紅蟻泰國菜

Open Now

Now Closed

放lunch食個泰式湯河叫左碗清湯雞絲河湯好飲夠味 雞肉係海南雞肉 好好食😋！唯一唔好係唔夠飽 份量偏少 泰式奶茶都讚！ 唔算好甜 平時唔點飲奶茶既我都飲得晒。海南雞飯就一般般 油飯喎夠香雞肉今次係雞胸 個人喜愛雞髀肉多啲

叫lunch set 泰式豬手飯 $50黎錯左個泰式豬肉炒飯$71仲話我嗌錯 服務態度好差雖然話俾過碟我 我都怕你加料啦 炒飯超多油 多油到外觀睇已反晒光飯一舊舊 黏埋一齊 炒唔開咁又少料 豬肉得果幾粒碎 菜又得幾粒泰式飲茶好稀 無茶味 奶味就淡到好飲溝水咁結論係清水仲好飲過杯茶個飯食左一半都無 好似只係食左幾啖 就食唔落 無食 真係哽唔落點解炒飯可以炒到咁難食仲有餐具有污漬 睇見都唔開胃雖然舖頭係家庭式經營 應該要支持下但真係好難食 難以接受

舊時係牛頭角返工都係嚟呢到買外賣返公司, 貪佢平而且味道對版, 咁啱有一晚要到附近, 食個早晚飯試試夜市如何 要留肚之後再食, 叫咗4樣比較輕食泰式冬蔭公 (S) - 雖然叫咗細份, 都夠2個人分到2小碗, 味精夠酸夠香小辣加埋砂煲保溫夠熱, 入面都好足料, 有蝦有菇有車厘茄同埋好多香茅, 蝦唔算爽彈但唔係霉嘅沙嗲串燒 (豬雞雙拼) - 即叫即燒要等耐少少, 正正常常似泰國街邊店嘅味道泰式青咖哩豬 (加辣) - 冇諗過會用煲仔上有驚喜, 不過加咗辣都唔算好辣, 豬肉份量都少咗啲, 反而菜(四季豆, 茄子)就有好多, 不過配薄餅點汁都幾好家庭式小店就係有人情味, 睇到佢地分工合作, 小朋友都乖巧幫輕屋企人嘅情境, 周圍都掛滿泰皇嘅肖像, 電視播緊泰國電視台, 其實都幾開心

喺外賣平台見到呢間泰國餐廳餐廳，諗住幫襯小店,叫咗個$45青咖喱雞飯外賣，真係完全冇良心餐廳，仲以為自己叫咗青咖喱齋,啲雞粒細到搵唔到，矮瓜仲多過雞好多，成碗所有雞粒加埋都冇正常兩件雞既size。反而另外個菠蘿炒飯飯啲雞粒仲多過個青咖喱雞飯。真係無言。另外杯凍咖啡又冇咖啡味，得水味同夠凍。雖然唔係貴野，但都應該要有正常水準，對得住良心，唔明咁樣都可以出貨比客人食，好似完全預咗你唔會回頭。通脹高都唔係咁樣做生意。

中午入座時只有幾個食客，我地二人各自落了一個飯跟野飲。第一個飯很快送到，味道還好。但員工落漏單，朋友食完但我個飯都未到。同另外一名員工講差一個飯未黎，佢直接就話我地無落單，然後發悔氣話無單。到其他食客的飯都相繼送到之後才到我的飯。同行朋友已經食完15分鐘。員工放低飯時更重新指責我們無落單。然後收錢時更沒有計清楚，直接想收多我地$10, 要我地重覆計一次俾佢。自己落漏單仲要無禮貌，沒有單 胡亂收錢，不會再幫襯。一邊食，一邊見到有兩隻小強走過。其中一個員工一腳踩死後就咁用手扔掉，但我無見到佢有消毒或洗手 就直接再送餐俾其他人

店舖牛頭角的街道，位置容易找到。椰汁雞湯，有點像冬蔭功湯的味道，但多了點椰奶的香氣，湯底配料也很足夠，雞肉煮得很軟。很喜歡泰式的茄子在這湯裡，吸盡椰汁雞湯的湯汁，但仍保留本來食物本質的味道。青咖哩雞肉，肉類煮得軟嫰，不會過老。椰奶味道比例適中，與咖哩的辣味配合得剛剛好，很下飯。老闆說有新鮮的蟹，所以我們點了這蟹肉炒飯，果真不負所望，味道很不錯。吃得出一絲絲的蟹肉絲，不會有腥味，肉質鮮甜，令炒飯本身的油膩感也減走了。

1. Tom Yum Goong (middle spicy)2. Curry Crab3. Steam Fish on stove with garlic, chilli & lime4. Stir Fried Mini Cabbage5. Garlic Bread6. 3 x drinks$600+One of the most authentic thai food found in HK. The best by far surprising located at a not so popular location.

又有啲同事介紹我去遠啲嘅地方食個平價午餐齋聽個銀碼，唔超過$50有嘢食有嘢飲都幾吸引嘅仲要係泰國嘢添即管去試一試去到見到門口個餐牌寫住特價午餐每款都係$42嘩抵喎如果你唔飲嘢就真係$42可以埋單但係飲埋野都係加多$5咋喎我睇咗好耐......大眼同事仔推介我食茄子碎肉飯，咁我呢個有選擇困難症嘅人，就幫我解決咗啦果然冇介紹錯啲肉碎辣辣地配埋啲茄子飯底又係我鍾意食嘅硬度👍🏻👍🏻👍🏻我加咗龍眼冰都係$47咋性價比真係好高喎而且啲飯份量都唔算好細啊👏🏻👏🏻👏🏻不過環境就麻麻哋🙈Ps: 我試咗其他同事各一啖嘅午餐性價比最高嘅係菠蘿炒飯👍🏻其他都好好食👏🏻👏🏻

牛頭角食泰國菜，呢間都可算係首選，三個字︰平靚正。再多一樣︰夠地道。星期一至五大約一點嚟到通常都唔使等，不過都已經就坐滿。嚟呢度食基本上係真係食食物本身價值，唔係環境服務，因為鋪面台櫈比茶記更茶記，但服務員保持一貫泰國朋友優良友善傳統。唔知由幾時開始加左價，不過仲係有性價比。我可以無限encore嘅豬手飯，有半隻蛋同少少酸菜，夠諗夠入味，成個口味唔會過份濃，惹味得嚟帶清爽，份量唔多但夠送飯海南雞飯，望下周圍一定好多人食緊呢樣，口感清爽pad thai都成日食，加左價之後份量反而少左，但係味道依舊有水準，粉同配菜比例適中，所以口感不俗，亦唔會得聞落去香，食落唔夠味，真係做到色香味俱全蝦醬炒通菜，第一次叫，菜葉索晒汁，唔會過咸，好惹味豬頸肉沙律，都係第一次叫，全部人一致大讚，豬頸肉份量足夠大件，食落仲好爽，醬汁酸酸辣辣好惹味，配埋西芹嘅脆，同肉嘅爽，不能更開胃夏天可以加杯龍眼冰，一啲都唔死甜，唔會令你飲果陣爽，返到去口干死呢間野其實已經食左好多次，串燒，生菜包，湯粉從來冇中過伏。lunch基本上個個都係叫碟頭飯面，不過因為價錢唔貴，建議兩人或以上嚟食，仲可以夾埋share試下啲小菜,因為真

夜晚收工同男朋友入住新開的「工業家酒店」，一路行去check in，發現夜晚在牛頭角原來無乜餐廳食，間間都好早閂門。（咁啲人OT食乜？）然後酒店職員叫我們過去定業街呢邊望下，有幾間揀，結果食到呢間泰國菜，出奇地好食！點解會行入去，係因為見佢舖頭細細又up dup但係都多人坐（相對其他舖），同埋在出面聞到啲味都好香，價錢都算合理～飲杯龍眼冰（$20）開心下，有少少淡，但係都好飲既泰式蝦炒金邊粉（$89），不錯！食落唔覺油膩～唔heavy串燒沙嗲（$62）係呢個菜式驚艷咗我而特登黎打呢篇openrice！有雞有豬，各3串，雞肉好嫩滑，味道好濃郁，上等之作！呢個就menu無既，但貼在牆上的圖片就有，$100碟，都好食～結論：推薦呢一間！

最近公司搬咗黎頭啦咁附近就係工廠區林立啦咁就好多茶餐廳啦但係都有一間泰國菜入面都係泰國人主理我叫咗一個肉碎蛋飯肉碎幾入味但係加蛋就要將個餐貴左成20幾蚊價錢有少少唔經濟另外杯凍奶茶就冇乜奶茶味整體就不過不失啦到咗工廠區都食到泰國嘢

由於上次經過附近見有一間泰國餐廳 於是今日閒日星期三12點半左右專登去食午餐 店鋪唔多人 即刻有位 叫左個海南雞飯同青檸樂 朋友叫菠蘿炒飯同青檸梳打 上菜幾快 唔使5分鐘到齊 食物質素真心一般 海南雞雞肉分量幾多 雞肉略嫌唔夠嫩同冇雞味 海南雞既醬汁亦只得一款 最重要既飯係冇油香味 飯身乾 送既湯普通。朋友叫既菠蘿炒飯亦頗失息 配料小 冇果仁 炒得亦唔夠香 冇陣陣菠蘿味。2杯特飲要另加5元，但味道頗佳。整體黎講咁既價錢咁既質素亦無可口非。食到咁上下店鋪開始多人 有位泰籍店員見我地食完大半 開始專登過黎「執野」 本來我地都覺得午餐時間店鋪做多幾轉生意亦好正常 我地都默默食 冇點傾計 點知個店員見我朋友放低筷子 就伸手黎話收野 我朋友亦即刻表示未食完 之後到朋友食完 佢就立即要我地埋單 仲收埋我未飲完既湯 同佢表示話我未飲完 個店員竟然反過黎斥責我食左好耐 對面枱見到咁既情況都呆左 因為佢地都見到我地一直食冇停過 最後我食埋舊雞就走 杯野飲都冇飲 其間個店員仲一直表示係我食得慢 阻住佢做幾枱生意 我最後回應佢「咁既服務態度我唔會再黎幫襯」 個店員反駁我話「唔黎咪唔黎，唔緊要」結果我下午1點

好耐無黎過呢附近食野，記得好多年前同屋企人黎食過一次，呢日經過男朋友話呢間好食就入左去喇~入面d店員全部都係泰國人，裝修簡單但坐得都算舒服，價錢好平，午餐都係$38蚊，加杯冰$5同男朋友一齊嗌左炒金邊粉同海南雞飯，龍眼冰同咸檸七，仲有串燒。個金邊粉好香食落好得，食香味俱全，本身無 expect $38蚊咁平會有咩特別，但好好食，味道適中唔會太咸，芽菜呀其他配料好爽口，唔識形容但成個感覺真係好好味；海南雞飯搶左男朋友一啖黎食，d飯有雞油好香，粒粒分明，食落香口，d雞都好滑，個醬汁酸+少少辣好醒胃串燒個汁好香花生味，食落甜甜地，串燒食落OK唔會太鞋成餐食得好滿足，又平又好味，價廉物美，一定會再幫襯

誤打誤撞之下見到呢間泰國餐館，間舖外表同間普通茶餐廳冇咩分別，以為會係啲港式泰菜餐廳，所以本身都冇咩期望，點知喜出望外！入到去見到啲店員原來係泰國人黎，即刻就有番啲少少信心。店裡環境都算幾好，雖然較簡陋，但座位幾寬敞，而且乾淨企理。餐牌上種類算多，你諗得出既一般泰國菜式都幾乎有。我地就叫左菠蘿炒飯、蝦餅、芒果糯米飯。炒飯唔錯，但可以再入味啲。蝦餅炸得幾好又大舊。都喜歡係佢個芒果糯米飯！雖然賣相平平，其貌不揚，但係非常好食！原來正宗係啲飯熱食，芒果都幾多，啲飯好夠味，配埋椰汁真係食到停唔到口！買埋椰青糕同椰汁糕，椰汁糕好有水準！推介這間低調的正宗泰菜餐廳！質素比起九龍城嗰啲有過之而無不及，價錢仲平啲！

係牛頭角俾我搵到間民間正宗泰國菜。唔洗去到九龍城都食到 😃價錢唔算好貴，就入去試下喇！叫左個炸蝦餅即整，熱辣辣。熱到要等一等先食到😂咬落好爽口，好有蝦既鮮味。沾埋醬仲好味，酸酸甜甜，好開胃！👍再叫左菠蘿海鮮炒飯。通常係出面叫既菠蘿炒飯都會放係舊菠蘿上面。但呢間無。但我反而覺得仲好，因為總覺得舊菠蘿會重用 😂呢個飯炒得幾好味，味道岩岩好，唔會話好咸同好濃味。撈埋d肉鬆連埋舊菠蘿飯，就更好味！👍再叫左個 芒果糯米飯！呢一碟係我係香港暫時食到最好味的。原因： 糯米飯是暖笠笠的！係泰國食既正宗糯米飯都係暖的，因為可以令到椰漿唔會“瓊“，如果啲飯係凍既，就會連埋啲椰漿成舊硬左，會好難食！而香港通常都好少食到暖既糯米飯。呢間竟然係！ 而芒果仲好甜，應該係用番泰國出產的。甜味係唔同d😍另外再叫左椰汁糕同椰青水糕 外賣慢慢吃！估唔到個椰汁糕都可以整到咁好味！因為佢加左啲芋頭落去，味道就更加好味！反而椰青水糕就麻麻，咬落有點實。😖但味道係鮮甜的。 值得一試的餐廳 ！😍