米線陣 (鱷魚恤中心)

Open Now

Now Closed

米線平時食開「譚X」，今日響觀塘做完運動，離奇十級肚餓，見到米線陣就衝左入去。今晚想食餃子&辣野，又唔想冇左陣餃子味，所以要麻辣小辣湯底，但留意食餃子米線要有得選擇湯底，必須要選set先可以選不同湯底（有清湯，麻辣，酸辣等) 。米線分量適中🍜，驚喜位係餃子竟然有五個，唔知係因為set原因還是本身有相同數量。小食點蒜泥白肉，正價要$30幾，以量數計實左有點貴，白肉底有香口花生~本來覺得$72唔太化算，因為小食分量實實在太少，但飲品點鹹檸蘆薈菜蜜，菜蜜入面載有滿滿蘆薈，鹹檸檬味道唔太鹹，比例剛剛好，抵賞番票價👍🏻👍🏻總體米陣線味道比「譚X」感覺清d，麻辣味出d! 只係set價錢有點貴，只能說一分錢 一分貨。

米缐已經在香港太普遍了，每個人都總會對一兩間米缐店特別愛，小編也不例外😋這間是今年最喜歡的米缐店！以前愛吃正宗四川麻辣米缐小店，因為湯底有自己特色，數年後，大型連所米缐店一街都是，湯底全都一樣，神奇是沒有實質配菜，但湯底很有味，吃得耐會覺得有點假，但為了自己的米線癮，一定會走圍找好吃的一間！這間店的優勝之處很多，首先說湯底，不是麻目的辣，是慢慢麻的辣配上蕃茄的酸，吃上感覺有質感一點，濃度適中！第二是配餸！選擇多而且有很多獨特餸！實在滿充了對湯底和配餸有要求的人！

呢碗野成碗粟米湯咁估下係咩黎？ 係北海道3.6牛乳南瓜雞髀肉竹笙米線 ，個名好長加左北海道呢三個字令我狗衝要試下呢碗米線，店員送到埋黎到果陣聞到好香，即刻已經好開胃，不過其實望到啲南瓜蓉同南瓜粒喺啲湯上漂浮實在系唔太美觀，再加上唔知點解好日式嘅一碗野會加條芫茜？心諗中伏啦！但都黎左啦都要照食嫁啦，啲南瓜同牛奶系甜嘅，但個湯系咸嘅，好奇怪嘅感覺呀，可能我期待好似罐頭南瓜湯咁係甜嘅所以第一啖食落去真係好奇怪！之但係咁喎，食下食下啖啖米線都有啲南瓜粒食落又幾有口感，個湯雖然同我預期好唔同但其實係唔差嘅，而且雞髀肉都好嫩滑而且無乜冰鮮味，最後我成碗湯飲晒

由連接apm和鱷魚恤中心的走向便可看到米線陣。設計以白色為主，將吃米缐的格調提升，驟眼看似是西餐館，但門口又大大隻字寫住米線陣，又不容你混淆。 基本湯底都有芽菜、腐皮，其中鮮茄湯底有很多蕃茄蓉但偏甜，個人唔多喜好，太甜了。鮮茄雞脾肉蟹柳米缐，雞肉不少，蟹柳有2條，味道還可以。鮮茄魚蛋魚腐米線，白魚蛋爽彈，魚腐唔知幾時不過是魚片頭演變成的小枕頭型，並不是舊式大大塊扁扁地皺皺地紋個種了。鮮茄雞脾肉蟹柳米缐和鮮茄魚蛋魚腐米線是下午茶選項，有飲品送。而鮮茄肥牛米線和麻辣牛肚米線，是正價叫的，無飲料但明顯份量大些，如米線、芽菜都多些。麻辣牛肚米線，麻辣巳叫大辣，但辣度麻麻地，唔算勁，可能是要就番香港人無咁吃得太辣卦。近落地玻璃的座位很正，向外望很開揚，休息一下的好地方。

清湯米線沒什麼味道。餃子皇餡料普通。雞比烏冬得三小塊雞肉。味道不怎麼樣。飲料紅豆冰稍差人意。雞絲粉皮超難吃！！！之前在馬鞍山分店吃過，很好吃。在觀塘吃超差！以後也不會再來了！

早餐趕時間試左個「超值餐 」無糖麥皮牛奶 （清淡 無味 麥皮粒粒好軟淋淋 啱要食清淡野既人架！）火腿芝士三文治2個 （清淡清淡清淡）熱飲 好立克（唔洗落糖已經夠甜）搞笑既係 我叫麥皮餐 外賣加$1張單寫火腿通 我個心態已經準備好食火腿通最後都係麥皮

行完街搵aPM有咩好食，見到米線陣睇落環境幾好就試下喇。點左兩個下午茶餐加一個紅油皮蛋，速度超快，點完三分鐘野食就上喇。見識到真正既「圖片只供參考」餐牌既相仲勁過d網紅用美圖瘦瘦執既相。蕃茄湯底，好甜，唔係鮮甜係糖甜冬陰公湯底，雖然賣相一般睇落好清湯，但其實佢係有味咖！！！紅豆冰，紅豆量足可惜得幾滴奶精，望落清沏度高，飲落似係溶冰後冇味既紅豆冰服務方面，冇比水同餐紙要問先有，因為冇加一服務收費所以理解

下午230急找少許醫肚、米線永遠是首選、知道呢間米線陣開咗一段時間、但總是冇機會試、成日見有條龍.... 過咗高峯食飯時間、但全店差不多坐滿、即管試試、下午茶餐有不少選擇、由HKD31到40多、叫咗餐後、約5分鐘全到、服務姐姐有禮貌、唔錯！銀針粉加羅白糕同粉皮、盛惠31、👍🏻、味道唔錯！份量唔多、但巳夠醫肚肚！

香港人生活忙碌 平日很少坐下來慢慢吃個午餐或晚餐 簡簡單單吃一碗麵 填飽肚已經很滿足 今日如常到觀塘APM附近學瑜伽 完課後決定一試新開的米線陣Order了番茄麻辣湯底，紫菜，香甜蘿白和牛肚 加多杯青檸梳打。蕃茄麻辣湯米線吃下去先有蕃茄的酸甜味 再發出麻辣湯的香氣 一口清新的青檸梳打 是個不錯的選擇

又係觀塘食野時間，又係米線人要試試米線既時候，今次黎到米線陣，人多，要等一等先有位。睇下餐牌先，都幾多野簡，而且好多都好吸引。有小食簡，其實樣樣都好正。有套餐簡，咁樣米線、小食、野飲三樣配住，抵食d。佢係大汗豬扒米線，滑底好香口、好濃。豬扒炸得好脆，咬落唔un、份量足。$43酸辣肥牛米線、配蒜絲白肉。$72肥牛略嫌有d un，唔太好咬，肉味唔重，唔錯意。不過佢勝在配料好多，食落好有層次，味道唔單一。蒜泥白肉就好香口，一如既往咁好味。四個人，埋單$229，又飽肚又滿足，推介！

觀塘放飯，去左最近既apm食點知就到既時候見到米線陣大排長龍，當然想試下點解咁多人食啦，（雖然多人食唔代表好食）點知道呢個預測係岩既....等左15分鐘終於入得去啦由於好餓既關係，我叫左個特盛米線$59湯底無乜味，大忌！米線太淋，一咬就散，肥牛，雞翼，豬肉丸等等既餸都好一般。整體上，勉強都算合格既...不過我個人認為不可一，不可再。因為價錢唔算低既，味道唔算好食。所以就唔明點解咁多排隊啦，總結，可能！有機會！其他分間係好食既？觀塘呢一間就真係差左少少了

第n次黎觀塘呢間米線陣食。之前每一次都很滿意，特別係即炸的大汗豬扒及炸雲吞。今次真的十分十分十分失望！！(很失望的說3次)豬扒不是即炸，亦不是微暖，是完全冰凍！我相信要炸起室暖擺放半小時以上，先有咁“凍”。極之失望！！炸物要熱上是十分基本的要求，塊豬扒冰的情度連熱燈、熱盤都沒有用那種“冰凍”！米線陣係大集團，每間水準也不一，之前食過旺角店超級多油的大汗豬扒。今次仲差！咬完一啖，發覺是凍。原本想要換過，但唔想浪費食物就照食，但白白浪費了食炸野的quota(因為減肥中)。

去到APM，找地方吃早餐。遠望看到米線陣，心想吃米缐做早餐也好。但看餐牌，原來早餐除了一個餐外（Set G) 是鮮茄牛肉/🐔脾肉米線外（$30），其他大部份也是港式早餐，價錢由$30-$40。點了個地道港式早餐-沙嗲牛肉即食麵配熱奶茶。沙嗲牛肉味道不錯，帶少少甜，不過得幾片，我覺得湯可以濃少少，咁整體就更 Very good. 奶茶相對較弱，冇嘜茶味、奶又不滑，而且上枱時溫度也不熱。可以再改良下）（註：可能我本身很喜歡喝奶茶，要求比較高）環境乾淨、開放式廚房、店員也有友善及很有禮貌。比起一般茶餐廳好好多。如果去開觀塘，想坐得舒服d，吃個港式早餐，這間是不錯的選擇！

今晚約左舊同事上興趣班當然要食左野醫下個肚先朋友好鍾意食米線前幾日已經指明要去試apm 依間新開既米線店環境唔錯既，都算坐得舒服食物質素都唔錯-蒜泥白肉蒜香味重少少辣肉片唔算肥膩濃味既蒜汁配上薄薄既白肉片好惹味-雞絲粉皮爽口既粉皮，配上青瓜，雞絲及麻醬一向都係perfect match 份量都多很喜歡依款前菜-叫左蕃茄雞絲鳥冬鳥冬好彈口如果蕃茄味再濃d 就更好-餐飲叫左青瓜豆漿一試即愛上好難忘既清新味道早知要加大😜

今晚等女朋友工，我去左觀唐一個商場揾野食，見到有位就入左去試下，點知有試好野點咁唔同大家分享丫。收到去坐底左就叫左個麻辣番茄肥牛魚腐米線同青檸梳打。等左唔夠5分鐘就有得食第一口食落去覺得無乜野，點知越食越麻，牛肉幾滑同魚腐都好味，其實我唔係咁食番茄，但今次配搭真係一流，唔知係咪因爲d湯太麻啦食d番茄真係好甜，感覺一流又夠大碗，而杯青檸梳打比出面甜岩我口味，食到辣嘅同時之後有杯甜野真係超正。下次再同女朋友食多次🤗