宮葉 パフェ (Closed)

又完成了我一個必食餐廳平日係旺角出沒嘅我 想試宮葉好耐終於抽到時間去 又唔使排隊😗我叫左和風豬軟骨拉麵豬軟骨幾淋 湯底夠濃👍🏼但對於他的水果茶有點失望淡而無味 拮兩拮仲有啲苦添😭甜品很吸引 下次試試看😍_________________________裝修環境：✨✨✨✨服務態度：✨✨✨✨食物質素：✨✨✨(5個✨為滿分)價錢：$54+8________________________唔信我嘅可以自己去試試😂地址：太子西洋菜南街240號地舖

鬧市中平價而有水準既拉麵.... 佢真系排頭幾位原本系佢既甜品吸引我地黎 但見有埋正餐就一條龍吾洗煩吾洗諗女湯底系香濃既豬骨底好好飲 拉麵軟硬適中 豬扒外脆內嫩 炸得岩岩好 甜品就麻麻 雪糕綠茶味吾太特出 芋圓 麻薯 冇咬口淋到一pat pat咁😭影響哂 外觀8/10 味道2/10 不過雪糕配炒米系好特別地match

又中伏！點解D拉麵會變成咁架！點解個湯底咁奇怪架！只可以講一分錢一分貨，其實我一早預咗會麻麻地，但無預到係一入口即失望囉！好彩個飯後甜品都ok，未致於慘敗。和風豬軟骨拉麵 $54我習慣麵嚟到就飲一啖湯，出前一丁麻油味？搞乜鬼呀？再夾麵嚟食，點解拉麵係攣架？好公仔麵feel，同我屋企買開 $3X 一pack果d麵無分別喎，好失望！雖然麵同湯都好唔掂，但豬軟骨又唔錯既，肉腍又入味關西叉燒拉麵 $52麵同樣出事啦，但湯底起碼有輕微豬骨味，唔會一味精味，叉燒無入口即溶，但我覺得口感唔錯，厚厚地有豬味，而且芛同雲耳都好爽口，蛋唔夠creamy同流心日式精選抹茶芭菲 $50雖然無我至愛既京林屋咁好味，但呢個宇治抹茶雪糕都唔差，抹茶味重過奶味，不過上枱已經溶溶地，其他配料如抹茶蕨餅、生果、紅豆、脆米、蛋糕等等都不過不失，不過佢好大杯好見食架，兩個人share食啱啱好，好彩呢個甜品都ok，叫彌補拉麵既不足啦兩人共消費: $156

在OPENRICE搜尋旺角的便宜食肆，看到這間日本拉麵店比一般的便宜一兩成，便決定和另一半去試試看。我點了和風豬軟骨拉麵($54)，女朋友點了叉燒拉麵($52)，麵條比較硬身，湯也沒有很香濃， 而我的豬軟骨還不錯，入味又夠稔，而女朋友的叉燒則較遜色，切得又薄又不太有肉味。加$8就可加配一大杯果茶，裏面真的放了不少水果粒，我點的是芒果青檸果茶，要自己把青檸啫出來後變得更好喝。總結這一餐，以這個價錢，有這樣的質素，性價比已算高了。

拉麵還可以，豬扒太差，似麵團多啲，又唔脆。肉食落粉粉地，完全冇味。抹茶雪糕唔錯，不過裡面芋丸冇彈性，口感好差。芭菲一般，唔值咁嘅價。價錢適中，肚餓可以考慮呢間D拉麵嘅。飯後唔洗行，又可以食甜品，都算OK。

賀朋友生日，周圍搵嘢食，睇到呢間甜品好靚，一於就食呢間。餐牌好多嘢揀，我地都睇左好耐，好想快啲到甜品。緊係食左正餐先啦，我地都叫咗拉麵。呢碗係吉野牛肉拉麵（$52），牛肉唔錯，流心蛋好味，麵還好，湯就濃左啲油左小小。朋友個碗係叉燒拉麵（$52），佢話ok，可以接受嘅。加8元就有杯嘢飲，即刻叫嚟飲下我個杯係藍莓乳酪果茶，拼合埋偏淡，茶味亦少，生果雖然已經係西瓜，整合就麻麻。另外一杯櫻花蘋果果茶，朋友話fresh，味道都ok嘅。嚟到最後，甜品才是主角，宇治綠茶心太軟($46)。等左一陣就上啦，一破開，流出黎，即刻食，好好味，朋友都話正呀！雪榚同啲cream都好好味。個人建議，熱食就一般，價錢唔貴，但係甜品真係ok，同值嘅，評分全歸甜品。

第一次去呢間叫官葉食，環境比較日本風都算舒服。叫左個關西豚肉拉麵同雞扒親子飯。個拉麵可以免費升級做地獄湯底但小妹唔舒服就試下豬骨湯底。個麵都算大份再加埋配料同3片豚肉都豐富，味道OK～雞扒親子飯就好surprise~蛋液唔會太生或者太少，而雞肉都切成粒狀所以食到尾段都有雞肉配搭住，仲有個麵豉湯所以份量唔會少。今次最爽既係，每個餐只而加＄8可以飲到原價＄28既水果茶，大約有8-10款比大家揀。每款水果茶真係有原片水果再加綠茶或者紅茶，份量好大杯，所以真係抵飲。味道幾fresh, 喜歡飲自然水果味既朋友，可以叫小甜。Menu上有好大篇幅提供日式甜點，有興趣既朋友可以叫埋，但小妹實在太飽，下次再去食，試下新野～

I came here for lunch after being so hungry and sitting in the classroom since the morning. My friend recommended this place for me , so i decided to give it a try. I ordered the pork cutlets ramen, as the pork cutlet looked very tempting. The ramen arrived within 10 minutes which was a good thing cause i didn't want to be late to go back to school. The ramen tasted really good , the soup was very impressive and the noodle was chewy and just had the right texture. However, the pork cutlet was qu

這家餐廳應該是近排新開的，主打日式甜品，甜品款式多多（甚至比主食多！），看似挺迎合香港人口味，但這次就先來試一下它的主食！拉麵的硬度約中硬，有嚼頭。兩碗拉麵的湯底其實都差不多，麻油香味重。配菜亦差不多，其中值得一提的是它的溏心蛋，溏心蛋切成一半令賣相加分不少～蛋黃蛋白的質感滿分，蛋黃黏黏稠稠而蛋白亦完全凝固熟透，味道甜甜的～豬軟骨煮得夠軟熟，日式醬油味非常入味，亦附有不少軟骨，倍加口感～日式豬扒雖然炸過但不太脆，也不夠熱，如加點醬油或沙律醬就更好了～見到下午茶時段可以同樣價錢且送飲品， 約 $50 便可吃到日式飯或拉麵，相當抵！

每逢週六，指定動作就是到觀塘接朋友收工，再到附近的餐廳吃飯逛街，朋友表示經常到樓上cafe吃飯，感覺有點悶，所以這次就找找地舖的小店。沿路一直走，發現有一間看似很不錯的日式餐廳，門外掛上大大張的poster，是近日全城熱爆的水菓茶，還有大量吸睛的日式甜品，最後我們決定試試。 餐廳的裝修挺簡約，以木調為主題，帶有淡淡的日本風情，而牆上則掛有多款美食圖片。來到的時候，其實已經130pm，午飯時間，所以人客挺多，查看餐牌，發現食物的選擇蠻多，有拉麵、茶漬飯、小食、甜品及菓茶。關東煮 - 內裏的材料挺豐富，大大片的白蘿蔔，還有雞蛋、蒟蒻、福袋年糕及竹輪等等，入口帶有淡淡的昆布香味，淡淡的，感覺健康，而個人最愛吃福袋年糕，入口煙煙韌韌，非常有咬口。海老茶漬飯 - 天氣炎熱，沒有太大心情吃飯，所以，點了個茶漬飯來吃，它的賣相不錯，碗內放了3隻鮮蝦，入口爽彈，不過，份量蝦肉較少，個人認為廚師可以入點櫻花蝦之類的海鮮小配料在飯內，這就不會令整個飯變得太孤單了。青蘋果檸檬菓茶 - 青蘋果的味道有點人工，而且杯子較高身， 很難把內裏的糖漿搖勻，入口時味道時淡時甜，不過，由於飲品雪得夠冰凍，所以，喝後挺消暑

前幾日有晚經過太子覓食～入左呢間個門面幾吸引既日式餐廳度食～因為見佢d價錢都唔係太貴又唔洗加一～入到去坐低左，原來個餐牌冇乜選擇，都係得幾款拉麵，幾款日式咖哩飯同埋幾款滑蛋飯，反而主打好似係甜品，有好多頁都係甜品。。。因為廢事坐低又走左去，所以就求其叫左個日式咖喱豬扒丼（＄４９）～個日式咖哩汁同想像中有d出入，通常日式咖哩都係甜甜地，呢個汁就冇乜甜味，亦比想像中辣好多，但都幾香濃既～不過咖哩汁係唔熱既。。只係暖暖地。。對呢方面都幾失望。入面有舊薯仔同紅蘿蔔，旁邊有d椰菜絲同埋有隻溫泉蛋，賣相都算豐富既。仲有個主角吉列豬扒水準就普普通通啦，鬆脆度一般，炸皮太厚。另外，服務都麻麻，全程晚餐一杯水或者茶都冇，原來要加錢先有。。總結：見隔離枱食客d甜品賣相都唔錯，相信如果想食甜品先會再黎。

雙生兒般的抹茶芭菲杯🍧～同隊員W一齊吃完晚飯再吃😅，結果發現呢杯「大佬」真係幾大杯😳好飽飽飽呀⋯⋯入面有好多配料，除左有大大份的乳酪抹茶雪糕🍵，仲有隊長B特別喜歡的三色丸子🍡同抹茶蕨餅～丸子很煙刱好有口感，蕨餅是滿滿的綠茶味😌～而且仲有好多生果伴杯😙同埋殼物早餐爆爆粒增加香脆感～很好味😋😋唯一就係食唔出乳酪味，不過純抹茶角度黎品嚐係完全抵讚的👍🏻！-------------好味指數😋：7/10 翻啅指數🙆🏻：7/10人均消費💰：10-99（$50好抵食！）服務態度👨🏼‍🍳：7/10乾淨指數🌝：7/10

其實間野應該係食日本拉麵⋯⋯但係我係俾甜品啲圖吸左入嚟🤤身為綠茶控一見到啲綠茶宇治金時就失去理智。入到黎見到啲葩菲甜品仲有軟雪糕🤤揀咗好耐都唔知食邊個好。本來諗住有茶雪糕果幾款，問一問個侍應哥仔，原來上面啲軟雪糕係可以轉味嘅咁即刻就多咗好多野揀🙈選擇困難嘅我同個舊同學揀左超耐🤦🏻‍♂️果幾頁俾我地左揭右揭🙄好艱難咁先揀到杯雜果雪糕葩菲，同學仔食香蕉葩菲當然都係轉做綠茶軟雪糕😍個賣相...點解會咁嘅😅因爲個杯太唔靚⋯⋯圖片只供參考，算啦好食就得，軟雪糕其實唧到好高，超軟好滑但茶味就唔出，亦都因為佢太玩我個匙羹一篤落去嘅時候個雪糕就冼咗落枱喇🙈🙈🙈咁就無左一大截，有條蛋捲仔，雜果火龍果奇異果西瓜芒果士多啤梨就每樣生果一片🙄下面啲椰果好多、米通就好脆，增加左唔同口感，好味抵食既，所以門口成日都有一條人龍，但呢度其實好迫，張枱好細，我坐既位啱啱喺啲高身bar枱隔離，個頭成日撞到高枱轉角位😒

朋友介紹過所以就搵日同朋友黎試下，打開個menu 發現啲甜品仲多過啲主食😂 我地嗌左個咖哩雞扒飯、和風豬軟骨拉麵、宇治綠茶拿破侖、日式精選乳酪芭菲、香橙西柚乳酪芭菲一齊share黎食。和風豬軟骨拉麵：食落個湯底根本同出前一丁豬骨湯底冇分別，啲豬軟骨唔錯，夠軟，不過咁嘅價錢呢啲質素都ok la咖哩雞扒飯:份量好足，咖哩唔會太咸，雞扒都嫩宇治綠茶拿破侖：個皮雖然唔夠脆，但啲抹茶cream好濃嘅抹茶味而且係帶苦味👍🏼日式精選乳酪芭菲：個綠茶雪糕唔係好creamy好滑個隻，但質底都算滑同都算夠綠茶味，同埋唔會好甜，啲蕨餅同丸子係偏軟身，但整體黎講呢個芭菲質素不錯香橙西柚乳酪芭菲： 啲生果唔夠甜同好酸不過總體黎講都算扺食，平價之選。

八點半已吃完晚飯，友人提議去吃甜品。我突然想起這間店，每次經過都有很多人在門外等。而且店外餐牌或海報都是綠茶甜品，以為主打綠茶。由於友人愛吃綠茶，所以我便提議這間店吃甜品。準備入內之際，發現其他人在吃晚餐。當時以為自己之前睇錯，以為這店是沒有甜品的。再仔細看看餐牌，確定有甜品才入內。坐下再看餐牌，才驚訝有很多不同種類的甜品。見到這款「脆皮泡芙雪糕夾心」，感覺很特別，考慮中。但最終決定食「士多啤梨窩夫」，而友人就揀了「日式精選乳酪芭菲」。士多啤梨窩夫，窩夫夠薄、脆，不會太飽，窩夫內裡有士多啤梨，再配士多啤梨醬及吉士，很夾，很好味；另有士多啤梨及士多啤梨雪糕，士多啤梨迷一定會喜歡 ^_^其實我不是士多啤梨迷，但都喜歡這款甜品  日式精選乳酪芭菲，一杯就可食到不同的食物 內裡有三色糰子、綠茶蛋糕、栗子、蕨餅、焦糖脆脆、抺茶雪糕，以及底層一堆甜甜的紅豆蓉。糯米團子好煙韌，抺茶雪糕的味道十分濃郁......這款甜品份量很多，足夠兩人食用。一個人食完晚餐再吃這甜品，就會十分飽。