲配料例如話紅棗杞子亦都睇落唔似係一齊放落去煲，係似後尾擺盤咁擺落去咁依種情況，令我聯絡到大陸網紅辛吉飛示範點樣煲湯，自己google係咩啦因為太飽，我琴晚到而家都無食過其他野，淨係飲過水，但條脷就苦到而家大家自己衡量下值唔值得食啦

 🥢最近發現咗依間「米線哥」迫不及待想同大家分享佢哋嘅超值優惠！🎉🌟依家佢哋推出咗一個特別嘅「米線盛夏福利二重奏」優惠，係太子/深水埗嘅兩個分店都有供應📍米線哥提供多款「系列米線」，配以新鮮食材和美味湯底，令清淡口味或重口味嘅客人都可以搵到自己嘅米線世界。🌟🍜「自選米線」♦︎酸辣湯底米線 ($𝟑𝟐)♦︎♢每款食材($𝟔-𝟏𝟎)❥貢丸｜魚腐｜糖心蛋｜迴辣豬腸｜酸菜肉碎｜腩肉❥牛肉｜墨丸｜火腿｜生菜｜雲耳［微辣］這款酸辣湯底味道溫和，開胃清爽，帶有微妙嘅酸辣風味，刺激程度適中，唔會太過濃烈🌶️自選米線搭配了口感彈牙嘅貢丸、索晒湯嘅魚腐、香滑嘅糖心蛋、有嚼勁嘅迴辣豬腸再搭配了酸菜、肉碎和腩肉🐖，湯底微辣之餘仲帶一絲酸爽嘅風味，肉碎和腩肉增添咗豐富嘅肉香，大🈵️足另一碗自選米線以牛肉、墨丸和火腿為主要配料。牛肉嫩滑多汁，墨丸彈牙有嚼勁，火腿鹹鹹香香🥩另外還有口感脆爽嘅生菜的同雲耳的嚼勁，搭上了酸辣湯底，是一個清爽可口嘅選擇，整體口感好豐富🥬🫶🏻「小食」- 𝟐𝟎% 𝐨𝐟𝐟❥蒜泥白肉($𝟐𝟐)嫩滑爽口嘅豬腩片搭配香氣濃郁的蒜泥醬同辣椒🐷豬肉肉質鮮嫩多汁，充滿辣椒和蒜泥醬嘅辛辣濃烈味道🧄🌶️，凍凍嘅口感，十分

/📍hong kong米線哥是近期新開的米線店，是一間很有誠意的小店～ 很欣賞他們用心製作食物，每一樣配菜雖然簡單但味道很出色！另外也非常欣賞他們由湯底到配菜都提供很多選擇，適合不同口味的大家盛夏福利二重奏詳情🔥1. 第二碗米線半價 (將以價錢較低的米線為半價)2. 所有啲小食8折優惠 (追加價及單點價均為8折)<清湯湯底米線> 雞湯湯底，適合清淡口味人士<巴蜀麻酸辣> 重口味人士必試！辣味中帶有酸味，但味道不會刺激喉嚨，辣度層次豐富<6DEE雞> $23<巴蜀涼拌皮蛋> $21@mixiangor 🥢 清湯湯底米線 / 巴蜀麻酸辣 / 6DEE雞 / 巴蜀涼拌皮蛋Price: HKD $50 / person- - - - -Mixian Gor 米線哥Shop K, G/F, Oscar Court, 232-242 Fa Yuen Street, Prince EdwardG/F, 32 Un Chau Street, Sham Shui Po#CHRISTIEinhongkong#CHRISTIE_太子#CHRI

香港人真係好喜歡食米線🍜（包括我），喜愛到區區都有米線店，「米線哥」@mixiangor 係加藤屋既副線，依家仲抓住夏天的尾巴，舉行「盛夏福利祭」👙，惠顧任何米線🍜可享有第二碗半價優惠，抵食到不得了！同步仲有小食八折追加優惠，堂食同外賣都可以架～優惠期到9月30號，千祈唔好錯過呀～花雕醉雞米線$55誠意💕誠意💕係誠意呀～如果大家有留意我既story 應該知道我係花雕醉雞人✨除左自己屋企整之外，真心未試過有一間係夠藥材味的，紅棗/杞子/當歸/雲耳/薑片通通都有，絕對夠補氣補血補身，$55一碗有這個質素🤤我仲駛乜自己整喎！巴蜀酸辣湯米線個湯底好獨特，有一股香味微微的辣🫢我加配左魚旦、魚片頭、溏心蛋、鮮腐皮、豆卜、迴豬腸同腩肉，最有驚喜係迴豬腸，夠入味有腸香，其次係腩肉，薄薄的五層腩片唔好太油膩，溏心蛋都好正（有圖為證）🤗個湯底好令人開胃，真係可以容易食得哂一碗！！巴蜀皮蛋（追加價$13再有八折）真係抵食到不得了！折實左$10咋，仲要係爆花皮蛋，無理由唔食！巴蜀豬肚（追加價$16再有八折）份量超足～豬肚口感夠爽，加埋辣油我杯野飲唔多夠😂元州分店新店優惠：凡惠願米線哥任何一碗米線即送 6 De

米線好似已經變成香港名物，甚至遊客嚟香港必食嘅菜式😆要食米線唔一定要去連鎖店嘅，香港都有好多值得試下嘅米線小店🫶🏼今次就去到深水埗嘅米線哥，另外係太子都有分店。呢日非常旺場🔥為咗試下期間限定嘅盛夏福利祭🈹包括1️⃣ 第二碗米線半價（以價錢較低的米線為半價）2️⃣ 所有小食8折優惠（追加價及單點價均為8折），而且呢日去到仲送雞翼😻😻兩個人嚟叫米線再加啲小食，超級豐富兼好抵食😙😙巴蜀麻酸辣（小辣）、牛肉、鮮冬菇、蘿蔔、迴辣豬肚湯底有清湯、酸辣、麻辣、新疆、巴蜀麻酸辣選擇，辣度分為微微－超勁7個程度🌶️用QR code落單，小米／多米／走配料等操作順暢簡單。米線超級大碗🤩🤩簡直係巨量級🤣牛肉份量多，夾極都仲有；迴辣豬肚係新出配料，口感爽彈幾惹味😋湯底小辣啱啱好，見到唔少花椒粒同辣椒，麻、酸、辣三味平分秋色，味道平衡亦唔會過份重口味，唔錯👏🏻👏🏻巴蜀麻酸辣湯本身有芽菜、腐皮、木耳絲、花生、榨菜絲、芫茜，好足料👍🏻巴蜀皮蛋任何小食係盛夏福利祭期間都係8折，本身價錢亦相宜，款式好多，有選擇困難症嘅話叫多幾款亦唔肉赤😏😏皮蛋個汁好好食，濃稠得嚟食到突出而清香嘅麻香味😋😋雞翼每枱送雞翼，真係好豐富🤪食到孜然粉香

📍 米線哥——————————————————🌶️｜ 巴蜀麻酸辣薯粉——————————————————湯底惹味重口味 酸酸辣辣 而且仲有榨菜木耳絲 薯粉煙煙韌韌整體黎講幾抵食 腩肉同肥牛好味 ——————————————————🐔｜ 6 DEE 雞💰18——————————————————土匪調味 但係肉質偏乾身——————————————————🌶️｜ 麻辣湯薯粉——————————————————麻辣味無咁濃郁 比較淡味 有少少麻麻——————————————————🥩｜ 蒜泥白肉💰18——————————————————蒜泥比到超級足 辣椒油超級多超濃味——————————————————🐣性價比： 8.9/10🫨回頭率： 7/10👅味道： 7/10——————————————————地址：深水埗元州街32號地舖

由7月1日到9月30日搞緊盛夏福利祭，抵到你唔信，第二碗米線半價之餘，小食仲有8折，深水埗分店仲送單骨雞翼2隻‼️—。—🐓 藥膳麻油雞米線 $52睇相都見到，勁多蟲草花、紅棗、龍眼肉、雲耳等等，但比起佢嘅賣相，味道就冇咁驚喜，藥膳味唔係好濃，亦冇乜雞湯味，雞肉有5-6舊，都好大舊，但明顯食得出係冰鮮雞味，米線唔夠爽口但都唔係太淋嘅，雖然好足料但啲料好似係放上去就算咁，有啲失望< 3/5 >—🍜 清湯米線 w/ 豚腩片+豆卜+鮮冬菇 $45每款餸都好多好夠分量，豆卜索晒湯汁幾正，冬菇大大粒幾爽口，腩片都好味不過薄身咗啲，清湯湯底都算清甜，但就未夠惹味，米線都係偏淋< 3.5/5 >—🍗 6 Dee 雞 (新店開張優惠) 免費雞翼係最正，好香椒鹽味，炸得好脆口，肉質都算嫩，單骨亦都食得好方便，食到唔夠喉，絕對係必叫小食< 4.5/5 >—🥓 蒜泥白肉 (盛夏福利祭8折) $22麻麻辣辣好惹味，肉片厚度適中，蒜味都好香，非常入味，不過鹹咗少少< 4/5 >—。—好味👅：3.5/5服務💁🏻‍♀️：3/5抵食💰：4/5環境🏖：3/5

米線控又出動啦 😆 今次去左深水埗嘅米線哥～ 事源母親大人想出去深水埗買雞仔餅同芝麻卷 🤤 行過見到米線哥而家做緊盛夏福利祭，第二碗米線半價，然後小食又有八折 🤩 而且湯底都幾多選擇，難得出到黎，一於試下平時比較少食嘅米線店啦 😋新彊湯底（溏心蛋、豆卜、蘿蔔、腩肉）微微辣口味嘅湯底，入口好香濃，但唔嗆口，有少少似三哥嘅煳辣，但味道就無咁霸道個湯一 d 都唔油，仲有少少杞子，飲落都幾舒服，特登叫左豆卜，吸曬 d 湯勁正 😆巴蜀麻酸辣湯底·微辣（溏心蛋、蘿蔔、迴辣豬肚、酸菜肉碎）夠酸夠辣，但辣得黎食到香料味，呢個係比較重口味嘅味道，但佢又唔算好油，味道都幾有層次，連我平時麻麻地酸辣味都覺得唔錯 😋小食：蒜泥白肉、涼拌青瓜、6 Dee 雞（新店開張贈送）之前睇關注組有講過佢個蒜泥白肉超級蒜好好食 😋 今日一試發現因為佢 d 蒜蓉打得特別碎，所以 d 香味出曬黎 🤤 難怪蒜滿滿 😍 涼拌青瓜個汁辣得黎 fresh，唔會太 heavy 👍🏻 而家新張叫一碗米線送 6 Dee 雞翼，炸得好脆，肉質好滑仲好 juicy，鹹鹹地幾好味 😋因為第二碗半價實在太抵嘅關係，今次試左唔少配料 😋 溏心蛋真係好