紅蟻泰國菜

Open Now

Now Closed

地點隱蔽，平日經過的朋友都無留意。食物中規中矩，只有幾款較特出，不過勝在價錢平，9個人點左19碟菜，點到成枱都係，食buffet咁，連啤酒飲品雞油飯，每人唔使兩舊，抵到喊，成班人柴娃娃，真係點得開心又放心。

經常幫趁的泰國餐, 主要都係食晚餐今次人多, 可以一次食多幾樣最鐘意係生菜包, 唔太辣又多菜仲有串燒雞翼, 啲醬好正菠蘿炒飯好大份條魚燒得好似好黑, 但魚肉好滑好味唯生蝦刺身唔夠爽口好抵食, 所以會繼續幫趁

公司附近食店唔多，呢間泰國菜店員廚師全部都係泰國人，食物又正宗又價廉物美🤤第一次黎係食炒金邊粉，香蒜辣粉撈埋金棕色嘅麵條同爽口芽菜，加上份量十足，香辣惹味，令我眼前一亮。後來去曼谷旅遊先發現佢同街邊嘅PadThai一樣夠曬火候，味道仲更加濃香開胃添！！事隔好耐今次又再食佢個海南雞飯，先醒起不得不讚，油飯超級香，粒粒分明，白切雞嘅肉製超級嫩滑，雞味濃郁，加上畫龍點睛嘅醬汁，呢隻醬真係好有特色，香辣帶微酸，開胃得黎又唔會蓋過雞肉嘅味道，一碟飯岩岩好陪曬成碟醬汁，份量啱啱好👍🏼已經帶過好多唔同朋友黎呢間野食泰國菜，嗜辣嘅大家都讚口不絕。地點並唔便利，但就算係特登黎食翻次都絕對值得，食過你就知🤤👍🏼👍🏼👍🏼👍🏼👍🏼👍🏼

the restaurant is operated by a thai family and they serve local thai food with fair price. i ordered a spicy mince pork rice, which also comes with an egg. the mince is nicely cooked and you can smell the basil and different herbs. kindly remind its quite spicy. 由於間鋪細，晏畫泥親都大排長龍， 夜晚好d. 呢間飯館係泰國人開， 有好多泰國平民修飾。 我夜晚泥， 仲見到佢兩個小朋友xd 由於一個人泥， 就簡簡單單叫左碟香辣肉碎飯。 而佢的確做到 香同辣， 相當出色，野味。 好彩師傳放低完碟飯之後， 見到我冇叫野飲， 就突登針左一大杯水俾我。 唔係就辣到hi hi. so sad一個人泥， 見到隔離檯d串燒好正， 不過一叫就要半打起。。

哈! 這間由地道泰國人主理泰國小餐廳，環境不算太好， 但食物就不錯。 有午市餐牌， 由 A至 G餐， 只要$38咋， 現在很難找到味道好又抵食嘅食店架。 老闆將心機放在食材及煮功上， 即使店舖很簡單， 也有很多人幫襯。試咗個菠蘿炒飯， 不油膩， 輕輕帶出菠蘿香甜， 好好食啦!

幾天都忙於拜年，差不多已經走遍港九新界。跟隨拜年團隊，我們決定去到那裡食到那裡。牛頭角，平時很少踏足的地方，今天因為拜年來了。晚上留在這裡找到一間泰國菜館因為過年關係吧，附近很清靜，我們被旁邊燈火輝煌的生果店吸引過來，再找到這間泰國菜館。因為太口喝了，首先叫了一杯龍眼冰，出乎意料好喝，味道清新，里面還有4到5顆龍眼肉，仿佛在告訴你它有多麼真材實料。燒雞全翼，買相普通，但其實皮燒得很脆，肉汁豐富，奇怪的是食起來不油。肚餓的我狼吞虎嚥之下就解決了整個雞翼，食完感到回味無窮。食完雞翼，剛好家人叫的泰式炒金邊粉炒好上台。外表金黃，可惜食起來感覺味道稍淡，花生碎不香，沒有起到應有的效果。這時侯加點新鮮青檸汁撈一下，想不到又變惹味起來。如果嫌泰式金邊粉味稍淡，就夾上蝦醬通菜拌著一起食，偏甜的金邊粉遇上偏咸的通菜，這種結合竟然又是另一番風味。這時侯食物味道顯得不重要，重要的是大家心情都愉快，一邊食一邊談一邊笑，充滿過年氣氛。過年又稱為春節，各行各業放假，人們出門去拜年和參加各種慶祝活動，每個人都那麼開心，心情愉快，中國人傳統一定要貼春聯，在街上、路上到處都是吉慶的字眼，表達人們希望來年興旺，生活幸福

這間泰菜真不錯，味道好，仲平過觀塘街市，辣肉碎炒河，唔係得肉碎，仲有好多料。 燒雞翼即叫即燒13蚊隻沙律好開胃，唔會太辣。咖哩就一般啦，汁多過肉，加個飯會好d，不過今次食薄餅，都唔錯。

同事帶我來試這間住宅區内的泰國菜館，裝修很普通但泰國人主理，同事很推薦。泰式豬手飯的豬手很淋，有些酸菜，味道也好。同事的炒金邊粉也很香啊！但注意很多食客排隊，故不能坐太耐！

今日難得同朋友你都牛頭角呢度, 經過介紹之下黎到呢間泰國餐廳, 今日整天都落雨, 平時行5分鐘嘅路程今日行覺得好似特別遠... 經過一番找尋之下終於搵到呢間鋪仔啦👏🏻👏🏻👏🏻鋪仔位於內街而且唔係好大, 職員都係泰國人, 感覺似做街坊生意多... 今日黎到仲可以食到呢度既午餐, 每款午餐都係＄38, 而且呢度冇收＋1, 真係好抵! 黃咖喱雞飯黃咖喱個醬汁唔算太杰身, 比較稀.. 不過味道方面咖喱食落都比較香, 而且黃咖喱唔辣, 好適合攞嚟撈飯! 👍🏻👍🏻👍🏻😆雞肉食落好嫩, 除咗雞肉之外, 仲有大量嘅洋蔥同埋青椒, 分量方面都幾多! 不過因為醬汁實在太好味啦, 不知不覺我竟然食晒成個飯😂朋友叫咗一個炒金邊粉金邊粉望落去嘅色水比一般嘅深, 食落去都比較濃味, 愛好濃味口味者定會好鍾意! 😍👏🏻整體味道的確唔錯! 👏🏻😋 可惜佢位於牛頭角, 住喺觀塘我表示有點遠🙈🙈🙈 如果唔係我一定會經常來幫襯

呢間街坊小店既特色~~ 每道都偏甜是日點餐：青咖哩雞 + 木瓜沙律 + 蟹肉炒飯 + 薄餅 + 三色冰青咖哩雞 – 份量足，雞肉頗滑、好送飯飯; 有茄子、車厘茄等配菜，豐富~!木瓜沙律 – 份量足，可以再凍DD，辣辣甜甜好醒胃蟹肉炒飯 – 粒粒炒飯都帶點海鮮味，還有少蟹肉、蛋絲薄餅 – 1客4塊，脆脆的、點咖哩好入味三色冰 – 朋友說好甜番食指數：＊＊

朋友聚餐，之前已經聽朋友推介這間餐廳，所以特意到這間餐廳一試。其實如果不是朋友推薦我應該唔會選擇這間餐廳，理由很簡單1.這間餐廳位置不是市中心，要「特登」才會到那個位置。2.在門口看上去，好似比較家庭式，這些店大多數服務不會太好。不過我真是睇錯了，原來朋友推薦得有道理，這間店雖然位置窄、店面小，但因為人流不太旺，所以不會「吹」你離開，價錢平，食物足料，可以一試再試。還有特別推介椰青，好似30多元，現在已經很少這個價錢的了，這樣大推頭，每人只是百多元，都可以換受了。

返新工識多咗啲為食同事, 一齊食lunch就可以食多d野喇  夠時間可以行過黎呢邊, 都好多好餐廳 跟餐嗌汽水+$4, 龍眼冰鹹檸7 +$5椰青$28泰式串燒 半打$55雞同豬嘅肉質都幾滑, 大大串咁好抵食 香葉辣椒肉碎炒河$38有豆角,蕃茄,辣椒,青椒,洋蔥,雞肶菇炒埋好多蔬菜 鍾意食辣的朋友唔可以錯過(我仲回味緊haha)泰式菠蘿炒飯$38 主要係咖哩味, 配埋提子乾, 腰果加埋啲臘肉, 好香!香葉辣椒肉飯$38用蒜頭辣椒炒得好香好濃味, 多啲肉就好喇  泰式炒金邊粉$38先有好香嘅蕃茄味, 如果鍾意可以撈埋隔離啲辣椒乾, 亦可以加啲青檸汁, 甜酸辣都有 燒雞全翼$12行過黎已經聞到好香燒雞翼味, 一定要試下喇 

呢排天氣好悶熱，好想食泰國野。所以近近地同老公落左屋企樓下食，我哋點了海南雞味飯、生菜豬肉碎、醃去骨鳳爪、 木瓜沙律海南雞味飯 - d雞好滑好好食丫~~生菜豬肉碎 - 惹味都幾地道醃去骨鳳爪 - 不過不失啦木瓜沙律 - 清甜醒胃，好味道!!! ( 食得辣的話，記得叫佢加辣呀!! )