又一間餐室

Open Now

Now Closed

又一間位於新蒲崗工厦區， 位置方面唔算起眼。下午茶時段價錢抵食，肚餓入去快食個便當醫肚先。餐廳主打便當以外，仲有拉麵，焗飯同其他小食套餐 自助形式有日式麵豉湯/羅宋湯選擇 ，鍾意嘅可以添飲，便當未到先飲豌麵豉湯 ，如果唔飲湯的話有水同綠茶提供蛋絲鰻魚便當便當附送蒸蛋/前菜同小食，蒸蛋好滑，淨食咗一啖已經唔停咁食，好快比我KO咗前菜同鰻魚味道相當唔錯，雖然係下午茶份量，但喺都食得幾飽，下次要再嚟試一試食拉麵

星期六到新蒲崗上堂，上完係周圍搵野食。好多食肆都隱藏左係大廈內，不容易被發現，呢間就係其中一間了！經過見到有鰻魚飯食好吸引，仲要唔太貴，當然即刻入去食啦！剛好下午茶時間，佢有個鰻魚蛋絲飯餐$42，其實都估到不太大，賣相不錯，鰻魚也不錯，分量很適合下午茶時間食，仲有配菜同沙律；加配紅豆冰$7，大大杯，紅豆多，好飲！然後被menu上的「西多巨無霸」吸引，好耐冇食過邪惡之物，一於豁出去內裡花生醬，很香口，不過炸燶左少少。

在新蒲崗工厦區的一間平價食肆，食堂性質，所以只在工作日營業。難得公众假期，便與家人一同前來試吓。下午一點半入座有9折，於是4個人叫咗4個餐，結果再次證明我哋係眼阔肚窄。每個餐都跟有羅宋湯或面豉湯，湯同水都係自助。點完菜好快就上咗鰻魚飯，用竹制的便當盒，與別不同。鰻魚唔算大份，但幾腍幾入味。仲有配生菜沙拉同蒸蛋。海南雞飯的雞肉都幾嫩滑，飯就唔係我鐘意的泰國香米，有些失分。两份焗飯最後上，豬扒飯的茄汁並唔酸，幾好味。而龙脷柳就好柴同過咸，水準一般。

相約朋友食午飯，朋友話哩間餐廳食過唔錯推介一齊去食。由於早到，叫朋友比個地址我響餐廳入面等。如果唔係餐廳隔離寫住大大隻 「大有街34號」，同埋門口有堆人好似有野分咁。正常應該唔會發覺係一間餐廳門面。因為個門面係一幅白色牆😂一堆人響門口原來係比錢離開，好彩12:50pm 到咁岩有位，跟住就一路睇menu 等朋友到。其實樣樣都好吸引，但因為我見周圍既人都叫鰻魚同三文魚便當。於是千睇萬睇要左鰻魚，而朋友一到唔駛諗就要左三文魚便當。跟住朋友仔就好熟練咁去左自助位度拎湯。侍應姨姨好好禮貌問一切ok 嘛？午餐繁忙時段無燥底實在難得😂便當靚靚仔仔，我最欣賞係佢d菜係有調味架！秋葵有蒜味，下面椰菜係用牛油整！好多時餐廳搭兩條菜係求其烚下就算，真係會灰左。鰻魚好吃的，但係我覺得三文魚仲好食，所以朋友仔不滿三文魚被搶😂😂😂😂女仔來說我係食得多野😂成個食晒之後朋友仔問我夠唔夠飽😂佢話可以加飯😂😂😂😂係可以問餐廳加白飯😂最終當然無加啦。因為好飽。被搶三文魚的朋友仔都唔駛加😂今次朋友無介紹錯。以這個價錢，一個便當包有好味的菜。有魚有飯有蒸蛋仲有自助湯任飲仲可以加飯！滿足呀。（加飯係朋友話我知，佢話佢加過，安全起

工作地點附近嘅新餐廳望住餐牌，日本野，便當，拉麵好吸引，再望望價錢$49！？先$49？$50都唔洗？就決定入去試下入到去再認真望個餐牌原來便當除左飯仲有一兜菜蒸蛋再望去餐廳角落大大隻寫住：免費添湯添飲😱問清楚侍應原來叫任何嘢食都可以有兩款湯：麵豉湯同羅宋湯，野飲就有暖水同綠茶叫完野食就衝左去拎湯我揀左羅宋湯，好足料好多菜，味道都幾好宜加出面好多都好重味好咸，我覺得係過火的之後叫左個鯖魚便當黎到見到成兜菜好開心本來都有擔心會唔會無味但又唔會，仲好香蒜蓉味仲有隻薯仔咖喱角同埋生菜（沙律）飯唔算多但食左咁多配菜其實已經飽左味道都唔錯，係珍珠米，有燒汁魚方面有兩舊，味道都一樣幾好注意番有一舊有骨大家食時要小心同事叫左鰻魚，佢話都好好食又好大舊如果要話有野唔好，就係枱與枱距離比較窄其實我自己還好，不過就戥啲侍應辛苦

點解要講呢間店舖隱形呢？因為餐廳既外觀好容易俾人MISS咗，係出面完全睇唔到餐廳入面既情況，但門口個MENU價錢又好吸引，所以就入去試一試先一入去感覺唔似普通茶餐廳反而好有日本FEEL，餐廳設計簡約，俾人幾舒服既感覺 。雖然我地一行4人要搭枱但感覺係良好既＄48 和歌山麵豉地獄拉麵睇哂成份MENU得一個拉麵係辣既，鍾意食辣既我點會唔叫佢呢～要試下佢有幾地獄上枱見到個樣都好似唔太差，有D辣咁樣，結果係一D都唔辣所以我都有D失望而且個湯都偏咸所以小妹對湯底係俾個麻麻既分數麵既軟硬度都可以接受而且豚肉都幾厚既，所以配料方面都算唔錯，差D忘記左仲有半隻流心蛋餐廳亦有自助部分包括有2款湯同飲品（水及綠茶）供應。當日有羅宋湯同忌廉湯，但2款湯味道都不是太吸引因為羅宋湯太咸；忌廉湯太淡無咩味小妹覺得個環境幾舒服，LUNCH HOUR 一個小時可以係呢個環境差差電都唔錯

午餐時間經過大友街，頭痕緊食乜之際，見到門口廣告牌，有便當食，仲要係48蚊超多野㨂，唔使諗直接衝左入去😂。估唔到工廠區有如此清泉，環境好新好光猛，感覺乾淨企理，應該開左無耐。午市套餐, 全部48蚊咋😚仲唔收加1, 選擇好多，有拉麵，便當，焗飯等等，總有一款啱你心水。茶水自助，非常方便。出面完來仲有湯飲，超開心！湯有兩款，忌廉湯同羅宋湯。✨忌廉湯： 其實真係飲唔到咩味，唔係粟米又唔似南瓜，係好唔忌廉既忌廉湯😓佢仲要有陣煲燶左底既𤓓味，希望好好改善下。✨羅宋湯：呢個好飲好多，味道正常。不過同事們覺得太咸，我覺得酸度ok, 幾濃味，不過不失，一碗就夠皮喇。佢個上菜速度都幾快，我叫左個黑蒜豬骨濃湯博多拉麵，賣相都幾吸引。✨湯底其實就普普通通，48 蚊點會比到豬骨濃湯你，都唔能夠期望太高。不過佢個麵都幾有咬口，軟硬適中，最驚喜佢入邊有半隻溏心蛋，完全食到半流心既效果，幾嫩滑。✨叉燒好薄，有兩塊，有炙燒過既香味。食落半肥瘦算幾腍身，呢個價錢有呢個質素都算係誠意之作。✨跟餐仲有沙律，有蜜桃，紅腰豆同梨。個梨我覺得太腍了，口感不太好。同事食鰻魚便當，我試左啖鰻魚都幾好味，好肥美，不過便當份量就比較細，

又係搵食既時候見到呢間，午餐選擇好多之餘，仲價錢好吸引，所以決定入去試下佢質素係點先究竟呢個$48既便當有咩揀呢，嘩，西京燒，豬頸肉，牛，雞，竟然連鰻魚都有，唔係講笑，出面食個鰻魚飯，閒閒地都過百，而家$48有鰻魚，有飯，仲有沙律同一杯甜品，真係唔係唔叫呀嘛首先，沙律，係由椰菜花，西蘭花，甜豆，紅籮白等組成，份量都算多，之後主菜鰻魚，雖然冇鋪滿成個飯，但有咁既份量真係好滿意，咁當然唔會好味到叫你必食，但真係好過你自己煮總括黎講，下次行過都會黎再試再食，而家要搵一間抵食午餐真係唔容易，呢到真係好豐富，CP值爆哂燈

嗰日去開新蒲崗做嘢，係附近食午餐，行行吓見到有一間幾吸引咪去試吓囉。入去見到餐湯任飲，湯味道非常濃郁。前菜嘅豆腐非常滑。定食前菜非常清新，主菜牛肉非常之好林，醬汁味濃，亦非常足料。仲有嘢飲。

很開心可以發掘到這間別緻高營食店。它就在不當眼的新蒲崗轉角，毫不起眼。但一入去環境十分舒適，裝修優雅。特別推介它們的午餐十分豐富，有一分沙津或什菜，加一分主食，再有一個小side dish 及飲品，實在是有營之選。還有，任何惠顧堂食可任飲麵豉湯或羅宋湯，想唔食到你飽都唔得。衛生環境都十分不錯呀，個餐竟然$42，真是超級低食！

一般中午會到公司附近這間新開得又一間食飯。前兩日幹時間要見客，叫自取外賣。點知一打開聞到盒飯有啲問題。本以為上面芝士燒焦了。點知盒飯個底完全唔食得... 一個字。差！

I have a secret obsession. I am obsessed with bento boxes. Creating them. Collecting them. Staring at photos of them all night online. Whenever I'm in Japan, I always tend to bring back one bento box or item and like a woman possessed, I try to recreate them for lunch. My coworkers have gotten used to my beautiful creations during lunch hour when I crack open my box.So, when I saw photos from Mo-Ikken Cafe on Openrice where they served their food in a bento box, I said to boyfriend .... can you

叫左兩個$48午餐，加$4熱飲地獄湯拉麵：半肥瘦肉，雖然係鞋口左少少，但味道不錯，有香燒既味道但我都係覺得個湯底一啲都唔地獄同唔辣京燒三文魚定食：黎到個份量唔算多，但勝在有一碟豆腐沙拉同蒸旦蒸旦好滑👍🏼好香旦味👍🏼淨食撈飯都一流😌仲有任添羅宋湯同味噌湯👅👅2:30仲有下午茶

去開附近，點半鐘，揾下有咩食呢間新開的，本身過咗都見唔到，好唔顯眼之後揾openrice 先發現門外乜都睇唔到，好神秘入到去又幾靚，別有洞天吓～午巿套餐有好多款揀，試咗三文魚、牛肉同鰻魚（鰻魚忘了影相）$48一個餐，都幾抵唔知有跟通粉，太多啦～仲有得自助斟水、茶或湯一粒粒係炸芝士年糕，都ok開頭以為係炸薯波⋯個燉蛋最尾食都仲熱，好味加$7  有甜品，芒果布甸唔錯，奶凍朋友食午巿餐飲品要加錢，仲有得加小食，不過食唔落了。食唔晒，其實俾菜就得架喇

冇諗過係工廠都竟然搵到一間幾有特色嘅午餐飯盒....！前身喺麥當勞.....依家做一間幾得意嘅餐廳呢間野真係得得比喎晏晝食lunch一定要大排長龍先有位坐因為佢有一個好吸引嘅事情.....就係羅宋湯同面豉湯任飲我同事不得了....一個男人飲咗5碗羅宋湯佢就翻晒本啦佢啲套餐都幾有特色我叫咗個三文魚定食....都幾好味....只係份量少左少少....但係有春卷小食送仲有個燉旦送而且佢嘅鰻魚定食都唔錯....啲魚身肥嘟嘟脹卜卜