米線陣 (鱷魚恤中心)

Open Now

Now Closed

食米線有時唔想食清湯覺得口寡寡甘又唔洗下下唔系麻辣就酸辣可以試下米線陣既皇牌推介大汗豬扒擔擔米線香滑既花生湯底帶少少麻辣飲落好順口最抵讚系$45有大1大塊既炸豬扒炸粉適中， 咬落有口勁令人忍唔住就食曬成碗米線加豬扒食完又有少少罪惡感覺得好似好熱氣但真系好好食 唯一一點要彈下就系飲品真系麻麻地試過凍奶茶味偏淡同苦凍可力都系好淡味

夜晚8點幾係附近上完堂，朋友提議食米線陣，諗諗下都好耐無食過，梗係好啦！係門口等左兩張飛就可以安排入座，非常快捷。無奈係入座就快，但想搵人落單就好慢，好不容易截停左一個黑衫人，佢應完之後就又唔見左人，只好再等另一個侍應送餐時搵佢落單蕃茄湯底真係無得輸，但如果鍾意食辣，我就推介麻辣蕃茄湯底，我之前食過係幾好味，只不過今日唔想食辣。+$8豬頸肉好香口，都幾好味。朋友就試左新呢個椰子雞米線，入面有雞肉，雲耳，蕃茄，我都試左啖個湯都幾香濃椰子味，跟餐連埋雪耳龍眼茶，都幾清潤。 朋友話想試蜜糖檸檬雞翼3隻$22，點知最終係我食左2隻XD，我覺得幾好味，係略嫌唔夠多檸檬味。唔知係咪米線陣轉左系統，以前落完單都會俾張單我地睇下嗌左D咩野食，依家靜係拎張單去收銀處俾錢。跟住個職員靜係話個價錢俾我聽，我已經好好禮貌問佢可唔可以影張單黎睇下，佢就一臉唔耐煩咁印左單出黎。我覺得印一張單出黎俾食客對下自己嗌左D咩野野，同埋價錢岩唔岩係好基本既野黎。講真，大家多個保障姐，收多收少錢，有咩誤會不快就唔好啦。跟住我再話八達通俾錢，佢都唔應，臨走乜都無講，我都唔預期你講聲多謝，但連BYE BYE都無講。唔通因為我俾得

因為喺附近上完堂，好肚餓，所以就去米線陣食晚餐! 平時去米線陣都係叫麻辣蕃茄湯米線多，今日見佢有新出品 - 椰子雞米線，咁岩我又想食清啲，就試吓啦!$56 椰子雞米線餐配雪耳桂圓茶，+$8 豬頸肉真係估唔到個椰子雞湯做比想像中好! 香濃既椰子味，仲有唔少椰肉碎喺入面，亦唔會感覺太膩。當然係唔夠辣既咁惹味，但唔食辣既話，呢個係不錯的選擇。跟餐包埋既雪耳桂圓茶，又幾清潤wo~本身呢個米線包括左幾樣配料，主要有雞肉，雲耳，蕃茄仔。我再另外加左豬頸肉, 好味，酥脆香囗，只係油左啲。佢米線本身的雞無乜味，如果唔加其他都真係唔夠餸😅$22 蜜糖檸檬雞翼 3隻檸蜜雞翼就同朋友share,都食到檸檬味，但如果啲醬汁多啲就會更突出到個檸蜜味，同表面唔會咁乾。整體黎講，椰子雞試一次夠，可能因為我比較重口味，下次食返麻辣蕃茄😂😂😂

3.6牛乳南瓜湯竹笙雞比肉米線$46其實我係為左佢既湯而食，一飲落去戈啖真係好重奶味，而且啲南瓜係打到爛曬，所以個湯比較結，好正，而且食完真係唔口渴。如果可以唔揀雞比肉就好，因為好大陣雪藏味，唔好食！如果可以轉做菇就更加健康了，又唔會搶左個湯底味！

本人一個星期會有兩至三日去食早餐，大約時間都在10後，整體覺得嗰度啲員工懶散， 成日聚埋一齊傾計及玩手機，及枱面上的餐具籃餐具不足，廚房出品方面芝士腸畀水浸到無曬味，希望貴公司跟進

返工前，梗係要嘆個早餐先，今日早想食米線，就選擇左米線陣，點左五香肉丁米線，配上炒蛋，午餐肉及餐包。米線份量剛好，但肉丁份量少，味道唔會咸。炒蛋炒得岩岩好，吾會乾，正。

做運動之前緊係要醫下肚先啦😝 於是就同朋友去左米線陣 諗住食個輕盈啲嘅下午茶☕️但為食嘅我地見到皇牌套餐就忍唔住落單啦😝 因為除左米線🍜 仲有小食同飲品😆 好豐富🍭麻辣蕃茄湯底味道不俗 鮮甜味美嘅蕃茄🍅配上麻辣😋😋 仲有埋蕃茄皮連肉 感覺好足料👍🏻 另外米線軟硬適中 而且好彈牙👅 但肥牛略嫌偏硬 而且無咩味道 魚腐就普普通通清爽嘅青瓜配上粉嫩嘅雞絲同埋滑溜溜嘅粉皮 簡直係完美嘅配搭😋 麻醬有香濃嘅花生味🥜 但食到後面覺得好膩🤢芒果同鐵觀音呢個配搭好夾 底部仲有芒果肉 但對於我黎講偏甜🤧埋單一個人都係$36 兩個人share都好夠食👍🏻

起官塘想搵間平平地既食晚飯，就同男朋友食呢間。晚飯時間唔洗等就入到。裝修有d似茶木，menu設計都似茶木，都係幾清新既feel我叫左個自選湯麵，個setting有d似譚仔，都係食幾多樣就逐樣加錢，但款式同譚仔好唔同！想試新野既人可一試！我加左人雲吞料only因為唔太肚餓，雲吞有d鹹我覺得。個豬骨湯有d淡。但三十幾蚊算係咁我男朋友叫左個辣湯底，我飲過唔錯。個涼皮小食好食整體黎講其實都ok。會再食多次

同兩老行APM行到攰，就過咗去鱷魚恤中心諗住走人，行過見到呢間米線陣，門面企理又光猛，所以決定試下新嘢，食埋個晚飯先返歸。湯底選擇多，餸類選擇亦足，可惜我哋心儀嘅豬軟骨呢間分店冇做，所以就嗌咗其他餸。牛𦟌香菜濃湯米線 ＄41如圖所見，牛𦟌9蚊得兩片，唔鞋味道都幾好！個湯清清哋，味道其實都勉強合格嘅，老人家都冇話唔好食。不過除咗牛𦟌少，米線都少，要扣分！鮮蝦雲吞香菜濃湯米線 ＄40雲吞8蚊有3粒，算係咁啦，味道係唔錯嘅，食得出蝦嘅鮮味！不過米線份量又係勁少囉⋯⋯香酥豬頸肉酸辣湯米線 ＄40個湯底真係超正！醋味香醇又唔會搶喉，加上帶點微辣，兩三下手勢已經飲咗大半碗湯！配豬頸肉其實都幾好味，浸咗湯都仲感覺到香酥，不過份量又係超少，而且豬頸肉嘅Size係超細塊⋯⋯應該叫豬頸肉碎先至正確白裡紅蒜泥白肉 ＄34 ＆ 紅油皮蛋 ＄11蒜泥白肉不錯不失，肉夠肥夠滑，做到入口唔會膩，只是略嫌蒜味不夠。紅油皮蛋，如圖所示，就是紅油加皮蛋，賣相和味道都係認真麻麻。雖然位於觀塘市中心，而且價位仲唔貴，味道其實都OK，個酸辣湯仲要係好正。但係份量真係少得可憐，我哋三個人6點幾未肚餓就走入去食，叫咗三碗米線兩款小

第一次食米線陣就係呢間，今次去完我相信會black list。豬扒再不是厚身的，變了紙咁薄，厚度依然因為粉夠厚。以前的豬扒是正常白身的，粉紅色的豬扒證明勁多添加劑，唔敢再食。是除去厚粉唔食，成碟豬扒好似冇食過咁。好明顯要減成本，轉了平價豬扒，仲要薄切，雖然炸彈幾好，但是食豬扒不是食粉呢。，改名做大汗厚粉米線。雖然湯底質素保持到，但豬扒是主角，這樣質素的豬扒byebye 沒有下次鳥。還浪費了一次食炸野的quota 😫😫

呢間米缐陣，係APM行過嚟非常近，又要冇乜人，價錢也合理，店舖的座位也舒適。我們兩個由於不太肚餓，所以叫了一碗米線及一個小食。米線方可以選擇擔擔麵，覺得較其他好食d。坦白說，它的湯底應該是加了味精的，也頗咸。米線偏向淋身，牛𦟌正常，沒甚特別。小食方面，我們叫了蘿蔔。蘿蔔雖然很甜,但不是屬於蘿蔔的清甜味，而是感覺上應該落了很多糖價錢方面，其實也頗實惠，一會米線約＄50 ,清湯蘿蔔＄15 ,係APM附近都算平。

當日中午要左碗札肉米線麻辣湯底，加左個紅油炒手同凍檬茶，米線爽滑,湯底夠麻，吃得暢快又夠爽------------------------------食物質素：🤤🤤🤤(5🤤最優)價格水平：💰💰（5💰最貴)環境裝修：✨✨✨(5✨最好)服務態度：🌟🌟🌟(5🌟最佳)整體評分：❤❤❤❤❤❤(10❤滿分)是次評論及分數視乎進餐當天的品質而訂，亦同為個人觀感：）------------------------------

每次諗唔到食咩, 米線通常都會救我一命, 呢間米線專門店係膽拖之一餐牌見有呢個滋味二人餐 ($172), 份量對眼又唔收加一, 小食飲品都包埋, 仲駛諗?!套餐包括米線自由配 (2碗)多款湯底任選, 自選配料1款, 第二款加錢可以追加點了農場番茄湯配魚腐, 酸甜番茄湯帶有番茄皮同肉, 魚腐腍口, 又係清新之選!另一碗米線為酸辣湯底配鮮蝦雲吞, 辣度可以選擇, 小辣岩我, 湯底中見到少少酸菜; 鮮蝦雲吞大大粒, 咬落食到蝦肉, 夠爽口!  皮又夠薄, 整體感覺唔錯!皇牌特色 - 二選一, 點了口水鷄, 一客份量都唔少, 今次呢客係肶, 多肉部位又嫩滑, 面頭灑上芝麻又伴以脆花生, 辣度唔算太辣, 唔會有嗆喉感覺!風味小吃 - 喜歡食鷄絲粉皮, 尤其係呢D熱天氣, 爽口青瓜絲伴以鷄絲, 以粉皮墊底, 再淋以麻醬, 香滑口感, 唯醬汁份量可以輕手返D, 食到尾都唔會覺太膩!菇菌時蔬 - 濃湯菇菌浸時蔬, 湯底味幾鮮甜, 簡簡單單浸唐生菜都唔錯!餐包埋飲品, 佢杯凍檸茶, 茶味適中, 個人覺得好岩口味, 下次黎都要叫番呢杯!

呢日同屋企人行apm, 行到攰攰地諗住試下呢度嘅米線。可能因為撞啱lunch時間，等左差唔多15分鐘先有位。點左呢度嘅皇牌推介“麻辣番茄肥牛米線”，落order之後好快就送上嚟聞落好香麻辣味同番茄味。即刻試下個湯頭點知原來味道偏淡，番茄味唔多覺之餘亦只有好輕微嘅麻辣味。魚腐彈牙但魚腐嘅味道偏淡食落反而只覺偏咸。肥牛好薄身，份量亦好少，米線咬落中間個心好似仲有少少硬硬地未熟透，米線份量亦偏少。本來諗住叫嘢飲，但食左個米線之後就打消左個念頭。

米線平時食開「譚X」，今日響觀塘做完運動，離奇十級肚餓，見到米線陣就衝左入去。今晚想食餃子&辣野，又唔想冇左陣餃子味，所以要麻辣小辣湯底，但留意食餃子米線要有得選擇湯底，必須要選set先可以選不同湯底（有清湯，麻辣，酸辣等) 。米線分量適中🍜，驚喜位係餃子竟然有五個，唔知係因為set原因還是本身有相同數量。小食點蒜泥白肉，正價要$30幾，以量數計實左有點貴，白肉底有香口花生~本來覺得$72唔太化算，因為小食分量實實在太少，但飲品點鹹檸蘆薈菜蜜，菜蜜入面載有滿滿蘆薈，鹹檸檬味道唔太鹹，比例剛剛好，抵賞番票價👍🏻👍🏻總體米陣線味道比「譚X」感覺清d，麻辣味出d! 只係set價錢有點貴，只能說一分錢 一分貨。